استمراراً لخدمة نبض الجماهير يقدم El-Ahly.com لقرائه تعليقات مختارة من جماهير النادي الأهلي من صفحة الموقع عبر الفيس بوك والصفحة الرئيسية للموقع حول رأيهم في اعتزال أمير القلوب محمد أبو تريكة أو استمراره في الملاعب.

وجاءت كلمة الأهلاوية لتؤكد على استمرار نجم النادي الأهلي في العطاء بغالبية كبيرة وصلت لأكثر من 90% من آراء الجماهير التي ترى أنه لم يحن الأوان بعد لاعتزال محمد أبو تريكة وضرورة وجوده في الملاعب لحاجة الفريق الماسة لجهوده.

ففي البداية علق محمد جبريل واصفاً تريكة بالمايسترو قائلاً " لا نستطيع نحن جماهير الاهلى الحياة بدون المايسترو ساحر القلوب ابوتريكة ممكن نقول انة بعيد عن مستواة ولكنة باذن الله قادر ان يعود" ، وقالت منى محمد " الى النجم محمد ابو تريكة لا تعتزل يانجم انا بحبك جدا وكل المصريين بحبوك انت يامافرحتنا وبتفرحنا على طول بجد لو حضرتك اعتزلت صدقنى ممكن يحصلى حاجه بالله عليك متعتزلش" وقال خالد عبد المنعم " من يطلبون أبو تريكة اللاعب العظيم الذي لن تستطيع الملاعب أن ترى مثلة إلا كل 100 عام على الأقل كثل من يطلب إعدام الجواد لمجرد أنه سقط مرة وسيظل أبو تريكة أمير القلوب وسيظل دائماً منبع الانتماء والعطاء بين لاعبي الأهلي والمنتخب المصري"، وعلق محمود شريف قائلاً " اعتقد وببعض من العلاج النفسي لامير القلوب سيرجع تريكه لمستواه المعهود"، وقال حربي " مفيش كورة من غير ابوتريكة النادى الاهلى يعنى ابوتريكة ياريت يمشى حسام البدرى وانتو هتشوفو مستوى ابونريكة علشان دة مش راس حرابة"، وعلق مدحت قائلاً " مازلت مصمم وعلى رايي ان سبب تراجع مستوى ابوتريكه هو حسام البدرى اللى مش عارف يتعامل معه ولا تعامل نفسى ولاتعامل فنى عكس جوزيه اللى كان ابو تريكه فى اوج عطاءه معه".

وقال أحمد الشاذلي " ان شاء الله ابوتريكة هيوصل مصر كأس العالم 2014 واللى بيقول ابوتريكة يعتزل ده حقود على هذا اللاعب الذى لن يتكرر وبعدين مش مستوى ابوتريكة اللى وحش الاهلى هو سىء والمنتخب كمان لو الاهلى فى حالته ابوتريكة هيرجع زى زمان" ، وقال محمد صلاح " انا رأيي انه يعتزل لأن مستواه هبط جدا و اصاباته كترت و كمان علشان يدي فرصة للشباب"، وعلق أحمد قائلاً " أبو تريكه مايعتزلش دلوقتى لكن لازم يخف الحمل من عليه بمعنى انه يلعب بالتبادل مع عفروتو و سعيود و شكرى لفتره لغايه ما يسترد مستواه بعيد عن الضغط لكونه أساسى دايما"، وقال أحمد الخلفي " ابوتريكة راجع تانى فهذه ليست المرة الاولى التى يهبط فيها مستوى تريكة ولكنه سرعان مايعود ولنا ان نتزكر الفترة قبل كاس القارات والمستوى الذى قدمة فى البطوله وبعدها حتى الاصابة ولذلك نطلب الجميع بالصبر على الماجيكو"، وأضاف سامح " طبعا مينفعش انت لسه بدرى اوى عليك وانت بقالك 5 سنين شغال ومطحون مع المنتخب والاهلى وانا نفسى كابتن حسام يريحك شوية علشان تستعيد تريكة جوزيه تانى لكن الاعتزال لسه بدرى جدا"، وعلق هاني الجبرتي " طول ما فيك نفس طالع وداخل لا تعتزل لانك امل ناس كتير في الاهلي والمنتخب لانك عامل نفسي قوي داخل وخارج الملعب بالنسبه للجمهور والاجهزه الفنيه واللاعيبن"

