دعوه للحوار

زائر

من الطبيعي جدا أن نتابع كرة القدم بهذا الشغف ومن الطبيعي أن نرتبط بها إلي هذا الحد كيف لا وهي أللعبه ألشعبيه الأولي في العالم ومن الطبيعي أن تتصدر جداول مناقشتنا أليوميه لكن عندما تصبح كرة القدم مخدر لتخديرنا ولإذهاب عقولنا عن النقاش في عدة أشياء مهمة جدا ومواضيع ذات أهميه قصوى في تحديد مصير مصر وأولادها وما أثارني وجعلني اكتب هو قرار وزير التعليم يحي الجمل بتعديل نظام الثانوية ألعامه وتغيير النظام وأي كان هذا التغيير سينتج عنه شئ واحد فقط هو ضياع سنه كاملة علي طلبة الصف الأول ثانوي دون أن يعمل عمل مفيد له حيث انه الطالب لن يستطع دخول ثانيه ثانوي بنظامها الجديد وعليه أن يعيد دراسة أولي ثانوي مجددا والنجاح فيه ثم الدخول للصف التالي أين الناس من هذا الكلام غير موجودين تماما مغيبين في غرزه غرزة لا للتعاطي والعياذ بالله لكنها لإذهاب العقول غرزه صرحت بها الانظمه ألحاكمه لتذهب عقولنا عن ما يجري في التعليم والصحة وكل القطاعات في مصر عن كل ما يدور حولنا من خراب عن كل من يقتل مصر كل يوم هذه ألغرزه هي ملاعب كرة القدم التي أصبحت مسيطرة تماما علي عقولنا حتى أن كثير من المصريين لم يغضبهم الفساد الموجود في قطاعات شتي كالصحة مثلا وغضبوا لرحيل جوزيه لم يبكيهم ما يحدث للتعليم في مصر مما سيؤثر علي مستقبل البعض ومن سيؤثر علي مستقبل أبناء البعض الاخر وأبكاهم رحيل البرتغالي مانويل جوزيه عن النادي الأهلي بأمانه أنا كنت دائما متحاملا علي الحكومات المتتالية في مصر وعن أنها أس الفساد في مصر لكني اكتشفت أن الحكومات مسئوله نعم لكن مسئولية الشعب اكبر أن الحكومات مخطئه اوكي لكن خطأ الشعب اكبر الشعب الذي اهتم بأشياء ثانوية عن أولويات تحدد مصير حياته الشعب الذي كف عن إخراج صوته إلا للحديث عن كرة القدم فقط أنا بكتب النهارده عشان اللي بيحصل لمصر ده كتير ولو اعتبرنا أن كل اللي بيحصل في مصر ده فيلم وإحنا قاعدين بنتفرج بقلهالكم الفيلم ده بقا واضح مبقاش فيلمي وفيلمك بقي فيلم بلد بتتقطع وبيتوزع لحمها حته حته لحساب ناس معينه الفيلم بقا فيلم بلد بتضيع بكل الطرق ويا نبقي شجعان بجد يا نسيبها للي بجد يا نفوق نبص للأولويات وان الكوره دي شئ بنحبه وبنحب نتفرج عليه وبنشجعها بس مش هي كل حياتنا و أنها شئ ثانوي يا نسيبها للي بجد ……….

موضوع: رد: دعوه للحوار 2009-05-16, 3:20 pm

الصراحة انا مش شايفة اى حاجة خااااااااااااااالص

زائر

شكرا وياريت تقري تاني انا كبرت الخط

موضوع: رد: دعوه للحوار 2009-05-16, 4:10 pm

أحييك ياميدو بجد على اختيارك للموضوع ده
لان ده بقى واضح جدا الفتره دى
وكل يوم بيزيد كمان
بس الشعب بيقول هاعمل ايه يعنى
مااللى بيتكلم بالحق (ودول مااقلهم عندنا)محدش بيشوفه تانى
والناس عارفه وفاهمه انهم بيشغلوهم بالكوره وغيرها
بس راضيين وشكلهم مابيصدقوا
عشان ينسوا الضغوط اللى عليهم
مع العلم ان التغيير للاحسن بايد الناس
بس مين يسمع
ميرسى كتيـــــر ياميدو

