أنا مصري وابويا مصري (الجزء الثاني)

طبعا الموضوع الاولاني بعنوان أنا مصري وابويا مصري كان كله حاجات جميلة واحاسيس مرهفة والواحد عنيه دمعت وهو بينقلهولكم ..إهئ إهئ إهئ

المرادي بقي قلنا نفصل شوية ونضحك شويتين

بس سواء الاول او التاني فالمهم ان كل اللي فيهم حقايق وحاجات بتحصل فعلا وعادات مصرية ازليه

هنقول ايه !! .. هو ده المصري

. بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

· بيحط الريموت كونترول في كيس بلاستيك كعادة فرعونية

· يقف يتكلم على الباب نص ساعة بعد إنتهاء الزيارة والسلام

· لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

· ييجي بعد معاده بساعتين ويفتكر إن ده عادي

· لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

· بيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال

· بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

· عنده صينية مكسرات متقسمة لتلات او أربع أقسام لزوم المزاج وعمره ماإستخدمها

· ممكن يعدي التلاتين ولسه عايش مع أمه وأبوه وماعندهومش مشكلة

· بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

· بيكون عنده شواية لزوم الرحلات أقصى استخدام لها كان مرة واحدة في العيد

· بيشيل طابع البريد من على الظرف لو الختم ماكانش عليه

· بيفتكر إن أي حد بيشتغل في الخليج بيغرف فلوس من غير حساب

· بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

· برده بيتخانق ساعة دفع الحساب بحرارة شديدة على إنه هو اللي لازم يدفع

· بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

· والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

أنا مصري وابويا مصري (الجزء الثاني) 868544

بعد ده كله .. بس برضو أنـــــــا مصري وبحب مصر أنا مصري وابويا مصري (الجزء الثاني) 868544

ههههههههههههههههههههههههههه

· بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

· برده بيتخانق ساعة دفع الحساب بحرارة شديدة على إنه هو اللي لازم يدفع

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

ههههههههههههههههههههههههههه

تسلم إيديك يا أبو حميد
topicزى العسل
و يموت من الضحك

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية
هههههههههههههههههههههههههههههه روووووووووووووووووعة والله التوبيك
تسلم ياتريكة

هههههههههه
تسلم ايدك يا مان عالتوبيك الجامد

فل يا فل

تسلم ايدك يا صحبى

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا Laughing

فعــلا ده بيحصــل ؟؟؟ياخرااااااااااااابي ههههههههه
ده إحنــا عنــدنــا الصالــون ع البحري على طول عريــان " قليل الأدب " هههههههههههه
بـــس بجد تسلم إيدكـ يا أحمـــد توبيكـ هااااايل وواقعي جدا .

ميه ميه يا تريكه ياجامد,بجد توبك شديد اوي .........تسلم ايدك

جميل يااحمد تسلم ايدك
وانا باعترف ان الحاجات دى فعلا موجودة
لكنها جميلة اوى
وتحسسك فعلا انك فى مصر
وحتتة البرطمانات دى فى الجون
ههههههههههههههههههههههههههه

TREIKA كتب:: بعد ده كله .. بس برضو أنـــــــا مصري وبحب مصر

وانا بحب والله يا تريكة يا عسل
على سكر سترافيش انت يا برنس
والله يابنى
مش عارف اقولك ايه
التوبيكين فى منتهى الروعة
تسلم ايدك يا احلى تريكة

ههههههههههههه
توبيك تحفه يامدين والله
تسلم ايدك
Exclamation