انواع الشباب ع النت ........ من غير ضرب قصدى زعل

المرحلة الأولى :

( الي يدوبك لسه متعلم يدخل نت )

طبعا العمر يتراوح من 18 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية:

( الي بيقعد على النت بس مش كتير )
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحلة التالته :

( الي قاعد على النت ليل نهار )

ده بقى شرحه يطول وينقسم لعدة انواع
1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف ( النوع ده فى منه كتير أوى هنا )

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

و ده طبعا مش كل الشباب
و ده ع سبيل الهزار
و يا ريت الشباب مش يزعلوا

</td></tr></table>

شكرا على التوبيك والجرأه جدا احب اقول ان موضوع الشات ده له ميزاته وسلبياته زي أي حاجه خلقها ربنا ولو قعدنا من الصبح لغايه بليل مش هنقدر نطلعهم كلهم .... وميرسي مره تانيه على التوبيك

انواع الشباب ع النت ........ من غير ضرب قصدى زعل 746579

ولا يهمك بس التوبيك جميل جداً

شكرا لمروركم
وبالنسبه لكلامك يا محمد انا مش معترضه على اللى انت بتقوله
نورتم الموضوع

ربنا يتولانا برحمتة

بعد كدة هتكتبو عننا اية تانى وعلى فكرة مش كل انسان كامل يعنى لما يتقال المساوء يتقال المميزات والمفروض تكملى الموضوع بمساوء البنات بردة الانها اكتر من الشباب واسف على الاسلوب ووالله موضوع جميل بس من راى كان المفرض لة تكملة بالبنات عيوبم ومميزاتهم علشان ما يحدث تفرقة عنصرية

ايه الحقد بتاع الولاد ده
هههههههههههههههههههههههههه ياساتر ياساتر

موضوعك جميل ياقمر
وعشان الولاد ميزعلوش اكيد زى مافى ولاد كده فى برضو بنات كده
بس تشكرى ياجميل على التوبيك

توبيك يجنن بس اتهزقنا احنا فية وخصوصا حوار المودى دة
انا هبطلهم يقولو الاسم دة
هههههههههههههههههه

بصراحة الشباب كثير منهم كدة والله اتهزقتو كثير

» طرق الجلوس علي النت من اختراع اخواننا الشباب
» انواع الولاد على النت
» انواع الشباب بالنت ههههههههههههههه

انواع الشباب ع النت ........ من غير ضرب قصدى زعل

انواع الشباب ع النت ........ من غير ضرب قصدى زعل

مواضيع مماثلة

مواضيع مماثلة