مدونه (احمد الشعار )مصــــــــــــــــــــ فوق الجميع ـــــــــــــر

تذكير بمساهمة فاتح الموضوع :

السلام عليكم
وهنعمل مدونه
وهبقي مذيع لميع وشجيع وهحط هنا جميع وكل المواضيع مدونه (احمد الشعار )مصــــــــــــــــــــ فوق الجميع ـــــــــــــر - صفحة 9 870595

مدونه (احمد الشعار )مصــــــــــــــــــــ فوق الجميع ـــــــــــــر - صفحة 9 870595

ياريت تتابعوا المندونه وتنول اعجابكوا

والله ولي التوفيق

وموضوع اليوم

الطفوله
طبعا ايام الطفوله دي مش بتتنسي
وهيا اجمل ايامنا
ولما بنفتكرها بنحس براحه جميله اوي

يالا نتكلم عن ايام طفولتنا وكنا بنعمل ايه
والحركات الي كنا بندايق بيها امهاتنا عشان يضربونا

أيام طفولتي كانت جميلة ووحشة في نفس الوقت
أنا عشت طفولتي كلها برة مصر "السعودية" فكنت بعيدة عن العائلة كلها
بس كنا بنتفسح كتير وكنت بعمل حاجات تخليهم يتجننوا مني
كنت ممكن أخرج من البيت وأروح مشوار لوحدي
مرة كمان أهبليت قوي وكلمت جدتي في مصر وقولتلها ماما بتقول إنها مش بتحبك
هبل عيال يعني... بابا مسكني يومها ولسعني بالنار هاهاهاهاهاها
بس كان ليا شوية صحاب بحبهم وكمان كنت شاطرة في المدرسة
وأيام والله حلوة قوي نفسي ترجع تاني عالأقل أحس إن مفيش عليا مسؤلية

يانهار ابيض الطفولة يالهوى عليها دى كانت ايام الله يرجعها تانى
انا كنت بتهيالى اشقى مخلوقة على وجه الكرة الارضية كنت اسيب بابا بيصلى واروح اعضه او وهو نايم وفى يوم قالى تعالى ومش هضربك عملتى كدة ليه قولتله علشان بتحب شيماء اكتر منى ههههههههههههه والله كنت مجنونة
وكنت كل اما شيماء تعمل حاجة ابوظلها وكنت بقولها يا ماء اختصارا يعنى هههههههههههه اسمها تقيل اوى
ماما بقى كل اما تشغل التليفزيون كنت بقفلهولها او تطبخ اعد البخ والبص ما انا لباصة من يومى
بص بجد احلى ايام ايام الطفولةده زائد ان عندى واحدة صحبتى من حضانة حتى الان صحبتى ولو انى مشفتهاش من اولى ابتدائى بس تليفونات بقى وكدة بس احلى صاحبة ليا ومش لاقية حد زيها لدلوقتى
كفاية كدة لانى لو فتحت مش هقفل ولو السنة الجاية بجد ايام رهيييييييييييييبة ياربى منها
تسلم يا باشا
خلتنى ارجع لزماااااااااان

ياااااااه ع ايام الطفولة دى كانت طفولة مشرده والله هههههههههههههههه
بس كانت ايام تحفة والله
انا كنت شقية جداااااااااااا معرفش ازاى مع ان دلوقتى مش كده الحمد لله عقلت
بس كنت بحب اتخانق اوى مع العيال ف المدرسة وانا صغيرة خالص كنا بنتخانق ونضرب بعض وبهدلة ههههههههههههه
انا فاكرة مرة كنا بنتخانق وحد ابن حلال فتحلى دماغى هههههههههه ربنا يسامحه بقى
كفاية كده اصل الايام دى كانت بهدلة والله فعلا
ميرسيييييي ع الموضوع الجميل ده

معكم حق ايام الطفولة حلوة جداااااااااااااااااااااا جدااااااااااااااااااا
انا طبعا مكنتش شقية بس كنت دلوعة خالص لاني كنت اول حفيدة لجدي وجدتي وكنت كل ما جدتي تروح مكان لازم اروح معاها طبعا وكنت دايما اقول لماما انا عايزة انام عند جدتي ... وانام عندها وفي نص الليل كنت اخلي جدتي ترجعني عند ماما هههههههههههه بس ربنا بيستر ان احنا كنا ساكنين في الطابق اللي فوقهم يعني ... بس ايام كانت روعة والله

