MiCoN
:: مراقب عام ::
المشاركات : 22577
العمر : 31
محل الاقامة : Alexandria
الوظيفة : Engineering Student
الهوايات : Football and swimming
بتشجع نادي إيه : Al Ahly football club
لاعبك المفضل : Treika & Wael Gomaa
تاريخ التسجيل : 21/09/2009
التقييم : 121
نقاط : 32671
::: : 
 |  موضوع: حكاية شاب عادى..!!!!  2010-07-31, 6:56 am | |
| 
فى ذلك اليوم الهادئ ..وفى حوالى العاشرة صباحا..وحينما كانت الشمس تبدا فى الارتفاع رويدا رويدا فى الأفق.. وترسل بصيصا من اشعتها الذهبيه داخل اسوارالكليه..التى قد بدات تزدحم بالطلاب..
كان صاحبنا احمد يجلس فى مكانه المعتاد..الدرجه الثانيه من السلم الامامى للكليه..
متكئا على سوره الحديدى ..ممسكا الموبايل فى يديه ..وواضعا الهاند فرى فى اذنيه  ..وعينه لا تفارق كل رائح وغادى..وان صح اللفظ فقل كل(  رائحة وغاديه) ..!!
ولسان حاله يقول:قمر ..والله قمر  ..!
 سبحان الله ..ويخلق ما لا تعلمون..!
امتى الواحد يتخرج بقى من البتاعه دى خلينا نتجوز ونستــّر نفسينا  ؟؟!!
وبينما هو على
ذلك الحال اذ بصوت يعكر صفو ذالك الجو الرومانسى ويقطع عليه صوت الاغنيه
التيموريه فى اذنيه ..اذا بصوت ينادى ..احمد احمد ..فينتبه من غفلته ..فاذا
بشخص واقف امامه..!! احمد: مش معقول ..أبو الهناهين ..مش معقول ..  هانى : (وهو يعانق احمد  ) ازيك يا ابو حميد ..عامل ايه يا حبيب قلبى ..ليك وحشه والله..
احمد:الحمد لله ..انت اللى ليك وحشه ياض..خرجت م المغاره بتاعتك امتى يابنى  ..؟؟مستخبى زى ما يكون وراك تار .. فينك الفتره اللى فاتت دى كلها؟؟مش بتيجى الكليه ليه؟؟انا مشوفتكش من اخر امتحان م السنه اللى فاتت..!!
هانى: كان
عندى شوية ظروف شغلانى والله يا ابو حميد..وكمان انت عارف انا مش بحب انزل
الكليه غير للضروره ..خصوصا فى الزمن اللى احنا فيه ده والمناظر اللى
بنشوفها  ..ربنا يعافينا..!! احمد: (وهو يحدق النظر فى احدى الطالبات ) مالها المناظر اللى بنشوفها يا ابو الهناهين  ..؟؟ زى الفل  .. يا جااااااااااااااااااااامد..قششششششششششششششطه  ..!! وزى ما الواد تيتو صاحبى بيقول (البديهات فى الطالع.. والبناطيل فى النازل.. وليلتنا بيضه  )..!! هانى:لسه زى ما انت ..!!
مش ناوى تبطل بص لبنات الناس بقى يا اخى  ..يا اخى كما تدين تدان..
احمد: اولا انا معنديش اخوات بنات ..
ثانيا ..امال هما بيجوا الكليه ليه ولا بسين كده ليه ..؟؟ 
علشان نبص عليهم طبعا..ده حتى بيفرحوا اوى لما بيلاقوا حد بيبص عليهم ..ترضى اننا منفرحهمش..  ؟؟!!
هانى: طيب يلا يا حدق نقوم من هنا نقعد فى حته تانيه ..علشان عايز اكلم معاك شويه ..
احمد: وماله السلم ..؟؟!!هو احنا لينا مأوى فى الكليه غير السلم والكافيتريا..؟؟!!
هانى : بص ..فيه مكان هناك اهو عند الشجر (فى ركن الحبيبه)..
احمد: هههههههههه  ..ركن الحبيبه ده كان زمان اول ما دخلنا الكليه .. دلوقتى كل حته فى الكليه تقدر تسميها ركن حبيبه..
انت عرفت انهم قفلوا الحته اللى ورا اللى عند شئون الطلاب ؟
هانى: لأ..قفلوها ليه؟
احمد: طبعا بيقولوا علشان يستغلوا لكان ده..بس على مين  ..انا عارف السبب ..هما معرفوش يوقفوا زحف الحبيبه للمنطقه دى  ..فقالوا نبنى الجدار العازل ونريح نفسنا..ده الراجل بتاع الامن كل يوم يروح يلاقى اتنين (couples)
قاعدين للساعه 4 ولا 5 ..وبمنتهى حسن النيه يقولهم ..قوموا كملوا مذاكره فى البيت بعد اذنكوا  ..!!
هانى: ههههههههه ..اضحك الله سنك يا احمد..
احمد: ايه  ؟
هانى : مفيش..
يلا بينا بقى...
احمد: يلا يا زعيم..
 وبعد الاستقرار..
تحت ظل احد الاشجار ...
بدا هذا الحوار .. ... هانى: وانت ابه اخبارك يا ابو حميد ..عامل ايه فى الدنيا ؟؟
احمد: عامل عيش ..جديده دى صح  ..ههههه..هكون عامل ايه يعنى ..زى اى حد ..عمالين نخبط يمين وشمال واديها ماشيه  ..
