مصر خاينه ومشاركه فى مجزرة غزة؟!

تذكير بمساهمة فاتح الموضوع :

مصر تتعرض لحمله هجوم مرفوضه؟[/size]

[size=18]

بعد المجزرة البشعه التى حدثت وتحدث الان فى غزة انطلقت العديد من القنوات وابرزها ( الجزيرة) وغيرها كثير فى تحميل مصر المسئوليه عن المجزرة البشعه حتى ان بعض الالسنه قالت ان مصر كانت على علم باحداث هذه المجزرة وان مصر مسئوله عن الحصار والتجويع الذى تعرض له الشعب الفلسطينى

ورأيت المظاهرات امس فى بعض الدول العربيه تردد(الشعب المصرى شو اخباره؟) وعبارات تنديد واستهجان لمصر وللشعب المصرى وكأننا مشاركون فى هذه المجزرة

وكل ضيف يستضيفوه فى البرامج يصف مصر بالخائنه ويجب ع الجميع ان ينتفض لاخذ الثأر من مصر

صراحه بقى احنا العرب سورى فى اللفظ(هبل) اى حاجه بتطلع كلنا بنمشى وراها وبدون ى تفكير يعنى اى حد يطلع اشاعه او معلومه بسيطه نحورها وننشرها حتى لو عايز من وراه اشاعته الفتنه واحنا بنساعده على تحقيق كل اهدافه مثلا زى الفتنه اللى حصلت بين فتح وحماس بايد الصهاينه طبعا وكلنا شوفنا ثمار هذه الفتنه

والان اسرائيل تدبر مكيده كبيرة وهى انفصال كل الدول العربيه عن مصر ووصفها بخائنه العرب

والعدو بيلعبها صح جدا يعنى بعد زيارة ليفنى( وزيرة خارجيه الصهاينه) بيوم واحد حصلت المجزرة والعرب مشيوا وراهم واهانوا واستنكروا وطالبوا مصر بالعودة للحق ؟؟؟؟؟؟!!!!!!!!

وانا صراحهاتضايقت جدا من الهجوم على مصر لان مصر ياما عملت كتير وبتعمل بردويعنى مثلا قامت مصر بفتح المعبر ايام التجويع والحصار الشديد لغزة(وطبعا ده واجب علينا ) وشوفنا محاولات مصر الدائمه للتهدئه بين فتح وحماس وقضيه تبادل الاسرى (وكل الدول العربيه بتتفرج)

وان كان لى اعتراض على بعض التصرفات المصريه يمكن لاسباب امنيه او سياسيه

لكن مصر والشعب المصرى دائما وابدامع الشعب الفلسطينى وقضيته

لكن الان الفتنه سائرة والعصف كله ضد مصر

افيقوا ياعرب افيقوا انا نفسى صوتى يوصل لكل العرب اللى طلعوا فى الفضائيات يهينوا فى مصر والمصريين واقولهم انتوا دلوقتى اللى بتدبحوا غزة والعرب ؟ وياريت بدال الكلام اللى مالوش لزمه تعملوا حاجه او تسكتوا احسن

[/size]المقال ده انا اللى كاتباه ونفسى انشره فى كل المنتديات العربيه يمكن يفهموا ( انفع صحفيه ههههههههههههههههههه)

