بسم الله الرحمن الرحيم

ايه هيه السعاده من وجهة نظرك :

1- هل السعاده هى الرضى بما قسمه الله لك
2- هل السعاده فى امتلاك المال الذى تحقق به معظم احلامك
3- هل السعاده ان تمتلك الصحه التى تساعدك على تحقيق احلامك
4- هل السعاده ان ترى كل من تحب يعيش سعيدا
5- هل السعاده ان تضحى براحتك من اجل راحت وسعادة من تحب
6- هل السعاده بالشعور بالحياه وجمالها والانطلاق فيها بكل حريه
7- هل السعاده بالشعور برضى الله على الانسان وان الله سيكافئه بالجنه
8- هل السعاده هى تدمير من حولك حتى تنفرد بكل شىء وتصبح ملكا
9- هل السعاده هل التلذذ بإهانة غيرك وان تجعله يتذلل لك حتى تشعر بالنشوه
10- هل السعاده ان تضحك دائما طول حياتك والا تبالىبأى شىء
11- هل السعاده فى توافر عمل وزوجه واولاد فقط
12- هل السعاده فى الوصول الى اعلى المناصب والشعور بأنك تسيطر على غيرك

يا ترى ما هى السعاده من وجهة نظرك ؟

انا شخصيا السعاده من وجهة نظرى الشخصيه
هى سعادة القلب وشعوره بالراحه والسكينه
فإذا كان قلبك يشعر بالراحه والسكينه والاطمئنان فهذا يعنى انك قريب الى الله وهذه هي قمة السعاده ان تشعر انك قريب الى الله واذا كان قلبك يشعر بالراحه والسكينه فهذا يعنى انك شخص نقى تحب كل الناس والكل يحبك وهذه هي السعاده
واذا كان قلبك يشعر بالراحه والسكينه فهذا يعنى انك تسير فى الطريق الصحيح الذى يريده الله وبالتالى انت فى طريقك للجنه وهذه هى قمة السعاده واذا كان قلبك يشعر بالراحه فهذا يعنى انك تراعى الله فى كل تصرفاتك وانك لم تظلم احد يوما ما وهذه هى قمة السعاده واذا كان قلبك يشعر بالراحه والسكينه فهو ملىء بالحب وبهذا تكون سعادتك ان ترى كل من تحب يعيشون فى سعاده وهذه هى قمة السعاده

هذه هى السعاده من وجهة نظرى الشخصيه

ولكن ما هى السعاده من وجهة نظر كل منكم ؟

اولا التوبيك روعة تسلم ايدك
ثانيا السعادة بالنسبة ليا هى اول سبع اسئلة عندك واهمها
ان ربنا يكون راضى عنى
كل حاجة هتبقى كويسة بعد كدة
جزاك الله كل خير ورزقنا وايا ك السعادة

1- هل السعاده هى الرضى بما قسمه الله لك4- هل السعاده ان ترى كل من تحب يعيش سعيدا6- هل السعاده بالشعور بالحياه وجمالها والانطلاق فيها بكل حريه
7- هل السعاده بالشعور برضى الله على الانسان وان الله سيكافئه بالجنه

بسم الله الرحمن الرحيم

ميرسى يا منه على مرورك وعلى رأيك

وربنا يرضى عنا جميعا ان شاء الله

بسم الله الرحمن الرحيم

شكرا لمرورك يا احمد تريكه نورت التوبك

ورزقك الله السعاده فى الدنيا والاخره

بسم الله الرحمن الرحيم

شكرا على كلامك الجميل يا احمد يا مايسترو

اقتباس :

ويمكن دا اللي بنعبر عنه بببساطة في كلمة راحة البال
انتي فصلتيه باسلوب جميل جداً .. باحييكي عليه

