ياليلة العيد آنستينا

زائر

يهل علينا هلال عيد الفطر المبارك بعد شهر التقوى والغفران ونمني النفس جميعا في أن يكون القادم أفضل وأحسن لمصر والمصريين ولكن علينا ترك الأماني جانبا والتفكير فيما سنعمل ليكون القادم أفضل لنا ولبلدنا الحبيبة مصر ويجب أن نتساءل هل مؤانسة ليلة العيد ستجدد الأمل فينا أم أنها ليله ستؤانسنا وترحل عنا دون أي تأثير في الوجدان المصري أو تأثير في منهجية تفكير الإنسان المصري في قضاياه وكيفية حلها يحل علينا عيد الفطر ونحن مع أهالينا وأقاربنا وما احلي العيد وسط الأهل والحبايب حتى وان كانت العيشة صعبه علينا لكن وجود اهلك وناسك يهون أي شئ في العيد مع أللمه الحلوة ومن هنا علينا أن نتذكر سويا احد أهم قضايا مصر وهي قضية أطفال الشوارع التي بدأنا مناقشتها سويا في المقال السابق واليوم أواصل معكم المناقشة وتعمق معي عزيزي القارئ وانظر كيف لنا أن نلبس ثياب العيد الجديدة وإخواننا مشردين عرايا في الشوارع كيف لنا أن نسعد بيوم العيد ونحن نري هؤلاء طريحي الارصفه دون أن نذهب لهم ونشاركهم ونحسسهم بالعيد كيف لنا أن نلهو ونضحك وهؤلاء الذين نسوا الضحك وتيبست دموعهم في الأحداق من قسوة البشر والدنيا عليهم في آن واحد وأي قسوة التي أصبحت تملئ قلوبنا وتجعلنا نتبادل الحلويات وهؤلاء جياع وأمام أعيننا ولا نفكر فيهم بل أننا لا نفكر في كيفية جعل عيدهم القادم أفضل تساؤلات عديدة تدور في راسي عن هؤلاء وعنا نحن أهمها هل خرج هؤلاء من دائرة تفكيرنا وهل ستكون الشوارع والارصفه مصير هؤلاء إلي الأبد ومدي حياتهم وهل ماتت قلوبنا ودفنت وفقدنا الإحساس بهؤلاء وهل أصبحت قلوبنا قطعه من الحجر أم إننا نعيش في غيبوبة من اللا إنسانيه الحيوانية عذرا في اللفظ أم أننا سلمنا للسلبية واللامبالاة تجاه مشاكلنا وتجاه أي شئ اسأله كثيرة تدور في عقلي لا أجد لها أجابه لكن ما أؤكده أن هؤلاء يستحقون منا المساعدة ويستحقون أن نمد يد العون إليهم ولكن من سيمد يد العون إلي هؤلاء و كلنا وللأسف علي دكة الاحتياطي لا نريد حتى الإحماء راضين بما نحن فيه لا نحاول للأفضل بل نبكي ونولول فقط نهدي هؤلاء تعاطفا زائفا ويسترزق الارزقيه علي قفا هؤلاء ويمضغ المتشدقين قضية هؤلاء كاللبانة وأنا إلا ن لست متأكد إلا من شئ واحد هو انك ياليلة العيد آنستينا ولكن هل جددتي الأمل فينا ؟

موضوع: رد: ياليلة العيد آنستينا 2009-09-19, 3:22 am

فعلا والله المفروض في العيد نشارك الاطفال الفقراء فرحتهم
نجيب لهم هدايا ونروح نقعد معاهم ، نحسسهم انهم زي اي انسان
انه مايقلش عن حد في حاجة
العيد مش مجرد اننا نفرح مع اهلنا واصحابنا واخواتنا
العيد اننا نحس بغيرنا ونحاول نسعدهم نفرحهم
حتى ولو يوم واحد ، المهم اننا نشاركهم لحظات سعيدة ونحسسهم اننا معاهم بنحبهم
وانهم مش فقراء احنا زينا زيهم
وربنا يفرح الجميع ، وكل عام والامة الاسلامية بخير
وعيد سعيد وكل سنة وانتم طيبين يا تريكاوية
وميرسي لطرحك الموضوع المهم ده يا ميدو
وكل سنة وانت طيب

