يوميات اتنين مخطوبين (حلقات مسلسله)

تذكير بمساهمة فاتح الموضوع :

قرات تلك اليوميات من فتره واعجبتني جدا وفكرت ان اعرضها عليكم في حلقات متتاليه اذا نالت اعجابكم ان شاء الله
هى يوميات اتنين مخطوبين "عمر و ساره"

الحلقه الاولى

كلما تحدثني أمي عن زواج أحد الأقارب أو القريبات وعن الجهاز الكبير الذي رأته عند فرش المنزل الجديد تثور ثائرتي وأصاب بالحموضة من شدة الغيظ، فوالديّ قد أصرا على توفير نصف مرتبي من أجل ذلك الزوج الذي قد يأتي يوما أو لا يأتي.

ولكن ما دخلي أنا بكل هذا؟ إذا أرادوا أن يزوجوني فليدفعوا هم وليس أنا. لماذا لا يسمح لي بالتصرف بالمرتب كيفما أشاء. أنا مثلا أريد التوفير لشراء سيارة في خلال خمس سنوات. وكبداية أريد أموالا لتعلم القيادة والحصول على الرخصة، وكذلك أريد إكمال دراساتي العليا. أنا أريد نصف المرتب الذي يِؤخذ مني "غصبا واقتدارا". ثم من هذا الذي يستحق أن أحرم من نصف مرتبي بسببه. حاجة تغيظ! يوميات اتنين مخطوبين (حلقات مسلسله) - صفحة 3 826993

يوميات اتنين مخطوبين (حلقات مسلسله) - صفحة 3 826993

أنا لن أصرف قرشا برغبتي على شخص لا أعرفه يدخل في حياتي فجأة متوقعا أن أصبح خادمه المطيع, "بلا جواز بلا نيلة"!!!

ساره

ــــــــــــــــــــــــــــــــــــــ

تحسدني أختي لكوني رجلا أستطيع أن أختار لنفسي وأن أقرر متى أتزوج، في حين أنها كفتاة تضطر لانتظار الفارس المنتظر وليس بيدها حيلة.

ولكنها لا تدري كم الأعباء الملقاة على كاهلي لكي أفكر في الزواج. بالتأكيد أحلم أن أمسك يوما ما بيد فتاة –هي زوجتي- ونسير على الكورنيش وهي تتسلى بأكل الترمس الذي يزيد بطنها المنتفخ من الحمل انتفاخا.

ولكن من أين لي بالمال الذي يجعلني أتقدم لخطبة أي فتاة؟ وكذلك فإني لا أريد أي فتاة.. كيف أعرف أن هذه الفتاة التي سأتقدم لها ستكون مريحة في صحبتها؟ فبالرغم من صغر سني واشتياقي إلى متع الزواج المعروفة, فإني أدرك تماما أنه بعد أيام قلائل سيكون ما يهمني أكثر هو طيبة زوجتي وخفة دمها واستمتاعي بحديثها. فأنا أعرف أصدقاء قد تزوجوا وكانوا يتصلون بالشلة قبل مرور الأسبوع الأول على زواجهم, وذلك لأنهم قد شعروا بالملل. ملل!!! وهم مازالوا في بداية البدايه، إذاً ماذا سيفعلون بعد عام أو عامين؟ "بلا جواز بلا نيلة!!!"

عمر

ـــــــــــــــــــــــــــــــــــــــــــــ

منذ أسبوع ألمحت لي أمي بأن إحدى صديقاتها لديها ابن يكبرني بثلاث سنوات، يعمل كمهندس كمبيوتر في إحدى الشركات الخاصة. وهي تعرف أنه شاب مؤدب ووسيم وسيزورنا هو وأهله ليشربوا معنا الشاي يوم الخميس القادم.