هوه ده بالظبط المقصود راحة البال الله ينور عليك يا باشا

ربنا يريح بالك ويسعدك انت والمسلمين اجمعين

اولا تسلمى ياهوبا ياقمر ع التوبيك
وانا السعادة من راى هى ان يكون ربنا رضى عنا ورضا اهلى
ورضضا الصحة وراحه البال
جزاكى الله خير

بسم الله الرحمن الرحيم

ميرسى لمرورك يا سمسمه

وربنا يرزقك السعاده ان شاء الله

بسم الله الرحمن الرحيم

ميرسى يا يويو على مرورك

وعلى رأيك

وعجبتنى قوى الجمله دى

اقتباس :

واولا واخيرا حب الله اللى ساعات باستشعرة

بجد جمله حلوه قوى
وربنا يرزقنا كلنا الرضى والسعاده ان شاء الله

بسم الله الرحمن الرحيم

شكرا لمرورك يا محمد

اقتباس :

السعاده من وجهه نظري
هي فوق ما قلتي ..ان اري من حولي سعداء ويضحكون من قلوبهم وحبذا لو ساهمت بقدر ولو قليل في سعادتهم
السعاده في رضا الله والقبول بين الناس..
شكرا ليكي هبه

وجهة نظر تحترم طبعا وفعلا الانسان لما بيشوف من حوله سعداء هذا يجعله اكثر سعاده

والاهم كما قلت هو رضى الله

شكرا على رأيك ونورت التوبك يا استاذ محمد

كل اللى انت ى قولتيه .. + كل اللى نفسى يحصل يحصل ...

وده عمره ماحصل . الا مرات ..يعنى مش كل اللى نفسى فيه كله كله يعنى ..

علشان كده السعاده دى عمرها ما هتكون على طول ...

وتسلمى على الموضوع الجيد جدااا

بسم الله الرحمن الرحيم

شوف يا abotreka_lover

مش كل حاجه بيعوذها الانسان بياخدها عشان كده لازم يكون فى رضى وقناعه
باللى ربنا يقسمه وهيه دى السعاده

وشكرا لمرورك

بسم الله الرحمن الرحيم

ميرسى لمرورك يا ابوحميد

اقتباس :

اولا ميرسى ليكى ياهبى ع التوبيك الجميل دة

وكلمة السعادة نفسه تحمل معانى كثيرة جدا

بس انا من راى ان السعادة فى زمننا هنذا صعب ان هى تتحقق

ميرسى ليكى ياهبة

ليه بس يا ابنى التشاؤم ده الدنيا مش سوده قوى كده هيه صحيح بقت الحياه صعبه وفيها حاجات كتير مش كويسه بس برده فيها حاجات كويسه ولو كانت قليله بس برده بتسعدنا
وصدقنى يا احمد لو فكرت شويه وبصيت حواليك هتلاقى حاجات كتير بتسعدك بس يمكن
انت مش واخد بالك منها
مع تمنياتى لك ولكل الاعضاء بسعاده دائمه فى الدنيا والاخره

بسم الله الرحمن الرحيم

شكرا لمرورك الكريم يا كماتشو باشا

اقتباس :

تسلم ايديكى يا بوبا
ع التوبيك الهايل ده

السعاده هى الشعور برضى الله على الانسان وان الله سيكافئه بالجنه

هى دى السعادة من وجهة نظرى

لان اكيد لو ربك رضى عنك
يبقى اكيد مفاتيح كل ابواب السعادة والارتياح فى الدنيا والاخرة
هاتبقى فى ايديك

والله كلامك صح
فعلا الانسان اذا كان ربنا راضى عنه مفاتيح كل ابواب السعاده هتبقى فى ايده
وربنا يرزقنا ويرزقك السعاده فى الدنيا والاخره ان شاء الله

بسم الله الرحمن الرحيم

نورت التوبك يا نيدفيد

جزاكى الله خيرا يا هبه ع التوبيك الاكثر من روعة ده
والسعادة هبة ربانية ومنحة من عند الله
وان السعادة لا بتتباع ولا بتشترى

