إتخيّلى نفسِك معايا ف أى حِتّه
وكلبشى فى حُضن الجاكِتّه
غمَّضى عينِك عليّا
وقلّبينى بمعلقه
ودوّبينى فيها جداً
أصل عينِك واسعه جداً ..
مهما كانِت ضيَّقه

Mahmoud Elsarrag | محمود السراج


يا حبيبتي
ده فيه من العشاق نوعين
نوع بيسمع عادي صوتك
و يحلم عشانك
و نوع بيسمع عادي صوتك
لكنه قصده
يتنفس كلامك
يا حبيبتي !

توماس بشاي


هكتب عن عينك لما
تسألني إذا كنت وحشتك ..
عن قلبك لما بيسكت
عن لمسه تقولي ملكتك ..
أنا زيك لو هتكلم
ع الشوق مقدرش أغني ..
انا زيك رعشة ايدي
بتبان ع السطر تأني ..
هكتب عنك لو جنة
مش لازم أكتب عني ..

مسار اجبارى ...عمرو سليمان

أجمل ما فيكى إنك
مابتشبهيش سنك
ولا يشبهك ولا حد
ولا حتى فى الحواديت
أنا سندباد رحال
لفيت كتير ما لقيت
أنا لو لقيت زيك
كان من زمان حبيت
أنا من زمان عـ الشط
والدنيا دى ف ضهرى
الموج يشيل ويحط
وأنا فى إنتظار قدرى
ما تسأليش عـ العمر
بيكى بدأ عمرى

د.علي جلال كاشف


هو إنتى حلوه إزاى كده
مش قصدى حاجه من السؤال
انا قصدى يعنى بتقدرى
تحلوّى كل ما تكبرى
والوقت بيزيدك جمال
ردت بضحكه " صغيره "
وقالتلى هههه " إحتمال "
قلتها لا ..
دى حقيقه واضحه مؤكده
وسألتها تانى بذهول
هو انتى حلوه إزاى كده ؟!

Mohammed Ibrahim


بالله عليكي
تعذري عقلي علي فرط الخيال
انتي حبيبتي بجد آيه من الجمال
ومدِّره للأفكار وللحلم الجميل
يا خالقة ف القلب الصبي 100 ألف شوق
بالله عليكي اتسرسبي
من بين أيديا بعيد .. لفوق

قلم بكرش ~ محمد السيد عبد العزيز


----------
http://sphotos-b.ak.fbcdn.net/hphotos-ak-prn1/532619_185645044906610_1258008904_n.jpg