وانت عامل ايه يابنى..سمعت انك كنت تعبان ..ايه اخبارك دلوقتى..؟؟
هانى: بخير من الله ونعمه ...نسألكم الدعاء.. احمد: ايه الكلام الفصيح ده ..متقول الحمد لله ..فكرتنى بالجماعه الشيوخ .. هانى: شيوخ ايه بس..؟ احمد: جماعه عاملين زيك كده بالظبط ..كل واحد عاملى فيها شيخ الاسلام ..
وكل شويه ..جزاكم الله خيرا..بارك الله فيكم ....نسألكم الدعاء..لما خنقوا الواحد  ..
فيها ايه يعنى لما يردوا الرد بتاع خلق ربنا المعروف..
شكرا ..ميرسي..نيس توبيك..ثانكث..كده يعنى..
كده يعنى.. هانى: انا مش عارف بس ايه اللى مزهقك فى كده..
دى حتى يا اخى سنة النبى عليه الصلاة واللسلام  ..وهو اللى علمنا كده ..
قال النبى صلى الله عليه وسلم (إذا قال الرجل لأخيه جزاك الله خيرا فقد أبلغ في الثناء)
يعنى ده ابلغ رد ممكن يتقال ..!!
عايز الناس تسيب سنة النبى بقى ويقولو ميرسى؟؟!! احمد: شوف برده الكلام..انت هتكفرنا ولا ايه يا عم الحاج ....؟؟!
يا عم مش عايزيهم يسيبوا سنة النبى ولا حاجه ..بس بلاش الازدواجيه اللى كلنا عارفنها دى ..
متبقاش واحده ولا واحد (تيييييييييييت ) وييجى يقولى جزاكم الله خيرا ..على مين بس ..سيبوا الكلام ده لحد تانى.. هانى: اولا استغفر ربنا بسرعه .. احمد: ليه بس ايه اللى حصل ..انا ارتكبت جريمه ولا ايه  ..ده بقول اللى اللى انا بشوفه مش اكتر.. هانى : يا بنى انت ارتكبت كبيره دلوقتى.. احمد: كبيره ..!!!
يا نهار (تيييييييييييييييت)..!! هانى: وادى كمان مصيبه ..!! احمد : الليله دى مش معديه ..قوم ياض من هنا ..هى العمليه ناقصه خنقه  ..قووووووووم ..!! هانى: انت اللى بتخنق على نفسك وبتضيق على ننفسك لما تقول الكلام ده..
انت قلت كلام على واحد ه فى الاول مش كويس وده اسمه قذف ..وده كبيره من الكبائر..
وثانيا ..سبيت الدهر .. والنبى صلى الله عليه وسلم قال ( لا تسبوا الدهر.. قال الله عز وجل أنا الدهر ) احمد: انا اول مره اعرف الكلام ده ..!! هانى: ازاى يابنى..انا مش كنت بعتلك لينكات للمواضيع دى على الايميل وكمان كنت بعتلك لينك منتدى تريكة دوت كوم  اللى كنت كلمتك عنه ؟؟ احمد: لا.. هانى: ليه ..انت مش بتدخل منتدى تريكة ولا ايه ..؟؟
انا صحيح مش بشوفك بتشارك هناك ليه؟ احمد: انا فعلا لا بدخل ولا بشارك ..عارف ليه .. هانى : ليه؟ احمد: اصل الناس هناك بتعمل ايه ..كوبى وبيست من اى منتدى تانى وخلاص..تلاقيهم حتى مش بيقروا المواضيع اللى بينزلوها..!!
وبعدين انا عارف فى الدين اكتر من اى حد ..!!
زى ما قولتلك ..دول مجرد بينقلوا المواضيع ....كلام وخلاص..!! هانى: يا رجل اتق الله ....ربنا يتقبل منا ومنهم..
وبعدين ..احنا ملناش نحكم ع الناس غير بالظاهر..
النوايا والبواطن دى بتاع ربنا..يعنى واحد يكتب موضوع عن الصلاه ومش بيصلى ..ربنا اللى هيحاسبه مش انا..!!
والاحسن اانا منحكمش ع الناس من اساسه وكل واحد يخليه فى نفسه ..وبلاش نتتبع عورات الناس..!!
وبعدين يا سيدى ..بما انك قلت انك عارف اكتر من اى حد فى الدين ..
يبقى انت عارف ان فيه ايه فى القران بتقول ( وذكر فإن الذكرى تنفع المؤمنين)..
يعنى كده كده هتسفيد سواء موضوع جديد او قديم بالنسبه لك ..! أحمد: مش بقولك ..بقيت تكلم كلام كبير اوووى  ..
انت لازم تحكيلى ايه اللى حصلك بالتفصيل..
بس الاول ..اروح اجيب اتنين (كابتشينو) نعمل بيهم احل شغل..!!ولا اجيبلك عصير قصب ..!!هههههه هانى: استنى يا احمد..كابتشينو ايه وقصب ايه..انت مش صايم ولا ايه..؟؟!! احمد: لا طبعا..هو رمضان لحق يجى بالسرعه دى ..معقول..هههههههههههههه هانى: رمضان ايه بس يا احمد..!!
انهارده الاتنين..!! احمد: مممممممممم  ..محدش قالى والله ..!!وانت صايم ليه بقى ان شاء الله؟؟ هانى : النبى- صلى عليه يا بخيل ..صلى الله عليه وسلم ..كان يتحرى صيام الاثنين والخميس ..وقال (تُعرض الأعمال يوم الاثنين والخميس ، فأحب أن يعرض عملي وأنا صائم ) احمد: يا نهار..مكنتش اعرف الكلام ده..!! بقولك ايه ..انا مكلتش غير سندوتشين فول ..ينفعش اكمل صيام ..!!ههههههههه.. هانى: خليك واخد الحياه كلها هزار فى هزار كده..يابنى فوق بقى شويه ..
