إحنا مين وليه وفين ؟

زائر

أنا النهارده مش هتكلم عن كوره ولا هتكلم عن لا عيب متع ولا عن مدرب وأوصفه النهارده موضوعي كبير موضوع بكتبه عن حبي الكبير مصر اللي إحنا شايفين الفساد فيها عامل أزاي وفي تكاثر مستمر ومفيش أي مناهضه من قبل أبناءك يا مصر من الذي سيدافع عنك بعد ما أصبحوا أبنائك يتبعون طريقة ابعد عن الشر وغنيله بل أصبحوا أبنائك وأنا منهم يا مصر يا أمي يتفننون في تخدير أنفسهم بالكلام فينظروا للظلم ويروه واضح وضوح الشمس ورغم هذا ما من راد لهذا الظلم بل أن الاغلبيه ترمي هذا الظلم علي القدر وبنشوف ألظلمه اللي فيها البلد بعنينا وبقدرة قادر بتتحول من عنينا لألسنتنا لفجر أزاي الله اعلم ومن يشتكي الظلم والقمع لا نعلم أين يذهب لكنه يختفي في ظروف غامضة الغريب في كل ده إن إحنا بنضحك وإحنا أصلا مجروحين ووراء ضحكتنا ألام وحزن ولكن من المؤكد أن ألمشكله فينا إحنا أنا مش بتحامل علي الناس لكن لما بدأت حالات الاغتصاب في الظهور في مصر مش مهم امتي المهم إن إحنا كشعب وكحكومة لم نكن حازمين مع أنفسنا لكي نردع هذه الظاهرة السيئة قطعا ممكن حد يقللي أشمعنا الاغتصاب هقلك أيها القارئ لان ظاهرة الاغتصاب عندما ظهرت في مصر كان مجرد اغتصاب للبدن ولأننا كنا سلبيين شعبا وحكومة في التعامل مع الظاهرة تمادي بشكل رهيب حتى وصل بحالنا إلي هذا الزمن وأصبحنا من زمن اغتصاب البدن لزمن اغتصاب الوطن من كل الخائنين و الفاسدين ولو أخذنا شق أخر للحديث ولنقل السرقة والنهب سنجد أن السرقة والنهب كانا في البداية نهب أموال وسلبيتنا في مواجهة النهب والسرقة جعلت تمادي السرقة إلي أن وصلنا لزمن سرقت الروح الحلوة والضحكة ألصافيه وصلنا لزمن ألصحبه اتسرقت العلاقات الاسريه بدأت في الانتحار وعلي ذلك كل ما ظهر من سلبيات في مصر والمجتمع المصري بسبب سلبيتنا كشعب وحكومة في مواجهة هذه الظواهر زي ما قللتك لكن النهارده بخاطب فيكم حبكم للبلد لبلدنا مصر وإننا نصحي طاقة الأمل ونظهر كل العزم والعمل والإصرار اللي جوانا واللي يقدر يفوق الجبل ويصحي النايمين أنا بكتب مش علي قضيه معينه أنا كتبت لمستقبل أهم قضيه آلا وهي مصر .

موضوع: رد: إحنا مين وليه وفين ؟ 2009-06-04, 9:17 pm

حقيقى بجد يا ميدو الموضوع بقى كبير
والنهارده بالذات بعد ما اوباما مشى بصراحه زعلت واتمنيت انه يقود مصر باى طريقه
بس امتى هيظهر اوباما العرب وخصيصا المصريين؟؟؟؟؟؟؟؟؟؟!!!!!!!!
مشكور يا ميدو ع المقال الجميل
واتشرفك بارد اول مشاركه

موضوع: رد: إحنا مين وليه وفين ؟ 2009-06-04, 9:25 pm

السؤال في كلمتين احنا مين وليه وفين ؟؟ ليه بنضحك واحنا اصلا مجروحين

بجد ياميدو مش عارفه اقولك ايه .. غير اننا بجد بقينا مغيبين جدا جدا

وشايفين حاجات بتحصل حولينا وساكتين عادي .كل حاجة بقت دلوقتي عادي عادي

بجد خلاص وصلنا بجد لمرحلة وحشة وحشة وحشه جدااااااااااااااااا

عندك حق كل حاجة دلوقتي بقت بتتسرق ..الطيبة البراءة

الاحترام حتى كله كله ..والله ياميدو خلاص انا بجد زهقت اوووي

مش عارفه اقولك ايه ياميدو ولا ايه ؟؟

غير اننا لازم بجد نتغير من جوانا اوي وننصح بعض ..دي اهم حاجة

( الدين النصيحة ))

مرسي ياميدو بجد بجد بجد بجد توبيك اكتتتتتتتر من رااااااااااااااااااااااااااااااائع

زائر

دينا ميرسي لمشاركتك الجميله عالمقال اتشرفت انا بمشاركتك

زائر

جوجو دايما بتكون مناقشاتك في المشاركات بتبقي في منتهي الروعه بس سؤال ايه الحل ياجوجو اخرتها ايه