كنت أظن أني سأثور ولن أرضى بفكرة الزواج الآن. فأنا أريد أن أبني مستقبلي، فهذا ليس فعلا يقتصر على الرجال فقط, ولكن لا أدري ما الذي أسكتني؟ لعله الفضول لمقابلة شخص يريد الزواج بي. لا أدري

اتصلت بصديقتي المقربة وأخبرتها، فضحكت ودعت لي بالتوفيق وأكدت عليّ أن أصلي صلاة الاستخاره، ففعلت بمجرد أن أنهيت مكالمتي معها. وظللت في حالة قلق طوال الأسبوع وكنت أبكي يوميا sad1

في التليفون وأنا أحدث صديقتي وأنا أتخيل قصصا مأساوية إذا لم يعجبني العريس وأجبرني والدي على الزواج منه، وكيف سأعيش في بؤس، وكانت صديقتي تضحك مني وتقول إني أستبق الأحداث، وإني "نكدية"، ولكن القلق كان يؤلم قلبي، ومر الأسبوع سريعا. واليوم هو الخميس المنتظر.. وربنا يستر

ساره

ـــــــــــــــــــــــــــــــــــــــــــ

منذ شهر أخبرتني أمي عن صديقة معها في العمل عندها فتاة جميلة تصغرني بثلاثة أعوام، وهي تعمل في إحدى الشركات. ووالدها رجل طيب ومحترم. فأخبرتها بأني لا أملك حاليا ما يعينني على مصاريف الزواج، وأن كل ما ادخرته خلال سنين عملي هو سبعة ألاف جنيه . طمأنتني أمي وأخبرتني بأن والدي سيساعدني، وأن هذه هي سنة الحياة. فجدي كذلك قد ساعد أبي عندما تزوج من أمي وعاشا أولى سنوات زواجهما في إحدى الغرف ببيت جدي الواسع إلى أن وسّع الله على أبي واشترى هذه الشقة.

ولكني لم أكن أريد العيش في بيت والدي، وكان رد أمي أن أمامي الحل في أخذ شقة إيجار جديد. ولما كنت أشعر بالاكتئاب منذ فترة لشعوري بالعجز عن الزواج في وقت قريب, فقد استمعت لحديث أمي المتفائل ووعودها بمساعدة أبي الأسطورية. وتوكلت على الله وصليت الاستخارة. واتفقنا على مقابلة العروس في بيت أهلها يوم الخميس القادم، وكاد التوتر يقتلني، فقد خشيت أن لا تعجبني العروس، وكم سيكون الموقف يوميات اتنين مخطوبين (حلقات مسلسله) - صفحة 3 496462

يوميات اتنين مخطوبين (حلقات مسلسله) - صفحة 3 496462

وقتها محرجا عندما أرفضها بعد أن ذهبنا إلى بيتهم!! ربنا يستر....

عمر

ـــــــــــــــــــــــــــــــــــــــــــ

ايه رايكم عجبتكم البدايه؟ ها قولوا اكمل ؟؟؟؟
يوميات اتنين مخطوبين (حلقات مسلسله) - صفحة 3 334130681

مها كتب:: حراااااااااااااااااااااام عليكي يا دانااااااااااااااااا شوقتينا اكتبي الحلقه بسرعه هي مشوقه جداااااااااا

وتسلم ايدك يا قمر

بارحب بيكي يا مها في اليوميات
وتابعي معانا
كل يوم في جديد ان شاء الله

يلااااااااااااااااا يا دانا اكتبي الحلقه احسن.................؟
بلاش خليكي سليمه لغاية اما تخلصي ههههههههههههههه

واضح ان اليوميات عجبتك اوي يا مها
بس كده عايزاني سليمه لغايه اما اخلصها بس

طيب

هههههههههههههههههههه
يلا هتقولي ولا
Wink

يوميات اتنين مخطوبين (حلقات مسلسله) - صفحة 3 746579

الحلقة الحادية عشرة

((انا هاجى لكم بكرة شوية يا سارة ))

قالها عمر لى فى التليفون فرديت باستغراب( ليه ؟ ) وطبعا كان رد غريب جدا فقلت له بسرعة( تشرف طبعا ) وقفلت التليفون وانا سعيدة جدا انى ح اشوف عمر بكرة لأول مرة من قراءة الفاتحة الظاهر انه واحشنى لا الحقيقة مش الظاهر انا فعلا نفسى أشوفه !!