القلب الموصول بالله ساكن وقور..!! احمد: ايه منضحكش ولا ايه ..؟؟ هانى: لا ياعم اضحك براحتك ..بس مش على طول..فيه مواقف للضحك ومواقف للجد..الدنيا مش سبهلله..!! احمد: طيب يا عمونا.. هانى: سبحان
الله يا اخى..انا كنت ناسى زيك كده ..بس بفضل الله وانا بقلب فى منتدى احلى
حياة لقيت موضوع عن التذكير بالصيام كاتباه اخت فاضله ربنا يجازيها كل
خير..وادينى الحمد لله صايم.. احمد: خليك كل شويه قولى اخت واخ وفاضل وكريم وعبد السلام ..!! هانى: خلينا نتكلم جد شويه
..
انت عارف يا احمد..انا بغبط الناس دى والله.. احمد: ايه (بغبط دى )..؟؟ هانى: بحسد يعنى .. احمد: طيب ما تقول بحسد وخلاص..ولا لازم تكلكعها يعنى ..!! هانى : لا يا ابو حميد..الحسد شئ والغبطه شئ..
الحسد هو تمنى الشئ مع تمنى زواله من عند صاحبه..
اما الغبطه فهى تمنى الشئ دون تمنى زواله من عند صاحبها..والحسد شئ محرم طبعا.. أحمد:منكم نستفيد..بتغبطهم على ايه بقى يا فصيح  ؟؟ هانى: انت عارف اخت زى اختنا دى اللى كتبت موضوع الصيام د ه او نقلته من اى حته ..
واحد زى قراه وصام ..تاخد ثوابه كاملا وهى قاعده فى بيتها حتى لو ما صامتش ..شفت الثواب العظيم..
تخيل بقى ده مش واحد بس..ده مثلا 100 واحد بيقروا الموضوع..ايه رايك بقى..مش اجر عظيييييييييييييم جدااااا
اللى يفرط فيه يبقى مجنون والله ..!! احمد: مين قال الكلام ده  ..؟؟ هانى: (وهو بيقول فى نفسه..وعمال تقولى انا اعرف اكتر من اى حد فى الدين)..
النبى- صلى عليه يا بخيل..صلى الله عليه وسلم بيقول..
(من دعا إلى هدى كان له من الأجر مثل أجور من تبعه لا ينقص ذلك من أجورهم شيئا) احمد: كلام جميييييل وعلى عينى وعلى راسى من فوق..
بس المنتديات دى نظام فاشل هانى: مين قال كده..ما هو فيه قوانين للمنتديات والعمليه مش هيصه !! احمد: قوانين ايه بس ..دول ماشيين على قانون اللمبى..
هتلتزم بالقوانين تبقى صاحبى وحبيبى وكفاءة ..هتخالف القوانين هعصرك انزل منك اعضاء ومشرفين.. هانى: اضحك الله سنك.. احمد: مين ؟ هانى: لا مفيش.. احمد: وبعدين فيه المنتديات دى فيها شوية اعضاء ومشرفين (تيييي) هانى: وبعدين احنا لسه بنقول منجيبش فى سيرة حد.. احمد: زى الفل..(وفى سره بيقول..شوية اعضاء ومشرفين "تييييييييييييييييييييييييت ") هانى:والله يا احمد ..كلهم بسم الله ماشاء الله ..
ربنا يجازيهم كل خير .. احمد:بمناسبة الخنقه..انا كنت بشارك فى منتدى كليتنا..
المنتدى كله كوم..وفى واحد تانى كده كوم لوحده..ده بقى ببقى خلاص جبت اخرى منه ..!! هانى: مين ده بس اللى مزعلك كده ؟ احمد: (___________) هانى: يا رجل اتق الله ..ده اخ غلبان وعيان ..ادعيله ربنا يشفيه.. احمد: عيان مين بس..ده تلاقيه ناططلك فى كل موضوع زى ال(تييييييييييت) ويبيقولك (لا يجوز شرعا يا اخى) ..
فى كل قسم فى المنتدى..!!
تصور انا انا بقيت اخاف اجى ادخل بالاكونت بتاعى فى مره الاقيه بيقولى لا يجوز يا اخى ..من فضلك غير الايميل ..!! هانى: هههههههه..اضحك الله سنك .. احمد: ايه ؟ هانى:لا مفيش.. احمد: وبعدين واجع دماغنا كل شويه ( انا بحبك فى الله ) ..(انا خايف عليك)..
يا اخى مش عايزين حب من حد ..كل واحد يخليه فى نفسه ..!! هانى : مين قال الكلام ده بس يا احمد ..الحب فى الله عباده لا تقل اهميه عن اى عباده تانيه..ده من شروط كمال الايمان..
قال النبى –صلى عليه يا بخيل – صلى الله عليه وسلم ..( قال من أحب لله وأبغض لله وأعطى لله ومنع لله فقد استكمل الإيمان)
ده غير فضائل الحب فى الله الكثيره والعظيمه جدااااااااااااااااا..
ومنها حديث النبى صلى الله عليه وسلم..
(إن من عباد الله لأناسا ما هم بأنبياء ولا شهداء يغبطهم الأنبياء والشهداء يوم القيامة بمكانهم من الله
قالوا يا رسول الله فخبرنا من هم قال
هم قوم تحابوا بروح الله على غير أرحام بينهم ولا أموال يتعاطونها فوالله
إن وجوههم لنور وإنهم لعلى نور ولا يخافون إذا خاف الناس ولا يحزنون إذا
حزن الناس وقرأ هذه الآية ألا إن أولياء الله لا خوف عليهم ولا هم يحزنون)
سبحان الله ..الانبياء والشهداء بيغبطوهم على قرب مكانهم
من الله ..ده ايه الثواب العظيم ده ..وغيره وغيره من الاحاديث الجميله
للنبى صلى الله عليه وسلم..
