مصر تتعرض لحمله هجوم مرفوضه؟[/size]

[size=18]

بعد المجزرة البشعه التى حدثت وتحدث الان فى غزة انطلقت العديد من القنوات وابرزها ( الجزيرة) وغيرها كثير فى تحميل مصر المسئوليه عن المجزرة البشعه حتى ان بعض الالسنه قالت ان مصر كانت على علم باحداث هذه المجزرة وان مصر مسئوله عن الحصار والتجويع الذى تعرض له الشعب الفلسطينى

ورأيت المظاهرات امس فى بعض الدول العربيه تردد(الشعب المصرى شو اخباره؟) وعبارات تنديد واستهجان لمصر وللشعب المصرى وكأننا مشاركون فى هذه المجزرة

وكل ضيف يستضيفوه فى البرامج يصف مصر بالخائنه ويجب ع الجميع ان ينتفض لاخذ الثأر من مصر

صراحه بقى احنا العرب سورى فى اللفظ(هبل) اى حاجه بتطلع كلنا بنمشى وراها وبدون ى تفكير يعنى اى حد يطلع اشاعه او معلومه بسيطه نحورها وننشرها حتى لو عايز من وراه اشاعته الفتنه واحنا بنساعده على تحقيق كل اهدافه مثلا زى الفتنه اللى حصلت بين فتح وحماس بايد الصهاينه طبعا وكلنا شوفنا ثمار هذه الفتنه

والان اسرائيل تدبر مكيده كبيرة وهى انفصال كل الدول العربيه عن مصر ووصفها بخائنه العرب

والعدو بيلعبها صح جدا يعنى بعد زيارة ليفنى( وزيرة خارجيه الصهاينه) بيوم واحد حصلت المجزرة والعرب مشيوا وراهم واهانوا واستنكروا وطالبوا مصر بالعودة للحق ؟؟؟؟؟؟!!!!!!!!

وانا صراحهاتضايقت جدا من الهجوم على مصر لان مصر ياما عملت كتير وبتعمل بردويعنى مثلا قامت مصر بفتح المعبر ايام التجويع والحصار الشديد لغزة(وطبعا ده واجب علينا ) وشوفنا محاولات مصر الدائمه للتهدئه بين فتح وحماس وقضيه تبادل الاسرى (وكل الدول العربيه بتتفرج)

وان كان لى اعتراض على بعض التصرفات المصريه يمكن لاسباب امنيه او سياسيه

لكن مصر والشعب المصرى دائما وابدامع الشعب الفلسطينى وقضيته

لكن الان الفتنه سائرة والعصف كله ضد مصر

افيقوا ياعرب افيقوا انا نفسى صوتى يوصل لكل العرب اللى طلعوا فى الفضائيات يهينوا فى مصر والمصريين واقولهم انتوا دلوقتى اللى بتدبحوا غزة والعرب ؟ وياريت بدال الكلام اللى مالوش لزمه تعملوا حاجه او تسكتوا احسن

[/size]المقال ده انا اللى كاتباه ونفسى انشره فى كل المنتديات العربيه يمكن يفهموا ( انفع صحفيه ههههههههههههههههههه)

يا سلااااااااام علكي يا شييييييييييموووووووووووو والله تنفعي صحفيه ممتازه كمان
بجد انت كلامك كله صح وعندك حق في كل كلمه
بجد تسلم ايدك

تسلم ايدك يا شيماء
وفعلا كل الكلام اللى قولتية صح
فعلا يا ما مصر عملت لكل الدول العربية
وكل العرب صامتين
ويا ما دفعت عن الاطفال اللى بيتدبحو كل يوم
وفعلا دى سياسة لابعاد الشعوب العربية عن مصر
تسلم ايدك يا شيماء على الموضوع الهاااااايل دا
وتنفعى صحفية كبيرة كمان
اى خودمة
هههههههههههه

