شكرا لمناقشتك الجميله يا فلسطينيه
واهو نتكلم عنهم عشان ناخد فيهم ثواب
ههههههههههههههه
ربنا يثبتك
جزاكي الله خيرا

بالنسبة للاعجاز القرائنى اتكلمت ياحماده بصوره رائعه جدا
بالنسبه للنشيد رائع
ودمعه الاب
اصعب شىء ولو رئته هعجز عن التعبير

ياا لهوى اصعب احساس فى الدنيا ده حتى اصحب من دموع الام
الام مهما كانت فهى ست وكل الستات بيعيطوا انما الراجل لما يعيط ياربى من ده احساس
يوم موت عمى (ربنا يرحمه ويسكنه الفردوس ياااااااااارب) انا حسيت ان دى نهاية الدنيا انا شايفة بابا بيعيط ومش عارفة اعمل حاجة لا وكمان انا من عييطى بزيده كان يوم رهيييييييييييييييييب ربنا ميركرروش ابدا
بجد يا احمد مواضيعك روووووووووووعة
تسلم ايدك

انا بصراحة مشفتش بابا بيعيط قبل كده
معرفش هو بيعيط امتى ولا بيخبى ولا ايه الله اعلم بس لو مش بيعيط انا هحسده بصراحة هههههههه
يمكن عشان كده مش متخيلة الموقف اوى
بس اكييييييد هيكون احساس صعب اوى اوى اوى لان اصلا من المعروف ان الراجل مش بيعيط الا بصعوبة اوى سبحان الله عكس المراة خالص ودى حكمة من ربنا سبحانه وتعالى
جزاك الله خيرا

اظن انه من النادر جدا ان نرى الاباء يبكون, وانا بدوري لم ار ابي يوما يبكي, ولكن عندما يحصل واراه بيكي ستكون هناك مصيبة كبيرة وربنا يبعدها عنا , ولكن عادة ما نرى الامهات يذرفن الدموع وهذا شيء مفيد جدا للعيون لذا
انصح الاباء بالبكاء لو مرة واحدة بالشهر هههههه

اشكرك يا احمد وجزاك الل خيرا على مواضيعك الجميلةه

شكرا للمناقشه الرائعه دي يا
محمد والؤلؤه واميره ووفاء
ربنا يبارك فيكوا

ومع نشيد اليوم
متفرد
مشاري

متفرد بالكبرياء فليس يشبهه احد
لو شاء اغلق باباه عن من عصاه ومن جحد

متوحد متكبر سبحانه الفرد الصمد
وله الكمال بغير حد والوجود بلا عدد


طوبه لعبد صالح لجلال سيده سجد

متكبر سبحانه كتفرد بالكبريا له الجلال الاكبير
كل الخلائق يعرفون بانه رب الوجود علي الوجود مسيطر

متفــــــــــــــرد

ومع فقره
هذا خلق الله
ومعانا النهارده
نجمه البحر



مخلوقات كثيرة خلقها الله لتسبحه ولا تعصي أوامره، ولنتفكر في دقة صنعها، ولتكون دليلاً على وحدانيته عز وجل، فهو القائل: (صنع الله الذي أتقن كل شيء)....




إنه مخلوق غريب يعيش على الشعب المرجانية، ويتغذى عليها، إنه "نجمة البحر" لقد زود الله هذا المخلوق بنتوءات تساعده على التعلق بالمرجان وبعد ذلك يتمكّن من تأمين غذائه من الأسماك الصغيرة والكائنات البحرية الدقيقة. هذا المخلوق عبارة عن أيدي وفم، لا يوجد له دماغ، ويوجد بحدود 1500 نوعاً من هذه المخلوقات. منها ما له خمسة أرجل وهي الغالبية العظمى، ومنها ما له أكثر من ذلك أو أقل.

من عجائب هذا المخلوق أنه عندما تقطع أحد أرجله فإن رجلاً جديدة تنمو بدلاً من الرجل المقطوعة، أما الرجل المقطوعة فتنمو هي الأخرى لتشكل مخلوقاً جديداً... وهكذا.
لقد زود أن الله تعالى هذا المخلوق بخلايا عصبية تتوضع على الأرجل ويستطيع أن يحسّ بها ويدرك ويميز ويتذوق ويشمّ ويميز الظلام من النور! فسبحان الذي هدى هذا المخلوق في ظلمات البحر وهيَّأ له أسباب الرزق! يقول تعالى: (وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ) [العنكبوت: 60].