ده اللى انت متعرفهوش بقى ان اخوة الدين اقوى من اخوة النسب..!! احمد:جميييييييل..وبعدين ؟ هانى: اما بخصوص انه بيرد ويخنق والمواضيع فده اساس من اسس الدين بتاعنا يا احمد..
النبى صلى الله عليه وسلم ..ايوه كده ..كده انت مش بخيل..
بيقول (الدين النصيحه)
وبيقول (والذي نفسي بيده لتأمرن بالمعروف ولتنهون عن المنكر أو ليوشكن الله أن يبعث عليكم عذابا منه ثم تدعونه فلا يستجيب لكم)
وربنا بيقول فى كتابه الكريم(كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ) احمد: بس مش بالطريقه دى ..ده خلى كل حاجه حراااااام..
بلاش نتكلم ع الشات –حرام
بلاش اغانى –حرام 
بلاش افلام –حرام
بلاش صور حرام
الفديو ده فيه بنات-حرام
ايه ده؟؟ احمد:ايه ده؟؟
انا بقول اصلا انه من المتشددين الانطوائين الجهله بالدين ..
الدين ايسر من كده بكتيييييييير..مش كده خااااااالص..!!
ولا انت مش معايا؟ هانى: ومش بعيد يكون من الارهابيين كمان!!
يا احمد يا
حبيبى..هو الراجل بيحرم ويحلل حاجه من عنده..مش كله اما بدليل من كتاب الله
او من صحيح سنة رسول الله صلى الله عليه وسلم..
والنبى صلى الله عليه وسلم بيقول (إياكم
ومحقرات الذنوب فإنما مثل محقرات الذنوب كمثل قوم نزلوا بطن واد فجاء ذا
بعود وجاء ذا بعود حتى جملوا ما أنضجوا به خبزهم وإن محقرات الذنوب متى
يأخذ بها صاحبها تهلكه)
وخرج انس على الناس بعد وفاة النبى فقال لهم ( إنكم لتعملون أعمالا هي أدق في أعينكم من الشعر كنا نعدها على عهد رسول الله صلى الله عليه وسلم من الموبقات . يعني المهلكات) 
وبعدين انت عارف خطورة المعصيه يا ابوحميد مش فى كونها معصيه صغيرة او كبيره وبس ..
لا..ده فيه مشكله كمان اسمها القلب ..
واسمع الحديث ده بس بعد ما تصلى على النبى صلى الله عليه وسلم..
(تعرض
الفتن على القلوب عرض الحصير عودا عودا فأي قلب أشربها نكتت فيه نكتة
سوداء وأي قلب أنكرها نكتت فيه نكتة بيضاء حتى يصير القلب أبيض مثل الصفا
لا تضره فتنة ما دامت السموات والأرض والآخر أسود مربدا كالكوز مجخيا لا
يعرف معروفا ولا ينكر منكرا إلا ما أشرب من هواه)
ومعنى مربدا :
بياض شديد قد خالطه سواد ..ومجخياً : أي مقلوبا منكوسا..يعنى القلب يبقى
عامل زى الكاس المقلوب ..الايمان يحاول يدخل فيه ميعرفش ..!!
عارف يعنى ايه الحديث ده..؟؟
يعنى انت مثلا لو بتسمع اغنيه واحده فى اليوم .. احمد:واحده ايه بس..قصدك ميه ..
هى ممكن تكون واحده عجبانى واقعد اسمعها طول اليوم.. هانى: يا عم قول واحده ..والاغنيه مثلا 3 دقايق..قول ب 3 نكت سودا فى اليوم على القلب..
يعنى ب اكتر من الف نكته سودا فى السنه..!!!!
طيب ده انت بتسمع اغانى بقالك 7 سنين ..يعنى 7 الاف نكته سودا..
تخيل شكل قلبك دلوقتى وهو عليه 7الاف نكته سودا ..بقى عامل ازاى ..بقى فحمة طبعا ..
والفحم ملهوش مكان غير النار,,,!!
ده اغانى بس..!!
تخيل بقى لو تليفزيون على نت على تضييع صلوات على هجر قرآن..!!
الموضوع خطييييييييييييير ولا مش خطييييييييييير.. احمد: بس انا بصلى والله ومحافظ ع الصلاة قدر الامكان..وبصوم وبذكر ربنا ..
احنا مش كفار يعنى..!! هانى: انا مقلتش كدا طبعا ..ربنا يزيدك ويثبتك..
احمد: وبعدين كلنا هندخل الجنه برحمة ربنا مش باعمالنا ؟؟!! هانى: كلام سليم..كلنا هندخل الجنه برحمة ربنا..
بس درجتك فى الجنه هتبقى على قد عملك فى الدنيا..!!
زى تكليفك كده ..على قدر تقديرك فى الكليه..
وسبحان الله ..ربنا مش هيساوى اللى ذكره 100 مره مع اللى ذكر ربنا 101 مره..!!
يقول تعالى (وَنَضَعُ
الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ
شَيْئًا وَإِنْ كَانَ مِثْقَالَ حَبَّةٍ مِنْ خَرْدَلٍ أَتَيْنَا بِهَا
وَكَفَى بِنَا حَاسِبِينَ)
يعنى هنتحاسب بمثقال الذره ..كل حركه.. كل سكنه.. كل كلمه.. كل نظره ..كل شئ..!!
احمد: انت هتخوفنا ليه بس يا هانى ..؟؟!!
