ساكت كلامنا ما لاقي كلام

زائر

في كل ما سبق لي من مقالات تحدثنا وناقشنا سويا مشاكل مصر ولطالما تبادلنا الآراء سويا أيها القارئ العزيز وكانت الآراء متباينة في أسباب هذه المشاكل بين سلبية الناس وفساد الحكومة وبين إخلاء سبيل الناس تماما من المسئولية ولكن هناك قضايا كثيرة ومشاكل عديدة ساكت كلامنا عنها كأننا مش لاقين كلام وعلي رأس هذه القضايا قضيه نراها يوميا في شوارع المسروقة الذي أصبح الاسم الجديد لمصر بعد استبداله باسم المحروسة الشهير نعود لقضيتنا وهي أطفال الشوارع الذين يملئون شوارع مصرنا الحبيبة وفي قضيه كهذه لا ألوم علي الحكومة كثيرا بينما اللائمة الكبرى تقع علي عاتق أبناء مصر وقطعا أنت تعلم عزيزي القارئ معني كلمة أطفال شوارع معناها أجيال وأعمار ضائعة دون تعليم وتائهة دون عمل يفيد البلد ويا قارئي اعلم مدي اندهاشك من رفعي المسئولية من علي الحكومة في هذه القضية وأزيدك استغرابا حينما أقول لك أنني ارفع المسئولية عن حكومتنا في باقي مشاكل مصر واقصد هنا أننا من سمحنا لهذا الفساد أن يستشري في مصر فالمسئولية أصبحت ملقاة علي كاهلنا نحن أبناء مصر وإذا عدنا لقضيتنا الاساسيه وهي أطفال الشوارع سنجد أنهم تاهوا بين سلبيتنا و فساد الحكومة فأصبح أطفال الشوارع زى اللبانة في أفواه المتشدقين فمثلا نحن أبناء مصر من تسببنا في أزياد أطفال الشوارع في مصر بافتقادنا احد أهم ما يميز أهل المسروقة المحروسة سابقا واللي بتمناها ترجع وهذا الشئ الذي افتقدناه هو التكافل الاجتماعي بيننا وفقداننا الأمل والدليل أن هناك ردود تأتيني علي مقالاتي علي هذا النمط ( مهما كتبنا مفيش فايده ) ورد أخر يحبطني ( هو أنا لوحدي اللي هغير ) العيب فينا فانا وأنت من تعالينا علي أطفال الشوارع وأنا وأنت عزيزي القارئ من نتظاهر بالحزن علي حال أطفال الشوارع عند رؤيتهم دون أن نفكر في مساعدتهم ومنا من ينظر لهؤلاء باستحقار علي أنهم اقل قدرا منا نحن أصحاب المقام الرفيع وأبناء العائلات لكن هؤلاء أطفال شوارع والبعض ينظر لهم بشفقه كاذبة دون أن يكلفوا أنفسهم الحديث معهم كل هذا ولم نفكر لمرة واحده أن هذا الطفل المرمي عالرصيف كان من الممكن أن يكون أنا أو أنت عزيزي القارئ وهذا الطفل من الممكن أن يصبح عالما يفيد بلده لو توفرت له ظروف طيبه أرجوكم لا تنظروا لأطفال الشوارع بشفقه أو دموع كاذبة لان دموعنا عليهم ما هي إلا دموع في عيون وقحة لا التفاعل يكون بالفعل لا بالهمسات ولا بالنظرات ومفيهاش حاجه لو قعدت مع احد هؤلاء من أبناء الشوارع وتحدثت معه وعلمت مشاكله وما يعانيه وحاولت تحلها إذا قدرك الله وإذا لم يحدث هذا قول علي مصر يارحمان يارحيم وعليك الإيمان عزيزي القارئ لم يخلقني أنا وأنت مع أهالينا ولم يخلق احد ابن شوارع غير أن الحياة تفرض هذا علي ذاك وهذا علي هؤلاء وللآسف أن إحنا بنشوف المشهد ده كتير في شوارع مصر ومبنتحركش كشعب وكالعادة ساكت كلامنا مش لاقيين كلام ولا إيه ؟