موضوع: رد: إحنا مين وليه وفين ؟ 2009-06-05, 1:54 am

اول حاجة شكرا ليك يا ميدو ع الموضوع الحلو والمهم ده

مش عارف ابتدي في ايه ولا ايه
النهاردة لما جه اوباما كانت البلد بتتنضف ومفيش قهاوي ومفيش ومفيش
من قبليها بكام يوم
طب ليه الحكومة متخليش البلد كده على طول نضيفة
والله مش عارف ايه اللي بيحصل ده
احنا كده لما بيكون في حد مهم هييجي مصر تلاقي النضافة وكل حاجة متظبطة
مش عارف ليه كده
هو احنا مش بني ادمين ولا ايه
ولا الناس اللي بيزوروا البلد ليهم احقية في البلد دي اكتر منا ولا احسن مننا في ايه
يا ريت الحال ده يتعدل
ونشوف بلدنا العظيمة دي احلى واجمل بلد في العالم

واتمنى يعجبكم كلامي
وشكرا

زائر

كالعاده مشاركتك متميزه يا صاحبي واشكرك علي تقديرك لمقالي

موضوع: رد: إحنا مين وليه وفين ؟ 2009-06-05, 2:04 am

الله يخليك على فكرة انت من الناس اللي مواضيعهم بتعجبني جدا جدا

زائر

ربنا يكرمك يا كرازي تيتو وانت من الناس اللي مشاركتهم بعجبني جدا وبخب اشوفها دايما

موضوع: رد: إحنا مين وليه وفين ؟ 2009-06-05, 2:19 am

الله يخليك وانا يشرفني انك ترد على مواضيعي وانك تكون صاحبي

زائر

علي ايه انا اللي يزيدني شرف اني اشوف مشاركاتك ويزيدني شرف انك تكون اخويا كمان وابعتلي الميل بتاعك علي رساله خاصه ونمرة تليفونك

موضوع: رد: إحنا مين وليه وفين ؟ 2009-06-05, 2:24 am

من عينيا في الطريق جايين

زائر

تسلم عينيك يا اخويا

موضوع: رد: إحنا مين وليه وفين ؟ 2009-06-05, 12:44 pm

تسلم ايدك يا ميدو
وفعلا عندك حق
الفساد بقا فى كل حاجة
ولاننا بنسكت بيزيد وبيتطور والمشكله ان لما بتكون فى مشكله بتكون المواقف سلبيه من اللى عنده مشكله وبيسكت على حقه ومن الحكومة اللى مبقا ش ليها دور فعال فى اى حاجة وقوانين مبتتنفذش
والقضيه دلوقتى فعلا هى مصر يا ميدو
تسلم ايدك تانى مرة

زائر

ميرسي ياسوما علي مشاركتك ربنا يكرمك علي كلامك واتشرفت بمشاركتك

موضوع: رد: إحنا مين وليه وفين ؟ 2009-06-05, 3:12 pm

الصراحة الموضوع روووووووووووعة
جميل جدااا
والكلام اللى قلته كله صح
ومعنديش كلام اقوله اكتر من اللى دينا وجوجو وطارق قالوه

تسلم ايدك يا ميدو على الموضوع الجميل ده
مــــــــــــــــــــــــــــــــــــــــيــــــــــــــــــــــــــــــــــــــــرســــــــــــــــــــــــــــــــــــى
احنا مين وليه وفين؟؟؟؟؟؟؟؟؟

موضوع: رد: إحنا مين وليه وفين ؟ 2009-06-05, 3:25 pm

فعلا زي ما قالو جوجو وطارق وسومه

احنا سكتين لاننا خاييفين ومعدناش الشجاعه عشان نتكلم

وحكايه النضافه وكده طارق هما ليهم الدنيا واحنا لينا الأخره ان شاء الله

وبس مش لاقي كلام والله بس نفسي وبحلم باليوم الى مصر تكون ليها كلمه ودور لاني بحبها اوي
__________

على فكره ميدو مواضيعك حلوه اوي وفعلا بتشديني اني اقرأها معأني مش بحب القرءه اوي
والاسم الموضوع تحفه
إحنا مين وليه وفين ؟؟؟؟

فعلا والله

زائر

لؤلؤه ميرسي جدا علي مشاركتك الرقيقه والجميله الي اثرت الموضوع وشرفتني

زائر

soft2005 بجد يشرفني جدا ويزيدني شرف الكلام اللي انت قلته في حقي ميرسي جدا ليك واتشرفت بمشاركتك واشارك في حب مصر اوي وانشاءلله اليوم اللي بتحلم وانا كمان بحلم بيه هييجي

موضوع: رد: إحنا مين وليه وفين ؟ 2009-06-05, 3:43 pm

والله ويشرفني اني اقرأ مواضيعك

بس طلب لو سمحت انا اسمي احمد

قلولي احمد

زائر

اولا كلك زوق يابوحميد علي كلامك وربنا يكرم اصلك ميرسي

موضوع: رد: إحنا مين وليه وفين ؟ 2009-06-05, 4:22 pm

عندك حق يا كبير
تسلم دماغك والله
الموضوع جمييييل بجد

زائر

ميرسي عالمشاركه ياتريكه الصغير وتسلم علي الكلام الجميل

موضوع: رد: إحنا مين وليه وفين ؟ 2009-06-05, 4:49 pm

شكراااااااااااااااا اوي ع الموضوع الهايل ده
وفي انتظار المزيد من مواضيعك

زائر

انا اللي بشكرك جدا علي مشاركتك واتمني اشوف مشاركتك علي كل مقالاتي ميرسي