يا عم ربنا غفور رحيم..
هانى: ايوه ربنا غفور رحيم ..بس كمل الايه اللى بعدها بقى ..
قال تعالى (نَبِّئْ عِبَادِي أَنِّي أَنَا الْغَفُورُ الرَّحِيمُ*وَأَنَّ عَذَابِي هُوَ الْعَذَابُ الْأَلِيمُ)
ده سيدنا ابو بكر كان يقول (والله لا آمن مكر الله ولو كانت احدى قدماى فى الجنه)
وجاء عبد الله بن
عباس الي عمر بن الخطاب بعدما طعن فقال : يا أمير المؤمنين ، أسلمت حين
كفر الناس ، و جاهدت مع رسول الله صلى الله عليه و سلم حين خذله الناس ، و
قتلت شهيدا و لم يختلف عليك اثنان ، و توفي رسول الله صلى الله عليه و سلم و
هو عنك راض .
فقال له : أعد
مقالتك فأعاد عليه ، فقال : المغرور من غررتموه ، و الله لو أن لي ما طلعت
عليه الشمس أو غربت لافتديت به من هول المطلع .
و قال عبد الله بن عمر : كان رأس عمر على فخذي في مرضه الذي مات فيه .
فقال : ضع رأسي على الأرض .
فقلت : ما عليك كان على الأرض أو كان على فخذي ؟!
فقال : لا أم لك ، ضعه على الأرض .
فقال عبد الله : فوضعته على الأرض .
فقال : ويلي وويل أمي إن لم يرحمني ربي عز و جل . وسيدنا محمد صلى الله عليه وسلم كان بيقول لاهل بيته ..اعملوا صالحا ..فانى لن اغنى عنكم من الله شيئا..
احمد: بس ربنا قال (ورحمتى وسعت كل شئ) هانى: تعالى نكمل الايه برده ..
قال تعالى (وَرَحْمَتِي
وَسِعَتْ كُلَّ شَيْءٍ فَسَأَكْتُبُهَا لِلَّذِينَ يَتَّقُونَ وَيُؤْتُونَ
الزَّكَاةَ وَالَّذِينَ هُمْ بِآيَاتِنَا يُؤْمِنُونَ)
فسأكتبها لمين؟؟
للذين يتقون ..وانت عارف ان التقوى منزله عاليه اوى فى الايمان..
وفى نفس السوره يقول تعالى (إِنَّ رَحْمَةَ اللَّهِ قَرِيبٌ مِنَ الْمُحْسِنِينَ)
المحسنيين ..والاحسان درجه عاليه او برده فى الدين..وهو ان تعبد الله كانك تره فان لم تكن تراه فانه يراك..
احمد: بس ربنا قال انا عند ظن عبدى بى..واحنا نحسن الظن باالله..
هانى: جميل ..شوف الامام الحسن البصرى بيقول ايه (وهناك اقوام قالوا نحسن الظن بالله ..كذبوا والله ..لو احسنوا الظن لاحسنوا العمل)
احمد: يا عم ده قول تابعى مش قول النبى صلى الله عليه وسلم..
هانى: ماشى يا سيدى..بالبلدى كده ..اللى بيحب حد مش بيسمع كلامه ..!!
والشاعر بيقول
تعصى الحبيب وانت تزعم حبه ....هذا لعمرى فى القياس بديع
لو كان حبك صادقا لاطعته..........ان المحب لمن يحب مطيع
احمد: انت هتيئسنا من رحمة الله ولا ايه ..؟؟؟!!
هانى: حاشا وكلا ..رحمة ربنا وفضله ورضوانه فوق ما يتخيل اى بشر..
ولكن لازم نعبد ربنا صح ونجتنب المعاصى ..
وزى ماقولتلك..لازم نخاف..نعبد ربنا بالخوف والرجاء والحب..
ده السيده عائشة زوجة النبي صلى الله عليه وسلم ( سألت رسول الله صلى الله عليه وسلم عن هذه الآية { والذين يؤتون ما آتوا وقلوبهم وجلة }
قالت عائشة هم الذين يشربون الخمر ويسرقون؟؟
قال النبى : لا يا بنت الصديق ..ولكنهم الذين يصومون ويصلون ويتصدقون وهم يخافون أن لا يقبل منهم أولئك الذين يسارعون في الخيرات)
وكمان يا احمد من علامات قبول الطاعه ..انك تعمل طاعه بعدها .
.مش معصيه زى ما احنا بنعمل ..!!
ربنا يعفو عنا ويهدينا..
احمد: تصدق انا اول مره اسمع الكلام ده منك دلوقتى ..
نبهتنى لحاجات كتيييييييير ..شكرا كتييييييييير..
هانى: طيب ما تقول جزاكم الله خير احسن ..ههههههه
احمد: هههههه ..جزاكم الله خيرا يا سيدى..
هانى: طيب خلينى اسألك سؤال بعد اذنك؟
احمد: اتفضل..
هانى: اخر مره ختمت فيها القران ايه ؟
احمد: وليه الاحراج ده بس ..؟؟ قصدك تقول ختمت القران قبل كده ..!!
هانى : انت بتهزر؟
احمد: لا والله ..مش بهزر..انا فعلا ختمت القران مره واحد وانا اولى ثانوى فى شهر رمضان..
ايام ما كان الواحد لسه قطه مغمضه..
الواحد عارف انه مقصر كتيييييييييير..
هانى: طيب لما انت عارف انك مقصر ..ليه مش بتقف وتحاسب نفسك..
وتشوف نفسك ماشى فى اى طريق..رايح يمين للجنه ولا شمال للنار..
انت عارف ان موت الفأجاه منتشر اوى فى زماننا ده..!!