وااسف ع الاطاله بس حاجه تخنق فعلا

والله اول مرة اعرف حكايه الديون دى اللى لنا عند بريطانيا

(بس مش عجيبه لان دلوقتى لللاسف اللى متولين مسئوليه الدفاع عن مصر وحمايه مصالحهم كل واحد بيدور على نفسه وزياده الرصيد فى البنوك 00000000000)
وبالنسبه للاقتحام اليمنين لسفارة مصر ومش هما بس دول ناس كتير كده الكويتين واللبناين (والسفراء المصريين يخرجوا يقولوا دول الشعوب العربيه بتحب مصر ؟) فين الحب ده انا كل اللى شايفاه دلوقتى كراهيه شديده لمصر واحنا ساكتتين عن حقنا ايه يعنى يقتحموا السفارة ايه يعنى يهينوا مصر اصل العرب بيحبوا مصر (عايشين فى الحلم واخشى على مكانه مصر )
انا رغم اعتراضى على حمله الهجوم دى على مصر لكن انا معترضه ع القيادات ازاى يعتقلوا ناس بتعمل مظاهرة تضامن وتعاطف مع غزة ؟ ازاى يمنعوا مسيرات تضامن والله بيخلوا العرب يصدقوا الكلام كله
ولا نملك فى النهايه الا الدعاء لغزة ولينا وللعرب قبلهم ربنا يوحد صفوفنا ويصلح ولاة امورنا
تسلم يااسستاذ الفيشاوى ع المرور الجميل

والله ما عارف اقولك ايه يا فيشاوى
مع كل احترامى لكلامك طبعا ،
بس بالعقل كده لو انت ليك حاجة عند حد وحاجة كتيرة زى الفلوس الكتير دى؟
ينفع بقى الحد ده يذلك ويهينك ويتحكم فيك مع ان انت اللى ليك عنده
ياريت يا فيشاوى ماتصدقش الكلام اللى بيتقال ده
وكله بالعقل فكر هاتعرف ولو عرفت هاتستريح

بشكرك يا استاذة شيمو
انا بجد اللى سعيد جدا جدا بتتواجد مع الاعضاء الجمال
بس للاسف مافيش كلام بعد كدة يتقال
غير حسبى الله ونعم الوكيل
وادى اسرائيل طلعت وقالت اننا ابلغنا
100 الف فلسطينى فى قطاع غزة قبل المجزرة ب10 دقائق
عشان يرضوا دميرهم
وبكرر اتصلوا وبعتوا رسائل ل100 الف فلسطينى لاجلاء منازلهم
والكلام دة طالع فى جريدة الشرق الاوسط
اكيد لا تعليق
دة الكلام دة من يومين
اخر بقى التطورات ان اسرائيل ابغلت سوريا بانها هاتضرب
غزة قبليها ب3 ايام
وبكرر ب3 ايام كامل
72 ساعة
والكلام دة طلع امبارح واتقال فى قناة الحياة
فى برنامج الحياة اليوم
ياريت ياعرب بقى نشوف مين اللى بتلاعب بينا
ماعتقدش ان فية دلوتين هتبقى عارفين ان دولة عربية وبالذات سوريا
لانها عدوة اسرائيل الاولى هى وايران
وهتسكت
ادينى دلوقتى المفرود ان الاتهامات اللى وجهت لمصر اتهمات كيدية
بتهدف لوجع مصر عدوة للدول العربية
وبخصوص الاستاذ كامتشوا
لو حضرتاك روحت ادارة الوثائق ودورت
هتلاقى الكلام دة
وماعتقدش ان مصر كانت بضحى بارواح اولادها ولا اموالها
عشان خاطر عيون بريطانيا
ولا انت مش معاية
عموما منتظر ردودكم
مع تحياتى................................

أنا اسف يا جماعة نسيت جزء تاتنى
وهو ان اسرئايل كانت تطلب عام 1981
بان دولة الاردن تاخد الضفى الغربية
ودولة مصر تاخد غزة بحكم ان غزة كانت تحت الحكم المصرى
من عام 1948 ايام حرب فلسطين
وحتى 1967 ايام النكسة
الطلب دة تكرر فى عام 2004 من شارون طبعا احنا والاردن رفضنا
ودلوقتى ايضا بيطلبوا نفس الموضوع دة
شفتوا البجاحة اكتر من كدة
يلا مافيش حاجة فى ايدنا غير القول حسبى الله ونعم الوكيل
مع تحياتى...............................