شكرا يا حضرة المذيع على الموضوع الحلو

السلام عليكم ورحمة الله وبركاته
كانت ايام السعاده بلا حساب تسبح فى الدنيا دون حساب
او الخوف من ان تغرق فى همومها التى تلتف خولك كالثعبان
وتاخذك الى اسفل
امى الله يمسيها بالخير ديما كانت تفكرنى انى كنت بحب
الكره وكنت على صغرى احب اشترى الجرنان واعرف الاخبار
والناس اللى راح وجايه فى الشارع يسألونى عن المواعيد
والماتشات
كنت لما برجع من المدرسه وقبل ما ادخل البيت كنت
احب الكتب الواجب على السلم قبل اى حاجه
وكمان كانت عندى عاده سيئه اني امشى ورا اى حد بيشرب
سجاير لحد ميخلص ويرميها بعدين انا امسكها واشرب منها
لكن الحمد لله انا لم ادخن
واحلى حاجه عندى كانت انى بحب القرايه
كنت بشترى بكل مصروفى قصص الدكتور نبيل فاروق
رجل المستحيل وملف المستقبل وكتب عن الهجره والسفر
كمان الاصحاب
والصيف والرحلات

أيها الطفل فى زمانٍ غابرٍ هل تعود فنصير شخصا واحداً
--------------------------------------------------------------------------------
أين ذاك الزمان آهٍ لو أحبو ثانياً
--------------------------------------------------------------------------------
أسهوا حالماً باسماً سابحاً فى الخيال مستغرقاً
--------------------------------------------------------------------------------
ولغروب الشمس كل يوم منتظراً با لامال حاضراً
--------------------------------------------------------------------------------
وعند المساء مع النجوم وقمرها مولعاً متأملاً
--------------------------------------------------------------------------------
للعلب الطين فى الشتاء بأشكال الصلصال صانعاً
--------------------------------------------------------------------------------
وللاشجار التوت فى نيسان مع الاصحاب متسلقاً
--------------------------------------------------------------------------------
وللركض فى حواريك مع الايام متطالعاً
--------------------------------------------------------------------------------
وحقيبةً على ظهرى بها الى المدرسة سائراً
--------------------------------------------------------------------------------
لنشيد الصباح تحت العلم بلادى بلادى مردداً متحمساً
--------------------------------------------------------------------------------
ومطحنةً أخاف منها يقال بها عفريتاً راكداً
--------------------------------------------------------------------------------
يدور فى القرية ليلاً يأكل الصغار ومن يخرج منهم متأخراً
--------------------------------------------------------------------------------
أحن اليك أيها الطفل فللتيه فيك متلهفاً
--------------------------------------------------------------------------------
عائداً اليك من حقول الشوك والدموع حاصداً
--------------------------------------------------------------------------------
فأين أنت يا صغيرى أفتش عنكَ جاهداً
--------------------------------------------------------------------------------
أين أنت يا صغيرى فى أى مكان نائماً
--------------------------------------------------------------------------------
أنا لو تدرى يا صغيرى لنفسى دائماً معزياً
--------------------------------------------------------------------------------
أحباباً رحلوا واصدقاءً فارقوا والعقل منى دائماً شارداً
--------------------------------------------------------------------------------
وحال أمةٍ كان ماضيها فخراً وعزاً ورفعةً
--------------------------------------------------------------------------------
أبصر حولى فلا أرى غير الذل والتخلف علامةً
--------------------------------------------------------------------------------
أعيش فى عالمٍ لو تصارح فيه تكون متخلفاً
--------------------------------------------------------------------------------
أما النفاق يعيش بينهم ينفقونه ببزخٍ كل يومٍ متجدداً
--------------------------------------------------------------------------------
وددت لو عشت فى كهفك لا أفهم شيئاً مطلقاً
--------------------------------------------------------------------------------
أضنانى التعب يا صغير الأرجل فهل تساعد حبيباً مستوحشاً
--------------------------------------------------------------------------------
فأنا الأن أيها البعيد لم أعد أقوى تحملاً
--------------------------------------------------------------------------------
لعلكَ رأيت يا صغيرى حطام السنين متناثراً
--------------------------------------------------------------------------------
أصبح الصقيع ناراً مستعره وربيع الأيام خريفاً مقفراً
--------------------------------------------------------------------------------
فهيا نبنى عالماً من شموع الاحزان يكون خالياً
--------------------------------------------------------------------------------
وأعرنى الركض بلا هدفٍ وقلبا بلا تعذيبٍ صافياً
--------------------------------------------------------------------------------

هل تأتى يا صغيرى أم احنى الرأس باكياً
--------------------------------------------------------------------------------