واكيد مش ناسى الدكتور احمد .. ولا اختنا (___).. ولا اخونا هشام..
ربنا يرحمهم ويتغمدهم بواسع رحمته..
احمد : امين
هانى: تخيل يا احمد..
الناس دى كانوا زى واحد فينا ..
يوم وفاتهم كل واحد صاحى من نومه ..عنده شغله ..وعنده احلامه ..وآماله اللى نفسه يحققها ..عنده همومه واحزانه..
بس ياترى هل حد فيهم كان شايل هم الوقوف بين يدى الله ..هم القبر والصراط والميزان والقنطره والاهوال اللى دى كلها..!!
ياترى لو رجعوا تانى لدنيتا وكليتنا ونصحونا ..
ياترى يا احمد ..هيقولولنا ايه..؟؟؟!!
هيقولوا اغلى امنية عندنا فى قبورنا اننا نرجع الدنيا علشان نسجد لله سجده او نسبح تسبيحه..!!
هيحسدونا على كل لحظه فى عمرنا ..!!
هيقولولنا صدق القائل..الناس نيااااااااااااااااااااااام..فاذا ماتوا انتبهوا..
هيقولوا صدق الحق تبارك وتعالى اذ قال(وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ)
(قُلْ
إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ
تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا
كُنْتُمْ تَعْمَلُونَ)
كلنا بنهرب من الموت وبنحاول ننسى..
مع ان الرسول صلى الله عليه وسلم هو اللى قال (كنت نهيتكم عن زيارة القبور فزوروها ، فإنها تذكركم الموت)
مع اننا مدركين تمام الادراك اننا فى يوم ..
هننام ع التراب بعد السرير الناعم الجميل..
وهنبقى احنا اشهى وجبه للدوود بعد ما كنا مش بنرضى ناكل غير فى افخم المطاعم ..
الشعر اللى كان الواحد مش بيرضى ينزل الكليه من غير (جيل)..
واللى كان عامل (دوجلاس) واللى حالق
على احدث موضه ..واللى كانت مش بتنزل غير لما تروح الكوافير واللى كانت
مبينه (شعرتين اوصه) من تحت الحجاب ..
كل ده للدووود والتراب..
اللى كانت مش بتنزل الكليه غير بالميك اب..والاى لينر والاى شادو والمسكره ..كله للدووود والتراب..
من اول الحاجات اللى بتنفجر من جسم الانسان بعد ما الجسم ينتفخ فى قبره هى البطن والفرج..
الحاجتين اللى الانسان عاش علشانهم طول عمره..وافنى عمره يلبى لهم شهواتهم..!!
احمد: ( وقد بدات الدموع تترقرق على خديه ..وهو يحاول اخفائها..)
فعلا..ازاى الواحد كان غافل عن الحقيقه دى ..
كنت قريت حديث من فتره يقول الرسول
صلى الله عليه وسلم..( استحيوا من الله حق الحياء قال قلنا يا نبي الله إنا
لنستحيي والحمد لله قال ليس ذلك ولكن الاستحياء من الله حق الحياء أن تحفظ
الرأس وما وعى وتحفظ البطن وما حوى وتذكر الموت والبلى ومن أراد الآخرة
ترك زينة الدنيا فمن فعل ذلك فقد استحيا من الله حق الحياء)
ولكن زى ما انت قلت بالظبط ..القلوب عليها صدا وطين وزفت وقوووول زى ما انت عايز..
هانى: يقول الشاعر
والله لو ان القلوب سليمة ....لتقطعت شوقا من الحرمان
لكنها سكرى بحب حياتها الدنيا....وسوف تفيق بعد زمان (وقد لاحظ هانى الدموع على خدى احمد)..
انت بتبكى يا احمد..لا اله الا الله ..والله ده انت قلبك رقيق ..ده انا اللى قلت الكلمات وما بكيتش وماتأثرتش بيها..!!
احمد: ربنا يزيدك تواضع وايمان يا هانى ..
عارف يا هانى..طول عمرى بقف جنب ناس بتبكى فى الصلاه وبسأل نفسى ..الناس دى بتبكى ليه..؟؟؟!!
انا وهما بنسمع نفس الايات ..اشمعنا هما ..؟؟
كتيييير بسمع عن البكاء من خشية الله ..حاولت ابكى مقدرتش ..عصرت عينيا مقدرتش ..!!
عرفت ان ده فضل من ربنا ..يؤتيه من يشاء..
كتيييييييييييييييييييييييير قالولى
ان البكاء والتذلل لله هو افضل شعور فى الدنيا ...كان نفسى احس المعنى ده
..وادينى فعلا حسيته ..ببكى بس حاسس ان انا سعيد ونفسى ابكى كمان وكمان
..حاسسس ان انا بتطهر ..حاسس ان قلبى بيتغسل بالدموع دى..
هانى:
اااااااااااااااااااه يا احمد..زى ما احد السلف كان بيقول عن قيام الليل
والبكاء بين يدى الله تعالى (لو يعلم الكفار ما نحن فيه من لذه لقاتلونا
عليها بالسيوف)
وقال اخر وهو يقوم الليل ويبكى
(والله لو ان اهل الجنه فى مثل هذا النعيم والسعاده-يقصد نعيم الانس بالله
وسعادة التذلل اليه –انهم لفى نعيم عظيم)
ويكفى حديثي رسول الله صلى الله عليه وسلم (عينان لا تمسهما النار أبدا عين بكت من خشية الله وعين باتت تحرس في سبيل الله)
والاخر(سبعة يظلهم الله عز وجل يوم القيامة يوم لا ظل إلا ..ومنهم.. ورجل ذكر الله في خلاء ففاضت عيناه )
احمد: شوقتنى للحاجات الجميله دى ..بجد الواحد فعلا مكنش عايش..
