* شروط مرشح الرئاسه الجديد.....

************************

1-.ميكونش منوفى

2-يسمع كل يوم الصبح على الريق اغنية....... دامت لمين .......


3-يبقى عارف اننا انتخبناه هو ..مش هو ومراته وابنه وبنته وعمته وام اللي جابو ابوه


4-يبقى عنده فيس بوك بس ميلعبش فارم ولا كرسى الاعتراف عشان ميضيعش وقت و يضيف كل الشعب ع الاكونت بتاعه


5-مراته تاخد لقب سيدة مصر الاخيره ومايقعدش في القصر الجمهوري وياخدله شقه ايجار جديد وياكل عيش من ابو شلن ويشرب من مية الحنفيه


6-مايكونش عمل اي ضربات جويه ولا ارضيه ولا فضائيه يذل اهل اللى خلفونا بيها


7-مايضحكش علينا ويروح يفتتح نفس المكان عشرين مره وميكنش بيصلى العيد قبل
مايبدأ وتنزل صورته وهو بيصلي في الاهرام يوم الوقفه بالليل في الطبعه الاولى


8-ما يعطلش المرور عشان يروح مشوار عايز يوصل بسرعه يركب طياره ومايكونش راعي الرياضه والرياضيين ولا الثقافه ولا المثقفين ولا الفن ولا الفنانين
ويسيب الناس دي تخفى لحالها بعيد عننا


9-اول ما يفوز بالانتخابات ويمسك الحكم نشتريله كرسى تيفال م الجديد عشان ميلزقش فى الكرسى


تفتكروا ممكن نلاقيه والا نبعت نستورد؟

ههههههههههههههههههههه

لا هتلاقي ما تقلقيش يا ايمان

تفتكروا كده؟
طيب هههههههههه
يارب اشوفه قبل ما اموت

منورين والله

نشات حميدو كتب:

اهم شئ كفايا جنرالات
عاوزينها دوله مدنيه
حكم العسكر ده انتهى وقته
لازم انسان مدنى له وعى سياسى واجتماعى
لان اللى بيتربى فى الجيش من سن 19 سنه
شوفوا انتو بقى على يوصل سن ال60 هتكون الحياه
المدنيه بالنسبه له ايه ؟؟؟؟؟ وان شاء الله هتلاقى كتير
موضوع برغم انه هزار لكنه سخريه فى محلها تماما
تسلم ايدك وربنا يوفق مصر واهلها الطيبين
مع خالص تحياتى

تمام استاذ نشأت
لازم مدنى
ويسقط حكم العسكر
يارب الخير لمصر دايما
نورتنى