سيدي الرئيس في عيد ميلادك الكام وسبعين (ليلتنا طين )

احمد فؤاد نجم- في عيد ميلادك الكام وسبعين (ليلتنا طين )
سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
ليلتنا طين
وهل تعلم أن النيل بقي رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح
والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن بلدنا بقي تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام....عام
والفساد.....ساد
وفي جتة بلدنا بيرعي
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف مية يمين
أكملهم لك تمنية وسبعين
بس ها كفيهم ورق منين
وكل سنة وانت ..............
واحنا طيبين

راااااااااااااائع يا امنيه والله انا بحب اشعاره قوي
نا كان نفسي اقول كتير بس هجيب ورق انا كمان منين؟؟
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين

والله ياخسارة البلد

ومتقلقيش هجيبلك عيش وحلاوه واجي ازورك هههههههه
اصل الديمقراطيه مش هتسيبك

اقتباس :: راااااااااااااائع يا امنيه والله انا بحب اشعاره قوي
نا كان نفسي اقول كتير بس هجيب ورق انا كمان منين؟؟
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين

والله ياخسارة البلد

ومتقلقيش هجيبلك عيش وحلاوه واجي ازورك هههههههه
اصل الديمقراطيه مش هتسيبك

اة والله خساااااااارة بس مصر دي ربنا هو اللي حميها ومعليها ورافع راسها مش اي حد تاني
نوووووووورتي الموضوع بمرورك ياقمرايا

امنية التريكاوية كتب:

والله ما عارف اعلق على ايه ولا ايه
بس بجد
روووووعه وهو ده اللى اغلب الشعب ان ماكانش كله عايز يقوله
يارب نفوق بقى من اللى احنا فيه ده
ونحاول نشارك ونبطل خوف

تسلمى يا امنية ع الموضوع ده

مشكورة أمنية علي هذا الموضوع

كلمات صادقة جداً

بس هنروح فين

هو قاعد واحنا واقفين

هو عايش واحنا ميتين

مشكورة جداً

زائر

ميرسي يا امنيه بس كلمتين
ولا حاجه هترجع مصرك الاان تكون شغال ونشيط مش الولوله اللي هترجعها