تسلم ايدك علي التوبيك الراائع
ومعك حق تماما
بس اعتقد ان الشعب عنده كلام كتير ونفسه يغير
بس الحكومه خرساه بالمعتقلات والجون
وقانون الطواريء وغيره وغيره

أولا:موضوع راائع جدااا يا ميدو كالعاده ده مفهوش كلام طبعاا..
ثانيا:إسمحلي أقول رأي في الموضوع ده وإنت كمان رد عليا وقولي إيه رأيك في كلامي
أنا شايفه إن أهم عامل ومسبب لظاهره أطفال الشوارع هو (تفكك العيله المصريه)بمعنى إن العيله عندنا معناهاضااع وده سبب في ضياع أولادنا مثلا يعني لما الإبن يطلع يلاقي الخناق في بيته ليل نهار ،ده غير عدم الإهتمام فيه من أبوه وأمه ،وإلخخخ ...إلخخخ..ده مش أسباب كفايا إنه يدور عن الأمان إلي ضاع منه والحب والحنان إلي إفتقدهم بره ويهرب من بيته عشان يحتمي في أحضان الشوارع ...وأنا معاك جدا في فكره مش كل حاجه على الحكومه ومعاك جدا برده في فكره إبدأ بنفسك أول إنزلهم وإتكلم معاهم بلاش تكبر وعنطظه ملهاش لازمه ولا فيده بجد لازم نحس ببعض ..والأهم إختار وبجد وبحب قبل ما تنوي تعمل عيله وبيت وأسره ليها كيان أرجوووك فكر ميت مراااا قبل ما تاخد قرار صعب أووي ومصيري زي ده وحط خطه إزاي تقدر بعيلتك تصلح كتيير بكده هنقدر شويا شويا نقضي على ظاهر أطفال الشوارع ...
بجدبجد تسلم الأيادي على موضوع جااامد جداا وهادف زي ده متنساش رأيك في إلي قلته ..
تسلم الأيادي مره تاني وديما كلنا بنتستنى جديدك يا ميدو...
مرسيييي جداااااااااااااا...

زائر

ميرسي يادعاء علي ردك وتقديرك و الكلام مش مظاهرات وشتايم ملكش دعوه بالحكومه خليبك في نفسك وانزل وشوف مفتكرش حد من الحكومه هيمنعك تتكلم مع طفل شوارع ميرسي دعاء

زائر

سويت ماميا ميرسي اوي علي تفاعلك مع المقال وميرسي علي زوقك الجميل في الرد اشكرك بجد علي كلامك في حقي وبجد ده كتير اوي عليا وطبعا معاكي في حتة تفكك الاسره في مصر وان شاء الله نناقشه قريب بالتفصيل لكن فعلاكلامك سليم ده دليل عن تفكك الاسره المصريه بشكل كبير وفعلا لازم الواحد يبقي مسئول لما ييجي يفتح بيت بامانه ميرسي ارائك اضافت للموضوع وغطت تماما عالمقال ميرسي اوي