ياليلة العيد آنستينا 680760

موضوع: رد: ياليلة العيد آنستينا 2009-09-19, 3:45 am

الله عليك يامدلعنا انت بمقالتلك الجميلة دى ياميدو والله الكبير كبير وتحيا مصر كل سنة وانتم طيبين

انا مش طير ولا عاشق لارض الغير

تهدى ياريح وما تهشى انا دارى هنا وعشى

ولا بجناحى بتغرب وساعة الجد ما اتهرب انا عندى هنا تشرب سنين مرة وساعة خير انا مش طير ولا عاشق لارض الغير
تهدى يا ريح وما تهشى
انا دارى هنا وعشى ولون القمح من وشى سنابل فى الوريد بتزيد
انا مش طير ولا عاشق لارض الغير

حرير المهد كان حجرك شربت الشهد من صدرك وتنسينى انا فاكرك ومن حقى عليكى اغير
ونا مش طير ولا عاشق لارض الغير
انا منك ومن صلبك وقلبى بيرتوى بقلبك تنادينى انا جنبك عشانك يا حبيبتى اطير
وانا مش طير ولا عاشق لارض الغير

ياليلة العيد آنستينا Rtt

كل التحية لاجمل منتدى
treika.CoM

ياليلة العيد آنستينا 420156

موضوع: رد: ياليلة العيد آنستينا 2009-09-19, 4:50 am

عندك حق والله يا ميدو وحقيقى اي حد عنده فرصه يعمل عمل خير يعمله والدال ع الخير كافاعله
وكل سنه وانتم طيبين وتقبل الله من صالح الاعمال فى شهر الغفران باذن الله
تسلم ع المقال

موضوع: رد: ياليلة العيد آنستينا 2009-09-19, 9:30 am

موضوع مهم جدا اخى الفاضل

حقا اخى لابد وواجب علينا ان نشارك هؤلاء فرحتهم بمثل هذا اليوم
وليس هم فقطد ويوجد ايضا من لهم الحق وكل الحق فى ان تشاركهم بسمتهم وسعادتهم فى هذا اليوم هما اطفال ابرياء يصارعون من أجل الحياه مع امراض خبيثه ابتلاهم الله بها ليمتحن الله قلوب المؤمنين على هؤلاء
ولكن سقطت القلوب وكل قلب تعلق بنفسه ونسي ان كل ما لديه هو من عندالله وانه مرد الى الله فردا ليس معه ماله ولاولده ولا اهله
نسي انه سيسأل عن هؤلاء المساكين وسيحاسب على اهمالهم لآن الله اعطاه كي ينفق فى سبيله

يقول الحق جل فى علاه

" وَالَّذِينَ يَكْنِزُونَ الذَّهَبَ وَالْفِضَّةَ وَلاَ يُنفِقُونَهَا فِي سَبِيلِ اللّهِ فَبَشِّرْهُم بِعَذَابٍ أَلِيمٍ (34) يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنوبُهُمْ وَظُهُورُهُمْ هَذَا مَا كَنَزْتُمْ لأَنفُسِكُمْ فَذُوقُواْ مَا كُنتُمْ تَكْنِزُونَ (35) " سورة التوبة

فهذا جزاء من يتغاضى عن حق الفقراء والمحتاجين من مال الله الذى وهبه اياه

لك جزيل الشكر اخى على طرحك الطيب لهذا الموضوع

وتقبل مروري

نسأل الله ان يصلح حال بلادناوان يصلح قلوبنا وان يهدينا الى كل خير

موضوع: رد: ياليلة العيد آنستينا 2009-09-19, 11:42 am

بجد مش عارفة أقول ايه
أولا بقولك يا ميدو انه جميل جدا انك ربطت فرحتنا بالعيد مع الموضوع السابق اللي كان عن اطفال الشوارع انت كدة أكدت فعلا إن الموضوع ده مانتهاش بمناقشة واحدة ولازم نستمر في ونديله حجم أكبر لانه موضوع كبير ومش سهل .
كبير ومش سهل على مين لكن علينا احنا ؟؟؟
احنا شاربين واكلين ونايمين ويمكن بآلام أقرب الناس إلينا مش حاسين
هنحس بالأطفال دول طب ازاي دي تيجي؟
انا في رايي اننا قبل ما نفكر فيهم ولا في تعاستهم وبؤسهم عشان تدمع عنينا للحظة وبعدين ننسى
لازم نصحي ضميرنا شوية اللي نايم ومتغطي ومرتاح ومش سامع وكأنه في غيبوبه
لازم الضمير يصحى ماهو احنا مش عايزين نعيط ولا نتحسر على اللي هم فيه وخلصت الحكاية

