معلش اسفة عالعنوان
لكن الحقيقة
منتهى الاستهار ان الدول الاسلامية ماتكونش موحدة يوم العيد
السعودية والامارات والكويت ومش عارفة مين يوم
واحنا فى يوم
اية دة
مهزلة بجد
قال بيبحثو موضوع تواجد قمر صناعى اسلامى غير ناسا
وناقصهم كام مليار لاء بسيطة
على ما مالطة تخرب تكون اتدبرت
انا بحثت كتير فى الموضوع دة
لاقيت انى مش لواحدى اللى بفكر بالشكل دة
لاقيت ان الموضوع شائع وانا مش واخدة بالى
شوفو بقى لاقيت اية

لقد
أفتى علماء الاسلام بضرورة توحيد دخول عيد الفطر حال ثبوت رؤية هلال شهر
شوال وذلك لجميع المناطق التي يجمعها ليل واحد أو جزء من الليل - وبناء
على ذلك تكون المنطقة من المحيط الى الخليج منطقة واحدة إذا ثبت رؤية هلال
الشهر في أي دولة بها - إن إستخدام الوسائل الحديثة في استطلاع الهلال
لايدع مجال للشك لعاقل من إدراك دخول الشهر - ليكن هذا مطلبنا من الان -
الى جميع علماء الاسلام في كافة الاقطار -وحدوا صفوف الامة بتوحيد بداية
الاشهر ,كما توحدوا بالوقوف بعرفة

اشتدت
وتيرة الجدل والخلاف بين علماء السعودية حول الطرق التي ينبغي علي
المسلمين أن يلجأوا إليها لمعرفة دخول شهر الصوم وانتهائه، حيث شدد البعض
علي اعتماد الرؤية المجردة لإثبات بداية الشهر أو إكماله حتي نهايته في
حالة وجود ما تصعب معه رؤية الهلال من غيوم أو ضباب، فيما يدعو آخرون
بمسايرة العصر والاستعانة بالأجهزة الحديثة واتباع الحسابات الفلكية التي
توضح بدقة ولادة الهلال.
وكانت هيئة كبار العلماء بالسعودية قد
رفضت اعتماد الحساب الفلكي في رؤية هلال رمضان وأكد سماحة الشيخ عبدالعزيز
بن عبدالله آل الشيخ المفتي العام للمملكة أن الحساب الفلكي الذي يقوم علي
المعادلات الرياضية في صيام رمضان وفطره لاقبول له في شرعنا وقال سماحته:
من شكٌك في رؤيتنا وصومنا أو إفطارنا فذاك دليل علي قلة إيمانه ونقص تصوره
ولفت إلي أن الرسول صلي الله عليه وسلم قال قولا فصلا صريحا (صوموا لرؤيته
وأفطروا لرؤيته فإن غمٌ عليكم فأكملوا الشهر) وقال (لاتصوموا حتي تروه
ولاتفطروا حتي تروه) وأضاف: أن سنة رسول الله صريحة، لأن الصوم، المعتبر
به رؤية الهلال فإذا رأينا الهلال وجب أن نصوم اما عن الحساب الفلكي فقال،
هذا لا قبول له في شرعنا

نقلا عن جريدة اخر ساعة

[/b][/size][/b]وكانت الفتوى التي أطلقها الشيخ عبد العزيز آل الشيخ حول توحيد رؤية هلال
رمضان وصيام المسلمين أثارت الكثير من التذمر في مصر كما آثار رفضه الحساب
الفلكي المخصص لرؤية هلال رمضان انتقادات واسعة.

وحذَّر يوسف من الأبعاد النفسية الخطيرة التي
تعتبر نتيجةً حتميةً لاختلاف مواقيت صوم الشعوب الإسلامية وفطرهم،
موجِّهًا رسالةً يائسةً إلى الحكام العرب تناشدهم بتوحيد صيام الأمة وهو
أقل الواجبات الحالية لتأكيد أن أمتنا واحدة وهلالنا واحد.

والكلام كتير
والخلاف اكتر
وربنا يوحد صفوفنا وكلمتنا يارب

شكرا منى وهبة على مروركم
اهو الواحد بينفس عن اللى جواة

لما نشوف يمكن السعودية تقف عرفات فى يوم
واحنا نشوفلنا عرفات تانية نقف عليها
على رايك ياهبة هم يبكى وهم يضحك

مشكورين

والله ياايات عندك حق فى كل كلمه

انا مش فاهم ليه احنا بالذات اللى نبقا مختلفين


كل الدول الاسلاميه تفطر النهارده

واحنا اللى نبقا مختلفين

وممكن ياايات والله كل حاجه متوقعه فى الزمن ده

والله اجمل حاجة في التوبيك ده هو العنوان مهزله بالفعل
الواحد كل سنة يتكلم في الموضوع ده ومش عارفين ايه الحكاية بالظبط ولا هما عاوزين ايه

انا والدي بيحكيلي علي موقف للشيخ الاسبق للازهر
فضيلة الشيخ جاد الحق علي جاد الحق

انه في سنة من السنوات وفي الاحتفال اللي بيقام لاعلان نتيجة استطلاع هلال رمضان وبيذاع ع الهواء مباشرة كالمعتاد
أعلن فضيلة الشيخ ان غدا المتمم لشعبان لانه لم تثبت رؤية الهلال
ولكن في نف س اللحظة دخل واحد وتوجه للشيخ وميل عليه كده وقاله كلمتين في ودنه
طبعا محدش يعرف قاله ايه
بعدها قال فضيلة الشيخ جاد الحق رحمه الله جائنا الان خبر أن احد الدول العربية -مش متذكرها بصراحه- انا قد ثبت لديها رؤية هلال رمضان
وبناء عليه بكره أول رمضان

رحم الله علمائنا الأتقياء
وأصلح حال أمتنا الاسلامية

تسلم ايدك

ميرسى على ردودكم وتفاعلكم مع الموضوع
هما بيقولو فى مشروع توحيد الهلال
لما نشوف هيبقى امتة والا هيوصلو اية
المهم انهم معترفين
ودة فى حد زاتة امل