تقييم لاعبي مصر فى مباراة العمر موقع جول العالمي يعطى عصام الحضري 9 /10

تقييم لاعبي مصر فى مباراة العمر موقع جول العالمي يعطى عصام الحضري 9 /10

عصام الحضري ( 9 ) : أنقذ كرات محققة وكان عاملاً رئيسياً في الفوز

أحمد فتحي ( 8,5 ) : أفضل لاعبي مصر في الشوط الأول ، لكن المجهود البدني انخفض بشدة في الشوط الثاني

وائل جمعة ( 7,5 ) : أدى بشكل جيد وإن استمر وجود بعض الهفوات.

هاني سعيد ( 8 ) : تغطية مميزة في الشوط الأول وأداء جيد في الشوط الثاني.

أحمد سعيد أوكا ( 6,5 ) : هرب منه فيتشينزو ياكوينتا في أكثر من لقطة لكن الحضري أنقذ الموقف.

سيد معوض ( 7,5 ) :
أداء رائع في الشوط الأول لكنه استهلك مجهوده بطريقة كبيرة، الأمر الذي
جعل من جبهته مصدراً خطيراً للهجمات الإيطالية.. لكن يبقى أداؤه مميزاً.

حسني عبدربه ( 7,5 ) :
مازالت الواجبات الدفاعية التي يكلفه بها حسن شحاتة تكبح جماحه الهجومي
كثيراً لكنه استطاع هو وثنائي الوسط شوقي وحمص إيقاف الثلاثي الإيطالي
الرهيب.

محمد شوقي ( 8 ) : مميز جداً ، ونجح في إيقاف دانيل دي روسي تماماً

محمد حمص ( 8 ) : قدم مستوى رفيع بالنظر إلى أنها تعتبر المباراة الدولية الحقيقية الأولى له. هدفه سيحفر في ذاكرة المصريين.

محمد أبو تريكة ( 7 ) : افتقدت مصر للمساته التي كانت في مباراة البرازيل، تمريرات مؤثرة كثيرة أخطأها أو تأخر فيها، لكن يبقى لاعب لا غنى عنه.

محمد زيدان ( 7 ) :
كان أنانياً في بعض اللقطات ، لكنه يبقى مؤثراً في الهجوم، وكان سيكون له
شكل آخر لو كان لعب الربع ساعة الأخيرة التي انفتح فيها دفاع إيطاليا وهو
الأمر الذي لم يستثمره المصريون بشكل كبير.

البدلاء :

أحمد سمير فرج ( 6,5 ) : أغلق جبهته بشكل جيد بعد خروج معوض لكنه لم يستطع تأدية الواجب الهجومي الذي كان يُنتظر منه بسبب الضغط الكبير عليه.

أحمد عيد عبد الملك ( 6,5 ) :
لم يؤدِ الدور المطلوب منه بنقل الكرة من وسط ملعب مصر إلى وسط ملعب أحفاد
الرومان ، وتبقى الكرة التي فشل في إيصالها إلى أبو تريكة سقطة له في
المباراة.

أحمد حسن ( 5 ) :
نزل إلى الملعب وعقله في مركز وسط الملعب فتاه في مركز الظهير الأيمن،
ومرر أكثر من كرة سيئة رغم أنه لاعب خبرة ومن المفترض أن يكون أكثر هدوءاً.
www.coal.com

اقتباس :: هدفه سيحفر في ذاكرة المصريين.

فعلا هدف تاريخي
تسلم ايديك يابيبو ع المتابعه الجميلة
وفعلا الحضري هو نجم اللقاء انهاردة

شكرا يا بيبو

بس الحضرى يستحق 11من10

ملحوظه :
حمص لا هوا الاول و لا التانى و لا التالت ولا حتى الرابع
الفيفا مديهاله على اساس ايه ؟
مش عارف

نايس حلو اوى التقيمات دى وبجد يستاهلوا وبجد رجالة
ربنا يحميهم يارب
يسلمووووو يا بيبوووو