والنبى يا هانى متسيبنيش ..خليك جنبى وساعدنى انى اتغير ..!!
هانى: قول لا اله الا الله يا احمد..
مينفعش تحلف وتقول (والنبى)..النبى صلى الله عليه وسلم بيقول (من حلف بغير الله فقد كفر أو أشرك)
احمد:لا اله الا الله..محمد رسول الله..
هانى: القلب يا احمد..القلب هو كل شئ..زى ما كنا لسه بنتكلم دلوقتى..
وزى ما النبى صلى الله عليه وسلم بيقول (ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب)
اسمع ربنا وهو بيقول فى كتابه الكريم(إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ)
سبحان الله ..قلوبهم بتزلزل من ذكر الله..
واسمع الايه دى (اللَّهُ
نَزَّلَ أَحْسَنَ الْحَدِيثِ كِتَابًا مُتَشَابِهًا مَثَانِيَ تَقْشَعِرُّ
مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ
وَقُلُوبُهُمْ إِلَى ذِكْرِ اللَّهِ)
سبحان الله ..جسمهم بيقشعر وقلوبهم بتلين واعينهم بتبكى من ذكر الله..هى دى فعلا القلوب السليمه..
احمد:طيب اعمل ايه دلوقتى علشان اصلح قلبى ؟؟!!
هانى : اولا ..التوبه النصوح من جميع الذنوب صغيرها وكبيرها ..كل واحد فينا عارف ذنوبه كويس..
احمد: والتوبه النصوح دى اعملها ازاى ..؟؟
هانى: بص يا سيدى العلماء بيقولوا ان شروط التوبه 4 شروط لازم الاربعه يتتحققوا علشان فعلا تبقى توبه نصوح.. اولا : الاقلاع عن الذنب..يعنى تسيب الذنب نهائيا ..لو كانت بنت مثلا تبطل تكلمها ..تغير رقم موبايلك ..كده يعنى..
ثانيا: الندم على الذنب..يعنى متبقاش فرحان كل ما تفتكر الذنب ..وتقول كانت ايام عسل والله ..!!
لا..ده انت المفروض قلبك يتعصر من الالم كل ما تفتكر الذنب..
ثالثا: النيه على عدم العوده الى الذنب مره اخرى..يعنى متقولش هتوب مثلا من السجاير ..وفى نفسك عارف انك هتقعد مع فلان بكره فهتشرب تانى..!!
رابعا: رد المظالم لاصحابها لو كان الذنب يتعلق بحق من حقوق العباد..زى السرقه واكل الاموال بالباطل وهكذا..
احمد: طيب لو تبت ورجعت وقعت فى الذنب تانى..؟؟
هانى: إنك المفروض ما تيأسش في حكاية التوبة و الرجوع
طول ما انت بتتوب يبقى انت على الطريق الصحيح , كما قال صلى الله عليه و سلم :
"ما من عبد مؤمن إلا و له ذنب ,
يعتاده الفينة بعد الفينة , أو ذنب هو مقيم عليه لا يفارقه حتى يفارق
الدنيا , إن المؤمن خُلق مفتَنا , توابا نسيا , إذا ذُكِّر ذكر" و ما نفهمش من الحديث ده إن كل واحد يختار له ذنب يبقى هو الذنب بتاعه
خلاص بقى يعمله على طول الخط !!
لا إنما كما في آخر الحديث "مفتنا , توابا نسيا"
يعني بيعود و بيتوب طول حياته
جهاد مستمر .. وخليك فاكر ان لازم صحبه صالحه ..لاااااااااااازم.
احمد: اشمعنا ؟
هانى: دول اللى هياخدوا بايدك لو وقعت ..ويثبتوك ..بل ويرفعوك ويعلوا ايمانك باذن الله..
وانت وانا عارفين ناس كتيييييير جدا
تابوا من معاصى كتييييييييييير زى البنات والاغانى والتدخين والاباحيات
وغيرها ورجعوا تانى بسبب قعده مع شلة الانس بتوع زمان..
احمد: يعنى هسيب اصحابى .!.!!
هانى : اه
احمد: كلهم؟؟
هانى: لو فيهم حد صالح خليك معاه..
احمد: صالح مين بس..!!
لا فيهم صالح ولا حسنين..!!
هانى: خلاص..يبقى يا تختار اصحابك ..يا تختار طريق ربنا..؟؟
وخليك فاكر انه من ترك شيئا لله عوضه الله خيرا منه..
يعنى ربنا هيديلك اصحاب احسن منهم 100 مره ..
احمد: طيب ما ينفعش اروح ادعيهم ..؟؟
هانى: لا يابنى ..لو حد فيهم عايز يلتزم معاك ماشى..
انما انت تروحلهم لا ..لازم تثبت رجليلك فى الالتزام الاول ..
انما كده لو روحت ومجرد بس حد فكرك بذنب قديم او عرض عليك فتنه او شبهه هتضيع ..!!
انت مش اول واحد يقول الكلام ده ..
الكلام ده لازم يتنفذ ..الصحبه ثم الصحبه ثم الصحبه..
النبى صلى الله عليه وسلم بيقول (المرء على دين خليله)
احمد: وانا اخترت طريق ربنا  ..
بس انت شايف الدنيا بقت عامله ازاى واحوال الشباب شكلها ايه..الاقى فين الصحبه الصالحه دى..؟؟
هانى: موجودين بفضل الله ..بس انت استعن بالله وهو هيرشدك ويدلك..وباذن الله ادخل بس معانا على منتدى تريكة دوت كوم هتلاقى احلى صحبه صالحه ..