سبحان الله

لالالالالالالالالا مينفعش ننسى الماضى
اجمل الايام كانت فى الماضى
ولو فيه شئ فى الماضى احنا عملناه غلط نتوب وان شاء ربنا يغفرلنا بس مينفعش حتى ننساه علشان نتعلم منه
ده رايى والله اعلم
تسلم الايادى
جزاك الله خيرا

انا برده راي من رايك يا لؤلؤه
فعلا لو فيه مكله ف الماضي نستغفر ربنا ونحاول نحلها
ونتعلم منها
شكرا لمناقشتك الجميله دي
جزاكي الله خيرا

انا ضد نسيان الماضى طبعا بس لو ده ف مصلحتى لكن مثلا لو فيه حاجات ف الماضى ممكن تعوق تقدمى او مستقبلى اكيد هحاول انساها عشان اقدر اكمل من غير مشاكل
اما ماضى الزكريات طبعا مش هينفع ننساه لان ده اجمل زكريات عند الانسان
جزاك الله خيرا

لا طبعا مش ممكن نعيش من غير ماضي
سواء كان حلو او مر الحلو طبعا بنفتكره دايما وبيكون مصدر سعادة لينا اما المر بيكون مصدر دافع لينا لتحقيق الافضل دائما

شكرا للمناقشه الجميله دي يا اميره وفلسطينيه
ربنا يجعل منكوا الكثير
جزاكم الله خيرا

لا اظن ان هناك انسان يستطيع ان ينسى ماضيه, لان ذكريات الماضي اعتقد انها شيء مهم جدا في حياة كل شخص, منها نتعلم , نستفيد نصحح اخطاؤنا , فهذه الذكريات بمثابة مصباح او نور في طريق مجهول وهو المستقبل, وكل ما قد مر به الانسان في الماضي هو الذي حدد شخصيته , وكيف يتعامل مع الامور بمختلف جوانبها, واحيانا يكون الماضي هو العلاج الوحيد للمريض النفساني اذ يحاول الطبيب ان يستفيد من ذكريات المريض حتى يستطيع ان يجعله يتغلب على مشاكله النفسية, وهذا ان دل يدل على مدى اهمية الماضي بالنسبة لاي شخص, رغم انها قد تكون ذكريات سيئة وقد تكون ذكريات جميلة.

شكرا للمناقشه الراقيه دي يا زفاء
ربنا يثبتك يارب
جزاكي الله خيرا

ومع نشيد اليوم

رب سبحانك
مشاري


رب سبحانك ف اعلي علاه كلما ندعوك تعطينا يداه

خيم الليل فناديت الهي فاذا الكون ضياه
وجري الدمع فناديت الهي
فاذا الدنيا صفاه والرضا يغمر قلبي وشفاه
وتناجيني السماء

رب سبحانــــــــــــــــــــــــك


كلما تشرق شمس او تغيب يملئ القلب ضياه
واذا ضاقت من الياس القلوب يغمر الروح هداه

واذا ملت من العفو الذنوب صفح النفس رضاه

رب سبحانك

ومع

هذا خلق الله

النمله






نملة لا تحمل رزقها
إنها نملة صغيرة زودها الله بدماغ وبرامج وتجهيزات تستطيع حمل أشياء تزن أكثر من عشرين ضعف وزنها!! وتستطيع أن تحملها لمسافات بعيدة وتخزنها لتستفيد منها في الشتاء، كل هذه القدرات وضعها الله في دماغ نملة لا يُرى! بل إن النملة تُخلق وهي مزودة بالبرامج الضرورية لتتابع رحلتها في الحياة. مَن الذي زودها بكل هذه التقنيات؟ يقول تعالى: (وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ) [العنكبوت: 60].

