تحية طيبة لكل التريكاويه
اخوتي واحبتي في الله


دايما بتخطر ببالنا اسئلة كتير وساعات مبيبقاش عندنا الخبرة الكافية عشان نقدر نتوصل لاجابات للاسئلة دي
مع بعض باذن الله هندورلها علي (ج)
هنحاول نستفيد من خبرات بعض ولو الموضوع محتاج ممكن نسال حد اعلم مننا
وده مش عيب
العيب اننا نسكت ومانحاولش نتعلم

واثناء تصفحي لبعض المواقع وخصوصا في الجوانب الخاصة بالاستفسارات والفتاوي
لقيت انه من الممكن بل من المؤكد ان الواحد مننا يجد سؤال كان عاوز يساله
او حتي سؤال ماخطرش علي باله بس رغم كده بيتعجب ... ازاي السؤال ده مخطرش علي بالي !

ولقيت انه مفيد جدا اننا نطلع علي االاسئلة دي واجوبتها

يللا بينا نبدأ علي بركة الله

وباب الحوار والنقاش مفتوح للجميع
نسال الله ان يعلمنا ما ينفعنا وينفعنا بما تعلمنا

اول الاسئلة

ســ : أريد أن أكون مؤثرا فى من حولى لأنى نفسى كلهم يحبوا ربنا

جــ :

وربنا يهدى الناس على ايدينا.

السؤال والاجابة من موقع الداعية الاستاذ مصطفي حسني


منتظر تفاعلكم واسئلتكم وكمان اجاباتكم لاسئلة غيركم

*ملحوظة اسم التوبيك اللي انا اخترته "دورلها علي ج" هو اسم برنامج تليفيزيوني جميل اوي
برضو بيناقش المشاكل والاسئلة اللي في دماغ الشباب

فكره هايله
مش قولتلك
انت بتجيب كل فريد وجديد
تسلم يا حبي

حقيقي ياجماعه باشكركم علي ردودكم الجميلة
بس انا عاوز اشوف ارائكم في الموضوع المطروح
او تطرحوا (س) جديد ونحاول كلنا ندور علي (ج) عشان نستفيد

اما عن موضوع ايات "التسامح" فهو شئ جميل اوي اوي اوي
وفعلا هي نعمه عظيمة اوي زي ماقلتي يا ايات

ليه بقا في ناس مبتقدرش تسامح
جايز اوي يكونوا ءاسوا كتير وعانوا من ظلم الناس وقسوتهم
فخلاص بقوا يشوفوا الشخص اللي يغلط ف حقهم في صورة بشعه


اذكر قصة لسيدنا ابو بكررضي الله عنه
مع رجل من قريش يقال له مسطح وكان بينه وبين ابو بكر صلة قرابه
وكان يتيما فكان الصديق رضي اله عنه يتولي نفقته
وكان هذا الرجل ممن شاركوا في حادثة الافك
وقد شارك في نشر الكلام المفتري به علي السيدة عائشة رضي الله عنها
فلما راي منه ابو بكر ذلك
قرر ان يمنع عنه ماكان يعطيه
وعندها نزل قول الله تعالي " ولا يأتل اولوا الفضل منكم والسعة أن يؤتوا أولي القربي واليتامي والمساكين وليعفوا وليصفحوا.."
وامره النبي "ص" بان يعود والا يمنع عنه ماكان يعطيه

لو نظرتم الي عظم الذنب لما توقعتم الصفح ابدا
ومن الذي يطالب ابو بكر بالعفو والصفح النبي صلي الله عليه وسلم
وقد افتري هذا وامثاله علي زوجته ام المؤمنين رضي الله عنها
ما احلمك يا حبيبي يارسول الله

هذا موقف بسيط ولكم هي كثيرة مواقف الكريم المصطفي صلي الله عليه وسلم

عفوه عن كفار قريش عند فتح مكه وقد آذوه وعادوه وفعلوا به وبصحابته الكرام مالا يطاق
وعفوه عن اهل الطائف الذين سلطوا عليه صغارهم يرمونه بالحجارة حتي ادميت قدماه الشريفتين
وعندما ساله ملك الجبال "مرني اطبق عليهم الاخشبين"-الاخشبين دول جبلين تقع بينهم مدينه الطائف-
فقال المصطفي "لا .. عسي الله ان يخرج من بين اصلابهم من يقول لا اله الا الله"
وغيرها وغيرها