لاء

يبقى احنا كدة معملناش حاجة
احنا لازم كل ذرة احساس جوانا تنبه الضمير بإنه في غيبوبة ولازم يفوق
لاننا لازم نتحرك ونعمل حاجة صح ولو لمرة في حياتنا .
ولازم نفكر في حالنا دلوقت احنا مثلا حالنا ميسور والحمدلله
وعايشين حياة مرفهة فلنفرض
ومش بنفكر حتى نساعد غيرنا لو ده فعلا هو اللي حاصل
فمسيره في يوم الحال ده هينقلب ضدنا وهنقع احنا ونهايتنا ممكن تكون الرصيف
وياعالم بالأصعب والأمرّ
ده ممكن يكون عقاب ربنا لينا لو فضل الضمير نايم والاحساس مقتول والمشاعر مزيفة والعيون مغلفة بشوية دموع شفقة وبس
ولو كان عقاب ربنا بالشكل ده فده عقاب بسيط جدا من ربنا وممكن يكون أصعب لا يخطر ع البال
انا شايفة حمايتهم ورعايتهم وتعليمهم وتوجيههم نحو الصواب مسؤوليتنا احنا
اي نعم البعض ممكن يقول فين دور الدولة ولا دور الحكومة
طب افرض الدولة والحكومة ضميرها مقتول من زمان ومفيش أمل من انه يصحى
تموت انت كمان ضميرك زيهم ولا تعمل الصح ؟؟؟!!
بيتهيألي لازم نسأل نفسنا السؤال ده

وبجد ياميدو بقولك تاني جميل انك ربطت العيد بالموضوع ده وفكرتنا لاننا لازم مننساش
وكل سنة وانتم طيب
وعيد سعيد على الأمة الإسلامية كلها يارب

موضوع: رد: ياليلة العيد آنستينا 2009-09-19, 3:14 pm

فعلا موضوع تحفة وجميييييييييييييييييل جدا جدا ولازم طبعا نهتم بالاطفال دول علشان نحس بطعم العيد وفرحته

جزاك الله خيرا

موضوع: رد: ياليلة العيد آنستينا 2009-09-19, 3:39 pm

توبيك رائع يا ميدو

بس عايزة اضيف ان العيد مابقاش زى زمان

ولا بطعم زمان

امل ازاى نبقى سعداء واطفال الشوارع سعداء دى نظرية تانية خالص
انا عايزة اقولك شئ عملته امبارح روحت اسال واحدة منهم
انتى منين وعندك اهل والاشياء ديه
انت عارف الجواب كان ايه هاتى فلوس وانا اقولك
عادى المشكلة فى الاجابات
قالت على هى منين وقالت والدى والدتها هما اللى بيشغلوها تروح تشحت من الناس وهما بيشحتوا

فى السيدة زينب

وليها اخ بيشحت فى القطارات يعنى مش كل اطفال الشوارع عايزين مساعدات
لانى اكتشفت بعد كده انها من بيت كويس ماديا والاهل مكسبهم الشحاتة

وبعد كده قالت ليه ما اقولش لحد

موضوع: رد: ياليلة العيد آنستينا 2009-09-19, 3:49 pm

طبعا لازم نعطف على الفقراء علشان يكونوا سعداء مثلنا
شكرا على ميدو على الموضوع

موضوع: رد: ياليلة العيد آنستينا 2009-09-19, 3:52 pm

بجد والله يا ميدو مشعارف اقولك ايه؟
كلام جميل وموضوع تحفة بجد
تسلم ايديك يا مان

زائر

ندي ميرسي علي زقك اولا ثانيا عندك حق واتفق معاكي في اللي قلتيه واللي بامانه بيكمل وبياكد علي كلامي الللي انا كتبه ميرسي قطعا علي تقديرك وميرسي عالمعايد وانتي بالصحه والسلامه

زائر

ندي ميرسي علي زقك اولا ثانيا عندك حق واتفق معاكي في اللي قلتيه واللي بامانه بيكمل وبياكد علي كلامي الللي انا كتبه ميرسي قطعا علي تقديرك وميرسي عالمعايد وانتي بالصحه والسلامه

