حملة حماية للمطالبة بحجب المواقع الاباحية في مصر

السلام عليكم ورحمة الله
تحية طيبة وبعد

من فترة مش بعيده كنت باتصفح موقع اليكسا وهو من اكبر المواقع لترتيب واحصاء المواقع في العالم
ولفت نظري اني ممكن اعرف ترتيب المواقع في اي دولة تبعا لاستخدامها في الدولة دي ودخلت اشوف ايه هي اشهرالمواقع واكبرها استخداما في مصر

للاسف الشديد كان من ضمن العشر مواقع الاولي حوالي 3 او 4 مواقع اباحية .. معقول !!.. معقول هو دا استخدام مصر للانترنت ؟! بجد حاجة مخجله ومؤسفة
وكنت ناوي ابدا الحملة دي من يومها لكن حصل ظروف ومابداتش لكن انهاردة الحمد لله نويت ابدا معاكم ونحط ادينا فايد بعض ونجمع اكبر عدد من الاصوات ونقول كلنا بصوت واحد للمسؤلين في مصر
" رجــــــــــــــــــــــاء ... احجبوا هذا الفساد عن بلدنا "

دلوقتي بيقعد علي النت اطفالنا وبناتنا -سواء اختك او زوجتك او غيرها- ازاي والانترنت بقا منتشر بصورة واسعه جدا ومتاح في كل مكان وبتكلفة شبه رمزية
معقول نسيب الفساد ده منتشر ومتاح في بلد اسلامي ويتبع الشريعه الاسلامية ؟

دعوه لكل فرد خايف علي شباب وبنات واطفال بلده وعاوز يعمل حاجة تكتب في ميزان حسناته عند ربنا .. حاولوا تتخيلوا الأجر العظيم اللي هتاخدوه لاشتراككم في عمل زي دا

ماتقولش انا مالي .. الانترنت فيه الحلو وفيه الوحش وكل واحد يختار هو عاوز منه ايه
طفل صغير او بنت قاعده علي الانترنت ووقع قصادها حاجة زي كده عن طريق الصدفة او رسالة من صديق سوء او حتي حب يدخل كنوع من الفضول
وحتي لو هو شخص مش كويس وعاوز يعمل ده ليه تساعده وتوفرله ده وانت فايدك تمنعه ؟

الغريب ان المواقع دي محظوره ومحجوبة في دول عربية كتيرة منها السعوديه والامارات علي حد علمي
طب احنا لأ ليه ؟

ايه فايدة اننا نسيب المواقع دي متاحة اكيد طبعا مفيش عاقل هيقول ان ليها فوايد
ولو حبينا نتكلم عن الاضرار والمفاسد اللي بتسببها مش هنقدر نحصيها
اعتقد مصر من الدول الرائدة في الوطن العربي ومن الواجب علي مسؤليها ياخدوا الخطوة دي حفاظا علي صورة وسمعة البلد

اهداف الحملة

1- عاوزين نوصل رأي مستخدمي الانترنت في مصر للمسؤلين بشكل محترم ومهذب ومتحضر
2- حجب المواقع الاباحية داخل مصر بعد موافقة الجهات المختصة -باذن الله-.

المطلوب منك "او ازاي هاتساهم في الحمله"

1- نشر هذا الموضوع لاصدقائك ومعارفك وفي الجروبات والمدونات والمنتديات ومش مطلوب انك تقول مين اللي بدأ الحملة عشان خاطر المنتديات ماتعتبرهاش دعاية لمنتدانا

2- مخاطبة وسائل الاعلام لنشر الحملة وزيادة الفرصة في وصول صوتنا للمسؤلين في مصر
3- مخاطبة الجهات المختصة "ودي اهم خطوة"
طيب ايه هي الجهات المختصة مين هم المسؤلين اللي هنكلمهم ؟