ايام الطفولة دى كانت اجمل ايام لا يمكن الانسان ينساها
وخصوصا ان انا كنت متبهدلة جدا مع ماما فى المدارس اللى هى بتروحها
بس الحمد لله انا كنت هادية جدا وكنت على طول موجودة فى البيت مكنتش شقية ولا حاجة
ومرة كنت تعبانة وماما سايبانى فى البيت لوحدى المهم طلعلى جدى وقعد يتحيل عليا علشان انزل معاه وانا مردتش ابدا
وايام المدرسة دى كانت حكاية كنت بضرب الولاد جدا كان الولاد اكتر ناس بينضربو منى ولما كنت بقف عليهم فى الفصل لو مدايقة من اى حد كنت لازم اكتبه كنت صعبه جدا هههههههه ومكنش حد بيحبنى اقف عليهم ولكن الحمد لله مع السنين اتغيرت جدا
و آسفة على الاطالة بس ايام الطفولة دى كانت ايام جمييييييييلة
وشكرا على طرحك للمواضيع الرائعة دى

ههههههههههههههههههههههههههههه
دا التريكاويه يموتوا من الضحك وهما صغيرين
هههههههههههههههههههههه
يخرب عقلكوا

شكرا لمناقشه الجميله اوي دي
ربنا يبارك فيكوا يارب
وتكبروا كمان وكمان
وتكون كل ايامكوا جميله ومضحكه ومفرحه زي ايام الطفوله

مقولتش يعني يا احمد حاجة عن طفولتك مع ان التوبيك توبيكاك عايزين نعرف

ماشي يا فوءا بقي تيجي منك
وانا صغير كنت مدلع شويه
الولد الوحيد بقي
ودلعوني اوي
ودخلت المدرسه وكنت هادي مكنتش شقي
وكان المدرسين بيقولوا اني هكون حاجه كويسه
بعدين حصل مشاكل ف البيت واضطريت اني اشتغل
يعني اروح المدرسه واشتغل
وبعد سنه المشكله اتحلت ورجعت ادلع تاني مدونه (احمد الشعار )مصــــــــــــــــــــ فوق الجميع ـــــــــــــر - صفحة 9 870595

بس اتعلمت من السنه دي كتير
الاعتماد ع النفس والمسؤليه وكده
وجيت في مره زعلت اختي الكبيره
بابا ضربني شلوط كسرلي دراعي
ههههههههههههههه
ازاي معرفش
بس كانت ايام جميله والله
وانتي يا فوءا
يالا احكي

بل نسبه للشعر جميل جدداااااااااااااااااااااااااا جداااااااجدااااااااااااااااااااااااااجدااااااااااااااااااااااااااااااااااااااااااااااااااااااااا
بالسنه للكائن وصفته بطريقه موضحه جدا
بلنسبه كلمه انسا الماضى هو ممكن يتنيسى لو بتفكرفيه وممكن يتنسى اذا تركته خلفك
معلش علشان طولت اصل المذيع كتب كتير اوى فكان لازم ارد
اتمنى دوام الزدهار ليك ياحماده
سلام

هههههههههه ايوة كويس اني قولتلك يا احمد كنت عايز تتهرب cherry

بص انا طفولتي كانت عادية وانا كنت هادية شوية و زياي بنت حاسة بالاضطهاد كنت بضرب الصبيانات من وانا صغننة ههه مش عارفة ليه كلنا كنا بندقكو كدة انتو شكلكو مستفز ولا ايه
دنا مرة كنت بتخانق مع ولد عشان خخد دوري في المرجيحة كانت الحديقة زحمة وكنا بنركبها بالحجز
ف يا ريتو ياا ريتووووو ماخد مكاني انا صحابي شاورولي عالواد اللي خد مكاني وعينك ماتشوف الا النووووووور الواد روح بعين واحدة ودراع واحد هدومو متبهدلة وماليانة تراب انا طبعا ادتلو حتة بوكس في عينو منسيهوش ابدا والله عينو ازرقت وورمت ومسكت ايدو لويتها جاااااامد بجد والله انا مش مسامحة نفسي كدة بس انتو اللي بتطرونا لكدة ولاساليب العنف دي الحمد لله كانت رجليه سليمة عشان يروح بيها عند مامتو ويعيطلها هههههه cherry

بس كفاية كدة اما افتكر حاجة هقولها دي ايام زمان قوي وانا جالي زهايمر خلاص ههههههه