موضوع: رد: دعوه للحوار 2009-05-16, 4:14 pm

لازم كل واحد فينا يبدا بنفسه

بس مين يسمع بقا وينفذ

زهقنا من كتر الكلام
نفسنا فى فعل مرة واحدة فى حياتنا

مرسى ليك

زائر

شكرا جزيلا ليكي ياراندا شكرا لمشاركتك المتواصله مع مقالي وشكرا لتقديرك ليا

زائر

احمد متعب اشكرك علي حسن القراءه والمشاركه بجد انا متشرف جدا بمشاركتك اللي بتضيف وبتثري المقال بتاعي وياريت تشرفني بالمشاركه في كل مواضيعي

موضوع: رد: دعوه للحوار 2009-05-16, 7:21 pm

ميدو كالعادة بجد اسلوبك يجنن ماشاء الله

وكمان ياميدو يعني الناس الغلبانه دي كويس انها بتلاقي حاجة تفرحها

وتنسيها الهم اللي هي فيه ..

وعشان كده بتلاقينا دايما بنبالغ في كل حاجة يعني بنفرح اوي عشان بطوله

وبينقلب حالنا عشان خسرنا بطوله او ماتش .وانت فكرك ان الشعب مش عارف

الحكاية دي يعني مش عارف انهم بيعملوا حاجات كتير عشان يلهوهم او يشغلوهم

عن حاجات اهم بكتير .بس الناس خلاص زهقت والله ياميدو وبقت مستسلمة بجد

وزي ماقال احمد كل واحد لازم يبدأ بنفسه ..معلش ياميدو رغيت كتير سووووري

ومرسي ع مواضيعك التحفة دي

زائر

لا ياجوجو انا عايزك ترغي بس الحل ايه ان احنا نرضي بكده ونسكت نبقي مش بنحب البلد دي وافتكر ان احنا بنموت فيها

موضوع: رد: دعوه للحوار 2009-05-17, 1:02 am

بجد الموضوع اكتر من هايل
بس انتا نسيت غلاء الاسعار
بس شعبنا بجد دايخ وحط تحت دايخ دي مليون خط
بالنسبه للتربيه والتعليم دي مبقتش تربيه وتعليم دول هيعملوا معهد للرقصات تابع للوزاره
يبقي ازاي اسمها تربيه
احنا محتاجين اصلاحات كبيره
ومحتجين اهم حاجه محتجين التخطيط
وشكرا ليك يا ميدو ع الموضوع الجميل ده

زائر

يا صاحبي 24 متشكرنيش علي حاجه انا بعملها لمصر انا بكتب عشان البلد دي وهفضل اكتب عشانها

موضوع: رد: دعوه للحوار 2009-05-17, 4:32 pm

والله فعلا دى حاجة بقت واضحة جدا جدا
ومش الكورة بس
دى الكورة والنت عموما والتليفزيون وبرامجه وكليباته وافلامه ومسرحياته وو... الخ
واخبار الفنانين وفلان اتسجن وفلان اتربت اغانيه
ومسابقات كتيييييرة للاسف "تافهة"
وفى حاجات كتيرة جدا ف حياتنا اليومية
مش هاتكلم عنها هنا
عشان الحديث هايطول

ربنا يعيننا

ويمكن ابو تريكه نفسه قال كلام زى ده بخصوص الكورة واللى بتلهينا عنه
بس مش فاكر امتى بالظبط
انا عندى كليب لتريكه وهو كان رجليه مصابه تقريبا
ووسط الناس والجمهور وقبل ما يركب عربيته
قال ف وسط كلامه ان الكورة مش لازم تبعدنا عن قضايا ومشاكل تانية وكده

بشكرك بجد يا ميدو

زائر

انا اللي بشكرك علي مشاركتك اللي شرفتني

موضوع: رد: دعوه للحوار 2009-05-20, 1:32 pm

والله عندك حق فى كل كلمة

اختيارك روووووووووووعة
تسلم ايدك
شـــــــــــــــــــــــــــــــــــــــــــــــكــــــــــــــــــــــــــــــراااااااااااااااااااااااااااا

زائر

شكرا يالؤلؤه علي مشاركتك الكرينه واتشرفت بردك وتعليقك