استفتاء : هل توافق علي عوده عصام الحضري للنادي الاهلي

انا عملت الاستفتاء ده لاني شايف تضارب كبير ف الاقوال بين مشجعي النادي الاهلي
فيه ناس عايزه عصام يرجع الاهلي
وفيه ناس رافضه الموضوع ورفضه الكلام فيه
اتمني الاستفتاء يعجبكوا
شكرا

ياااااااريت عصام يرجع الاهلي انا هافرح جدااااااا كلنا بنغلط ووهو اعترف بغلطة واهم حاجة

انة اعترف وندم علي غلطة ان شاء الله يرجع وينور بيتة ونقولة ارقص ياحضري

تسلمي يا حنين ع تفاعلك السريع مع الاستفتاء

أنا رأيى مرتبط بأتمام انتقال شريف اكرامى من الجونه لسبب
الصراحه شريف اكرامى سنه صغير و هيدى مستوى عالى
لو جه الاهلى يبقى انا افضل عصام مش يرجع الاهلى علشان شريف ياخد فرصته
لو مش جه يبقى الاهلى هوا اللى محتاج الحضرى فى الحاله دى

رساله الحضري لجمهور الأهلي

وقد طلب عصام الحضري من أحد المواقع كغيره من نجوم كرة القدم تبليغ رسالة هامة لكل الجمهور
الأهلاوي العظيم، ونحن بدورنا سنقوم بنقل رسالته للجمهور بكل أمانة وكما
بلغنا اياها وبدون أي اضافات أو حذف إيمانا منا بأننا لا نملك حق منع أي
رياضي في إرسال رسالته للجمهور لأن الموقع ملك لجمهور النادي الأهلي وليس
لإدارة الموقع.
وقبل نقل الرسالة نؤكد على أن ما سيرد فيها هو ما يدور في رأس عصام الحضري الذي
قرر القيام بتلك المبادرة مؤكداً على أنه يعني كل حرف فيها، ونحن بدورنا
سننقل رسالة الحضري بكل أمانة وبدون إبداء أي رأي فيها سواء بالموافقة أو
بالرفض وإنما نترك لجمهور الأهلي الحكم الكامل.

في البداية يقول عصام الحضري "أعلم أن أغلب جماهير النادي الأهلي غاضبة مني
وأنهم مازالوا حتى الأن غير مصدقين أن يقوم عصام الحضري بترك النادي
الأهلي للإنضمام لأي فريق أخر، ولكن أرجوكم دعونا لا نتحدث عن هذه القضية
مجدداً".

وأضاف الحضري موضحاً "أنا أعترف بأني أخطأت وقد تقدمت بإعتذاري للجميع ومازلت
أعتذر من جديد وكل ما أتمناه هو أي ينسى جمهور النادي الأهلي هذا الموقف
وأن يتقبل إعتذاري لأننا جميعاً بشر نخطيء ونصيب وأنا أخطأت في هذا الموقف
وأعتقد بأني قد تلقيت عقابي المناسب بالفترة الطويلة التي ابتعدت فيها عن
الفريق وعن جمهور الأهلي وهذا هو أسوأ عقاب بالنسبة لي".

وأضاف الحضري "لو كنت أحد مشجعي الأهلي وقام لاعب أحبه بمثل هذا الخطأ فبالتأكيد
سأغضب منه، ولكن في قرارة نفسي سأعلم إن كان هذا اللاعب يحب النادي الأهلي
بجد أم أنه يدعي ذلك وسيكون هذا هو المقياس المتبع لمسامحته، وأعتقد أن
هذا المقياس سيصب لمصلحتي لأني أعشق النادي الأهلي الذي أعطاني كل ما أنا
فيه الأن ولولاه لم أكن لأصل لأي شيء مما أنا فيه الأن".

وأضاف الحضري "وضعت أمامي وأنا في جنوب أفريقيا مع المنتخب أواجه عمالقة كرة
القدم في العالم مجموعة من الأهداف وأهمها كان التألق في المباريات ليكون
مستواي في البطولة هو إهداء لكل جماهير الكرة في مصر بصفة عامة ولجمهور
الأهلي بصفة خاصة لننسى كل ما فات ولنبدأ صفحة جديدة".