افتكر لو الناس تدبرت شوية في القصص دي
وحاولت تتشبه بالحبيب المصطفي صلي الله عليه وسلم
اكيد حياتنا هتختلف كتير
اكيد

نسال الله ان يجعل قلوبنا طاهرة نقية من الغل والحقد
وان يملاها بالحب والعفو والقدرة علي كظم الغيظ

ميرسي يا دكـ ومتظرين مشاركتك
------------------
مرور طيب يا ميووسه
وفي انتظار العوده
-----------------
شكرا مها عالمرور الطيب
واتمني التفاعل معنا
-----------------
اضافة ممتازة طبعا يا ايات
دايما متالقة
-----------------
نورتي النوبيك يا سارة
بالنسبة لسؤال

في رايي ان الموضوع ده درجات
اولها النفاق والعياذ بالله ودي افة خطيرة جدا وسمة يجب الا تكون موجوده في مجتمعنا الاسلامي
والنفاق طبعا يعتبر مرض خلقي
ربنا يحفظنا واياكم
لكن في درجات تانية للصفة دي
خطورتها اقل
ومنها اللي انتي قلتي عليه اللي هو المجامله
يعني مش مطلوب مني اكون صريح اذا كانت الصراحه لن تفيد الموضوع بشئ
ولكنها هتضر او تاذي او تضايق حد تاني
صور المجاملة وامثلتها كتير جدا
بتقابلنا كل يوم وكل لحظة
ده حتي كلامنا العام معظمه مجاملات
دي حقيقة يعني مثلا قابلتي واحده من زميلاتك زي مابيحصل دايما مع اي حد
وقالتلك ازيك يا سارة وحشاني والله
ردك المنطقي واللاارادي
اهلا حبيبتي وانتي وحشاني اكتر والله
علي الرغم انه ممكن ماتكونش جت في بالك اساسا
وممكن تكونوا مختلفين مع بعض ومانتيش طايقاها
ده مجرد مثال
بس النوع ده من المجاملات مفيهوش اي مشكلة
بالعكس ده ممكن يبقي ليه فوايد
....
دي وجهة نظري ولكن
اوعدكم ليا كلام في الموضوع ده تاني
لاني حاليا مش مركز ومش قادر اجمع بصراحه
اتمني حد تاني بدخل يقولنا رايه
وكلنا نشارك

امممممممممممم
مستنين كتيييييييييييييييير
ومافيش رد يعني

اسفة عتاخير انتو عارفين المواصلات بقى وكدة
لاء انا الحقيقة كنت نسيت
لكن انا هارد دلوقتى ياسارة على سؤالك
اللى هو
ليه الناس مش بيقولو اللي على لسانهم يعني في قلبهم حاجة و على لسانهم حاجة تانية
هل
هو لجاملة الناس ام هو مرض خلقي بضم الخاء ام انهم يحتاجون للستر فبيمشوا
ورا متطلبات العصر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بصى ياستى
احياننا بيبقى الموقف يتطلب المجاملة
والرسول حثنا عالكلمة الطيبة
وقال ان الكلمة الطيبة صدقة
فدة على اساس اننا ننقى قلوبنا علشان الكلمة تطلع صادقة
ودة صعب على ناس كتير
واحياننا تانية بتبقى نفاق والعياذ بالله زى ماتريكة قال
وعلى فكرة فى ناس يقولك فلان كلامة زى الدبش
على اساس ان اللى فى قلبة على لسانة
لكن بيعبر بية بطريقة مش لطيفة
الوسط بقى
اننا نقول اللى فى قلوبنا بطريقة لطيفة وبعيدة عن التعنيف والزجر
ودة بيتطلب مهارة خاصة
مش موجودة عند اى حد
فبالتالى بتظهر الفئة اللى انتى بتتكلمى عليها دى
اللى هيا المجاملة وشوية شوية تبقى نفاق
لكن مااظنش ان دة مرض خلقى خالص
لان دى صفة مكتسبة
انا عن نفسى وانا صغيرة مش اوى يعنى
ماكنتش باعرف ارد على ازيك مثلا
كنت فى ثانوى على فكرة
مش صغيرة اوى
بس كنت فظيعة مش باعرف ارد خالص
الحياة علمتنى ازاى ارد واجامل وانتقد دة من غير مايزعل
واثنى على دة باسلوب جميل
المهم ان اجابة سؤالك
ان دة اولى مراحلة المجاملة وبتنتهى بالنفاق
ودة بيبقى بقى على حسب ارادة الشخص وطبيعة شخصيتة