1 - وزارة الاتصالات وتكنولوجيا المعلومات
تقدر تكتب شكوي من هنا

http://www.mcit.gov.eg/ar/Contactus.aspx?x=1

2-شركة تي إي داتا ، لخدمات الإتصالات و الإنترنت في مصر
تقدر تكتب شكوتك وتبعتها من هنا

http://www.tedata.net/new/tedata_egypt/Ar/ContactUs.aspx?type=cu&secId=65

3 - الجهاز القومي لتنظيم الاتصالات
"ودا عبارة عن جهة رقابية على جميع شركات الاتصالات بمصر ويستقبل جميع الشكاوى الخاصة بالاتصالات"
تقدر تكتب شكوتك من هنا
http://www.tra.gov.eg/arabic/Complain_Add.asp?Menu=4

او عن طريق أرقام تليفون

155
او
08003330333

4- رئاسة مجلس الوزراء
يوفر موقع رئاسة مجلس الوزراء قسم خاص لخدمة المواطنين والسادة أعضاء مجلسى الشعب والشورى يمكنهم من إرسـال شكواهم ومقترحاتهم إلى السيد رئيس مجلس الوزراء.

بعد إرسال الشكوى أو المقترح تحصل على رسالة تحتوى على رقم مميز خاص بطلبك.

بإستخدام الرقم الخاص بطلبك يمكنك فى أى وقت الآستعلام ومتابعة ماتم بخصوص شكوتك من خلال الموقع.
(الكلام دا من داخل الموقع مش من تاليفي)

اكتب شكوتك وابعتها من هنا
http://www.complaints.cabinet.gov.eg/newCase.aspx?id=1


ودي ياجماعه صيغة ممكن تكتبوها في اي طلب تقدموه لاي جهة


السلام عليكم ورحمة الله .. بعد التحيه ..
السيد / ....................................
لا يخفي علي سيادتكم كم الاضرار التي يسببها انتشار المواقع الاباحية علي الانترنت وكما تعلمون انها متاحة في مصر .. رغم انها محجوبة في معظم البلدان العربية
واننا نري انه من الواجب علي مصر باعتبارها من الدول الرائدة في الوطن العربي ان تبادر بمنع مثل هذا الفساد الاخلاقي والحفاظ علي شعبها من هذا الوباء الذي تفشي بصورة مزعجة .
ونحن كمستخدمي الانترنت في مصر نطالب بتنقيه الانترنت في مصر من هذه المواقع الخبيثة
ونطالب بحجبها عن اطفالنا وبناتنا
حملة حماية للمطالبة بحجب المواقع الإباحية في مصر
https://www.facebook.com/group.php?gid=58375618744
ونسال الله ان يوفقكم لما فيه الخير والصلاح للامة وللبلاد
ولسيادتكم جزيل الشكر
والسلام عليكم ورحمة الله وبركاته



واخيرا- الاشتراك بجروب الحملة علي الفيس بوك لجمع اكبر عدد من الاصوات

من هنا

https://www.facebook.com/group.php?gid=58375618744




طبعا مفيش اي قلق من ناحية الموضوع دا
الموضوع مالهوش اي علاقة بالسياسة
ومافيهوش اي ضرر لاي حد
وماعتقدش ان حد هيقف ويقول "لأ للحجب" وحتي لو هو من جواه مش عاوز الحجب يتم
مش هيقدر يقول لأ .. وإلا هيتبصله بنظرة احتقار من الجميع.
انا متفائل .. وان شاء الله بمساعدتكم الحملة دي هتنجح

اي استفسار او استعلام
تقدروا تبعتوه علي الايميل الرسمي للحملة
7emaya@treika.com

والله الموفق

اخوكم / أحمد أبومدين

أولا انا بشكرك يااحمد انك فكرت فى موضوع مهم زى ده
ثانيا فعلا دى حاجه مخجله وفى حقنا وفى حق كل مصرى
وان شاء الله ننشر الموضوع ده
وتكون فيه استجابه من الناس
وصوتنا يوصل للمسئولين ويحجبوا المواقع دى باذن الله
تسلم يااحمد وجزاك الله عنا كل خير