وتحدث الحضري عن علاقته بمجلس ادارة النادي الأهلي قائلاً "كل أعضاء مجلس
الإدارة هم أخوتي الكبار وعلاقتي بهم على المستوى الشخصي جيدة جداً وأعلم
أنهم غضبوا مني لفترة ولكني أعلم أنهم يعلمون أن الحضري لم يكن ليتعمد
مضايقتهم في يوم من الأيام لأني ابنهم أو أخوهم الصغير الذي يخطيء ويتعلم
من أخطاءه".

وأضاف الحضري "أتمنى أن أعود مجدداً للنادي الأهلي لأرتدي فانلته وأحمي مرماه
لأختتم حياتي الكروية في المكان الذي قدمني للعالم أجمع، وهذا لن يحدث سوى
لو تذكر جمهور الأهلي أن من يخاطبهم هو الحضري الأهلاوي وليس الحضري الذي
أخطأ وتلقى العقوبة المناسبة".

واختتم الحضري رسالته قائلاً " قررت الحديث مع جمهور النادي الأهلي من خلال موقع
الجماهير حتى تصل رسالتي إليهم بشكل مباشر وحتى أتمكن من متابعة التعليقات
بشكل مباشر وكل ما أتمناه من جمهور الأهلي هو أن يفكروا بقلبهم وعقلهم وأن
يعلموا أن من يتحدث هو الحضري الأهلاوي الذي لا يجد في حياته ما يحبه اكثر
من النادي الأهلي وجمهوره".

دي كانت رساله الحضري أردت تبليغها لكم ...وأنا بتمني عودته

ميرسي يا هبه ع الرساله
بس الموضوع دلوقتي مش جماهير مؤيده وجماهير معارضه
الموضوع اكبر بكتير..ومتوقف علي رغبه اداره النادي الأهلي
ولو ان فرصه الحضري كبيره في العوده خصوصا بعد رحيل الخواجه
بس بردو أرجع اقول تاني القرار النهائي لمجلس الأداره
حتي لو كل الجماهير اللي في الدنيا عايزه الحضري..والأداره معانده
مش هتجيب الحضري
وانا مش هقول الحضري يرجع او ميرجعش..كل ده مش هيهمني
انا بس هدعي ربنا اللي في خير للحضري يسهله
ممكن الحضري يرجع الأهلي بس ميلاقيش نفسه في النادي زي زمان
ممكن يروح نادي تاني _اي ان كان_بس يلاقي نفسه ويعيد اكتشاف الحضري من جديد
المهم بأه ورسالتي انا لكل جماهير الحضري الوفيه...تدعي ربنا يقدم اللي في الخير
واللي يفيد الحضري ويحافظ علي تاريخه العظيم...سواء كان في الأهلي او غيره
سوري بأه يا أحمد اكلمت كتير..بس قولت كل اللي جوايا
ميرسي ع التوبيك يا جميل

اممممممممممممممممممممممم ايه ده ؟؟ طيب سوري بقى سوري ليكم كلكم

انا مش عايزاه يرجع بحبه ايوه بس خلاص عايزين حد قادر يكمل

ندي فرصه لناس جديدة افضل ..وانا بحبه جدا جدا .. بس مش عايزاه يرجع

اقولك علي حاجه يا جوجو يا عسل
صوره تامر حسني دي جميله اوي كده زيك

امممممممممممممم عجبتك ياسومه اتفضليها ههههههههههه

انتي اللي عسل ياعسل

هو تامر ده مجنننننننننننننني ههههههههههههههه

سومة مش تزعلي عشان الحضري

اوك خلاص انا ياستي هروح اجيبه من بيتهم وارجعه الاهلي ههههههههههه اوك

لا يا حببتي انا مش زعلانه
بس ليا طلب صغير عندك..........
لما تيجي تروحي البيت للحضري والنبي خوديني معاكي..هههههههههههه
وصدقيني انا عمري مازعل منك يا قمر.........
وزي مانا قولت قبل كده..انا مش فارقه عندي يرجع ولا ميرجعش
اد ما فارق عندي انه يكون موفق.......
مش كده ولا ايه!!!!!!!!!!

