عسل يا سوما
بس جامدة اوى الكورة الحمرا دى ولا وهو بيطلع ع العارضة
كان ناقص تحطيهولنا وهو بيا كل بطيخة عشان يبقى بيتعب بجد
بس بجد والله ربنا معاه مفيش حد زية
والمنتخب هيخسر كتير من غيرة
تسلم ايدك يا سوما

تسلم ايدك يا سوما عالتوبيك الحلو دة
بس انا من رأيي ان الحضري ما يستاهلش حبنا بعد اللى عمله

لا طبعا يا سومه نسمحه ايه لا طبعا .. شوفى فعلا هو تعب قد ايه معانا ... واحنا كنا

بنحبه وبنموت فيه كمان ... بس هو اللى ضيع كل حب الجماهير ده كله وباديه

ضيع كل مجهوده وتعبه اللى انتى بتقولى عليه وكل ده علشان الفلوس

ممكن تقوليلى ازاى اسامح انسان مادى للدرجه دى ... وطبعا اللى هيدفعوا عنه

هيقولولى يعنى هو كان عايز يأمن مستقبل بناته وكده يعنى .... هقوله ليه هو الاهلى يعنى كان

مابيخدش فلوس منه خالص ... بالعكس ده كان من اللعيبه الاوله فى المرتبات ومشاء الله

طبعا كان فى مكفأت وكل حاجه كانت متفوره له ... هو اللى مخادع ومحفش على الحب بتاع
الجماهير ده ... هو اللى فرط فينا و فى حبنا له ... يلا بقى يستاهل كل اللى بيحصله طبعا

علشان هو اللى اختار كده بنفسه وهو طبعا مش ضغير ولا لسه ناشأ علشان نقول على تصرفه

ده كان تصرف طايش او ماكنش عنده خبره بقى وماكنش مقدر قيمه الاهلى .. لالالالا ده كبيرر

وعاقل وعارف هو بيعمل ايه كويس اوى اوى ..صح ...

وبعدين يا ريت كان اتأسف وسكت بعد كده ... لكن طبعا معملش كده وبعد اما اتأسف واعتذر

وعمل كل حركاته دى .. راح اشتكى الاهلى فى الفيفا ... وطبعا ده موقف وضح هو قد ايه

مش اصيل ولا عنده اصل ولا مراعى ان النادى ده هو اللى كبره وشهره وعمله اصلا جول

مصر الاول وافريقيا والشرق الاوسط والسادس عالميا ...


على العموم انا اما هو بيلعب فى المنتخب بنسى كل ده وبشجع مصر بس مش لاعب او

اى حد .... وعلى العموم لو هو اللى فعلا هيودينا كأس العالم يبقى كل مصر وراك يا

حضرى ... (واللى قال كده الانسان المحترم الاستاذ المهندس / عدلى القيعى , اللى الحضرى

طلع فى التليفزيون وشتمه وقال لشوبير بالحرف ...( خلى اللى عندك ده يحط لسانه فى بؤه

ويسكت ) صح ولا لا واللى عندك ده اللى هو عدلى القيعى ...

يلا ربنا يوفق مصر مصر فقط...

يا سومه انا متابعه الموضوع من اوله خالص ...

طب تصدقى بقى انا طبعا كنت بحبه اوى اوى اوى .. والليله اللى هرب فيها دى ... هو هرب العصر..

انا بقى ماكنتش فتحت التليفزيون خالص ... وفتحته بليل يعنى حبيت اشوف بس الاخبار ايه وبس.

لان انا اصلا كان عندى تانى يوم الصبح بدرى على الساعه 10 كده امتحان فى درسى وبعديه

كمان فى الدرس اللى بعده امتحان ... وانا كنت لسه ماذكرتش وكنا بليل وخلاص كنت ناويه

اطبق علشان اذاكر وكده ... و وانا لسه فاتحه قناه مودرن علشان اشوف الاخبار ...كان الجو

عادى ... وبعد كده قعد ولسه بفتح فى الكتاب لقيت شلبى بيقول تعالوا بقى نتكلم فى موضوع

الساعه .. (الصراحه انا افتكرته موضوع حسنى علشان هو كان ساعتها ) بس اتفجئت بيه

وهو بيقول وهو موضوع هروب الحضرى ... الصراحه انا اول ما سمعت كده

اتصدمت وماصدقتش نهائيا ... وقلت شلبى اكيد بيهزر ... بس للاسف طلع الموضوع بجد

وصدقينى على طول قفلت الكتب ومذاكرتش ولا حتى رحت الدروس ... وكمان عيط كتيررر..


المهم اللى عايزه اقولهولك ان انا اتصدمت اول ماعرفت انه عمل كده ...

انا مش شايله منه ولا حاجه انا بس بقول الحقيقه والله وهو ده الحضرى ... انسان مادى مادى مادى مادى جدااااااااااااا.