زائر

اسلام ميرسي اوي علي ردك الجميل ده وتحيا مصر اولا واخيرا والشعر اللي انت كتبه جامد اوي اوي بامانه ميرسي

زائر

ميرسي يادينا علي ردك القيم بجد وربنا بتقبل مننا صالح اعمالنا ويكفر عن سيءتنا ميرسي

زائر

احمد محيي اول مره تناقشني ميرسي جدا واتاشرفت بيك اوي وبمناقشتك ميرسي كمان علي رايك المحترم وكلامك من الناحيه الدينيه فيى حتة مشاركة هؤلاء في عيدهم وربنا يستر عالجاي

زائر

دودي قطعا ميرسي علي زوقك في الكلام عني وميرسي جدا عالمشاركه والمناقشه الجميله والمحترمه وتقريبا انتي متفقه تماما مع المثال لكن في نقطه مهمه انتي اتكلمتي فيها ان مش لو الحكومه مهيسه نعمل ايهع احنا ياريت نتناقش في النقطه دي تحديدا وميرسي اوي يادودي

زائر

ميرسي يادلوعه علي رايك واسلوبك المحترم وطبعا مطلوب الاهتمام ومد يد العون للاحساس باننا بني ادامين ميرسي يادلوعه تاني مره

زائر

نانا اولا ياريت اشوف مناقشتك في اللي حقوله كون العيد مش زي زمان عشان العيشه وكده ده بره موضوعنا والاهم انك بتقولي ان حصلك الموقف المذكور عايز اقلك ان مقالي مكتوب عالكل مش مكتوب علي حاله يعني اللي انتي قبلتيها حاله من ضمن عشرات الحالات بل ملايين الحالات وشايف ان احنا لو قعدنا نقول مش كلهم دي مبررات واهيه تحتاج الي وقفه وميرسي جدا لاتاحتك الفرصه للمناقشه ميرسي

زائر

ميرسي يامحمد مان علي رايك وتقديرك ليا ميرسي

زائر

متقولش حاجه يا زيزو وميرسي ليك جدا علي تقديرك ومشاركتك وربنا يوفقك ميرسي

زائر

متقولش حاجه يا زيزو وميرسي ليك جدا علي تقديرك ومشاركتك وربنا يوفقك ميرسي

موضوع: رد: ياليلة العيد آنستينا 2009-09-19, 8:04 pm

الله عليك تسلم يدك
اسلوبك رااائع وكلامك رائع
مرسي ليك

موضوع: رد: ياليلة العيد آنستينا 2009-09-19, 10:00 pm

اممممممممممم

الواحد بجد مش عارف يرد يقول ايه بعد الكلام دة

وهو بصراحة جددت فيا الامل ف حاجات تانية

هى مهمة بردو زى قربى من ربنا

لكن حاجة زى كدة ماكنتش ف بالى

بجد ميرسى ليك ياجميل ع التوبيك الهايل والمهم دة

وع التوعية ولفت النظر

وربنا يقدرنا جميعا ع فعل الخير

ويجعل المسلمين جميعا ف خير وبركة وسعادة

وكل سنة وانتم جميعا طيبين والى الله اقرب واسعد

موضوع: رد: ياليلة العيد آنستينا 2009-09-19, 11:16 pm

بجد ةأنا مش عارف أرد أقول ايهغير تسلم ايدك على كلامك الجميل احنا لازم كلنا نفضل فاكرين أطفال الشوارع و احنا فى العيد زى ما قال أ\ عمرو خالد ان احنا المفروض نكون فرحانين فى العيد و لكن فى نفس الوقت يكون فى دماغنا الناس اللى فى كل مكان و عندهم مشاكل و تسلم ايدك مرة تانية

موضوع: رد: ياليلة العيد آنستينا 2009-09-20, 2:40 am

عندك حق والله يا ميدو كلامك جميييييييييل
وانا والله بتعاطف مع الاطفال فى العيد وبديهم هديه علشن يفرحه
تسلم يا ميدو مقال جمييييييييل

» كعك العيد
» خروف العيد وصل
» بكره العيد

ياليلة العيد آنستينا

ياليلة العيد آنستينا

مواضيع مماثلة

مواضيع مماثلة