انا فعلا يا ميدو مش لاقية كلام من الناحيتين
الناحية الاولى مش لاقية كلام أرد بيه ع الموضوع ده
والناحية التانية مش لاقية كلام كفاية على كفاءتك انت في اختيار الموضوع وكلامك اللي فعلا أكثر من رائع
خليني في الناحية الأولى أطفال الشوارع
مشكلة منتشرة في مصر وناتجة من سلبيات المجتمع الأسر المفككة والجهل والأمية الأول انتشار المشكلة دي كان بسبب الأسر المفككة والغير واعية ولكن دلوقتي بعد اما بقت ظاهرة اجتماعية منتشرة بقينا احنا السبب فيها
احنا لو عندنا الوعي الكافي هنتكلم معاهم وهنفهم المعاناة اللي هم عيشينها وايه اللي وصلهم لكدة وممكن نصلح ولو شيء بسيط بمجرد اننا نتكلم معاهم لكن اللي بنشوفه دلوقت في الشوارع ناس بتقزز منهم وناس بتبعدهم واللي بيذلهم لييييييه ؟؟؟ دول بشر لا ناقصين ايد ولا رجل ولا عين دول يمكن أحسن مننا نضجا وتفكيرا
كل الحكاية إنهم فقدوا حاجة اسمها الأسرة ممكن يكونوا فقدوها برضاهم إذا كانوا تعبوا من أهلهم وطريقة الحياة الصعبة الغير محتملة وممكن يكونوا انطردوا برده بسبب أهلهم
أنا شايفة إنهم ملو لقوا حنان كفاية ورعاية بجد أحسن من اللي فقدوها ده هيغير من نظرتهم للحياة
انا دلوقتي يمكن بشوف مبررات لأطفال الشوارع للي هما بيعملوه سواء سرقة ونصب ونهب وغيره من الجرايم التانية .. ليه بشوف مبررات لأنهم ماعاشوش في جو الأسرة اللي تعلمهم ده صح وده غلط عمرهم ما طلبوا حاجة ولقوها عاشوا حياة كلها حرمان ومعاناة واللي بيعملوه ده شيء طبيعي

انا فعلا مش عارفة اقول ايه مشكلة حلها عمره ماهيكون بالكلام

وبجد يا ميدو طرحت موضوع كلنا لازم نتكلم فيه ونبدي رأينا
تسلم يا ميدو على طرحك المميز وده شيء عادي طبعا لأن المميز لا يقدم إلا المميز

زائر

ميرسي اوي يادودي ياقمر علي ردك الجميل والمحترم وعلي المناقشه الهايله دي بجد نورت المقال وشرفتيه بذوقك واحترامك وانا فعلا احترم فيكي اننا السبب في المشكله طبعا وميرسي اوي علي كلامك الهايل في حقي وانا مميز بيكم وبردودكم وبارائكم بامانه كلامنك كتير اوي عليا ميرسي اوي

تسلم يا ميدو ع المقال المهم والمميز ده

زائر

ميرسي يادينا علي ردك وتقديرك ليا ميرسي كنت اتمني المناقشه

تسلم ايدك يا ميدو أنا فعلا وحشانى موضوعاتك جدا و عندك ألف حق لأن الأطفال دول مواطنين زينا و محتاجين يتوفر لهم احتياجاتهم عشا يبقوا قوة منتجة

شكرا علي التوبيك الراااااااااااااائع يا ميدو
وفعلا دي ظاهرة انتشرت الايام دي كتيييييييييييييير جدااااااااااا
بس ده نتيجة الحياة اللي الناس عيشنها في ناس تحت خط الفقر هيعملوه ايه غير انهم يسيبوا اطفالهم في لشارع بس لو الحكومة عايزه تعمل حاجه هتعمل بس هم اللي ساكتيين

جزاك الله خيرا على التوبيك المهم والرووووعة ده بجد موضوع مهم اوى بس انا شايفة ان مسئولية الاطفال دول بتقع على ناس كتير اولهم الاسرة فين الاب والام فين الاهل وبرده فين الحكومة بجد احنا مصرين على موقفنا وهو (الكلام) مع ان الكلام مش هيفيد من غير فعل او عمل اى حاجة مفيدة فياريت الحال ده يتغير