يوميات اتنين مخطوبين (حلقات مسلسله) - صفحة 3 Q3pelbxzdin0bo89indq9

سارة

ــــــــــــــــــــــــــــــــــــــــــــ

رد فعل سارة غريب جدا ياترى هى مش عاوزة تشوفنى فعلا علشان كده اتخضت؟ ممكن تكون حست انها اتسرعت فى الخطوبة مثلا طب ايه المطب ده ؟ دى هى واحشانى فعلا ج يبقى شكلى ايه لو قابلتنى ببرود ؟ بس هى كانت طول المكالمة سعيدة اوِف البنات دى عاوزة خريطة علشان الواحد يفهمهم . احسن أصلى ركعتين cheers

وانام علشان عندى شغل بدري

عمر

ـــــــــــــــــــــــــــــــــــــــــ

عملت ماسك زبادى بالعسل قبل ما انام مع ان بشرتى مش محتاجة بس استعداد نفسى للقاء عمر المنتظر.

ماما دخلت لقتنى ملزقة كده قالت لى مالك يا سارة قلت لها اصل عمر جاى بكرة يا ماما خرجت من الاودة وهى بتقول لا حول الله يارب!!!

غسلت وشى من الماسك وغمضت عينى وطفيت النور بس ما جاليش نوم خالص ايه القلق ده ؟ احاسيس ملخبطة جدا جوايا فرحانة انى ح اشوفه وفى نفس الوقت سؤال بيزن فى عقلى خلاص هو ده الانسان اللى ح اكمل معاه حياتى كلها لحد ما اعجز زى ماما وبابا ؟ ده انا تقريبا ما اعرفوش !! بس هو مؤدب وطيب ... ماهو كلهم بيكونوا كده فى الأول !!! على رأى صديقاتى ذوات الخبرة فى الارتباط ..... حطيت المخدة على دماغى علشان اهرب من التفكير وانام

سارة

ــــــــــــــــــــــــــــــــــــــــ

ياااااه ده انا تقريبا مانمتش خالص وحاسس بصداع رهيب وعندى شغل بعد نص ساعة ادى اللى خدناه من الخطوبة !!!!! ! ما انا كنت حر نفسى وأخر رواقة كل القلق ده ولسه قراءة فاتحة امال لما أخلف 5 ولا 6 عيال ح اعمل ايه ؟ أكيد ح اكون مت من زمان!!!!!

عمر

ــــــــــــــــــــــــــــــــــــــــــ

قمت من النوم بعد ما صحيت ييجى مية مرة وعندى حموضة كبيرة شربت سفن اب على الريق وطبعا كانت فاتتنى صلاة الفجر من النوم المتقطع ، اتوضيت وصليت شعرت بهدوء واستعدت فرحتى بلقاء عمر النهاردة. يارب فرحنى النهاردة يارب!!

سارة

ــــــــــــــــــــــــــــــــــــــــــــ

تالت فنجان قهوة باشربه والصداع ابتدى يروح شوية ،اه لو سارة تدينى حتى رنة تعرفنى انها عاوزة تشوفنى هى كمان .فضلت ماسك الموبيل وسرحان لحد ما فوقت على صوت زميلى بيقول : ( يابختك يا عم تلاقى العروسة صبحت عليك ييجى مية مرة تيجى مراتى تشوف ،عمرها ما بتتصل بى الا لو كارثة حصلت ده انا حاطط لها تون سرينة اسعاف ههههههه!!!!)

رميت الموبيل وقلت الصيت والا الغنى !! يلا بقى يا سارة ربنا يهديكى...

