كل حاجه نصيب سواء علي النت غير النت
الجواز في الاخر قسمه ونصيب
شكرا مروه

زى ما انتى قولتى يا مروة ساعات بيبقو صادقين
وساعات بيبقو كاذبين وساعات بيبقى واحدد كده و واحد كده
بتتوقف على الصدق والكذب بينهم
بس لو فيه ارتياح نفسى وحصل واتقابلو ممكن تتم العلاقه للجواز لو مافيش موانع تانيه
شكرا لموضوعك يا مروة

شكرا ليكوا ياجماعة وعلى ارائكم الجميلة
فعلا ردودكم كلها صحيحة ومنطقية
بس احب اقول ان مش مستحيل الحب من النت
بس الجواز مش اوى انا مش بحبزه اوى
وعموما زى محمد ماقال
كله قسمة ونصيب

فعلا موضوع مهم يجب النقاش فيه

طبعا الصداقه لازم تكون بحدود الادب

وكل واحد يكون عارف غرضو الشريف من التعارف

تسلم الايادى يا مره موضوع جميل

ايوة طبعا لازم يكون فى حدود فى كل حاجة
وشكرا اوى على المرور الجميل

انا مع حماده

اهي اكتر حاجه بتدحكي الحب عن طريق النت ده
بجد حاجه معتقدش انها حقيقيه
اذا كان الي بيشوفوا بعض مش مرتاحين يبقي دول الي هيكونوا كويسين
واصلا الحب معروف انه حرام وفيه ناس عارفه بس للاسف بيطنشوا
ربنا يهدي الشباب
وبجد تسلم ايدك يا مروه علي الطرح الجميل ده
جزاكي الله خيرا

اقتباس :

واصلا الحب معروف انه حرام وفيه ناس عارفه بس للاسف بيطنشوا

معلش يا احمد انا الجمله دي استفزتني جدا وقبل ما اتكلم اكيد انت عارف اد ايه احنا بنحترمك وبنقدرك ولو معلوماتي غلط صححهالي
اولا الشيخ اليماني مره قال ان الحب مش حرام الشهوه والغرائز هما اللي حرام والمعظم مبقاش بعرف يفرق بينهم دلوقتي لكن الحب العفيف مش حرام
ثانيا الرسول "صلى الله عليه وسلم" كان بيحب السيده عائشه ولذلك تزوجها واكيد كان حب عفيف
بس للاسف الشباب فاهم الحب غلط وانه تسليه ومعصيه
وطبعا انا بعترض على حب النت لاني مع رأي احمد ازاي الناس بتبقى قدام بعضها ومش مطمنه وكمان هيحبو بعض وهما مش شايفين بعض
وانا اسفه لو كنت ضايقتك يا احمد وارجوك لو انا فاهمه غلط قوللي

[
معلش يا احمد انا الجمله دي استفزتني جدا وقبل ما اتكلم اكيد انت عارف اد ايه احنا بنحترمك وبنقدرك ولو معلوماتي غلط صححهالي
اولا الشيخ اليماني مره قال ان الحب مش حرام الشهوه والغرائز هما اللي حرام والمعظم مبقاش بعرف يفرق بينهم دلوقتي لكن الحب العفيف مش حرام
ثانيا الرسول "صلى الله عليه وسلم" كان بيحب السيده عائشه ولذلك تزوجها واكيد كان حب عفيف
بس للاسف الشباب فاهم الحب غلط وانه تسليه ومعصيه
[/quote]

وانا والله بحترمك جدا يا الاء
بس عايز اقول حاجه
هو الناس الي بتحب دول مش بيعدوا يكلموا بعض بالساعات
وطبعا ف الساعات دي مفيش ذكر لله
(قُلْ إِنْ كُنْتُمْ تُحِبُّونَ اللهَ فاتَّبِعونِي يُحْبِبْكُمُ اللهُ ويَغْفِرْ لَكُمْ ذُنوبَكُمْ) (سورة آل عمران : 31)
هل الحب بتاع الرسول العفيف زي حب الشباب بتاع اليومين دول
احنا بسمع قصص فيها العبر منهم
قال الرسول الكريم في حديث في معناه
ان اكبر فتنه علي الرجل النساء
الحب في راي حلال في حاله واحده
لو الاتنين متجوزين
لكن غير كده معتقدش ان لما بنت تقول لولد
يا حبيبي
يبقي حيائها كويس
ومعتقدش ان لو البنت بعت صورتها لولد يبقي حيائها كويس
ولما يخرجوا اكيد بنشوف المناظر
الولد ماسك ايده ف ايدها ولا كانها زوجته وغير كده كتير
طب فين الحلال في ده
لكن حب زي حب الرسول للسيده عائشه معتقدش ان فيه اتنين كده
ولو فيه ربنا يزيدهم ايمان وطاعه لله ورسوله
لكن معظم الحب ف الايام دي حب شهوه وغرائز وفضول

والله انا مش اديقت من كلامك
والاختلاف ف الراي لا يفسد للود قطيه طبعا
ربنا يبارك فيكي

بجد برافو عليكى ياميرو انك ناقشتى موضوع مهم جدا زى ده

انا شخصيا ضد الفكرة دى لان اغلب الاوقات بتبقى فاشلة

لان الطرفين اكيد ميعرفوش حاجات كفاية عن بعضهم

ده غير انه ممكن يكون مجرد حد مرتاحله وبفضفض معاه

لكن مش ممكن يكون حب بجد