اولا

يسلمو احمد على الفكرة لانها كتييييييييير مهمة و جت في وقتها تمام



لانو في كتيييير شباب و صبايا بيقعوا في المصيدة دي

بس فعلا الموضوع عايز وقفة جامدة اوي



كمان انا قلبي انقبض لما قريت انو اكتر المواقع اللي بيتم استخدامها في مصر هي المواقع الاباحية



على فكرة دي احدى خطط الغرب لضرب الشباب الاسلامي

علشان كدا انا بقول لكل الاهالي لازم يكون في رقابه على اولادهم في حكايه النت دي

و ما يسمحوا لاصدقاء السوء يسيطروا على اولادهم و يدلوهم على الطريق الغلط

لو كان انت مفيش علىه رقابه خليكو انتو الرقابة

الاول
انا بشكرك من كل قلبي

وجزاك الله خير

ولازم نتقدم

وبلاش المواقع الوحشه دي

اقتباس :

زيادة تأكيد يعنى احنا لو شاركنا فى المواقع اللى انت كاتبها دى مافيش اى ضرر او مسائله علينا من اى جهه

اكيد طبعا مفيش اي مشكلة خالص
والا ماكنتش هاقوللكم تعملوا ده
دي كلها مواقع رسمية لمؤسسات سواء حكومية او خاصة
واحنا هنتقدم بشكوي باسلوب راقي ومهذب وبدون اي تجريح في احد ودا حقنا
وان شاء الله هاكتب صيغة بسيطة للشكوي واضيفها للموضوع عشان نسهل علي الناس

شكرالكل اللي شاركوا وبالتوفيق ياشباب
وجزاكم الله كل خير

دي ياجماعه صيغة ممكن تكتبوها في اي طلب تقدموه لاي جهة


السلام عليكم ورحمة الله .. بعد التحيه ..
السيد / ....................................
لا يخفي علي سيادتكم كم الاضرار التي يسببها انتشار المواقع الاباحية علي الانترنت وكما تعلمون انها متاحة في مصر .. رغم انها محجوبة في معظم البلدان العربية
واننا نري انه من الواجب علي مصر باعتبارها من الدول الرائدة في الوطن العربي ان تبادر بمنع مثل هذا الفساد الاخلاقي والحفاظ علي شعبها من هذا الوباء الذي تفشي في البلاد
ونحن كمستخدمي الانترنت في مصر نطالب بتنقيه الانترنت في مصر من هذه المواقع الخبيثة
ونطالب بحجبها عن اطفالنا وبناتنا
حملة حماية للمطالبة بحجب المواقع الإباحية في مصر
https://www.facebook.com/group.php?gid=58375618744
ونسال الله ان يوفقكم لما فيه الخير والصلاح للامة وللبلاد
ولسيادتكم جزيل الشكر
والسلام عليكم ورحمة الله وبركاته

ربنا يكرمك يااااااااارب يااحمد

وبارك الله فيك وياريت فى ناس كتنير زيك دلوقتى

ان شاء الله يااحمد نشارك

وجزاك الله كل خيييييييير

وعندك حق والله

تسلم ايدك

ان شاء الله

لازم كلنا ندعو لرفع المواقع الاباحيه من مصر

ممكن ننزل النص الي انت كاتبه

بس ممكن يردو علينا هوة ده السوال
وممكن نبدا بانفسنا

http://www.treika.com/montada-f47/topic-t9892.htm#119654

الف مبروك يابوحميد علي البداية
مع اني الظروف مش مساعدة
بس طالما بدنا لاوم نبقا جامدين كعادنتا
وانا شاء الله نوصل لحل في الموضوع ده

وبالنسبة لسؤالك ياحوده عن الرد مش مهم يردولالا
بس لما يلاقو عدد كبير بيطالب بكده اكيد هيسجيبو لينا خصوصا
اني مفيس اي فايده بتعود عليهم من ورا عدم حجب المواقع دي