مع موضوع اليوم
وصاحب الموضوع او السؤال النهاره
التريكه الصغير

لو ماشي ف الشارع
وواحد او واحده ضربتك بالقلم
هتتصرف ازي

ودي بقي من عندي

1. لو كان الشخص معاق
2. لو كان الشخص غير عاقل
3. لو كان الشخص عاقل
هتعمل ايه

اول مرة يمر علي مثل هذا السؤال, بصراحة يا احمد مش عارفة حتصرف ازاي يعني مش متخيلة كده اكون ماشية في الشارع وحد يضربني هههههههه, لكن اذا حد ضربني بالقلم وكان باين عليه انو شخص غير عاقل حاضطر اني اعمل حالي انو مفيش حاجة وامشي بطريقي, بس لو شفت اللي ضربني انسان طبيعي عاقل هنا حوقف بقى وحديلله مش قلم قلمين على وجهه لانو ما ينفعش كده اني ابقى ساكتة, انا برد يا احمد وانا هادية ورايقة ما اعرفش لما اكون في الموقف ده ازاي حتصرف يمكن تصرفي يكون غير اللي كتبته حسب شدة الموقف هههههه
وشكرا

ههههههههههههه لا موقف جامد بجد

اقتباس :

1. لو كان الشخص معاق

لو بنت انا هتعرف عليها واعد اكلمها وكدة
لو ولد هضحك وهمشى

اقتباس :

2. لو كان الشخص غير عاقل

طبعا الشارع بيبقى متوصى بالناس دى بيبقى مليان الله اكبر
لو بنت هردلها القلم
لو ولد ولا هبصله

اقتباس :

3. لو كان الشخص عاقل

ده بقى انا مش هعرف اعمله حاجة لانه لو عاقل يبقى اكيد ليه سبب للى عمله
وايا كان فمستحيل الموقف ده يحصل معايا ان شاء الله يعنى
بس المعاقين اللى موجودين بيبقوا يعينى مضطهدين اوى وبيخافوا اساسا من الناس فمش هيضربوا
لو غير عاقل فمعندناش مجانين ههههههههههه
لو عاقل بقى فده بابا او ماما بس اللى يقدروا ومش فى الشارع يعنى عندنا بيت جميل خالص مالص بالص

ههههههههههههههههه
ينهار ابيض
علي الاجابات
ربنا معاكوا يارب
واحد ماشي ف الشارع وهوبا ياخد قلم حلو كده
ههههههههههههههههه

هيا حصلت بس مش قلم
كنا ف الكليه انا وصاحبي وراجعين ف عربيته
المهم صاحبي كان مسرع شويه مش اوي يعني
واحنا ماشين دخلنا علي منطقه سكنيه
وبنبص لقينا واحد معاق راكب كرسي بتاعه
والراجل الللي بيزقه راح راميه ادام العربيه
صاحبي مش داس علي الفرمله
دا قام وقف عليها

نزلنا نسال مين عمل كده
لقينا يعيني الراجل المعاق
طلب مساعده من راجل
وللاسف مكنش يعرف انه مختل عقليا او متاخر ذهنيا
ههههههههههههههههههه
بس احنا كنا هنروح فيها
هو دا عامل زي قلم بس مش قلم دا بونيه
ههههههههههههههه
شكرا للمرور الجميل ده والمناقشه الجميله
جزاكم الله خيرا

ومع
هذا خلق الله
fairy-fly wasp الحشره:
نها حشرة صغيرة جداً ليست هي الأصغر ولكن هناك الكثير من الحشرات وكلها تستحق الدراسة والتفكر، ولكن اخترت لكم هذه الحشرة لأنها بالفعل جميلة ولا يكاد يراها الإنسان، لنتأمل....




هذه صورة عرضها موقع ناشيونال جيوغرافيك لحشرة تدعى fairy-fly wasp ويبلغ طول هذه الحشرة فقط 0.2 مليمتر، أي أنها بالكاد يمكن رؤيتها بالعين المجردة، وعلى الرغم من صغر هذه الحشرة إلا أنها تتمتع بنظام كامل يساعدها على الاستمرار في حياتها. فهي تمللك دماغاً فيه آلاف الخلايا، وفيها نظام للتنفس ونظام للتكاثر ونظام للتفكير واتخاذ القرارات، ويعجب العلماء من دقة صناعة هذه الحشرة، ونقول كما قال تعالى مخاطباً أولئك الملحدين الذين يؤمنون بالطبيعة والمصادفة: (هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ بَلِ الظَّالِمُونَ فِي ضَلَالٍ مُبِينٍ) [لقمان: 11].

انا بتقرف من الحشرات اووووووى
بس تسلم على الافادة
جزاك الله خيرا

ههههههههههههه
هيا دي حشره
دي زي القمر
سبحان الله
شكرا للمتابعه الجميله دي يا لؤلؤه جزاكي الله خيرا