رحلة الى حيث كانت طفولتنا

موضوع: رحلة الى حيث كانت طفولتنا 2010-12-05, 5:01 pm

فكـــرهـ عجبتني و أن شآء الله يعجبكم

\

[ الطفولة ]

\

رحلة إلى تلك الأيآم ..

حيث البراءة ... الطهارة ... العفوية ... الحب الخالص ... والعواطف النقية...

رحلة الى حيث كانت طفولتكم

تعالو نتعرف على جانب جميل عشناه جميعا وتمنينآ عودته جميعا

[ المحطه الاولى ]
اوصف طفولتك بجمله واحده

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟

[المحطه الثالثه]
ايه هو أصعب أو أحزن موقف مر عليك فى طفولتك؟

[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟

[المحطه الخامسه]
هل فى شخص معين كرهته فى طفولتك... وليه كرهته؟

[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج

[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟

[ المحطه الثامنه]
ايه اكتر لعبه كنت بتحب تلعبها وانت صغير؟

[المحطه التاسعه]
هل هتربى اولادك بنفس الطريقه التى تربيت بها؟

ياريت كلو يدخل ويتذكر ازاى كانت طفولته ويشاركنا معاه اننا نعرفه اكتر وبالذات اننا نعرف كان بيضرب ازاى ههههههههههههههههههههههههه
ويارب يعجبكم

توبيك روعه وفكرته جميله جدااااااااااااا
خاصه ان اكتر مرحله بحبها فى حياتى الطفوله نفسى ارجع تانى طفله ههههههههه
تسلم ايدك جوجو

[ المحطه الاولى ]
اوصف طفولتك بجمله واحده
كانت جميله ونفسى ترجع

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟
مواقف كتير واحلى حاجه وانا بلعب مع اصحابى كنت بحب نط الحبل قوى هههههههه

[المحطه الثالثه]
ايه هو أصعب أو أحزن موقف مر عليك فى طفولتك؟
كنا فى فسحه واحمد اخويا تاه مننا وكان صغير جدا ودوخنا كلنا وفضلنا ندور عليه وفى الاخر لقينا شباب شايلينه بيدوروا على اهله والحمد لله اننا لقيناه

[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟
فستان حلو قوووى هديه من خالى لسه فاكره شكله لحد دلوقتى

[المحطه الخامسه]
هل فى شخص معين كرهته فى طفولتك... وليه كرهته؟
والله مش فاكره انى كرهت حد هههههههههه

[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج
محرج قوىى ههههههه
ماما ضربتنى عشان كانت فاكره انى سرقت كيس شيبسى بس فى الحقيقه ان صاحب المحل كان اداه ليا هديه وانا الحمد لله عمرى ما فكرت اخد اى حاجه مش بتاعتى بس ماما كانت فاهمه غلط وقالت انها بتعمل كده عشان ادعود مش امد ايدى على حاجه غيرى هههههههههه اتظلمت قوووى

[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟
انا الكبيره وبابا الحمد لله بيعاملنا زى بعض ومش بحس باى فرق

[ المحطه الثامنه]
ايه اكتر لعبه كنت بتحب تلعبها وانت صغير؟
استغمايه وانط الحبل ههههههههههههه وبنك الحظ

[المحطه التاسعه]
هل هتربى اولادك بنفس الطريقه التى تربيت بها؟
ليه لا الحمد لله انا شايفه ان طريقه تربيتنا صح بابا عودنا على الاحترام والالتزام واننا نعامل كل الناس بحب وطيبه بس طبعا اكيد فى طرق تربيه حديثه بتتغير بتغير الزمن وهحاول ادمج بين الاتنين

بجد بجد
شكراااااااااااااااااااااا جوجو
رجعتينى لاحلى ايام فى حياتى

بجد انا الا متشكره لمرورك يا منمن وبجد طفولتك فعلا لذيذه مش زى الاطفال الوحشين وشقيه ههههههههههههههههههههههههههههههههههههههههههههههه
وبكرة ان شاء الله ترجع ايام طفولتك دى وتشوفيها ف عيالك... يارب

jogo كتب:: [ المحطه الاولى ]
اوصف طفولتك بجمله واحده
شقاوه وتنطيط وحب المدرسه ولعب الكوره
[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟
حب المدرسين ليا الحمد لله على مدار سنوات دراستى

