مستعدتش لسه ............ طيب اعمل ايه

السلام عليكم ورحمة الله وبركاته

مستعدتش لسه ............ طيب اعمل ايه

رجب شهر البذر
شعبان شهر السقي
رمضان شهر الجني
أنا مزرعتش حاجة.. ولا سقيت حاجة
مفيش... أمل رمضان خلاص ضاااايع ضااااااايع

كان الصحابة يستعدون قبل رمضان بستة أشهر
باقي 6 أيام وأنا معملتش حاجة

خلاص رمضان زي كل سنة

مفيش فااااااااااااايدة

كان نفسى يكون رمضان مختلف لكن ملحقتش

رمضان باقى له أيام وأنا زي ما أنا
مش حاسس بحاجة ومعنديش همة أعمل حاجة

مفيش فاااااااااااااايدة
حتى رمضان هيضيع منى !! مفيش أمل

الكلام ده بنسمعه
وكثيييييير منا حاسس بإحباط شديد لإنه مستعدش

سواء كانت واحد عنده أمل يتغير ويلتزم في رمضان
أو واحد ملتزم ولكن قلبه مليان فتور ومش عارف هيدخل إزاي رمضان !!

حد سأل نفسه ليه حالة الأحباط زيادة قوى دلوقتى ؟؟

الشيطان هيتسلسل بعد أيام وحريص جدا
إنه يسلسل قلوبنا قبل سجنه

يسلسلها باليأس أو بمعصية أو بمشكلة دنيوية

المهم إنك تنشغل لحد ما يرجع ويضيع رمضان !

أسأل نفسك

الإحباط هيفيدك بإيه ؟؟؟

ضيعت طول السنة هتضيع رمضان كمان !!!

محبط طول السنة هتحبط في رمضان ..!
. فكر في حالك لو ضاع منك رمضان السنة دي ..الإحباط هينفعك!!
انقذ ما يمكن انقاذه

ما لا يدرك كله لا يترك كله
ما لا يدرك كله لا يترك كله

طب مش باقى إلا يومين !! هنعمل فيهم إيه ؟؟

حاجات كثيييييييييير

الصيام عن اليأس وعن الذنوب والصيام عن الكسل
خلاص مفيش وقت نيأس ولا في وقت للذنوب ولا وقت للكسل
التدرج مينفعش دلوقتي ، كان ينفع لو كنا هنستعد من بدري
دلوقتي أبدأى فورا وصُم عن الكسل

استحضر الشوق إلى رمضان وافرح بقدومه
أبدأ أقرأ عن فضل رمضان وثواب رمضان
استشعر قيمة الشهر وأهميته وإن ممكن يتغفر لك وتتغير كل حياتك

طول السنة ذنوووووووووووب
والذنوب بتقسي القلب ومن أثارها الكسل عن الطاعة وحرمان التلذذ بها .
نتوب ونستغفر كثيييير لعلنا نتخفف من الذنوب قبل رمضان

ملناش غير ربنا ، اشكي له من ضعف نفسك وفتورك وإنعدام همتك ، اطلب عونه على الطاعة

اللهم اعني على طاعتك وشكرك وذكرك وحسن عبادتك
اللهم بلغنا رمضان ، اللهم سلمنا إلى رمضان ، وسلم لنا رمضان ، وتسلمه منا متقبلا .

* حدد هدفك : عاوز إيه من رمضان ؟

أوعى يكون مغفرة ذنوب وبعض أمور الدنيا وبس !
============ ========= =======
* رتب جدولك:
أمتى هتنام أمتى هتقرأ قرآن وهتقرأ وقد إيه أمتى هتدعي وأمتى هتصلى التهجد ..لإنك لو مرتبتش دلوقتي هيضيع نص رمضان عقبال ما ترتبه !
============ ========= =======

* حدد قائمة دعاء رمضان فى الدنيا أريد: تفريج كل الكروب 2........... 3........ ...

وفى الاخره أريد: 1_مغفره لكل ذنوبى 2_تغير
فى اخلاقى وقلبى وحياتى لما يرضى الله3_توبه من كل ما لا يرضي الله4_عتق
من النار اللهم آمين 5_.......... .......6_ ......... .......

عايزين نوايا وهمم عالية : نفسى أشوف الرسول فى المنام نفسى فى زياره
للحرم نفسى ربنا يستخدمنى وأكون سبب فى إسلام أحد أو هداية أحد
ونفسى,,,,,,,,,,,ونفسى,,,,,,,,,,,, ,,,,,,,,, ,,,,

ولا تنسى الدعاء لأهلك ومن تعرف بظهر الغيب ولا تنسى الدعاء للمسلمين
واوعى تضيع الدعاء فى الساعات الثلاثة
أفضل ثلاث ساعات في يوم رمضان

الاستغفار الكثير والتوبة الدعاء ثم الدعاء ثم الدعاء حدد أهداف رمضان وضع جدول رمضان وحضر قائمة الدعاء

عاوزين نحط شعار لرمضان
ما شعارك في رمضان هذا العام ( لن يسبقنى إلى الله أحد) جميل
ولكن صعب وغالبا هيسبق لله كثيييييييييير
لأن المنافسة بينك وبين كل البشر
مطلوب ننافس ولكن من غير حسد ولا إحباط
أنت بتقرأ جزء شوف واحد بيقرأ 15 !
متحسدهوش ولا تحبطه ..حاول تعلي وردك لاتنين او تلاتة

عشان كده إيه رأيكم ( سأعبدك كما لم أعبدك من قبل)
المنافسه بينك وبين نفسك فى السنين الماضية ...أسهل مش كده

شوف كل سنة بتختم كل قد ايه لو بتختم مرة السنة دي خليها 2
ولو اتنين يبقوا تلاته وهكذا في باقى العبادات

* هنبدأ بالقرآن والقيام كل يوم من النهاردة مع الدعاء والاستغفار
* وحاول كل يوم تجتهد في طاعة معينة
يوم في السجود ، يوم في القيام ، يوم في الدعاء ، يوم في القرآن

استعن بالله ولا تعجز

ابدأ الصيام عن اليأس والذنوب والكسل

أبدأ فورا : كل يوم إجتهاد في عبادة

ألا إن سلعة الله غالية ألا إن سلعة الله هي الجنة
م

» اعمل لدار البــــــــــــــــــقاء
» اعمل من الان للدنيا والاخرة
» اعمل عملية جراحية بنفسك

مستعدتش لسه ............ طيب اعمل ايه

مستعدتش لسه ............ طيب اعمل ايه

مواضيع مماثلة

مواضيع مماثلة