لا تنعليق



صدقونى الوقت ده مش وقت الكلام



احنا اتكلمنا كتييييييييير اووووووووووووووى



لازم يبقا فى فعل ورد على اللى بيحصل ده



تسلم ايدك يادكتورة

انا معاك يامتعب ان لازم يبقى فيه تحرك مش كلام وبس
لكن الدول العربيه عاوزه تحمل مصر المسئوليه
مع ان مفيش حد فيهم عمل اللى هى بتعمله
حتى ولو كان بسيط
بس فعلا الصهاينه لعبوها صح لانهم فاهمين تفكير العرب
ياريت بدل مايتبادلوا الاتهامات يقفوا مع بعض ضد الصهاينه
ويوقفوا المجازر اللى بترتكب كل ثانيه دى
تسلمى ياشيمو ع التوبيك
مش عارفه اقول يادكتوره ولا يااستاذه
صحفيه ميه ميه

اولا ربنا يحميكى ياشيمو
اسلوبك جميل ومحرك
نيجى ندخل بقى فى الموضوع
ياجماعة احنا مانقدرش نفتح الحدود علطول ماينفعش لاامنيا ولا اقتصاديا واحنا فتحناها فترة مش قليلة
احنا والله عملنا كتير صحيح كل اللى بنعملة اننا نبعت اعانات او ادوية او نبعت ناخد الجرحى فى سيارات اسعاف
لكن اللى المفروض يحصل اننا نمنع الجريمة من الاول ودة عاوز تكاتف وتالف بين العرف
ودة استحالة يحصل طبعا
فبالتالى احنا بنعمل اللى علينا اللى ماحدش عملة حتى الان يمكن لاننا الاقرب
لكن نحن لا نلام اطلاقا
والمهم ان الخدعة ماتتمكنش مننا ويقدر الصهينة انهم يفككونا عن بعض اكتر مااحنا
تسلمى ياشيمو واسفة عالاطالة

هههههههههههههههه

والله ما عارف اقولك ايه بس ولا ايه

بس هاقولك حاجة بسيطه جدا

الظروف السياسية والامنية دى مرفوضه لانها بتعيشنا احنا كـمصرين...... ولا بلاش

انا هاديلك مثال بسيط جدا وياريت كله يفهموا

لو انتى عندك بيت بتأجريه وكده وجه واحد قالك انا هأجر منك البيت ده عشان اطلع من بلكونته واقتل اخوكى اللى ساكن فى البيت اللى جمبه ؟؟؟؟

او مثلا انتى عندك مزرعة بتاكل منطقتك مثلا وجه واحد قالك انا هاشتريها او هأجرها عشان اقفلها واجوع الناس فى منطقتك؟