واذا كان زى مانتى بتقولى الاحتراف حلمه طيب هو لما يكون واحد فى مقام الحضرى

يحب يحترف يروح نادى زى سيفون ده (سيون يعنى) ... اللى مافيش حد سمع عنه خالصصصصصصصصصصصص .. يا شيخه ده فى الحاله دى طبعا اللعب لاى نادى
فى مصر بس اشرف له ... ما بالك بقى لو النادى الاهلى يعنى نادى القرن و و و و و حاجات

كتير طبعا فى الاهلى كل واحد يفتخر بيها...


لالالالا ... وبعدين هو اللى عمله ده اسمه اصلا احتراف ده يا سومه اسمه هروب انتى

فهمانى يا سومه ....

يعنى بذمتك كده يا سومه الطريقه اللى ميشى بيها دى منظر طريقه ... لو انتى شايفه انها طريقه صح ... يبقى احب اقولك انك غلطانه جداااااااااااا... لان دى بتختلف مع مبادئ النادى

الاهلى اللى المفروض يعنى هو اتربى عليه لكن ولضح انه اصلا مش ....

انتى فهمانى بقى...


وبعدين مين قالك انى مش بدعيلوه انا قولت لو مصر هروح كاس العالم بالحضرى يبقى

كلنا ورا ه طبعا ... وعلى العموم يا سومه ربنا معاه يارب يارب ويوفقه يارب ماهو برضه

مهما عمل فى الاول او فى الاخر مسلم ومصرى وكان لاعب فى الاهلى ... والاهلى

وجماهيره دايما كده عمرنا ما افترنا على حد ولا اتمننا الشر لحد هى دى المبادئ والقيم اللى

الاهلى مربينا عليها ...

مهما حصل يا جماعة الحضرى فى محنة
و لازم كلنا ندعيله
تسلم ايدك يا سوما

نورت التوبيك يا تريكة يا صغير

بجد شغل جامد يا سومه لأن بجد الحضرى تعب عشنا كتير و أقل حاجة نعملهالو إننا نسامحه
و بعدين عندك حق إنه مأجرمش عشان يتعمل فيه كل ده و يتقال عليه الهربان
ربنا يوفقك يا حضرى
و أحب أشكرك تانى يا سومه على مجهودك عشان الكابتن حضرى

زي ما قولتي هو غلط وكلنا بنغلط

وكلنا لازم نسامح .... لأنه عشانا تعب جامد

وعمل مع الاهلي المستحيل وكان من أقوي الدعامات في الفريق

انا عن نفسي بتمني يرجع الاهلي ... بحس بامان وهو واقف في المرمي

وإن كان رمزي قايم بالواجب ربنا يحميه

ألف شكر سومه علي الموضوع الجميل

ميرسي يا مايسترو
انت بجد انسان محترم
يسلملي مرورك يا غالي

ميرسي يا ساحر
علي كلامك الجميل
بس انا مش عايزاه يرجع الاهلي
عشان الاهلي يعرف قيمتة

يسلملي مرورك يا اجمل شوشو في الدنيا
حقبقي نفسي كلنا ندعيلو ونقف جمبو
ميرسي ليكي مرة تانية

الحضري عمل زي اللي عمل رز بلبن وحط عليه تراب

شكرا ع التوبيك

ان شاء الله ربنا ينصرة وانا بجد حزنت جداا انة اتوقف لمدة اربع شهور ياعني ماتش الجزئر مش هيحضرة
يلا بقا ربنا ومعانا احنا كمان صور جميلة شكرا علي المجهودك الرائع

soma222 كتب:

ميرسي يا طمطم ع المتابعة


بس بجد انا زعلت من كلمة هروب عشان هو مرتكبش جريمة ولا سرق حد
ولا قتل حد
وعلي فكرة انا كنت برضة بحبة
وزعلت منة لما سافر وكمان عيطت علية
بس صدقيني اللي بيحب بجد عمرة ما بيعرف يقسي
وانتي كنتي قاسية علية اوي
ياريت تحاولي تنسي اللي عملة
وتفتكري الحاجات الحلوة بس
دة سيدنا محمد علية الصلاة والسلام
لما اليهودي كان بيئذية وتعب عليه الصلاة والسلام راح زارة
فبالك باة الحضري ودة مسلم زينا
اتمني كلامي ميزعلكيش

لا يا سومه هو فعلا اللى عمله ده اسمه هروب وهروب كبير كمان لانه كان فى اوقات

الاهلى مش مستحملها اصلا ...لان انت لو رجعتى كده لايام الهروب ...هتلاقى ان الاهلى

ساعتها كان عنده قضيه حسنى عبد ربه اللى الكل كان فيها ضد الاهلى وضد كل اللى مع الاهلى وكانوا

عايزين يغصبوا الاعب على نادى مش حبه وفى الاخر هو اللى دفع الثمن..على العموم بلاش نخرج من

الموضوع ..خلينا فى الحضرى.. ساعتها برضه كانت لسه مصر كلها فى فرحه عارمه علشان فوز مصر

بامم افريقيا يعنى كل الناس كانت فرحانه ...