عندك حق يا سموكه
بس الحضري يستحق 1000000/10

الحضري يستحق النهارده مليوووون من عشره
كلهم رجاله والله

saif_1010 كتب:: ملحوظه :
حمص لا هوا الاول و لا التانى و لا التالت ولا حتى الرابع
الفيفا مديهاله على اساس ايه ؟
مش عارف

عشان نتيجة المباراة يا سيف

طب ما هو لولا الحضرى كان زمانا طالعن 3-1 على الاقل و مكناش اكتسبنا الثقه اللى خلتنا نشل لاعيبه ايطاليا بتضييع الوقت بالمنظر اللى حصل
على العموم خير
اهو كده لمصر و كده لمصر
بس على فكره لو على نتيجه الماتش ليه مش ادوها لكاكا فى ماتش البرازيل

تقيم جميل ,,,والحضرى فعلا يستحق عشره من عشره وده الصح ..

ربنا مع المنتخب يااااااااااااااااااااااااااااااااااااااااااااااااااااارب

saif_1010 كتب:: طب ما هو لولا الحضرى كان زمانا طالعن 3-1 على الاقل و مكناش اكتسبنا الثقه اللى خلتنا نشل لاعيبه ايطاليا بتضييع الوقت بالمنظر اللى حصل
على العموم خير
اهو كده لمصر و كده لمصر
بس على فكره لو على نتيجه الماتش ليه مش ادوها لكاكا فى ماتش البرازيل

لا واحد صفر بتفرق كتير
بيتبص للجول اوي اوي في الماتش ذو الجول الواحد
عموما زي مانت قلت خير
ربنا يكرمن قدام اليو اس ايه
نفسي نديهم درس قاسي
confused

نفسي نديهم درس قاسي
confused

ههههههههه اه الشر ده
انا بهزر وان شاء الله نكسب
بس الحضرى 9 من 10 اليل عليه
و10 من 10 كمان اليل عليه
ده احنا فعلا لو مكنش الحضرى موجود
كان زمانا خسرنين 10-1 ولاحاجه
انت فعلا اى تقييم فى الدنيا مش ممكن
يوصف مجهودك النهارده يا حضرى
وربنا يحميك وتفضل بمستواك ده
ع طوووووووووووووووووووول
الف مبروك يا تريكاويه

بجد انا مبسوط لتفاعل كل المصريين مع مصر ودائما بجانب منتخبنا حتى نصل الى الأفضل ونصل الى الحلم مونديال كأس العالم 2010
ياااااااااااااااااااارب
وكلنا نقف بجانب الحضري ونشجعه وعلى فكره انا كنت من أكثر محبينه وأيضا كنت من أكثر تعارضا معاه فى موقفه مع الأهلي الذى سيندم عليه مدى الحياه ولكن لابد من أنقف اليوم بجانبه ونقوله انك تستحق كمان 10/10 ولكن عايز اقولك حاجه ياعصام شوفت جماهير مصر طيبه ازاى شوفت الفرحه حلوه ازاى عشان تقدر ان الحسنه تعم والسيئه تخص ودائما ياحضرى فى تألق وأتمنى أن تكون تعلمت الدرس وان تتعلم كثيرا منمباراة اليوم انها الأفضل فى تاريخك ياعصام ربنا يوفقك
وكلنا بنحبك

ميرسي يا خالد علي كلامك الجميل عن الحضري
بس فعلا الحضري يستاهل اكتر من كده
ربنا يوفقك ويحميك يا احلي حضري في الدنيا

» تقييم لاعبي الاهلي في مباراة حرس الحدود
» عصام الحضري يبدأ أولى تدريباته مع الزمالك الاثنين، ويطالب لاعبي الزمالك بالابتعاد عن الإعلام الحمر
» أف سي سيون يقدم عصام الحضري في مؤتمر صحفي، و الحضري يطلب من

تقييم لاعبي مصر فى مباراة العمر موقع جول العالمي يعطى عصام الحضري 9 /10

تقييم لاعبي مصر فى مباراة العمر موقع جول العالمي يعطى عصام الحضري 9 /10

مواضيع مماثلة

مواضيع مماثلة