على باب السفارة(على سلامه)

موضوع: على باب السفارة(على سلامه) 2008-08-31, 9:26 pm

على باب سفارة كندا

..لمحت ابليس و ف ايده استماره

..بقول له على فين

..قاللي بص

..يا هجره يا اعاره

..يا عم زهقت كفرت

..الاقيش معاك سيجاره

..انا انتهيت خلاص

..لا نافع وسواس ولا خناس

..ولا ليا عيش وسط الناس

دي عالم مجرمين

..عندكوا فائض ف الفساد

..في كل البلاد

..ومش محتاجين شياطين

..مليش عيش ف البلد دي

....بقالي سنين عاطل

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب

...و أقول للحرامي كفايه بقى توب

..انت هاتعمل كل الذنوب لوحدك

...و أنا ابليس

أشتغل واعظ

..ولا كمساري ف اتوبيس

..يا عم ده انا زمان

..كنت استنى حد ينسى

يسمي

..وهو بياكل لقمته

..دلوقتي كل اكلكم ملوث

..و بصراحه الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجه اتسرقت

..وكده الاجيال الجديده

..م الحراميه اتظلمت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه

...و برضه مفيش فايده

سبق نقلها بواسطة

treikawymagoody
انا مش قصدى حاجة والله بس فعلا انا نقلتها قبل كده فى المنتدى
وعموما تسلمى على المجهود

زياده الخير خيرين يامجدى

تسلم ايدك ياخلود

تسلم ايدك

تسلم ايدك ياخوووووخة

بجد مش عارفة اشكرك ازاى ياقمر

انا بحب القصيدة دى جدااا وكنت بدور عليها

ميرسى ليكى Exclamation

مكرر

http://www.treika.com/montada-f48/topic-t6251.htm