انتوا لسه بتتكلموا فى الكلام اللى لا بيقدم ولا بياخر ده
مهما تعملوا مافيش كلام ولا افعال هاتجيب نتيجه الا فى حالة واحدة بس؟
وهى لما الكبار اللى قاعدين ع الكراسى يعملوا حاجة او ع الاقل يتيحوا لينا احنا الفرصة كـ شعب اننا نعمل حاجة

يا استاذ كامتشو انا قولت كدة قبل كدة
لما الكارثة حصلت للعراق
وامريكا دخلتها
كل الشعب طلعوا فى مظاهرات ضد الحكومة والجيش ....الخ
وفى الاخر الرئيس بتاعنا ابسط حاجة قالها اية
قال افتحلوهم الحدود وخليهم يروحوا يحاربوا
وانت اعزل بدون سلاح ولا اى شىء
اظن بعد كدة لا تعليق
واحنا بنتكلم عشان كل واحد يطلع اللى جواة عشان بجد
طول مانت ساكت هياثر عليك بالسلب
انما يا سيدى ادينا بنتكلم
هو انت زعلان لية
هو الكلام بفلوس
!!!!!!!!
!!!!!!
!!!!
!!!
!!
!
مع تحياتى.......................

ايووووووووه
ماهى المشكلة يا اخ فيشاوى ان للاسف : " الكلام مش بفلوس "
مش هاقول اكتر من كده

طلامة مش بفلوس
يبقى اللى يتكلم يتكلم
مع تحياتى................

طالما مش طلامة
على العموم
لا حول ولا قوة الا بالله العلى العظيم
اللهم انصر اخواننا فى فلسطين
امييييييييييييييييين

انا عايزة اعلق على كام نقطه كده قالهم محمد الفيشاوى ولازم مش نتجاهلها لانه بيوضح حاجات كتير جدا

بيقول على لسان الاعلام المتخبط ان اسرائيل ابلغت سوريا انها هتضرب غزة قبلها ب 3 ايام ( اولا حاجه عمرنا ماهنصدقها اساسا انا اللى اعرفه ان الشهور اللى فاتت العلاقات كانت متوترة جدا بين اسرائيل وسوريا وكان فيه تهديد لسوريا من اسرائيل فمعقوله هتقولهم ؟ لعبه حقيرة وللاسف كتير من العرب بيجروا ورا الشائعات وبيصدقوها واحنا اللى بنخسر من كتر التفرق والضعف والتشتتت اللى بقينا فيه )
ثانيا موضوع تقسيم فلسطين (غزة تحت حكم مصر والضفه تحت حكم الاردن ) ايه ده حاجه مش مفهومه عايزين يمحو استقلاليه فلسطين ويلغوا اسم دوله فلسطين وكمان العرب يقعوا فى بعض اكتر واكتر ( وتبقى دى فرصه اسرائيل لمزيد من التوغل والاحتلال لجميع الاراضى العربيه )
ثالثا حاجه مهمه جدا / دلوقتى الحرب على غزة مستمررة لليوم السابع وفيه تهديد لهجوم برى كمان (يعنى مابقاش نافع شجب واستنكار ) وانا من رايى مفروض تدخل عسكرى كل دوله عربيه ترسل حتى 1000 جندى و50 طيارة من 20 دوله عربيه هيبقوا 200000 جندى و10000 طيارة ومش معقوله امريكا واسرائيل هيقدروا يحاربوا العرب كلهم
لكن انا رفضه الحماسات الزايده عايزين نحارب (طب الشعب هيحارب بايه احنا لو مبارك فتحلنا الحدود ودخلنا هنعمل ايه هنزود المأساه ونزود عدد الضحايا مفروض اللى يدخلوا ناس مدربه ومعاها سلاح )
وع العموم انا صراحه كرهت كل الانظمه العربيه لتخاذللها وضعفها
ومافيش غير حماس بتحارب جيش مزود باحدث الاسلحه ( كلنا معاكى ياحماس كلنا معاكى )
رغم انى كنت معترضه على بعض تصرفاتها لكنها صوت المقاومه الوحيد فى فلسطين
ويارب الحكام ينتفضوا شويه