الحمد لله
[المحطه الثالثه]
ايه هو أصعب أو أحزن موقف مر عليك فى طفولتك؟
وفاة خالى فى السعوديه كان وقتها عندى 11 سنه
وفضلت سنه كامله موش مصدق
[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟
الحمد لله كتير بس احسن شئ اسعدنى كانت مكانة صيد اتوماتك المانى من مدرس
الانجليزى بتاعى الاستاذ محمود جبر وكنت كل يوم اروح اصاد معاه
علشان الحمد لله كنت شاطر فى الانجليزى
[المحطه الخامسه]
هل فى شخص معين كرهته فى طفولتك... وليه كرهته؟
بلاش الله يخليك من قلبى ربنا يسامحهم
[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج
زى ايمان بردو اتظلمت وربنا فى يومها اظهر الحقيقه وبصراحه كل لما
افتكر الموضوع دا بزعل جدا اللى حصل انو والدى مكلف نفسه
يدور على الفلوس ونسى انو لما غير البنطلون مخدش الفلوش فى البنطلون
النضيف وكلت علقه كنت لابس الشرط بس وبسلك الكهربا لدرجة ان جسمى
اتشرح بجد وبعد العلقه اتخنقت ومكنتش بكلم اى حد كل ما اشوف حد اعيط بس
اعمل انا ايه فيك بس خلتينى اعيط تانى
بس الحمد لله ربنا كان معايا ومفيش مره بفضله وقعت فى الغلط
[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟
الحمد لله لا لأنى كبير الصبيان وعندى اخت واحده بس اكبر منى ب7 سنين
الحمد بنحب بعض جدا
[ المحطه الثامنه]
ايه اكتر لعبه كنت بتحب تلعبها وانت صغير؟
مفيش غير اللى كانت مدوخانى ومخليانى العر فى عز الدهر
وفى كل وقت الكوره لدرجة ان كل الناس كانت كل يوم
احمد مين اللى هيلعب النهارده ههههههههههه
[المحطه التاسعه]
هل هتربى اولادك بنفس الطريقه التى تربيت بها؟

انا عندي ام وجدتى مهما اوصفلك موش هقدر اقولك ازاى ربونا
الحمد لله بيتنا قدوم المسجد بالظبط مسافة 8 متر ببقى فى المسجد
الحمد لله من الفجر للعشا جماعه الحمد لله حفظتنا كتاب الله
كلنا ودا كفايه
جدتى مهما قولت فانت اكبر من كلامى واحساسي
امى لن يفويك حقك وقدرك الا رب العالمين

موضوع جميل

ميرسى يا احمد على مرورك انا سعيده بيه جدا
وبجد متتخيلش اد ايه انا عشت معاك فاللأوقات الا حكيتها
بس صعبت عليا اوى فالضرب ده رحلة الى حيث كانت طفولتنا 358318

بس الحمد لله زى مقولت ان ربنا دايما بيكون معاك
وربنا يقوى أيمانك
ويهدينا ويهدى الناس أجمعين

[center]

[center][ المحطه الاولى ]
اوصف طفولتك بجمله واحده
البرائه

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟
كنت ببقى مبسوطه اوى وانا راحه الحضانه بلبس خروج يوم حفله عيد الام هههههههههه
كنت بكره لبس الحضانه

[المحطه الثالثه]
ايه هو أصعب أو أحزن موقف مر عليك فى طفولتك؟
لما جدو توفى

[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟
لما تيته كانت راجعه من الحج وجبتلى خاتم من هناك وخويشه ووفستان تقريبا وجبتلك معانا ياجوجو هههههههههه

[المحطه الخامسه]
هل فى شخص معين كرهته فى طفولتك... وليه كرهته؟
لا تقريبا مفيش الحمد الله

[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج

هههههههههههههههه كنت راجعه من الحضانه فى يوم ومعايا علبه الوان مش بتاعتى كانت صحبتى اتدتهالى وقلتلى انا جيبهالك هديه
ماما مصدقتنيش واعدت تضربى ولسعتنى بالشمعه لغايه مرحت تانى يوم وفرقت الالوان على العيال لان زملتى مكنتش جت وغابت فى اليوم ده هههههههههههوانا خفت ارجع بالالوان تانى

[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟
لا عادى غيره عاديه زى كل الاطفال اتخانق ممكن علشان لعبه وكده بس بنتصالح مسافه ماماما تزعق ههههههههههههه

[ المحطه الثامنه]
ايه اكتر لعبه كنت بتحب تلعبها وانت صغير؟
العروسه ومالكوش كنت بعمل ايه فى شعرها ههههههههههه
كنت بعملها فرم لغايه متبقى ارعه هههههههههههههههه

