حكايه شهيد فى حرب بور سعيد

موضوع: حكايه شهيد فى حرب بور سعيد 2012-02-02, 1:01 pm

آه يا صاحبى يا اللى معرفكش

كنت جانبى ف يوم ف ماتش

هزيت معايا الاستاد

... ورفعت اسم الأهلى فوق العباد

آه يا قلب أمك اللى انفطر

... وقلب اللى قتلك دا ايه ..حجر

آه يا صاحبى يا اللى كنت جانبى

واتخلع قلبك على قلبى

وحضنتنى ساعة الجوون

وقولت معايا عشان الأهلى كله يهون

آه يا صاحبى ياللى روحت وسبتنى

وانت ماتعرفش إنك كدا قتلتنى

فاكر لما مسكت كفى

وكان دايما كتفك ف كتفى

وقولت دايما التالته شمال

عرفنا فيها معنى الرجال

يا صاحبى دا الأهلى بيك هايفضل حديد

ويوم ما بطلت تشجع كنت ميت أكيد

__________

دى كلمات الفها شهيد من شهداء جماهير الاهلى
ولم يكن يعلم انه قد يدفع حياته فعلا ثمنا لحبه للاهلى
هو محمود عبد الخالق الغندور - الأسكندرية – مواليد 1989 - كلية تجارة الأسكندرية
هو مؤسس ألتراس ديفلز ثاني أقوي وأكبر جروب أهلاوي في مصر بعد ألتراس أهلاوي
أسس الجروب برفقه ثلاثة أخرين من عشاق الأهلي في الأسكندرية في عام 2007 وهو في سن الـ18 عاما فقط .

الغندور إن وصف بأنه متيم ومجنون بحب الأهلي فهو وصف غير كاف
محمود " يتيم الأب والأم " منذ سنوات عديدة , قد يمكنك القول ببساطة أنه كرس جزء كبير من حياته للأهلي .. كان جملته الشهيره دوما بين أًصدقاءه المقربين : " أنا بحب الأهلي أوي .. نفسي أحس إني قدمتله شيء " .. لكنه بكل تأكيد لم يكن يدرك أنه سيقدم حياته يوما ما.

كما غني وزملائه دوما " عمري عشان الأهلي يهون و .. يوم ما أبطل اشجع , هكوت ميت أكيد " .
كاتب الموضوع يفخر بمعرفته للغندور من سنوات حينما تزاملا معا عبر شبكة الإنترنت وفيما بعد عبر جروب ألتراس ديفلز .. استطيع جيدا قول أن صديقي " اليتيم " إعترف لي كثيرا في وقت مضي أن حب الأهلي عوضه الكثير والكثير عن وفاة والديه منذ سنوات عديدة

.
صديقي الشهيد لم يعامله ويقابله أحدا في مدرجات الأهلي " تالته شمال " إلا وأحبه من قلبه . فالإبتسامه دوما علي وجهه حاول كثيرا فعل أقصي ما في وسعه من أجل الأهلي .. أسس برفقة آخرين جروب " ألتراس ديفلز " الذي أصبح من أهم روابط جماهير الأهلي متوسعا في أكثر من محافظة خارج الأسكندرية وأعضائه بالألاف .
سافر خلف الأهلي في كل المباريات داخل وخارج القاهرة ومصر كتونس العام الماضي أمام الترجي .
محمود " اليتيم الشهيد " لم يقع زميل له في مدرج الأهلي في محنه أو ضيق إلا وكان أول المتواجدين بجواره .. كان لا يذكره الغير حتي في عدم وجوده إلا بالخير

قابلته للمرة الأخيرة في الأسكندرية مطلع يناير الماضي , كان حديثه عن المدرج! كان حالما ألا يمر هذا العام إلا ويشاهد مدرجات جماهير الأهلي في مصاف مقارنه مع جماهير أقوي الفريق العالمية , قائلا ببساطه : الأهلي مش أقل منهم , هنقدر .. الأهلي يستحق كده مننا .. كان حديثه أيضا مليء بالحلم والطموح لـ"ألتراس ديفلز" التي كان يعمل أن يراها أفضل وأكبر .

حادثته مرات عديدة كعادتي صبيحة يوم المباراة لأطمئن عليه قبل السفر لبورسعيد , لكنه لم يرد .. ليته رد وسمعت صوته النابض بالأدب والبسمه وحب الأهلي , قبل أن يقتل بأيدي الغدارين الأثمين وهو يحاول حماية زملائه وبانرات الأهلي.

صديقي العزيز صاحب القلب الطيب جدا والإبتسامه الدائمة .. أشهد الله أنك دوما كنت مثالا للأخلاق والقلب الأبيض والسريرة النقية .. أشهد الله إنك لم تذكر أحدا في غيابه بالباطل .. أشهد أمام الله قبل يتحفنا - من لا سامحهم الله - فيما بعد أنك بلطجي , بأنك كنت خير مثل للشاب المصري المحترم الطموح .. صديقي الشهيد الغندور .. مين هيجيلك حقك يا " يتيم " ؟

رحمك الله .. رحمك الله .. رحمك الله أنت وسائر شهداء موقعة الأمس الغادرة

انا لله وانا اليه راجعون[u][b]

انا لله وانا اليه راجعون
ربنا يرحمه ويغفر له ويحسن مثوااااه
ويصبر اهله ياااااااااااااارب
شكرا استاذ نشأت

ان لله وان اليه راجعون
حسبي الله ونعم الوكيل في الي كان السبب ربنا ينتقم منه يا رب
وربنا يرحم كل الي ماتوا ويدخلهم فسيح جناته
شكرا للمتابعة

رحمك الله .. رحمك الله .. رحمك الله أنت وسائر شهداء موقعة الأمس الغادرة

اقول ايه بس , يعني ده حكاية شهيد تدمع له العين, وهناك المزيد من الحكايا التي ما زلنا لا نعرفها

شكرا ليكم
وان شاء الله فى الجنه هو وباقى الشهداء
ربنا يرحمهم برحمته فرحمته وسعت كل شئ

» حكايه عصفور
» حكايه رجل
» حكايه عضو موقوف

حكايه شهيد فى حرب بور سعيد

حكايه شهيد فى حرب بور سعيد

مواضيع مماثلة

مواضيع مماثلة