بجد ميرسى جدا ليكى
عشان انتى كده عملتى الصح اللى انا كنت بقول عليه
لما نسمع حاجات زى كده ونصدقها يبقى فين عقلنا اللى ربنا ميزنا بيه عن بقية المخلوقات
والله بجد بشكرك جدا جدا جدا

معاك ياكمال ان احنا لازم مانصدقش كل حاجه بتتقال وشكرا ليك انت على مرورك المستمر
وفعلا محمد الفيشاوى وضح لنا حاجات كتير تبين الغلطات اللى الاعلام عمال يبثها لينا
تتسلموووووووووووا ع المرور

بالطبع مافيش حد هايصدق كل اللى بيتقال
بس انا حبيت اوضح للعرب الموجودين
لو حد منهم شايفنا ونزل فى مظاهرات ضد مصر
بان اسرائيل طلعت وقالت انها ابلغت سوريا
بضرب غزة قابليها تلات ايام
رغم ان سوريا من ضمن الدول العدوة لاسرائيل
طبعا معاها ايران ........الخ
وبالنسبة لموضوع الحرب يا استاذة شيمو
ان معنى كدة لو دة حصل هيبقى التاريخ بيعيد نفسة
وماساة حرب 48 بتتكرر تانى
لان وقتها العرب متحدين ونظموا جيش قوى
ولولا الاسلحة الفاسدة ومساعدة امريكا وبعض الدول
لانهزمت اسرائيل شر هزيمة
ولما تتحد الدول العربية عشان تصد اسرائيل بالتالى هاتخليهم
هما كمان يتحدو ضدنا
عشان وقتها هايقولوا انكم مش كلكم على اسرائيل ......الخ
وانما لازم دولة او اتنين يتحدو ويقوا ادامهم
وكل دة طبعا مساعدات عربية
ولكن اللى فى الصورة تبقى دولة او اتنين
وبالنسبة لموضوع الطائرات والافراد الخ
اسرائيل وامريكا ممكن اوى اوى يقدوا علينا فى لمحة البصر
ولا نسيتى ان فية حاجة اسمها
اسلحة نووية
اللى ممكن تقضى على العالم لو هما عايزين بكدة
حسبى الله ونعم الوكيل
والله انا بقيت ماعرفش انام من اللى بشوفة كل شوية فى الجزيرة والقنوات التانية بجد
بقيت حاجات زايدة عن الحد
هو من الاخر مافيش فى ايدينا غير الدعاء ليهم
مع تحياتى..............................

كلامك كله تمام ياشيمو وانا معاكي والله في كل كلمه

بس المشكله موش في اللي بيتقال الناس بتكلم على اساس سليم بردك

التصريح بتاع مصريخلي اي حد من حقه انه يقول مصر خاينه ومتفقه مع اليهود

احنا كان لينا حق وضيعناه

الحكومه بتاعتنا اكلمت غلط وضيعت حقنا

من الطبيعي ان اي دوله على الحدودمع فلسطين تخاف على سلامة حدودها

ومن الطبيعي انها تحافظ على سلامة المواطنين طبعا

بس للاسف الحكومه وصلت كدا غلط وطبعا الاعلام ماصدق

يعني مثلا طويل العمر قالك ايه اسرائيل دوله محتله ومن حقهاتعرف ايه اللي داخل

البلد سواء كان سلاح ولاغيره

واول غلط في الكلام اقراسرائيل دوله لهاسياده ومن حقها تتحكم في اللي بيحصل ع الحدود

