ايها المصريين فى الخارج انتو شوية عملاء تبيعوا نفسكم بدولار

السلام عليكم ورحمة الله وبركاته

والله لأول مره من فتره طويله موش عارف ابدأ ازاى ولا اقول ايه
يمكن لو تكلمت الناس هتقول ها فين الامل اللى عندك وايمانك بان مصر
باذن الله هتبقى دوله عظيمه عن قريب
لكن اللى بيحصل لتانى مره من ( المجلس العسكرى) من منع
المصريين فى الخارج من التصويت فى انتخابات البرلمان اللى جاى
بحجه عدم منع شراء الاصوات يبقى على نفس المنظق دا مينفعش
بردوا مشاركتنا فى انتخابات رئيس الجمهوريه من باب اولى

كتير انا ناديت وكتير زيي بعمل مجلس يضم فى معظمه مدنيين
يسييروا البلد لحد لما يبقى فيه دوله على الارض بجد
مع وجود عضو او اتنين بالكتير عسكريين فى المجلس

مينفعش العسكر يحكمونا من 1952 لحد قبل الثوره
ولما الثوره تحصل هما بردوا اللى يكون وحدهم ماسكين البلد
انا لا اخون العسكر
لكني دائما ابداً بكون على حذر فى التعامل معاهم
ديما بحاسب من الغامهم اللى فى كلامهم
يمكن يكون عندى ( عقده ) من اللى حصل فى النكسه
لأنى مؤمن انو اللى حصل وقتها هو اللى وصلنا للى احنا
وصلنا ليه الوقتى بكل تداعياته على جميع المستويات
فى كل الدول العربيه
لن نسكت للمجلس العسكرى وباذن سننتزع حقنا فى التصويت
فليقولوا ما يشاءون
ان مصر اكبر منهم ومنا جميعا ومن اجلها لن نسكت على حقنا
مرة اخرى

كويس اوى
لكن موضوعك ملوش علاقة بالناس اللى فى الخارج يا حبيبى

وبعدين حضرتك عاوز مين اللى يمسك البلد فى الظروف دى...هة

واطمن يا سيدى .. موش هتبقى عسكرية.هتبقى دبلوماسية

بس والله مو بالحاكم .. بل بالشعب

موش عاوز اكتر فى الرد علشان محسش انة موضوع

ياا ستاذ احمد.. ربنا سبحانة وتعالى لا يغير من قوما

حتى يغيرو من انفسهم...

waleed sobhy كتب:: كويس اوى
لكن موضوعك ملوش علاقة بالناس اللى فى الخارج يا حبيبى

وبعدين حضرتك عاوز مين اللى يمسك البلد فى الظروف دى...هة

واطمن يا سيدى .. موش هتبقى عسكرية.هتبقى دبلوماسية

بس والله مو بالحاكم .. بل بالشعب

موش عاوز اكتر فى الرد علشان محسش انة موضوع

ياا ستاذ احمد.. ربنا سبحانة وتعالى لا يغير من قوما

حتى يغيرو من انفسهم...

السلام عليكم ورحمة الله وبركاته

امال الموضوع له دعوه بمين يا وليد انت مقرتش الخبر ولا ايه
على العموم دا رابط للخبر اقراه كويس
http://elbadil.net/%d8%ba%d8%b6%d8%a8-%d8%b4%d8%af%d9%8a%d8%af-%d8%b9%d9%84%d9%89-%d8%aa%d9%88%d9%8a%d8%aa%d8%b1-%d9%88%d8%a7%d9%84%d9%81%d9%8a%d8%b3%d8%a8%d9%88%d9%83-%d8%a8%d8%b9%d8%af-%d8%aa%d8%a8%d8%b1%d9%8a%d8%b1/
يا سيدى اللى يحكم مجلس مكون من مدنيين وعسكرين ولا البلد مفيها مدنيين شرفاء
ولا ايه رايك
وبعدين لما تحب تعلق على اى موضوع قول كلامك كله مترميش كلمتين
وتقول محبتش اكمل
ودا فى رايك موش حاجه الناس تزعل منها انها تتمنع من التصويت
علشان مجرد كلام سخيف جدا
على العموم نورت يا وليد

يا احمد شوف المرشحين اول

وبعدين احكم ..

ما فهمش عسكريين خالص

وبعدين انا ما برميش بكلمتين.. بالعكس احيانا كثرة الكلام

بتؤدى بنتيجة موش كويسة للاخر
وانا موش عاوز اوصلك انى معترض ولا حاجة
بس موضوعك ملوش علاقة باللى ف الخارج
واطمن .. انا فى الكويت .. والسفارة فيها تصويت
وكل السفارات المصرية اللى فى الدول العربية
يااستاذى .. تاكد اننا فى الخارج موش ساكتين ..
بس معظم الناس ف مصر موش بيوصلهم الاخبار كاملة
التغييييير على الكل يا احمد
موش فى الداخل بس

خليتنى اطول عليك

مش عارف والله يا احمد اقولك ايه
بس لو الموضوع موضوع شراء اصوات
طب ما في الداخل سهل كده برده

انا مش متوافقة معاك فى الراى دا يااحمد

لانهم مش كلهم كدا جايز الاغلبية منهم كدا لكن مش كلهم

انت ادرى طبعا بالناس دول

وجايز تكون عاشرت ناس كتير كدا

لكن الحكم عليهم مش هيكون مطلق او بصفة عامة

تسلم يااحمد

السلام عليكم ورحمة الله وبركاته

متشكر يا جماعه على المرور الجميل دا
يا شيماء زى ما الشعار قال ممكن بردوا
يشتروا الاصوات من الناس اللى جوه
على العموم انا قريت خبر امبارح انهم
بينفوا الكلام دا وهنشوف
نورتو

انا مع حق كل مصرى فى الداخل او الخارج انه يقول رايه ويختار اللى عايزه
اما المجلس العسكرى فانا بحترمه جدا وشايفه انه عاوز الخير للبلد
وزى ما انت قولت بينفوا الخبر
ان شاء الله يكون مش صحيح