عمر

ـــــــــــــــــــــــــــــــــــــــــــــ

الوقت بيعدى بسرعة كدة ليه ؟ الساعة 4 وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى الصالون حرام طبعا وكمان انا اتكسف جدا لا أكيد كل العيلة ح تقعد على قلبنا !!! طب حنتكلم فى ايه ؟ التليفون بيسهل الموضوع لكن وجها لوجه دى صعبة شوية. ياااه ايه القلق ده كله ؟ ماما بتبص لى من بعيد و عينيها بتضحك على وبتقول فى سرها البنت اتجننت!!!! tongue

قمت استحميت واسترخيت شوية وقعدت أنشف شعرى بالسشوار وأعمله كذا تسريحة مع انه مش ح يشوفه لأنى ح اكون لابسة الحجاب طبعا بس عاوزة أحس انى جميلة النهاردة ونفسى أشوف ده فى عينيه!!!!

سارة

ـــــــــــــــــــــــــــــــــــــــــــ

ياترى ح أجيب ايه معايا وانا رايح ؟ أخد شيكولاتة ؟ ولا أبقى رومانسى واخد ورد ..

طب أنا نفسى أشترى هدية لسارة تفكرنا دايما باليوم ده أشترى لها ايه ؟ قعدت أفكر وانا فى العربية وراجع من شغلى لحد ما لقيت محل هدايا دخلت و جبت بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض حاضن قلب أحمر كان ضخم جدا وغالى جدا كمان!!! لكن تخيلت فرحتها بيه يارب يعجبك ياسارة!

يوميات اتنين مخطوبين (حلقات مسلسله) - صفحة 3 K73avxk9seaye8os6fazj7

عمر

ـــــــــــــــــــــــــــــــــــــــــــ

ارتديت عباءة مغربى جميلة مطرزة بالقصب أهداها لى خالى من الخليج لم أرتدى تايير أو ما شابه مش عارفة ليه يمكن كنت عاوزة أحس أنى لا أستقبل ضيف غريب بل من أهل البيت وضعت مكياج خفيف جدا مجرد انه يظهر وجهى نضر لا أكثر ولففت الطرحة بطريقة جديدة زادتنى أناقة ونظرت فى المراية ووجدت بريق جميل فى عينى لم أره من قبل . يارب اسعد كل البنات زيى !! وأفقت من سرحانى على صوت جرس الباب وصوت أمى بيقول( عمر جه يا سارة!!!!)

ساره

ـــــــــــــــــــــــــــــــــــــــــــ

يوميات اتنين مخطوبين (حلقات مسلسله) - صفحة 3 Uyvk5zzj70h55jzwfwbtvu9

بجد تسلمي يادانا
والله ينور عليكي

hodasaid كتب:: بجد تسلمي يادانا
والله ينور عليكي

مشكور علي المتابعه الجميله
وينور عليك كمان

ميرسي دانا ليكي بس ما تقطعيش كده علي حته مشوقه
كملي عايزين نعرف الاحدااااااااااث ههههههههههه
يلاااا كملي بقي ههههههههههه
Exclamation

مها كتب:: ميرسي دانا ليكي بس ما تقطعيش كده علي حته مشوقه
كملي عايزين نعرف الاحدااااااااااث ههههههههههه
يلاااا كملي بقي ههههههههههه

انا مش باقطع الاحداث دي بتيقي نهايه الحلقه

مشكوره لمتابعتك

الحلقة الثانية عشرة

(!!ازيك يا سارة ياه ماشاء الله )

قالها عمر بتلقائية كبيرة وهو يسلم عليا جعلت اخوتى يبتسمون وانا وجهى احمر من الخجل وفوجئت ان يمدحنى هكذا أمام الجميع !! لكن كنت سعيدة جدا بهذه الجرأة أو التلقائية لا أدرى ! ومددت يدى أسلم عليه وأكيد لاحظ ارتعاش يدى وارتباكى ياااه فعلا التليفون أرحم من اللخبطة دى!!!!