تسلم إيديك يا أحمد و دماغك على الفكرة الرائعة دى
و يا رب الحملة دى تؤتى بثمارها قريب يا رب
لأن كمان المشكلة إن المواقع دى مش بتبقى للى بيدور عليها بس...لأ دى كمان بتفرض نفسها عليك
أنا كذا مرة ببقى فاتحة أى موقع عادى جدا و مفيهوش أى حاجة مخلة و مرة واحدة ألاقى صور غريبة إحتلت الشاشة معرفش بتيجى منين..كأنها بتطاردنى ...
لدرجة إنها حصلت معايا فى المنتدى هنا بجد حاجة تقرف..يعنى حتى مش سايبين الشباب فى حالهم و بيطاردوهم علشان يبثوا سمومهم دى فيهم

و أما المواقع دى نفسها فأكيد كل شاب أو بنت عنده دين و أخلاق يحب إنها تتلغى من الوجود مش من مصر بس...
يا ريت يا أحمد و الله ...إيدينا على كتفك

انا والله فولت لكل الناس اللى اعرفهم

وبعتها على الاميل

ويارب يارب

الحمله دى تنجح

علشان المواقع دى بجد خطر يهدد جميع الناس

سواء كان اخوك الصغير او اختك الصغيره او ابنك او بنتك

وان شاء الله ايدينا فى ايد بعض نمحى الفساد من البلد

وجزاكم الله خيرا يا احمد

بجد جزاك الله خير يا احمد
وباذن الله نقدر نحقق كل اهداف الحمله

تسلم ايدك يا تريكة على الحملة
وان شاء الله الحملة تحقق اهدافها ونقدر نوصل صوتنا
لكل الجهات المختصة من اجل حجب هذة السموم عن مصر والمسلمين
ودائما مميز يا تريكة
تسلم ايدك يا كبير

جزاكم الله خيرا ياجماعه
بجد اسعدني تفاعلكم واتمني نشر الموضوع لاكبر عدد من الناس
وربنا يوفقنا جميعا

احب اشارك مع احمد بالموضوع دة
اسمحلى يااحمد
انا ماحبتش اعملة موضوع منفصل لانة مرتبط تماما بموضوع احمد
اليكم الموضوع
إباحية الإنترنت ... نمنع أم نرشد
شارك برأيك

يقوم باحث بدراسة جامعية

عن مخاطر الإنترنت الأخلاقية

وقد وضع الباحث استبانة الدراسة على الشبكة

ونظراً لظرف ضيق الوقت

فهذه دعوة عامة للمشاركة في هذه الدراسة

ويرجو الباحث من الجميع تعبئة الاستبانة

والمساهمة في نشر رابطها لأكبر شريحة ممكنة

لتعم الفائدة

ولخدمة الأمة من خلال نتائج الدراسة وتوصياتها

اضغط هنا للوصول إلى الاستبانة

بارك الله فى صاحب الموضوع

بجد والله موضوع مهم قوي

وفعلا بجد المواقع دي خطر علي كل مستخدمي النت

مش بس مشكله للبنات والولاد وحتي الشباب كمان

وربنا يهدي كل النفوس

تى داتا عملت خدمة حجب المواقع الاباحية مجاناً كل اللى عاوز يحجبها يروح الشركة ويطلب الاشتراك فى خدمة حجب المواقع الاباحية واحنا طبعا بنشكرهم جدااااااجداااا لاتخاذهم الخطوة دى واستجابتهم لطلب الحجب : فعلا الخدمة دي اسمها "فاميلي و هي خدمه مجانيه و يمكن طلب هذه الخدمه عن طريق الاتصال برقم 19777 - قسم المبيعات

لا تجعل هذه الرسالة تقف عندك فربما هناك من يحتاج أليها
فلا تبخل ومررها إلى كل مسلم ومسلمة