[المحطه التاسعه]
هل هتربى اولادك بنفس الطريقه التى تربيت بها؟

اه اكيد واتمنى يبقى زى ماما وبابا ربونا

ورائع ياجوجو الموضوع فكرتينى بالذى مضى
ايام متتعوضش وانتى قضيتى معايا معظم الطفوله فى اللعب
فاكره
خدى الورد ده بقى ياخلتو هههههههههههههه
رحلة الى حيث كانت طفولتنا 420156

[/center]
[/center]

ههههههههههههههههههههههه عسل يا ايمى والله وبعدين خدى هنا يا بت
انتى كنتى بصالى فالخاتم والغويشه والفستان بتوعى ههههههههههههههههههههههههههههههههههه
اه والله يا ايمى ايام مش هتتعوض والله

jogo كتب:: [ المحطه الاولى ]
اوصف طفولتك بجمله واحده
عشت نصف طفولة

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟
ذكريات المدرسة كانت من اجمل الذكريات, لاني كنت طفلة ذكية جدا ومقربة من المعلمات والمعلمين على حد سواء
[المحطه الثالثه]
ايه هو أصعب أو أحزن موقف مر عليك فى طفولتك؟
لما بابا تجوز الثانية وامي تركتنا تقريبا شهر او اكثر لوحدينا ده اللحظات لا يمكن انساها ولحد اليوم بعاني منها.
[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟
كانت اجمل الهدايا الي اخذتها من المدرسة لاني كنت بجيبها الاولى وكانوا بيتحيروا يجيبوا ايه فمرة اخذت درع التفوق ومرة برواز جميل جدا هذا الهديا الى الان احتفظ فيها وعلقاها بغرفتي.
[المحطه الخامسه]
هل فى شخص معين كرهته فى طفولتك... وليه كرهته؟
رغم الظروف الي مريت بيها بس معرفتش اكره اللي كان السبب مع اني حاولت يمكن ده نعمة من ربنا
[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج
كنت بنضرب من اخواتي اللي اكبر مني كثير لاني ما بسمعش الكلام كنت عنيدة اوي ههههواللي كان منهم بيضربني كنت اضربه هههه وده كان اللي بيعصهم ما كنتش بحب حد يتحكم فيا خالص.
[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟
لا خالص ما بغارش بس يمكن حسيت بتمييز ما بين اخواتي في بعض المرات بس مش دائما
[ المحطه الثامنه]
ايه اكتر لعبه كنت بتحب تلعبها وانت صغير؟
النط بالحبل, لعبة عندنا كان اسمها "محانيم"
[المحطه التاسعه]
هل هتربى اولادك بنفس الطريقه التى تربيت بها؟
اعتقد اني حاجري بعض التغييرات هههه بس في اشياء حلوة اخذتها من امي وابويا اهمها البساطة في العيش

بس في اشياء كثير لازم اركز عليها وهي الحب والحنان والشعور بالامان انا مكنتش بحس فيهم وانا طفلة للاسف وخاصة من جانب ابويا يمكن لانو ابتعد شويا لما اتجوز الثانية الحمد لله على كل شيء

انا طفولتي في حاجات كثير فيها بتسببلي الالم واعتقد اني عشت لحظات الم اكثر من لحظات الفرح للاسف لهذا السبب ما بحبش ارجع طفلة

اسفه يا وفاء لو كنت فكرتك بحاجه ديقتك بس انا سعيده بمرورك جدا
بس عجبنى فيكى الرضا بالربنا بيقسمه وقوة ايمانك
واكيد بكره هتشوفى كل الا اتمنتيه ف طفولتك مع اولادك ان شاء الله
بس انا عندى سؤال ليكى
هى ايه لعبه المحانيم دى هههههههههههههههههههههههههههههه
بجد ممكن تعرفيهالى

jogo كتب:: [ المحطه الاولى ]
اوصف طفولتك بجمله واحده
عواطف نقية

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟
لا مفيش موقف معين
[المحطه الثالثه]
ايه هو أصعب أو أحزن موقف مر عليك فى طفولتك؟
بردو مفيش

[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟
كانت فى سنة خامسة ابتدائى كانت ساعة وخاتم دهب
عشان نجحت وكدة بس كانت اجمل هدية وكانت من بابا
[المحطه الخامسه]
هل فى شخص معين كرهته فى طفولتك... وليه كرهته؟
لا الحمد لله
[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج
هههههههههه اسالة جامدة اوى شوفى انا كنت وانا صغيرة بركب عجل ههههههههه
وكسرت العجلة كسرة جميلة اوى وكان يوم ماطلعلوش شمس
اضربت بكل حاجة ممكن تتخيليها هههههههه
يلا الحمد لله
[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟
لا خالص انا الكبيرة اصلا فيهم فكنت بحتويهم ومازلت الحمد لله
[ المحطه الثامنه]
ايه اكتر لعبه كنت بتحب تلعبها وانت صغير؟
كنت بحب العب بالعرايس اوى هههههه
[المحطه التاسعه]
هل هتربى اولادك بنفس الطريقه التى تربيت بها؟