شكرا احمد عالموضوع الجميل دة

شكرا لمرور الجميل يا ا محمد

هههههههههههههه
ينهار ابيض
هو كلكوا كده كنتو بتضربوا العيال
ههههههههههههههههه
وحده تموت العيال من الضرب وف الاخر واحد ينشها ضربه تعور راسها
والتانيه تموت الواد وتسيب رجله عشان يعرف يروح
لا تكتيك جميل اوي
هههههههههههههههههههه
جزاكم الله خيرا

ومع ابتهال
تلطفي يا ريح
للنقشبندي

تلطفي يا ريح بالمدينه المنوره
تعطري يا ريح من بقاعها المعطره
فحيث ما هددت او حللت يا رياح ستحملي اريجه

صلاوات الله وسلامه عليه

نبينا الذي تعطرت بحبه الارجاء
نبينا حبيبنا الذي تدفرت بنوره الانحاء
تكاملت من اهله الاوساط

انسان عين ولد والسرور العطاء
نبينا حبيب اهل الارض والسماء

الحوت الأزرق

هل تتصور معي أن مخلوقاً يعيش في البحار يزن أكثر من 150 طن! هذا المخلوق الذي يبلغ طوله أكثر من 30 متراً، ينطلق بكل حرية ومرونة ويصطاد ويمارس كل الأعمال التي تمارسها سمكة صغيرة! تصوروا معي لو أن البشر صنعوا آلة تزن 150 طن، ما هو حجم الطاقة التي ستحتاجها والمهندسين الذين سيشرفون على بنائها والبرامج اللازمة لتحريكها. لنقارن بين خلق الله وما أنتجته حضارة البشر، بالتأكيد لا مجال للمقارنة. يقول تعالى: (قُلْ مَنْ رَبُّ السَّمَاوَاتِ وَالْأَرْضِ قُلِ اللَّهُ قُلْ أَفَاتَّخَذْتُمْ مِنْ دُونِهِ أَوْلِيَاءَ لَا يَمْلِكُونَ لِأَنْفُسِهِمْ نَفْعًا وَلَا ضَرًّا قُلْ هَلْ يَسْتَوِي الْأَعْمَى وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ أَمْ جَعَلُوا لِلَّهِ شُرَكَاءَ خَلَقُوا كَخَلْقِهِ فَتَشَابَهَ الْخَلْقُ عَلَيْهِمْ قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ) [الرعد: 16].

سبحان الله

ومع موضوع اليوم

رمضان زمان

واحنا صغيرين كان رمضان ليه طعم تاني
نستناه بفرحه كبير اوي
وتحس انه ليه طعم واحنا صغيرين عن دلوقتي
عايزين نتكلم عن رمضان زمان

هل نفس الاحساس رمضان زمان زي رمضان دلوقتي
ولا فيه تغيير

ياه يا أحمد متخلينيش أفتكر وأعيط
رمضان من بس 4 سنين كان جميييييييل قوي
كنا كلنا أنا وولاد عمي متجمعين مع بعض مع جدتي وجدي
ونفطر مع بعض في لمة عائلة جميلة قوي
كنا صغيرين وبنلعب في الشارع ونجري
ودايما العيال الوحشين كانوا بيفرقعوا صواريخ تحت رجلي عشان بخاف منها هههههههه
وكنا طول اليوم بنقول الأذان هيدن إمتى بقى ونيجي ساعت المغرب نبقى هنموت من الفرح
بصراحة دلوقت غير خالص
أنا أذان المغرب لما بيدن مش ببقى فرحانة قوي علشان كل يوم بفطر مع نفس الوجوه
وكمان مش بببقى جعانة قوي ومفيش صواريخ وبمب ولا الحاجات دي
وكمان بعدنا عن قرايبنا ومش بنشوفهم غي كل إسبوع

امممم رمضان كان زمان بجد احلى لما كانت ماما بتصحينا ع السحور كنا لازم ننزل لان الاكل في الطابق اللي تحتنا مع جدي وجدتي وفي ايام الشتاء كنا بنقعد مليون سنة لحتى نصحا من النوم بس كانت ايام جميلة والله ... ولما كنا بنصوم لما كنا في الروضة كانوا اغلب الاطفال بيكونوا مفطرين والقليل بيصوموا وكنت كل يوم لازم اسمع الدرس من ماما متنسيش وتاكلي في الروضة ههههههه ايام روعة