بالله عليكى انتى كـ انسانه بسيطة جدا جدا جدا هاتعملى ايه

هتوافقى مهما كان اللى هايدفع مقابل الايجار ده

طبعا لا

بس للاسف كلمة "لا" دى ماينفعش تتقال





يارب الطف بينا يارب عشان الايام اللى جايه اصعب واسود بكتير

الاخت الكريمه د/ شيمو


اتعلمين لماذا كل هذه التصفيقات..
لانكي نطقت بلسان كل مصري محب لفلسطين ككل..
ولاننا ((ولا اريد ان تحسبوها معايره..لان ما ساقوله واسرده
فرضا علينا تجاه الاخوه في فلسطين.)) اول شعب في العالم
يقف ويساند الاخوه في فلسطين بكل ما وتي من وسائل الدعم.
ولكن.......................................
في خضم الضرب الوحشي والغير انساني من احفلد القرده
والخنازير لابناء الشعب العزل من اي وسيله دفاع عن النفس
وكلنا يتحرك حسب استطاعته وكيفما يقدره الله..
اتفاجئ بشئ شعرت بعده كأني انزف دما واحسست بالغثيان
..مظاهره تخرج وتقول واحد اتنين..الشعب المصري فين..
والكل يسب في مصر ويلعن وكل من كتم حقده الدفين
تجاه ارض الكنانه بشعبها وحكومتها ..خرج لينفث عن كبته
ويسير في مظاهره ذبح مصر...
نعم الان اصبحت مصر هي سبب كل البلاوي
مصر هي التي باعت ارضها بالمال لليهود في مخطط صهيوني
لاحتلال الارض متر بمتر..
مصر التي منعت عن ابنائها لتدعم الاشقاء وتقف بجوارهم,,
باتت اليوم خائنه..مصر التي فتحت انفاقا تحت الارض ليمر منها
ما اراد الله من وسائل الدعم من مال واشياء عينيه وادويه
واسلحه للاخوه في قطاع غزه.تريدون اليوم قتلها والتمثيل بجثتها
ولكن اقوله وامري الي الله عندنا مثل يقول(اعمل الخير وارميه
في البحر) ولا ننتظر من احد كلمه شكرا لاننا نفعل ما يرضي الله
وما امرنا به ديننا الحنيف(كان الله في عون العبد مادام العبد في عون
اخيه)..ولعل الاخت ايات واشكر فيها فهمها العميق لكثير مما يغيب
عن اذهان البعض مثل قضيه فتح معبر رفح..لقد كان رئيسنا واضحا وصريحا
حين قال.اهلا باي مريض للعلاج..اما ان نفتح المعبر للهجره وترك الارض خاليه
ليصبح اختلالها امرا يسيرا فهذا ما تتمناه اسرائيل اللعينه. وما نرفضه نحن..
وانا مع مبارك في هذا الامر واؤيده بشده واشد علي يدي ايات لرأيها السديد
والذي سنحاسب عليه يوم القيامه فالساكت عن الحق شيطان اخرس..

وبرافوا د/شيمو بالفعل فانا اري فيكي مشروع صحفيه مبشره بكل الخير
وتملك ادوات الصحفيه الماهره والملمه بادواتها جيدا

ولنا ولاهلنا في غزه الله فهو خير المعين وخير السند

اسامه الفداوي

بسم الله الرحمن الرحيم
اولا الشكر الجزيل ليكي يا دك على كلمة حق قولتيها
و على فكرة الغرب دول بيفكروا بدماغ كبييييييييييييييييييرة جداااااااا
اي بعد الانقسام ما بين فتح و حماس في فلسطين و اللي بنعاني منه كتيييييييييييييير

يسعى الغرب علشان يفرق الدول العربية عن بعضها لا و كمان الدول العربية نفسها هي اللي
بتساعد على كدا عن طريق و سائل الاعلام
بس انا كواحدة من الشعب الفلسطيني في غزة اود ان اقدم جزيل الشكر لكل الشعب المصري
و مصر بتعمل اللي تقدر عليه رغم كل الضغوطات اللي عليها
بس بقى مين اللي يفهم الكلام دا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معلش يا شباب
كل سنه وانتو طيبين
وللعلم وللتذكرة
وعشان نوفر على بعض كلام الجرايد اللى مايجبش نتيجة ده
هى جملة واحدة فيها كل المعانى والتفاسير
وهى
"العرب " كانوا زماااااان ، لكن دلوقتى من كتر تقليدنا ليهم ونفوذ سلطتهم علينا بشكل او باخر " سواء معونات او تسديد ديون او او او او ... " اكيد كله فاهم
ولكل الاسباب دى وغيرها ، اصبح " العرب "للاسف النطق الصح ليها هو " الغرب " بزيادة " نقطة " ع العين
العرب كانوا زمااااااااااااااااااااااااااااااااااااااااااااااااااااااااااااااااااااان
كفاية بقى ذل
الفلسطينين مذلولين بالقتل والتشريد
واحنا كـ عرب طبعا مذلولين عشان شايفين اخواتنا بيتهانوا وساكتين
امتى هانقول للظالم كفاية ظلم
امتـتتتتتتتتتتتتتتتتتـى؟؟ حرام اتحركوا بقى

صحيح نسيت يا جماعه معلش اقولكو
ياريت ماحدش تاخده العروبة بقى ونخوة العرب و يتضايق من كلامى
عشان للاسف وايوة للاسف هو ده حالنا فعلا ،
وكمان للاسف انا " عربى " زييكوا
واخيرا وليس اخرا: تقبلوا كلامى ومرورى
سلام