وقال أهلاوي " في ظل هبوط مستواه بشكل واضح وليه ما طالبوش شيكابالا بالإعتزال لما مستواه قعد سنين هابط وليه ماطلبوش من ميدو الإعتزال بعد هبوط مستواه وزيادة وزنه بشكل رهيب؟"، وأضاف هيما" ابو تريكه ياجماعة لاعب تكتكى حتى ولو فى اسوا حالاته لانه ممكن ان يفيك بلمسه يحرك فريق يسحب لعيب وله افادة كبيرة جدا فى الفريق القومى والاهلى ابو تريكة خبرة واسطورة"، بينما قال مراد " ابوتريكة من اعظم اللاعبين فى تاريخ الكرة المصرية ..اسعدنا كثيرا ..ولحبى له ..انصحه بالمحافظه على تاريخه ..والاعتزال ..لانه بصراحة بقاله سنة ونصف مش هو ابوتريكه .واخشى ان تطول الفترة ويفقد حب الجماهير"، وأضاف علاء " نتمنى وجود ابوتريكة دائما فى الملاعب فاكهة الكرة المصرية لسه بدرى على اعتزال ابوتريكة ومنتظرين تألقه فى المباريات"، وقال أحمد حماد " للأسف أعداء الأهلى و أبو تريكة هم من يروجون لهذا الكلام"

وقال وائل " كلنا هانشجع ابو تريكة تشجيع خاص يوم الخميس القادم لاننا واثقين فى قدراته وابوتريكة يجيب كرسي ويقعد فى السنتر واحنا برضه هانشجعه"، وقالت بوسي عادل " لن تعتزل يا ابوتريكه وراك جمهور بيحبك انت ثمره الكره المصريه بدون لن نشجع كره انت فاكهه الكره العالميه والمصريه لن يوجد لاعب مثلك فى مثل اخلاقك وتواضعك وحبك وعشقك للكره"، وأضاف أبو عمار" امر الاعتزال هو القرار الوحيد الذى يكون مسؤل عنه اللاعب فقط ,, اما فى هذه الحالة فامر اعتزال الفنان الخلوق ابو تريكه ليس قراره انما هو قرار محبيه الذى تفرض المسؤلية عليه ان يخضع لرايهم رغم عنه (( وقرار محبى تريكه بدون ادنى شك هو لافته واحدة مكتوب عليهالا لاعتزال مصدر فرحتنا وسعادتنا"، وعلق مجنون تريكة قائلاً " انايوم اعتزالك يوم مماتى اقسم بالله انت الى محببنى فى الكوره حرام دى نعمه ربنا ادهالك عشان الشعب الغلبان ده انتى باب البسمه الوحيد لينا"، وقال أبو عبده " ينبغى عليه التركيز فقط وعدم النظر الى اى شخص او ناقد"، وأضاف سيد أحمد " غيروا حسام البدري وابو تريكه يرجع تاني"، وقال ديدو " طريقه اللعب هى اللى مجبره ابو تريكه يكون بالمنظر ده ومش هو بس وكل النجوم بركات ومعوض الاهلى كله فى هبوط حاد بسبب حسام البدرى"، وقال محمد السيد " إذا اعتزل ابو تريكه فلن تشاهدوا شبيها له مجرد شبيه إلا بعد 15-20 سنه اخرى وهل فى العمر بقيه للانتظار لذلك دعونا نستمتع بالفنان والساحر والنجم الخلوق محمد محمد محمد ابو تريكه

اية دا انا كتبت تعليقات علشان الموضعو دا ياما امل هى فين

عاش ابو تريكة حبيب الملايين
عاش ابو تريكة امير القلوب
عاش ابو تريكة المايسترو
عاش ابو تريكة الماجيكو
عاش ابو تريكة مصدر سعادتنا
عشت لنا يا حبيبنا يا تريكة

صح مافيش كرة من غير ابوتريكة
مع ان الاهلى فاز بس زعلان انة مالعبش

ابوتريكه اسطوره على طول ولو اعتزل انا هابطل اتفرج على كوره لانى بتفرج عشان اشوفه لانى بحبه اوى وبالله عليك ما تعتزل دلوقتى خالص

ابو تريكة لو اعتزل يبقى مافيش كوره