اولا : ارحب بأى عضو شرفنا فى السلسه دى وبجد عايز يتغير
وهنبدأ السلسه ان شاء الله بموضوع التناقض مع الذات ....
انا عارفه انه موضوع غريب انى ابدأ بيه بس حبيت اعمل كده عشان
نبدأ واحنا جوانا دافع حقيقى للتغير ومش كلام وخلاص ....


اكيد كل واحد فينا بيحاول يظهر قدام غيره فى احسن صوره
سواء بقى هنا فى المنتدى او كليته بين اهله اصحابه ....
واننا قريبين من ربنا سواء كان ده فعلا حقيقى او مصطنع او حد مش كده بس نفسه يبقى كده ...

ده هدفنا كلنا ... طب ليه مانبقاش كده فعلا فى حياتنا ليه مانبقاش قربيبن من ربنا عشان ربنا ...
ليه فينا ولو حتى تناقض صغير مع نفسنا ؟؟؟!!!
ليه ممكن نقول الحاجه ونعمل عكسها وده عشان نظهر بمظهر كويس قدام اللى حوالينا ؟؟

اكيييييد كل واد فينا نفسه يتغير للاحسن ...
مين فينا مش حاسس انه مقصر فى الدين عموما؟
مين فينا مش حاسس ان ربنا مش راضى عنه ؟
مين فينا بيعمل ذنب ومش عارف يتخلص منه ويبعد عنه ؟؟؟
مين فينا مش عايز يتغير بجد ؟؟؟؟؟؟؟؟؟؟؟؟؟؟!!!!!

هى دى نقطه التوبيك لازم نكون عايزين نتغير بجد عشان اخرتنا وعشان ربنا يرضى عنا مش عشان اى بشر
لان مافيش اى بشر يستاهل اننا نعمل عشانه كده

لو انت او انتى داخلين التوبيك هنا نوع من الواجب ..!
او عشان نبقى عملنا اللى علينا ...!
او عشان مثلا بقى فى نوع من الحث على القسم الاسلامى مؤخرا ...!
فعشان كده ندخل وخلاص..

ياريت من او ل مانقرى التوبيك ده نبعد كل الافكار دى عن تفكيرنا ..

نبدا من هنا صح
كل واحد دلوقتى فى اللحظه دى ينوى التغير بجد من قلبه ...
ويدعى ربنا انه يقوى ايمانه ..
يقول يارب انا نفسى ابقى احسن ..
يارب انا نفسى اقرب ليك اكتر ..
وياريت لو تقولولها بصوت عالى وانا اولكم ....
يارب قوينا واصلح لنا حالنا
ومن قلوبكم ..

" اللهم طهر قلبى من النفاق وعملى من الرياء ولسانى من الكذب وعينى من الخيانه انك تعلم خاينه الاعين وماتخفى الصدور "

"اللهم انى اسألك نفسا مطمئنه بلقائك وتقنع بعطائك وترضى بقضائك "

عن ابى سفيان بن عبد الله رضى الله عنه قال : قلت :" يارسول الله قل لى فى الاسلام قولا لا اسأل عنه احدا غيرك
قال " قل امنت بالله ثم استقم " رواه مسلم
صدق رسول الله صلى الله عليه وسلم

دى اول حلقه من السلسه وتعتبر مقدمه عشان نبدأ بنيه خالصه لله وحده ....