سارة

ـــــــــــــــــــــــــــــــــــــــــ

بجد فوجئت بجمال سارة اليوم وجهها نضر وملامحها تنطق بالجاذبية والجمال رغم انها لا تضع ماكياج والحمد لله لم استطع ان أخفى سعادتى عندما رأيت وجهها مرة ثانية والمرة دى أشعر انها ملكى فازدادت جمالا فى عينى ، لكن أكيد والدتها وأخواتها بيقولوا على مدلوق جدا !!! لا امسك نفسك شوية يا سى عمر ما تكسفناش!!

عمر

ــــــــــــــــــــــــــــــــــــــــــ

الله عمر بجد رقيق جدا جايب ورد معاه كنت خايفة يجيب فاكهة بقى وبطيخة والفيلم ده ! ونظرت الى الهدية الكبيرة فى ورقها اللامع وفرحت انه فكر يشترى لى هدية ده يدل انه انسان كريم ورقيق الحمد لله يارب تفضل كده يا عمر!!

ياترى ح نقعد فين ؟ أكيد مش لوحدنا طبعا طيب أقعد فى الكرسى اللى جنبه ولا بعيد طب بابا موجود ازاى أقعد جنب عمر فى وجود بابا ؟ ياسلام على الهنا بابا حسم الحدوتة وقال ( تعالى أقعد جنبى هنا يا عمر!!!)

سارة

ــــــــــــــــــــــــــــــــــــــــــــ

يا سلام على الهنا ح أقعد جنب حمايا العزيز اهى دى فيها ساعتين قناة الجزيرة وساعتين عن مستوى الزمالك المنحدر وبعدها أكيد ح اكون استأذنت وروحت يا خسارة الورد والهدية!!!

الحمد لله سارة قعدت فى الكرسى المقابل لنا أنا وعمى.... لا أدرى هل حمايا لاحظ انى أختلس النظرات الى وجهها الجميل ؟ بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة تجعلك لا تمل النظر لها وكنت غير منتبه الى كلام حمايا المطول غصب عنى وأرد فقط ب طبعا طبعا يا عمى فعلا فعلا يا عمى ايوة فعلا يا سارة!!!!

وانتبهت الى خطأى واحمر وجهى من الخجل ولاحظ عمى هذا وضحك وقال لى ( ده انت مش معايا انا يا سيدى طب لما أسيبكم تتكلموا شوية وأقوم اتكلم فى التليفون!!)

عمر

ـــــــــــــــــــــــــــــــــــــــــــ

ضحكت جدا على عمر وفرحت بصراحة ان بابا قام وقعدت جنب عمر ولاحظت سعادته بهذا وقال لى مباشرة( ازيك يا سارة افتقدتك جدا من المرة اللى فاتت !!) يااه كلمة الافتقاد دى كبيرة اوى احلى بكتير من وحشتينى . كان نفسى أقول له وانا كمان لكن اتكسفت جدا . أول مرة أحس انى بنوتة بقى وبتكسف، دول كانوا مسمينى فى العيلة الكابتن من كتر تهريجى !! الظاهر انى ح أكتشف سارة جديدة خالص ما عرفتهاش قبل كده!!

سارة

ــــــــــــــــــــــــــــــــــــــــــ

أنا جبت لك هدية يا سارة يارب تعجبك بتحبى الدباديب ؟ فوجئت ان سارة نطت من مكانها وحضنت الدبدوب وقبلته ونيمته فى حضنها وقالت بسعاد طفولية ( الله ده تحفة يا عمر بجد يجنن !!) فرحت جدا برد فعلها الطفولى الجميل ورغم ان الجميع كانوا حولنا الا انى كنت لا أشعر الا بى وبها فقط!!

يارب ما تتغيريش ياسارة وتفضلى لذيذة كده على طول مش عارف ليه ساعتها كنت عاوز أقول لكل العالم ان هذه الطفله الجميله طفلتى أنا!!!