يعنى من الاخر الحضرى اختار الوقت القاتل ليصدم الاهلى وجماهيره وكل جماهير مصر ..اللى كانت لسه

بتشجعه وكانت وراه فى امم افريقيا واللى الصراحه كان متالق فيها جداااا وده لانه كان لاعب فى الاهلى ..لكن

شوفيه دلوقتى فى كل ماتش لمصر بقى مستواه ازاى (وانا طبعا مش فرحانه لكده لان دى بلدى مصر) بس ده علشان

بيلعب فى نادى ضعيف ودورى اضعف ..

يعنى كمان هروبه ده مش فى مصلحه مصر ..,.


وبعدين زى ما انتى بتقولى يا سومه اللى بيحب بجد عمره ما بيعرف يقسى ...

ده كلام مظبوط ... بس ماتقوليهوش ليا لا قوليه للحضرى .. اه للحضرى علشان هو لو فعلا كان حب الاهلى

وجماهيره ماكنش عمل اللى عمله .. وشتم فى مدربه اللى كان واثق فيه ووقف جنبه فى وقت كانت كل الناس

بتطالب ببيع الحضرى ...بس مدربه ده بقى ماسمعلهمش ولعبه لانه كان حاسس انه حارس حلو وممتاز

بعد كل اللى عمله له جوزيه اللى هو مدربه يقوم حضرته يشتم فيه كمان ... وغير كده انه شتم رمز من رموز

النادى الاهلى وهو الاستاذ عدلى القيعى .... يبقى مين فينا اللى مابيحبش بجد ...


سومه انا عايزاكى تفهمى موقف الحضرى كويس اوى ...

ده عامل زى اللى كان بيحب واحده وهى كمان كانت بتحبه اكتر منه كمان ..وقعد معاها 12 سنه فى حب

وكلام جميل وكل الناس كانت شايفه هما قد ايه بيحبوا بعض وكانوا كمان بيحسدوهم على بعض ...

وده كان بيدى ليها وهى كمان ادته كتيرررر اوى اوى اكتر منه ...

وفجأه الانسان ده ميشى وساب حببته دى ومن غير اما يقولها خالص ولا كان مرتب قبليها ..


وكمان بعد كده طلع وشتمها وشته كل حاجه متعلقه بيها ..لكل الناس ..

ايه بقى رايك فى الانسان ده ... مش برضه البنت دى المفروض دلوقتى تكون بتكره جداااااااااااااااااااااااااا

علشان هو خدعها بعد 12 سنه ... مع انها برضه حبته بجد والله ...بس هو اللى ماحبهاش ولا لحظه ولحده


اهو ده بالظبط موقف الحضرى بالنسبه للاهلى وجماهيره ...

يبقى هو يا سومه اللى ماحبش بجد ...صح


واكيد يا سومه احنا يعنى عمرنا ما هنجيب اخلاق الرسول (صلى الله عليه وسلم)...

صح هو كان مسامح بدرجه كبيره .... س احنا لو سمحناه كمان باقى اللعيبه هتعمل كده وهى مطنه لانها عارفه ان

الاهلى وجماهيره طيبه بقى ومسامحه وكده ...يعنى هيشيع بين اللعيبه التفكير ده ... والاهلى لو عمل كده يبقى

مافرقش حاجه عن الزمالك ما هو الزمالك بيعمل كده برضه مع لاعيبته ...صح ...يعنى يقول ان حازم امام غلط

بس ده ابن النادى ولازم نسمحه ...ويسمحه فعلا و طبعا انا وانتى عارفين حازم غلط قد ايه ...ليه بقى لانه قال فى

باله وفيها ايه لما اغلط ما النادى هيقول انى ابن النادى ويسمحنى وخلاص ...وعلشان كده بيكرر الغلط الف مره

وكل لعيبه الزمالك كمان بتقول كده...انتى بقى عايزه الاهلى يعمل كده مع الحضرى

ويسمحه ويقول ده مهما كان برضه ابن النادى وقضى معاه 12 سنه وادى كتيررر زى ما انتى بتقولى ..

لا طبعا لان باقى لاعيبه الاهلى زى ما قولتلك هتعمل زيه وهى مطمنه ...صح ...


بس تعرفى ان الحضرى لو كان هرب وبس يعنى سكت بعد كده ...كنت ممكن اسمحه ...لكن ده طلع

وشتم و , و , و , و , عمل حاجات كتيره جدااا غلط وبينتلنا اخلاقه الحقيقه... اللى انا مش

هقولك اننا كنا فاهمها غلط ...لا لانه حتى وهو كان بيلعب فى الاهلى كانت اخلاقه وحشه ...بس ماكناش كلنا

نتصور انها للدرجه دى طبعا ...


وعلى العموم ربنا يوفقه ويديله على قد نيه .. واسفه على المطاوله ...