مع ان الدوله المحتله مهياش صاحبة سياده

وطبقا لضعف الحجج وضعف الكلام اتاخدت الجمله عليه واتفهم منها انه متفق مع اسرائيل

المصيبه التانيه بقا لما قالك انا استدعيت الست وزيرة الخارجيه

قبل الضرب ب3 ايام لاني كنت حاسس انهم شكلهم هيضربوا

وكدا ناس كتير قالتلك مصركانت عارفه ان اسرائيل هتضرب قبل الضرب ب3 ايام

فالموضوع كله الغلط فيه الحكومه بتاعتنا وتصريحاتها الغلط

ربنا ييسرالاحوال

اولا انا نفسى حد يجاوب على السوال ده

هو احنا عايشين فى دولة ولا فى حاجة تانية

يا غزة اعملك ايه بس ومعملتهوش

غاز طبيعى وصدرناه لاسرائيل........علشان يولعوا فيكى

معابر وقفلناها ....علشان محدش يطلع بره

مؤن ومساعدات منعناها عنك.....علشان مضرة بالصحة

هى دى الاخوة العربية والاسلامية او حتى الانسانية

هو كل حاجة لاسرائيل غاز لاسرائيل ارز لاسرائيل عجول لاسرائيل مينفعش الحكومة تسيبنا وتروح هى كمان اسرائيل

قولى رايك والله لاحتعقلك ولا حاضربك حسيبك حر كالعادة

مصر كده خاينة ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا تعليق
لان للاسف كل المؤشرات
تساعد على القول ان مصر خائنة بنسبة 100%
بالنسبة للحكومة وليس للشعب
لان طبعا الشعب
متاخد فى الرجلين
كل دة لية لان مصلحة ابلد العليا تقول لابد
ان نحافظ على العهود والمواثيق بينا وبين الدول
طب فية دولة من الدول مش بتحترم اى عهد بتعملة
يبقى من المفترض القضاء عليها او على الاقل
نديهم درس ماينسهوش ابدا
حسبى الله ونعم الوكيل
مع تحياتى.......................

اهلا اهلا يامنى وحشتينا جدا
وانا اتفق معاكى طبعا وماعجبنيش التصريحات دى زيك تماما والمشكله ان الرئيس والحكومه مسوئين سمعه مصر ع الاخر
وكمان حكايه تصدير الغاز لاسرائيل زى ممحمد بيقول حاجه مشينه وعيب جدددددددددددا وحكايه قفل المعبر امبارح قدام اللى بيحصل ده كله
والله مابقيتش عارفه حاجه فى اى حاجه ومستنكرة الصمت والضعف العربى
وربنا ينصر اهل غزة

محكمة القضاء الادارى قضت
وحكمت بوقف الحكومة لتصدير الغاز لاسرائيل
فهل الحكومة ستوافق وتلتزم بهذا القرار؟؟؟؟؟؟؟
سؤال يطرح نفسة
ويارب الحكومة تشرف شوية وجهنا وتعمل بقضاء المحكمة
الكلام دة من حوالى اسبوع او اقل
بس للاسف المعلومة جاتلى متاخرة
مع تحياتى......................

وحياة ربنا انت اجمل صحافية شوفتها في حياتي بصي وحياة ربنا انت كلامك فعلا فعلا رائع وممتاز وحلو جدا

وبجد لازم كلنا ناخد موقف بجد من قناة الجزيرة المفروض بجد مصر تقفل مكتب الجزيرة الي في القاهرة

يا جماعة كل كلامها بيخرب صورة مصر انا قاعدة برة وبعد الي حصل تحس الناس نفسها تمسكك تديكي علقة كأنك يهودية واكتر !!!

انا مقدرة ان الواحد لما بيبقى كبير بتبقى عليه العين .. بس بجد فين الجناية الي عملتها مصر علشان كل دا

دي قدمت مبادرة ناس كتير محترمة بتقول انها ممتازة .. وأصرت مع السعودية ان يستمر عقد جلسة مجلس الامن وبتحاول من كل مكان بجديا جماعة

أنا اكتر وقت فخورة فيه اني مصرية هو دلوقتي .. فعلا بمشي وانا رافعة راسي في السماء ... بجد لازم كلنا نفتخر ببلدنا وندافع عنها مهما كان

ما افتكرش ان اغلبكم حاسس بأهمية مصر لأنو فيها
بس والله لما بتطلع منها كل يوم بتحس ان روحك بتطلع في فراقها

........