عمر

ــــــــــــــــــــــــــــــــــــــــــ

ايه الجنان ده ؟أكيد ح يقول على عيلة دلوقت !!! طب ماهو اللى غلطان كان لازم يجيب دبدوب يعنى ؟ ده أنا باموت فيهم... يوووووه هو أنا لازم أفضل محتارة على طول ؟ لازم يتعود على زى ما أنا !! بس كل صديقاتى قالوا لى اتقلى واعملى فيها الراسية العاقلة ، وماما بتبص لى من بعيد نفسها تقتلنى !! بس عمر فيه فى عينيه نظرة حنان جميلة بتخلينى أطلع كل اللى جوايا بدون اى تصنع وده اللى مخلينى معجبه بيه .

سارة

ــــــــــــــــــــــــــــــــــــــــــــــ

ياااه انا نسيت كل الموجودين ونسيت الوقت معقول بقى لنا ساعتين بنتكلم ؟ ! انا نسيت انى ضيف ولازم ما أقعدش كتير اوى كده !!! بجد كلام سارة لذيذ جدا وحبل الكلام بيننا ممتد الى مالا نهاية بدون أى تكلف ولاحظت انها قارئة جيدة مش روشة طحن زى بقية البنات ومخها أبيض ودى حاجة عاجبانى فيها جدا بتحسسنى انى قاعد مع الف بنت : صديقة وأخت وزميلة وطفلة وأنثى وقريبة ووووو ..... حبيبة.....

عمر

دايما يا دانا مشوقانا
متكملي حطي حلقتين في حلقه ههههههههههههه
علشان نستمتع اكتر بالاحداث لان علي اما ييجي بكره هنكون نسينا امبارح هههههههه
وميرسي ليكي بجد
Exclamation

مشكوووره علي المرور يا مها
وانتظري القادم

يسلام والله بجد يوميات
روعه بس سؤال هوة الدباديب بتعمل شغل كده

دي الواحد يجيب حمارين اكبر من الدباديب

ههههههههههههههههههههههههههههه

تسلم ايدك يادانا وننتضر المزيد منك

hodasaid كتب:: يسلام والله بجد يوميات
روعه بس سؤال هوة الدباديب بتعمل شغل كده

دي الواحد يجيب حمارين اكبر من الدباديب

ههههههههههههههههههههههههههههه

تسلم ايدك يادانا وننتضر المزيد منك

سيبك من الحمير يا محمود
خليك في الدباديب
يوميات اتنين مخطوبين (حلقات مسلسله) - صفحة 3 K73avxk9seaye8os6fazj7

بتعمل شغل كده scratch

مشكووور علي المتابعه

الحلقة الثالثة عشر

عمر مشى من قليل وبجد انا مرتاحة جدا دلوقت حسيت انى سعيدة لأننا على درجة كبيرة من التفاهم او على الأقل فيه ناس باحس انى مخنوقة منهم بسرعة لكن مع عمر لا دايما باحس انى على طبيعتى وعاوزة اقول له كل اللى جوايا بدون زواق ومش محتاجة اتكلف اى حاجة علشان أعجبه ومتهيألى دى حاجة كبيرة وو

قطع تفكيرى صوت أختى ( أبيه عمر على التليفون هو لحق وصل!!!!)

نطيت رفعت السماعة وانا طايرة من الفرح : الو ايوة يا عمر انت وصلت ؟

- لا باتكلم من عند البقال!! ايوة وصلت طبعا انا كنت سايق على 120 علشان أوصل بسرعة وأكمل كلامى معاكى دى ماما اتخضت وانا باجرى على اودتى علشان أكلمك

- ساكتة ليه ؟

-مش عارفة أقول ايه ؟ انا بجد فرحانة وقلقانة ومبسوطة وخايفة وووو

- ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى

لكن

- ياعم قول ياباسط أحمد السقا ههههههههههه

-كده ياسارة الله يسامحك طب ادينى ضحكتك ياستى قولى لى خايفة من ايه ؟

- خايفة اننا بنقرب لبعض بسرعة أوى وانا ماليش تجارب قبل كده ، فخايفة أكون فرحانة بس بفكرة الحب والارتباط ومش قادرة أقيم الموضوع صح واطلع غلطانة فى الاخر

