قلمى وورقتى

موضوع: قلمى وورقتى 2008-11-28, 1:25 am

قلمي وورقتي
--------------

جلست وحيدا فاغمضت عيني قليلا فرايت صورة حبيبتي
فقررت ان اكتب حتي اعبر عن حبي لها
فاحضرت قلمي وورقتي حتي اسطر لها معاني حبي وعشقي لها
مددت يدي لاخذ قلمي واكتب ما يجول في خاطري
ولكن فجاة رايت القلب يتجسد امامي ويحاول ان يخطف القلم من يدي
فسالته:ماذا تريد ايها القلب؟
فرد علي سوالي:انا اولي بان اكتب لها عن حبي فانا من احس بها ويحس بها
فرايت العقل يتجسد امامي ويحاول ان يخطف القلم حتي يكتب لها
فسالته:ما بالك ايها العقل .. اتحس بها انت الاخر؟
فاجابني: لا ولكني انا من يرسل له القلب احساسه وانا من يحرك لسانك
فوجدت اللسان يتجسد محاولا ان يكتب هو الاخر
وقبل ان اساله اجابني بانه هو من ينطق بحبها فهو اولي بان يخط لها الكلمات
فتجسدت العين وقالت انا من تراها وتحس بها وانا اولي بان اكتب لها الكلمات
ورايت الاذن تجسدت وتقول انها من تسمع كلامها وتجعل القلب يحس بوقع هذه الكلمات فهي اولي بكتابة كلمات حبها لحبيبتي
رايت القلم حائرا بين ايدي قلبي وعقلي وعيني ولساني
كل منهم يتصارع علي تسطير كلمات تعبر عن جمال حبيبتي
فاغلقت عيني مرة اخرها
وايقنت شئ واحد
وهو ان حبي لحبيتي ارقي واسمي من ان تعبر عنه الكلمات
فتركت قلمي وورقتي
فحاول القلم ان يسطر بعض الكلمات ولكنه عجز امام جمال حبيبتي
واستطاع فقط ان يكتب كلمة واحدة وهي"أحبك".

واحده تانيه بقى بدل مانعمل موضوع تانى

انـــــــــــــــــا بعترف

حلمت اكون نسمة هوا
تعدى على قلبك تضمه
وحلمت اكون فوق فى السما
وتقول ده قمرى ياناس بحبه
وحلمت اشوف فى عينيك وقلبك أحساس يقولى انى بحبك

فى كل يوم بحلم اكون حبيب وقلبك يعشقه
وفكل ليل بسرح وشوف الحلم يمكن اصدقه

انا بعترف. ان الامل وياك يكون
انا بعترف. ان السنين وياك تهون
انا بعترف ياحلم عايش بينادينى
انا بعترف. انك حبيب قلبى وعينى
وكل أملى من الحياه اغرق ودوب فى بحور عينيك

حلمت اكون زهرة فى ورودك
تسقيها من حبك ندا
وحلمت اكون نظرة فى عيونك
ووصل بيها لأبعد مدا
وحلمت اعيش العمر جنبك وبقى دايماً بين أيديك

فى كل لحظة تفوت عليا ببقى شايف نفسى فيك
بتخيلك دايماً قصادى وقول لقلبى هايبقى ليك

انا بعترف.... ان قلبى بيموت عليك
انا بعترف.. نفسه يضم الدنيا بيك
انا بعترف...حبك فى قلبى ملوش حدود
انا بعترف من غير هواك ماليش وجود
وربى يشهد عاللى فيا من غير هواك احزن وموت

حاجه على قدنا يارب تعجبكم

موضوع: رد: قلمى وورقتى 2008-11-28, 1:36 am

رهيبة بجد
انا باعترف دى جميلة اوىىىىىىىىىىىىىىىى
واظن مكانها قسم الشعر ياريتك تعملها موضوع وتحطة فى قسم الشعر
حلو اوى شغلك يااياد
تسلم ايدك

موضوع: رد: قلمى وورقتى 2008-11-28, 1:40 am

هو فى هنا قسم الشعر ؟

تصدقى ماشوفته والله ههههههههههههه

انا اللى شوفته كله لى تريكه ماعدا القهوه ولا الكافيه ده هههههههههه

فاالى حاجه بحطها هنا وخلاص

ماعلينا

هبقى ادور عليه فين هههههههههههههه

وشكرا ع مرورك

موضوع: رد: قلمى وورقتى 2008-11-28, 2:00 am

جميله اوي اويييييييييي يا اياد
وفي قسم شعر مناسب فعلا ليها اوي

موضوع: رد: قلمى وورقتى 2008-11-28, 2:04 am

روعه بجد يا ايد
وعلى فكره دا القسم المناسب ليها
اللى هو المقهى
لان قسم الشعر دا
مخصص للشعر بس
لكن دى زى خاطره

بس روعه والله تسلم ايدك يا اياد
ونشوفك دايما متميز

موضوع: رد: قلمى وورقتى 2008-11-28, 5:32 am

رووووووووووووعه يااياد ايه الاحساس الجميل ده
يابختها حبيبتك بها (انا مش بحسد ربنا يوعدنا ههههههههههههههههه)

موضوع: رد: قلمى وورقتى 2008-11-28, 2:09 pm

جمييييييييييييييييل اوووووووووووووووووووووووى

وينقل لقسم الشعر

بالتوفيق ان شاء الله

موضوع: رد: قلمى وورقتى 2008-11-28, 3:26 pm

على فكره يا احمد
انا دخلت التوبيك دا قبلك
وقولت ان دا مكانه الصحيح
يعنى مقهى التركاويه
فياريت يبقى زى ما هو فى المقهى

تم النقل الى مقهى التركاويه
بواسطه
misse

» صاح قلمى

قلمى وورقتى

قلمى وورقتى

مواضيع مماثلة

مواضيع مماثلة