قال الله تعالى : (وأما الذين سعدوا ففى الجنة خالدين فيها ما دامت السماوات والأرض إلا ما شاء ربك عطاءً غير مجذوذٍ..). صدق الله العظيم فعلا السعاده لا تباع ولا تشترى شكرا لمرورك يا نيدفيد

السعادة فى رضى اللة سبحانة وتعالى

ا لسعاة فى رضى الوالد على ابنائةو سعادة الاولاد مع اسرهم
السعادة الابدية فى الاعمال الصالحة وحب الخير للناس
ورضى الناس تكون من رضى اللة سبحانة وتعالى
والسعادة هى الرضا بما قسم اللة لك وعدم النظر لما فى ايدى الناس
ودائما ان نطلب من اللة ونحمد اللة على النعم التى لدينا
ولا نرهق انفسنا واهلينا فى طلب المساعدة من غيرنا

مارد وشوشنى كتب:

أجد سعادتى فى رضا ربى عنى

وراحة البــــال

والراضاااااااااااااااا بكل قضاء الله وقدرة وحسن الظن بالله

واليقين بما يحفظة لى عنده سبحانه وتعالى من خير فى المستقبل

اللهم أحينا حياة السعداء وأمتنا موت الشهداء ولا تقبضنا ياارب الا وانت راضٍ عنا

وكمان هرد ببيت شعر بيقول

قالو السعادة في النفوذ ........ وسلطة الجاه العتيد

مـن كالأمـيــر وكالــوزيـر ........ وكالـمدير وكالـعمــيد

قالوا السعادة في الغنى ....... فأخو الثراء هو السعيد

الأصــفــر الــرنــان فـــي ....... كفـيه يــلوي كـل جيد

قالو السعادة في السكون ..... وفي الخمول وفي الجمود

فـي العـيش بين الأهل لا ...... عيـش المـهاجر والطـريد

قالوا السعادة في الغرام ....... الحلـو وفي خصر وجـيد

قل للذي يبغي السعادة ....... هل علمت من هو السعيد

إن السعــادة أن تعــيش ....... لفكــــرة الحــــق التــلـيد


شكرا ياهوبا ع التوبيك الجميييييييييييييييييييل ده
بجد دايما مبدعه والتوبكس بتاعتك بتبقى رائعه
ياريت مش تغيبى تانى عننا
وتكونى دايما منوره المنتدى

يانهار ابيض ولا بلاش ابيض احنا اهلاويه ههههههههههههههههههه يا نهار احمر
ايه يا اياد المواهب المستخبيه دى مشاعر ولا ارق وكمان شعر لأ كده كتييييييييييييييييييييييييييييييييييير هههههههههههه
لا بجد يا اياد ميرسى لمرورك وردك الرائع واحلى حاجه عجبتنى فى ردك انى حسيت فيه بإيمان قوى منك بالله
ويقينك بان ربنا شايلك عنده الاحسن فى المستقبل ربنا يهديك ويكرمك يا اياد ويجعلك دايما سعيد

بلامونى كتب:

السعادة فى رضى اللة سبحانة وتعالى

ا لسعاة فى رضى الوالد على ابنائةو سعادة الاولاد مع اسرهم
السعادة الابدية فى الاعمال الصالحة وحب الخير للناس
ورضى الناس تكون من رضى اللة سبحانة وتعالى
والسعادة هى الرضا بما قسم اللة لك وعدم النظر لما فى ايدى الناس
ودائما ان نطلب من اللة ونحمد اللة على النعم التى لدينا
ولا نرهق انفسنا واهلينا فى طلب المساعدة من غيرنا

شكرا لمرورك يا بلامونى
وكل اللى قوله مظبوط ومهمه قوى نقطة ان ترضى بما قسمه الله لك ولا تنظر الى ما فى يد غيرك
رزقنا الله واياكم السعاده