ما تخافيش من أى حاجة فى الدنيا طول ما انا جنبك يا غالية -

-(ياااه يا عمر بجد انت اللى غالى ) فى سرى طبعا

-سارة سامعانى ؟

- ايوة

- بصى ياستى انتى بتعدى الشارع وفيه عربيات؟

- طبعا

بتدخلى مبنى ما دخلتهوش قبل كده علشان تخلصى مصلحة ليكى ؟ -

أكيد-

- بتركبى تاكسى لوحدك ؟

- ايوة ايوة...ايه الأسئلة العجيبة دى كلها ؟

-طب ليه مش خايفة وانتى بتعدى الشارع عربية تخبطك لا قدر الله

يبقى نبطل نعدى شوارع أحسن !!!

ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟

يا سارة لو خفنا من كل حاجة عمرنا ما ح نعمل حاجة ابدا وبعدين احنا واخدين الطريق الشرعى أمام الله وأمام الناس ونيتنا احنا الاتنين اننا نرضى الله فى الحلال يبقى الخوف والفشل ح ييجوا منين ؟

انا خايفة من اختلاف الشخصيات يا عمر يكون سبب الفشل!!! -

- بصى ياسارة أكبر غلط كل البنات بترتكبه انها تتجوز واحد بشخصية معينة وتحلم انها تخلق منه شخصية مختلفة 180 درجة مفروض اننا نحب الانسان بمميزاته وعيوبه ونتقبله كما هو ونحبه زى ماهو

- مش بيقولوا مراية الحب عامية؟

- دى مراية الحب مفتحة ولها عشر عيون بقى انا مش ح اشوف الانسان اللى باحبه ؟ امال ح اشوف مين يعنى ؟ يعنى انا دلوقتى مش شايفك ؟

-ياااااااه أول مرة يعنى انت بتحبنى يا عمر ؟؟؟؟ ( برضه فى سرى)

سارة انتى فين ؟ -

- انا سامعاك انت عارف يا عمر اكتر حاجة بتعجبنى فيك ايه ؟

-غير انى شبه احمد السقا ؟

- ههههه برضه مصمم ؟ ماشى يا سيدى لا بجد باحس انى باكلم حد من صديقاتى مش خطيبى يعنى حاسة ان الصداقة بيننا بتكبر كل يوم ودى حاجة مفرحانى جدا.

- علي فكرة ده نفس احساسى انا كمان ،عارفة ياسارة مهم جدا ان الأزواج يكونوا اصدقاء ده بيخلى التفاهم بينهم كبير جدا..

- انت عارف ياعمر الزواج عامل زى بيت من 3 ادوار الدور الاول الاعجاب والانبهار والرغبة الشديدة والدور التانى الحب والدور التالت الصداقة . فلو غبار الزمن والتعود والمشاكل طمس الدورين الأول والتانى لا يمكن ح يوصل للتالت ابدا..

- انا بجد لقيت كنز لما لقيتك يا سارة . انتى بجد مليتى على الدنيا انا حاسس انى مش محتاج حد تانى من الدنيا . الحمد لله يارب ...

-ربنا يخليك لى ياعمر

- انا لى عندك طلب ياسارة ياريت نخلى حفلة خطوبتنا والشبكة نكتب فيها الكتاب كمان ايه رأيك؟

- كتب كتاب !!!! بسرعة كده!!!!!

- بصى ياسارة ما تتخضيش خدى وقتك وفكرى.بس انا مش عاوز أغضب ربنا فى حاجة، جوايا كلام كتير مش قادر أقوله ليكى . ونفسى نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا الاتنين وما تفتكريش انى كده بأقيدك او بألزمك بحاجة لا يوم ما تحبى تبعدينى من حياتك ح ابعد بدون قيود ..