لا مش اوى فى حاجات معينة حتتغير طبعا

ياريت كلو يدخل ويتذكر ازاى كانت طفولته ويشاركنا معاه اننا نعرفه اكتر وبالذات اننا نعرف كان بيضرب ازاى ههههههههههههههههههههههههه
ويارب يعجبكم

لا هو جميل والله هههههههه
ايييييييييييه فكرتينا باللذى مضى
ليت الشباب يعود يوما ههههههههههه
سلمى جوجو توبيك جميل اوى

jogo كتب:: [ المحطه الاولى ]
اوصف طفولتك بجمله واحده

المرح

[ المحطة الثانية ]
ايه هو أجمل موقف أو أجمل ذكرى بتتذكرها من طفولتك؟

كان اجمل موقف في طفولتي لما كنت في امريكا بس ده ميعتبرش موقف يعني هههه

[المحطه الثالثه]
ايه هو أصعب أو أحزن موقف مر عليك فى طفولتك؟

افتكر ان اصعب موقف عدي عليا لما اتنقلنا من شقتنا لشقة تانية

[المحطه الرابعه]
ايه هى أجمل هديه أتقدمتلك فى طفولتك ومش ناسيها لحد دلوقت؟

اجمل هدية كانت كمبيوتر

[المحطه الخامسه]
هل فى شخص معين كرهته فى طفولتك... وليه كرهته؟

لا في الحقيقة انا كنت بحب الناس كلها

[المحطه السادسه]
ايه هى أصعب مره انضربت فيها ومش ناسيها.. وليه انضربت... واضربت بايه؟هههههه سؤال محرج

لا مفتكرش ان انا انضربت قبل كده او ممكن اكون انضربت فعلا بس مرات قليلة

[المحطه السابعه]
هل كنت غيور ف طفولتك من اخواتك... وهل كنت بتحس بتمييز مبينك وبينهم؟

يعني شوية

[ المحطه الثامنه]
ايه اكتر لعبه كنت بتحب تلعبها وانت صغير؟

كنت بحب العب بالسكوتر
[المحطه التاسعه]
هل هتربى اولادك بنفس الطريقه التى تربيت بها؟

ممكن اه و ممكن لا بس احتمال كبير يكون لا

ياريت كلو يدخل ويتذكر ازاى كانت طفولته ويشاركنا معاه اننا نعرفه اكتر وبالذات اننا نعرف كان بيضرب ازاى ههههههههههههههههههههههههه
ويارب يعجبكم

موضوع رائع جدا شكرا ليكي يا جوجو

ميرسى يا مروة على مرورك بجد بسطنى جدا
وخصوصا موضوع العجله هههههههههههههههههههههههه
تسلميلى يارب

هههههههههههههههههههههههههههههه طفوله حلوة اوى يا تريكا
منتش فاكر فيها اى حاجه
ازاى يعنى طفل مينضربش انا احتج هههههههههههههههههههههههههههههههههههههههههه
كلنا ولاد ادم يعنى لازم تنضرب زينا احنا كلنا مر علينا الموقف ده هههههه
بجد سعيده بمرورك ومشاركتك

اقتباس :: ميرسى يا مروة على مرورك بجد بسطنى جدا
وخصوصا موضوع العجله هههههههههههههههههههههههه
تسلميلى يارب

ههههههههههههههههههه
اى رايك بقى طفولة ولا اى اى ولا زى زى
طفولة تحفة زى صاحبتها ههههههههههههههه

هههههههههههههههههههههههههههههههههه لاو والله عسل زى صحبتها

السلام عليكم ورحمة الله وبركاته

توبيك جميل يا يوجو وانا استمتعت بيه بجد ونعمله
تذكير
علشان اللى علق يشوف تعليقه واللى معلقش يعلق عليه
لأنه موضوع وطرح جميل
وترجعى بالسلامه وحشتينا بجد
تذكيـــــــــــــر

» رحلة سفر إلى الديمقراطية
» القدس !!! رحلة فى صور
» قصة(رحلة إلى الخيال)

رحلة الى حيث كانت طفولتنا

رحلة الى حيث كانت طفولتنا

مواضيع مماثلة

مواضيع مماثلة