والله انتي عسل من عونيا حاضر اول ماروح هاخدك معايا ههههههههههه ونطب عليه

ربنا يكملك بعقلك ياسكررررررررر ..ايوه وهو ده الكلام الصح كلام الناس العاقله

بجد انا بحترمك اوي ياسومه

ايه ده ايه ده
سوما وجوجو هنا دا ايه النور ده بجد مشرفني اوي وكل الاعضاء اللي ردوا شرفوني اوي
الرساله كلمها كويس جدا
بس عندي حاجه عايز اقولها
الاداره مش معانده لكن ده مبدا ماشين عليه طول عمرهم
اللي يسيب النادي بطريقه غير لائقه ميرجعش تاني
اه بكل وضوح الاهلي محتاج حارس بقدرات الحضري
لكن الاهلي ليه مبادئ معتقدش انه هيغيرها

طبعا انا اوافق انه يرجع

اه ده فى خيانه بتحصل ع فكره بقى سومه وجوجو ريحين للحضرى ومش هيخدونى
لأ انا عيزه اروح معاكم مليش دعوه انا عيزه ارووووووووح خدونى معاكوا ههههه
ميرسى يا احمد ع الاستفتاء وسومه فعلا عندها حق (((وكالعاده))) هى قالت الى كنت
هقوله ان الحضرى فى اى حته الحضرى وربنا يوفأه ومهما قلنا وعدنا كووووووول
الكلام ده مش هيفرأ ابدا لان القرار الاول والاخير لمجلس اداره النادى الاهلى
والى هم عيزينوا هينفزوا وانا عن نفسى هفضل اشجع الحضرى سواء راح الاهلى او لا
انا اى نعم نفسى يرجع بسسسسسسسسسس عشان دى رغبته
شفت يا احمد كل ده رغى انا اتكلمت كتير اوى كفايه كده هههههههه

انا صمتي لا يعني جهلي .... لكن .... ما يدور حولي لا يستحق الكلام

كلنا بنغلط ووهو اعترف بغلطة واهم حاجة

انة اعترف وندم علي غلطة

انا مع عودة الحضرى
وبنادى بده بشدة كمان
الحضرى ماننساش هو عمل للاهلى من انجازات والقاب
وللمنتخب كمان
صحيح مش هو لوحده وولا لعيب بعينه
لكن هو شارك بنسبة كبيرة جدا
فى انه يفرح المصريين عموما
والاهلاويين خصوصا
مرات كتيرة

يارب يرجع
وكلنا لازم نسامحه
لان ربنا بيقبل التوبه
يبقى احنا كـ عبيد مش هانقبلها

وميرسى ليكى يا سوما لطرحك الموضوع
وسورى ع الاطالة

انا معا الحضرى فى رجوعه بعد انهباد مودوى من امير

لا طبعا انا مش موافقة على رجوع عصام للاهلى لان البيت اللى هرب منه
مش هيدخله تانى والاهلى مش لعبة فى ايده عشان وقت مايخرج يخرج ووقت مايجى يجى
دا النادى الاهلى احسن نادى فى افريقيا ومش لعبة فى ايد حد

طبعا انا ضد ان عصام الحضري يرجع لانه اصلا زي التعالب مكار وغدار كمان

والاهلي نادي الاخلاق ميرضاش يبقي واحد منهم يبقي زي الحضري كده

واحنا عندنا حراس تانيه قادره ان شاء الله تقدم اللي الحضري قدمه واكتر كمان

أنا في الحقيقة عايز الحضري يرجع لأنه إعترف بخطأه

وإعتذر

هو ده المهم

لازم يرجع
استفتاء : هل توافق علي عوده عصام الحضري للنادي الاهلي 116283

ولازم حارس في الاهلي اصلا

الف شكر لكل الناس الي ردت
بس انا عندي راي
لو النادي الاهلي هريجع عصام يبقي كان رجع حسام وابراهيم وهما كانوا ف عز مجدهم ايامها
او كانوا رجعوا ابرهيم سعيد اللي هيموت نفسه عشان يلبس تي شرت النادي

يارب الحضرى يرجع بيته ومكانه وناديه
***** النادى الأهلى طبعا *****

» أف سي سيون يقدم عصام الحضري في مؤتمر صحفي، و الحضري يطلب من
» هل تريد (حسام البدري)المدير الفني للنادي الاهلي ان يبقي مع النادي الاهلي ؟
» حصريا المؤتمر الصحفي للمدير الفني الجديد للنادي الاهلي ويتحدث علي مستقبل وحاضر الاهلي

استفتاء : هل توافق علي عوده عصام الحضري للنادي الاهلي

استفتاء : هل توافق علي عوده عصام الحضري للنادي الاهلي

مواضيع مماثلة

مواضيع مماثلة