شيمو الاهلوية
:: من كبار التريكاويه ::
المشاركات : 3481
العمر : 36
محل الاقامة : مصر ام الدنيا
الوظيفة : مشروع دكتورة زهقت خلاص هه
الهوايات : رسم وشعر والقراءة سابقا واحيانا النت
بتشجع نادي إيه : الاهلى حبيب قلبى
لاعبك المفضل : محمد ابو تريكه الفنان وكا
تاريخ التسجيل : 17/05/2008
التقييم : 4
نقاط : 6578
::: : 
|  موضوع: مات حسام لكن فيه غيره الاف محتاجين ليك هتساعدهم  2008-10-01, 1:06 pm | |
|  ربنا انعم علينا بنعم كتير ومنها نعمة الصحة وهى نعمه غااااااااااليه جدا جدا وفى غيرنا محروم من نعمة الصحة دى وبيصارع المرض سواء اطفال شيوخ نساء ودى حكمه ربنا واختباراته للبشر
انتوا دلوقى بتقولوا مين حسام
انا هاقولكم حسام ده طفل عنده 11 سنة لكن للاسف اصيب بمرض السرطان وللاسف اهله ناس بسيطه لما اشتكى فى بدايه المرض مش اعطوا اهتمام لحد مالمرض انتشر فى جسمه كله
وانتوا بتسألوا انا اعرف حسام منين؟
احنا فى الكليه بنعمل زيارات لمستشفى الاورام مش 57375 فروحنا فى عيد الفطر السنة اللى قبل الماضيه علشان نشارك الاطفال دى فرحه العيد ويحسوا ان فى ناس معاهم وجنبهم وعايزين يسعدوهم واخدنا بعض الهدايا معانا وكم كان مشهد الاطفال حزين جدا حتى انى داريت دموعى من منظرهم علشان مازودش حزنهم ورغم المهم ومعانتهم اتكلموا معانا وهزروا وضحكوا لكن كان حسام نايم ع السرير وكانت مامته معاه حاولنا نكلمه لكن كان اشبه بالجثه الهامدة وكانت مامته معاه لما سألناها عنه وحكيت لنا اد ايه كان طفل شقى مالى عليهم الدنيا وكان متفوق ونفسة يطلع ضابط لحد مااصابه المرض وهنا بكت الام وكل اللى فى الاودة تأثر المهم لما جينا نزور حسام السنة اللى بعدها
لقينا السرير بتاعه عليه طفل تانى سألنا الممرضة وقالت حسام مات يمكن ربنا رحمه من العذاب والالم لكن اد ايه حزنا عليه
وحسام زيه ملايين من الاطفال فى مستشفيات فيها نقص فى العلاج الكيماوى وهم محتاجين لك ياريت توفر مبلغ من المال حتى لو جنيه او خمسين قرش كل شهر مثلا وتتفق مع اصحابك وعيلتك انهم يدفعوا مبلغ معين كل شهر وتودوا للمستشفى اللى فى مدينتك مش بتكلم عن 75375 واحنا بنعمل كدة فى الكليه علشان نساعدهم شويه فى العلاج
او فى مناسبة او اى يوم تروح تزور الاطفال وتقعد معاهم وتحسسهم بالفرحة واكيد دة هيفرق معاهم جدا ويساعدهم يقاوموا المرض
شوف لما تعمل كدة هتنول ثواب اد ايه ممكن فلوسك تساهم فى احياء نفس مريضة وصدقه تغفر بيها ذنوبك وخطوتك للمستشفى كانك بتزو ربنا لان المريض ده فى معيه ربنا
ولو مش هاتقدر تدفع حتى جنيه ادعيلهم فالله رحيم بهم واسفة على الاطاله لكن كنت عايزة ابلغكم رساله فى نفسى انا مش عايزة ازعلكم بس الاطفال دى فى حاجة ماسة لينا وامل يتمسكوا بيه |
|
JeMy
:: من كبار التريكاويه ::
المشاركات : 2714
العمر : 37
محل الاقامة : المنصورة
تاريخ التسجيل : 09/09/2008
التقييم : 0
نقاط : 6525
::: :
| | موضوع: رد: مات حسام لكن فيه غيره الاف محتاجين ليك هتساعدهم 2008-10-01, 1:27 pm | |
| فعلا والله سبحانه الله
ربنا يجا زيكى كل خير
الموضوع هايل يا شوشو
|
|
a7med met3b
:: مراقب سابق ::
المشاركات : 10287
العمر : 33
محل الاقامة : مــــصر
الوظيفة : لسه هقرر
الهوايات : كرة القدم والشعر والصيد والنت
بتشجع نادي إيه : الاهلى
لاعبك المفضل : ابوتريكه
تاريخ التسجيل : 23/04/2008
التقييم : 2
نقاط : 9368
::: : 
| | موضوع: رد: مات حسام لكن فيه غيره الاف محتاجين ليك هتساعدهم 2008-10-01, 2:58 pm | |
| |
|
الفيديو 
