السلام عليكم ورحمة الله وبركاته

يارب تكونوا كلكوا بخير

انا اسف ع الفترة اللى فاتت دى كلها
لانى ماكنتش بدخل المنتدى
انا معترف انى مقصر فى حق المنتدى
او بالمعنى اللى انا بحب اقوله دايما
انا معترف انى مقصر فى حق "بيتى التانى"
وفى حق اخواتى اللى هنا
اللى ليهم حق السؤال عليهم منى

بس والله كان وما زال غصب عنى
البوردة بعيد عن السامعين
باااااااااظت
والواحد طبعا ف الظروف دى
مش فاضى وولا عارف يشترى حتى كيس جيل يسرح بيه



عشان كده انا عملت التوبيك ده

لان بجد كلكوا وحشتونى
ووحشنى الكلام معاكوا
ووحشنى التواصل والتفاعل معاكوا

وبجد نفسى اطمن على كل واحد فيكوا
عامل ايه
واخباره ايه

وبما ان ده هياخد وقت كبيييير جدا انى اطمن على كل اخواتى اللى هنا كل واحد باسمه

قررت انى اسلم عليكوا كلكوا ف التوبيك ده
واقولكوا كلكوا انى بحبكوا ف التوبيك ده

واقولكوا سامحونى كلكوا ع فترة الغياب ف التوبيك ده

واتمنالكوا الخير كلكوا بردو ف التوبيك ده بردو ف التوبيك ده





كان معكم
مراسل منتدى تريك
كماتشو تريكه
من فوق مصطبة ام خالد
شبرا مصر

نورتنا من تانى يااكمتشو تريكا
والف سلامه على البورده ههههههههه

وانا بقولك من خلال التوبيك ده عارف التوبيك ده

اننا كلنا كويسين من خلال التوبيك ده
وبنسلم عليك من خلال التوبيك ده
ونورتنا وشرفتنا من التوبيك ده

بجد نورتنا واتشرفت بمعرفتك
لان ممكن تكون متعرفنيش قبل كده
بس اعرفنى بقى هههههههههههه

اسلوبك فى كتابه التوبيك جميله اوى
اهلا بيك فى بيتك اتانى

اهلااااااااا بيك معانا تاني في منتداك او بيتك التاني
وحمدلله على سلامتك وان شاء الله تفضل متواصل معانا على طووووول ياااارب

نوووووووووووووووووووورت المنتـــــــدى

نورت المنتدى

اخجلتم تواضعنا

والله يا جماعه مش عارف اقول ايه ولا ايه
بس يمكن كل اللى اقدر اقوله
ان انتوا بجد
تستاهلوا كلمة اخوات


ممكن حد فيكم يقول هو مكبر الموضوع كده ليه
دى كل الحكاية توبيك والواحد رد وخلاص

لكن صدقونى الموضوع ده مهم اوى بالنسبة ليا
وبجد بشكر كل الناس اللى ردوا عليا

مروة عادل
الف شكر لردك الجميل وترحيبك بيا
واكيد يعنى المنتدى منور بيكى وبكل اللى فيه
ووانا يشرفنى طبعا انى اتعامل معاكى
او ع الاقل اتعرف على اخت زيك

بس فى ورقه كده اكتبى اسمك وسنك وعنوانك ومؤهلك الدراسى
وطابع دمغة بـ 10 قروش عليه نسر الجمهورية
وابعتيها ليا
وانا اوعدك انه مش هايوصل اصلا

ميغسى بيكو يا ميرو

ايمى
انا بردو من خلال التوبيك ده
احب اقولك النور نورك انتى اكيد
وبدل ما تقوليلى الف سلامه ع البوردة
قوليلى الف رحمة ونور عليها
ربنا يعينك وتجيب غيرها
اى حاجة م الحاجات اللى تقطع القلب دى


وفعلا انا ماسبقش ليا انى اتعاملت معاكى
عشان كده هاقولك نفس اللى قلته لـ مروة
ورقة واكتبى فيها اسمك وسنك وعنوانك ومؤهلك الدراسى
وطابع دمغة بـ 10 قروش عليه نسر الجمهورية
وابعتيها وطبعا ابقى قابلينى لو وصلت
وبخصوص اسلوبى ف الكتابه
فده الطبيعى طبعا

الف ميرسى



اميرة عمرو
الف مليون ميرسى لردك
والمنتدى منور باصحابه
والله يسلمك


مخ
الله يسلمك يا معلم
والنور نورك انت اكيد



مايكووون
ميكو حبيب قلبى
والله واحشنى ياعم
وبقولك ماتزعلش منى
انا غصب عنى مابدخلش المنتدى
والمنتدى فيه ناس طبعا زى الفل زيك كده
يقدروا يعملوا احلى واجمل شغل
ربنا يخليك يا مايكون يا اخويا يا صغنتت انت



ساره g
الله يسلمك يا سارة
ومتشكر على ردك الجميل ده
وتسمحيلى انا ارحب بيكى فى المنتدى
واتمنى انك تقبلى ترحيبى
المنتدى منور بيكى يا سارة


رييييييييمو
انتى اللى منورة الدنيا كلها
الله يسلمك يا ريمو ويارب تكونى بخير يارب
والمنتدى اكيد يعنى شغال بناسه وكفاية انك متواجده فيه

وجيت ابدل الكوبون بتاع البوردة
الراجل قاللى العرض خلص يابنى
البوردة دى تاخدها كده تعلقها ع الحيطة واعتبرها لوحة فنية


سلطان
ميرسى ليكى يا كبير على ردك


وان شاء الله هحاول ع اقدر ما اقدر انى ادخل من وقت للتانى
لان بجد واضح ان رغبتكم كلكوا انى افضل متواجد وماغبش عنكوا
حاضر يا جماعه هانفذ طلبكوا
اعملوا ايه بس

هى دى ضريبة الشهرة والنجومية





دمتم لى اخوة واخوات


كان معكم
كماتشو تريكه
من فوق نفس المصطبة اللى فاتت