شكرا ع الموضوع الرائع

اكيد رمضان زمان كان احلى بكتيييييير
وخصوصا لما كنا لسة مع العيلة وكنا لازم ناكل مع بعض
وبعد الفطار نقعد نفرقع صواريخ لكن دلوقتى معدش حاجات من دى
وكنا نقعد نغنى اغانى رمضان بس بجد ياريت رمضان زماااااان يرجع تانى

اه طبعااااا رمضان زمان احلى كنا بننزل احنا وولاد وبنات عماتى وكده عند نناه تحت ونجيب بقى الصواريخ وكنت بصووووت من الخوف طبعا وكانوا بيستغلوا ده فيا ههههههههه
ووقت الفطار بيبقى تحفة طبعا بين العيلة
بجد ايام رووووعة والله ياريت ترجع

ياااااااااه دى كانت ايام جامدة
بس بحب رمضان وانا كبيرة اكتر وانا صغيرة كنت مش فاهمة حاجة وكنت اخداه على انه شهر نتجمع فيه ونلعب وكدة انما ناو فهت قيمته
بس كانت ايام الله عليها بجد
كانوا اصحابى ييجوا لماما ويعدوا يقوللها يا طنط علشان خاطرنا نزلى الاء معانا وماما طبعا مش عايزانى انزل الشارع بس كانت بتوافق بعد طلوع الروح وكنا كلنا نزلين بفوانيسنا صبيان على بنات لخبطيطة ونمشى نعمل ازعاج للسكان ههههههههههه ولما بنتجمع احنا وقرايبنا كنا بننزل ونعمل صواريخ وكدة وكان جدو يعد يزعق بس كان بيرضى عنهم علشان خطرى ههههههه غرور بقى
تسلم الايادى

شكرا للمرور والحاجات الجميله ايو دي يا اجمل تريكاويه
دا انتو زي العسل والله
هههههههههههههههههه
غرور بس
ههههههههههههههههههه
ايه ده كله زعيمه عصابه

رمضان زمان زكرياته جميله اوي
انا مش بسمع اغاني
بس لازم لما يجي رمضان اسمع اغنيه رمضان جانا
ليها زكريات معايا جامده اوي مع شهر رمضان
بامانه مش بحس ان رمضان جه الا بيها
ونخرج بعد الفطار نصلي ونروح نتفرج علي الدوره الرمضانيه مكنتش بشوف كنت بطلع علي كرسي ودايما يوقعوني
هههههههههههههههههه
ونفرقع صاريخ وبومب
وف مره بضرب بومبه ف الحطيه جت ف راس واحد صحبي

رمضان دلوقتي بقي
متعته في العباده
بجد الواحد بيبقي فرحان اوي لما بيختم ختمه
او بيصلي التراويح جماعه مع ناس كتير اوي
بس رمضان ده ميزته
اني مش بطلت دحك
انا وماما الساعه 2 بليل كده
نعد نلعب كوتشيه
وابقي كاسبها وتدحك عليا وتخمني
واختي الكبيره تقولي وايه يعني مهي امك
دا انتا تاخد حسنات
ههههههههههههههههههههههههه

جزاكم الله خيرا

ومع نشيد اليوم
اذا قربت
مشاري

اذا قربت ساعه يالها وزلزلت الارض زلزالها
تسير الجبال علي سرعه كمر السحاب تري حالها

وتنفطر الارض من نفخه هنالك تخرج اثقالها
ولابد من سائل قائل من الناس يومئذ مالها

تحدث اخبارها ربها وربك لاشك اوحي لها
ويصدر كل الي موقف يقييم الكهول واطفالها

تري النفس ما عملت محضرا ولو زره كان مثقالها
يحاسبها ملك قادر فاما عليها واما لها

ذنوبي ثقال فما حيلتي اذا كنت ف البعث حمالها
تري الناس سكري بلا خمره ولكن تري العين مالها

نسيت الميعاد فيا ويلها واعطيت للنفس امالها

مية مية
جااااااااااااااااااامد بجد يا احمد
تسلم ايــــــــــــــــــــدك

وموضوع اليوم

عيشنا حياتنا
واستفدنا اكيد
واحتكينا بالناس
منهم الكويسين ومنهم الوحشين

ماذا استفدت من الحياه ؟؟؟؟؟

» يا جماعه فين احمد الشعار
» إلى الأستاذ احمد الشعار
» كلمة لا بد منها للكبير احمد الشعار

مدونه (احمد الشعار )مصــــــــــــــــــــ فوق الجميع ـــــــــــــر

مدونه (احمد الشعار )مصــــــــــــــــــــ فوق الجميع ـــــــــــــر

مواضيع مماثلة

مواضيع مماثلة