- ايوة بس ...

- بصى ياسارة ربنا هو اللى جمعنا و اعطانا نعمة كبيرة اننا قربنا لبعض بفضله وحده فمش معقول اننا نشكر النعمة دى بأننا نعمل معصية صدقينى لو أرضيناه ح يرضينا بصى فكرى براحتك وردى على .

معلش طولت عليكى انا بجد اسف الوقت معاكى بيعدى من غير ما احس . حاسيبك ترتاحى دلوقتى .. خلى بالك من نفسك..

- تصبح على خير

- - تصبحى على خير يا ملاكى

تسلم إيديكى يا دانا
الجزء دة جميييل جدا
متزعليش يا قمر لأنى متابعتش الأجزاء إللى فاتت
لأنى بحب أجيب من الآخر...يعنى أدخل فى المفيد على طول
و أعتقد إن الحلقات السابقة كانت تمهيد
و هتلاقينى بتابع معاكى كل الحلقات الجاية بإذن الله
مجهوود رائع
الله ينور عليكى يا قمر
تقبلى مرورى و رأيى

hebabebo2727 كتب:: تسلم إيديكى يا دانا
الجزء دة جميييل جدا
متزعليش يا قمر لأنى متابعتش الأجزاء إللى فاتت
لأنى بحب أجيب من الآخر...يعنى أدخل فى المفيد على طول
و أعتقد إن الحلقات السابقة كانت تمهيد
و هتلاقينى بتابع معاكى كل الحلقات الجاية بإذن الله
مجهوود رائع
الله ينور عليكى يا قمر
تقبلى مرورى و رأيى

مشكوررره علي المرور
الحلقات السابقه كانت جميله برضه

جاااااامده جدااااااا الحلقه دي يا دانا وادينا مستنيين اللي جايه ان شاء الله

ميرسي يا قمر Exclamation

مها كتب:: جاااااامده جدااااااا الحلقه دي يا دانا وادينا مستنيين اللي جايه ان شاء الله

ميرسي يا قمر

ان شاء الله يا مها

شكرا لمتابعتك

لابجد الحلقه ولعت تسلم ايد بس الجمله دي عجبتي كتير

انت
عارف ياعمر الزواج عامل زى بيت من 3 ادوار الدور الاول الاعجاب والانبهار
والرغبة الشديدة والدور التانى الحب والدور التالت الصداقة . فلو غبار
الزمن والتعود والمشاكل طمس الدورين الأول والتانى لا يمكن ح يوصل للتالت
ابدا..

hodasaid كتب:: لابجد الحلقه ولعت تسلم ايد بس الجمله دي عجبتي كتير

انت
عارف ياعمر الزواج عامل زى بيت من 3 ادوار الدور الاول الاعجاب والانبهار
والرغبة الشديدة والدور التانى الحب والدور التالت الصداقة . فلو غبار
الزمن والتعود والمشاكل طمس الدورين الأول والتانى لا يمكن ح يوصل للتالت
ابدا..

فعلا حلقه جامده جداااا
مشكوووور علي اختيارك الجميل

دايما الدباديب بتجيب من الاخر يعني مرسي ليكي كتير

النهارده 10
المفروض تجيبي حلقتين ورا بعض بقي يا دانا
ههههههههههههههههه

ياسمين كتب:: دايما الدباديب بتجيب من الاخر يعني مرسي ليكي كتير

مشكوره علي المرور ياسمين

مها كتب:: النهارده 10
المفروض تجيبي حلقتين ورا بعض بقي يا دانا
ههههههههههههههههه

النهارده 8 والحلقه معلش متاخره شويه

مشكوره

» يوميات اتنين مخطوبين
» اتنين فـ جنــــــــــه
» اتنين في المستشفى

يوميات اتنين مخطوبين (حلقات مسلسله)

يوميات اتنين مخطوبين (حلقات مسلسله)

مواضيع مماثلة

مواضيع مماثلة