وتانى مرة شكرا على التوبيك بجد حلو اوييييييييييييييي

تحيتى / دلوعة التريكاوية

والله يا ميدو المشكلة دي ظهرت بصورة غريبة وخصوصا عندنا

يعني عمر ما شفت طفل شوارع غير في مصر وبس

المهم أنا شبه مختلفة معاك على إننا نشيل المسؤلية من الحكومة

لإن أكيد هي ليها مسؤلية كبيرة في تواجدهم في الشوارع

عالأقل لو ماكنتش هي السبب فيه

ممكن تكون أحد أسباب القضاء عليه

بإنها توفر مشاريع صغيرة ليهم ولعائلتهم علشان ميترموش في الشارع

وبرضه ده ميمنعش إن الناس ليها مسؤلية برضه

لإن في الزمن الحالي محدش عاد بيساعد حد وكله همه الكبير هو نفسه

محدش بيفكر في مشكلات حد

ولازم كلنا بجد نتعاون معاهم ونفكر في مشاكلهم وز ما قولت محدش ينظر ليهم

نظرة إحتقار لإنهم إخواتنا

وأخيرا وليس آخر ...
يا ريت نحاول منقولش عليهم أطفال شوارع ونسميهم

أي إسم تاني

تسلم إيدك عالموضوع الجميل ده

تسلم ايدك يا ميدو وده موضوع فعلا خطير جدا
مشكووور انك طرحته ..

تقبل مروري

زائر

ميرسي اوي علي مشاركتك وردك بعد الغيبه دي وانا كمان وحشتني ردودك ميرسي يا مايسترو علي تقديرك ليا برضو

زائر

ميرسي وايت انجل علي ردك الجميل والمحترم ومناقشتك الفعاله كمان لكن اختلف معك في اخلاء مسئولية الشعب عما يحدث واحترم جدا اسلوبك المحترم في ابداء الراي

زائر

ميرسي ياداوعه علي رايك الجميل جدا ومناقشتك والنقاط اللي اثارتها طبعا فين الاب وفين الام ميرسي علي تقديرك ليا ويارب نبطل كلام ونتحرك بجد ميرسي

زائر

ميرسي اوي يا سلمي علي مشاركتك ومناقشتك الجميله واحترام اختلافك لاننا نختلف للصالح العام لكن انا مقلتش ان الحكومه ملهاش مسئوليه انا قلت احنا بسلبيتنا تحملنا المسئوليه لان احنا اللي سبنا العبث ده شغال بس ميرسي عالتفاعل يا سلمي

زائر

ميرسي اوي يا سلمي علي مشاركتك ومناقشتك الجميله واحترام اختلافك لاننا نختلف للصالح العام لكن انا مقلتش ان الحكومه ملهاش مسئوليه انا قلت احنا بسلبيتنا تحملنا المسئوليه لان احنا اللي سبنا العبث ده شغال بس ميرسي عالتفاعل يا سلمي

زائر

ميرسي اوي يا زيزو علي ردك وتقديرك ليا ومشاركتك

معلش يا ميدو انا مش هرد لان الكلام ده لاتعليق عليه منى بالذات اصل منبهين عليا اسكت الايام ديه

بس اللى هقوله ننظف قلوبنا

زائر

ميرسي اوي يا نانا علي ردك اللي مش اضاف للمقال بس كان نفسي في مناقشتك ميرسي

موضوع رووووووووووووووووعة
بجد جميل اوى
وعندك حق فى كلامك
لكن برده دى مش مسؤوليتنا احنا بس لكن هى مسؤولية الحكومة برده لانها لو وفرتلهم اللى يحتاجوه اكيد مش هيبقى فى اطفال شوارع
تسلم يا ميدو
بجد موضوع هاااااااااااااااايل

زائر

ميرسي يا لؤلؤه اولا علي تقديرك ومشاركتك وانا قلت ان المسئوليه مسئوليتنا بقت لما بقينا سلبيين كلامي واضح ميرسي اوي علي اسلوبك المحترم ميرسي

زائر

ميرسي يا لؤلؤه اولا علي تقديرك ومشاركتك وانا قلت ان المسئوليه مسئوليتنا بقت لما بقينا سلبيين كلامي واضح ميرسي اوي علي اسلوبك المحترم ميرسي