متخفش..الناس دى مبتعضش
الناس دى اسعد ناس اطيب ناس وعايشين احلى حياه فعلا.. احمد: طيب وفتنه النساء ..بجد مش لاقيلها حل ..البنات دول فظااااااااااااااع ..امامير اووووى ومش بقدر اقاوم ..؟؟!!
الواحد لو غض بصره عن الاولى والتانيه والتالته..مش هيقدر يغض بصره عن الألف..ده الواحد بيكعبل فيهم دلوقتى..!!
هانى : فكرتنى بكلمه للدكتور حازم شومان عن بعض البنات..
بيقول ..البنت تخليك ماشى فى الشارع.. لو كحيت جنبها تقولك لو مكنتش تحلف..!!ههههههههه
احمد: هههههههههههه..عنده حق والله..
هانى: بص يا احمد ..الواحد فعلا لو نازل الكليه او الشارع دلوقتى ..نازل معركه فعلا ..
جهاد رهيب مع النفس فى غض البصر ..وزى ما انت قلت ان كل المناطق وفى كل الاوقات دلوقتى العمليه ملغمه..!!
وده يفكرك على طول بقول الله تعالى (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا)
يعنى ربنا مش هيسيبك طالما انت ماشى فى طريقه ..وبتستعين بيه ..
زى ما سيدنا يوسف قال (وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ)
(فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ)
هانى: وخليك فاكر دايما ان الالتزام ده مش شطارة منى ومنك ..ده فضل وهدايه من ربنا عز وجل ..
فاياك والغرور والعجب باعمالك واياك واحتقار الاخرين نفسهم او اعمالهم..
وخليك فاكر دايما قول الله تعالى (وَلَوْلَا
فَضْلُ اللَّهِ عَلَيْكُمْ وَرَحْمَتُهُ مَا زَكَا مِنْكُمْ مِنْ أَحَدٍ
أَبَدًا وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ
عَلِيمٌ)
وقوله تعالى (كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُمْ)
ولو شوفت واحد اكبر منك ..قول سبقنى الى الطاعه..
ولو شوفت واحد اضغر منك ..قول سبقته الى المعصيه..
سيدنا عمر ن الخطاب كان ياخذ بيد الصبى الصغير ..ويقول له (ادع الله لى يا غلام فانك لم تذنب)..!
أحمد: بارك الله فيكم يا هانى وجزاكم كل خير وثبتكم وأعانكم على الطاعه ..
أحبك فى الله..
هانى: ايه الكلام الفصيح ده يا واد ..احبك الذى احببتنى فيه ..وانا ايضا احبك فى الله ..
وأسأل الله ان يجمعنا بهذا الحب فى ظل عرشه يوم لا ظل الا ظله..
أحمد: اللهم امين..
هانى : الساعه بقت 11 ..يلا بينا على المسجد..
احمد: لييييييه؟؟
الظهر لسه فاضل عليه ساااااااعه..!!
هانى: هنصلى الضحى يا احمد..صلاة الاوابين..
احمد: والله نعم الصاحب الصالح انت..
يلا بينا.. هانى: سبحانك اللهم وبحمدك ..نشهد ان لا اله الا انت ..نستغرك ونتوب اليك..  |
|
AmiRa 3mR
:: من كبار التريكاويه ::
المشاركات : 13412
العمر : 29
محل الاقامة : Balady
الوظيفة : Student
الهوايات : El tarekh / Reading/EL AHLY
بتشجع نادي إيه : MY best team :El Ahly
لاعبك المفضل : treika we bas
تاريخ التسجيل : 05/07/2009
التقييم : 40
نقاط : 22453
::: : 
| | موضوع: رد: حكاية شاب عادى..!!!! 2010-07-31, 7:42 am | |
| سبحانك اللهم وبحمدك ..نشهد ان لا اله الا انت ..نستغرك ونتوب اليك..
بجد قصة روووووووعة
انا بجد عيطت وانا بقرأها ياريت كل اللى يسمع ويقرأ الكلام ده يراجع نفسه تانى وربنا يهدينا جميعا
والله مش ببالغ بس القصة والكلام راااااااائع
جزاك الله خيرا وجعله فى ميزان حسناتك يا محمد
جزاك الله الجنة |
|
ملكه الصقر المصرى 17
:: من كبار التريكاويه ::
المشاركات : 9485
العمر : 30
محل الاقامة : treika.com
الوظيفة : Engineering student
بتشجع نادي إيه : El-ahly
لاعبك المفضل : treika
تاريخ التسجيل : 22/07/2009
التقييم : 10
نقاط : 16450
::: : 
| | موضوع: رد: حكاية شاب عادى..!!!! 2010-07-31, 8:47 am | |
| مااااااااا شاء الله
بجد بجد قصة فى منتهى الجمال
مفيش احلى من الهداية الجميلة دى والتوبة النصوحة
اللهم اجعلنا من التوابين الاوابين
جزاك الله خيرا ورزقك الفردوس الاعلى
ربنـــــــــــــا يبارك فيك باذن الله
|
|
MiCoN
:: مراقب عام ::
المشاركات : 22577
العمر : 31
محل الاقامة : Alexandria
الوظيفة : Engineering Student
الهوايات : Football and swimming
بتشجع نادي إيه : Al Ahly football club
لاعبك المفضل : Treika & Wael Gomaa
تاريخ التسجيل : 21/09/2009
التقييم : 121
نقاط : 32671
::: :
| | موضوع: رد: حكاية شاب عادى..!!!! 2010-08-05, 6:23 pm | |
| |
|
الفيديو 