مرسي بجد على موضوعك يا شيمو .. ومعلش لو كنت اتأخرت .. بس كان عندي امتحانات

.........
لورا

اقتباس :: محكمة القضاء الادارى قضت
وحكمت بوقف الحكومة لتصدير الغاز لاسرائيل
فهل الحكومة ستوافق وتلتزم بهذا القرار؟؟؟؟؟؟؟

والله احنا مش مفروض نستنى لحد دلوقتى ونصدر الغاز اللى اسرائيل بتقتل بيه الفلسطينين وفى نفس الوقت اهل غزة محرومين من االوقود والغاز ومحرومين من كل حاجه
اتمنى يامحمد ان الحكومه اوتقف تصدير الغاز بجد حاجه مخزيه ومؤسفه

اقتباس :: وحياة ربنا انت اجمل صحافية شوفتها في حياتي بصي وحياة ربنا انت كلامك فعلا فعلا رائع وممتاز وحلو جدا

ربنا يخليكى يالورا مرسى لزوقك الجامد ده انتى اللى جميله والله انا كتبت كده من كتر ماضايقت من الهجوم على مصر وشعبها

اقتباس :: وبجد لازم كلنا ناخد موقف بجد من قناة الجزيرة المفروض بجد مصر تقفل مكتب الجزيرة الي في القاهرة

والله انا بقيت اريح دماغى وماسمعهاش وهى الخسرانه لكن بقالهم يومين بيدوا مصر حقها شويه ولما نشوف اخرتها

اقتباس :: ما افتكرش ان اغلبكم حاسس بأهمية مصر لأنو فيها
بس والله لما بتطلع منها كل يوم بتحس ان روحك بتطلع في فراقها

ياسلام عليكى يالورا والله معاكى حق مصر غاليه علينا كلنا وفعلا مابيحسش بيقمتها غير النتغرب وبعيد عنها يارب ترجعى بالسلامه وتستقرى فيها

اقتباس :: مرسي بجد على موضوعك يا شيمو .. ومعلش لو كنت اتأخرت .. بس كان عندي امتحانات

لا ياقمر ولا يهمك المهم حليتى كويس فى الامتحانات ربنا يوفقك يارب وتنجحى بتفوق وتبقى من الاوائل
تسلمى يالورررررررررا ياقمر ع مرورك الجميل

عارفة بجد يعني انت زوق جدا والواحد مش عارف يروح فين جنب زوقك ده
وربنا يسمع منك وارجع بقى لحسن والله اتخنقت جدا

تحياتي ليك
Exclamation

........

لورا

والله انتى اللى زوووووووووووق وزى العسل وان شاء الله ترجعى بالسلامه بعد ماتخلصى ثانوى صح ( كله بيعمل كده ) وربنا يصبرك اصل صراحه فى شويه عرب بيعاملوا المصريين معامله جمييييييله هههههههههههههههههههههههه ربنا يوفقك ويحقق لك امااااااااااااااااااالك

بكل امانه انتي مش تنفعي صحفيه

انتي لازم تكوني رئيسه جريده

بجد ممتاز وفيه تعبير عن كلام عايزين نقوله وانتي لخصتيه بكل جمال في سطور جميله ورائعه

اشكرك علي اسلوبك الراقي

mr_24 كتب:: بكل امانه انتي مش تنفعي صحفيه

انتي لازم تكوني رئيسه جريده

ربنا يخليك شكرا على المجامله الرقيقه وعلى زوقك

بجد ممتاز وفيه تعبير عن كلام عايزين نقوله وانتي لخصتيه بكل جمال في سطور جميله ورائعه

اشكرك علي اسلوبك الراقي

انا اللى بشكرك على زوقك وعلى مرورك

» صور و فيديو.. شهداء مجزرة رفح
» مجزرة جوزيه قبل السفر لتونس
» "انس محى الدين" اصغر شهيد فى مجزرة بورسعيد ...

مصر خاينه ومشاركه فى مجزرة غزة؟!

مصر خاينه ومشاركه فى مجزرة غزة؟!

مواضيع مماثلة

مواضيع مماثلة