انا اسفة عالاطالة وحاسة انى لفيت حوالين الموضوع هههههههه
لما دوخت
لكن اللى على لسانى كتبتة

عندى بقى سؤال
ازاى ابعد عن المراءاة(الرياء) يعنى؟؟؟؟؟؟؟؟

سؤال مش لاقياله إجابة من زمان أوى...هو الميت بيحس بالناس إللى بيحبهم؟أكيد هتقولو عليا مجنونة...
بس أنا أعرف إن الميت طبعا مش بيحس "ماديا" يعنى جسمه مش بيحس بأى حاجة
لكن هل حد يعرف إذا كان الميت بيحس بأولاده مثلا؟فى فرحهم و حزنهم ولا لأ؟
مع العلم بإن روح الإنسان الميت بتفضل لحد يوم القيامة إما فى نعيم أو فى عذاب لا قدر الله يعنى الروح بتحس...لكن هل بتحس بمن فى الدنيا من أحبابها ولا لأ؟؟؟؟؟؟؟؟

ربنا يخليكي ياهبه كلك ذوق والله
بالنسبة لسؤال شيموو

قبل ماتكلم انا هنروح لكتاب المولي عز وجل حيث قال "..فاسألوا أهل الذكر إن كنتم لا تعلمون"

دي اجابة نفس سؤالك بالظبط من موقع اسمه شبكة الفتاوي الشرعيه

المفتي
أ. د. أحمد الحجي الكردي
خبير في الموسوعة الفقهية، وعضو هيئة الإفتاء في دولة الكويت
----
بسم الله الرحمن الرحيم
الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فقد روى البخاري برقم (6175)، ومسلم برقم (220) عن ابن عباس قال: قال النبي صلى الله عليه وسلم ( عرضت علي الأمم فأجد النبي يمر معه الأمة والنبي يمر معه النفر والنبي يمر معه العشرة والنبي يمر معه الخمسة والنبي يمر وحده فنظرت فإذا سواد كثير قلت يا جبريل هؤلاء أمتي؟ قال لا ولكن انظر إلى الأفق فنظرت فإذا سواد كثير قال هؤلاء أمتك وهؤلاء سبعون ألفا قدامهم لا حساب عليهم ولا عذاب قلت ولم؟ قال كانوا لا يكتوون ولا يسترقون ولا يتطيرون وعلى ربهم يتوكلون ) . فقام إليه عكاشة بن محصن فقال ادع الله أن يجعلني منهم قال (اللهم اجعله منهم) . ثم قام إليه رجل آخر قال ادع الله أن يجعلني منهم قال ( سبقك بها عكاشة ).

فمعنى قوله ( لا يسترقون ): أي لا يطلبون الرقية غير الشرعية، أو لايعتقدون أن الرقية تشفي بنفسها، وقد ورد الإذن بالرقية الشرعية، ووجه الجمع بينها أن المنهي عنه ما كان بغير أسماء الله وصفاته وكلامه في كتبه المنزل وأن يعتقدوا أن الرقيا مانعة لا محالة، والمأمور بها ما كان بالقرآن ونحوه.
ومعنى قوله ( ولا يتطيرون ): أي لا يتشاءمون بالطيور ومثلها مما هو عادتهم قبل الإسلام، والطيرة ما يكون في الشر ، والفأل ما يكون في الخير.
والله تعالى أعلم.

طبعا كلام فضيلة الشيخ لاتعقيب عليه
بصراحة ماشاء الله عليه اوفي في الفتوي واستفاض

نيجي بقا لقوله "ص" (لايكتوون)
ده اللي هو الكي -كعلاج يعني- كان مستخدم عند العرب ومازال بس نادر وجوده

قرات انا الكلام ده لما بحثت عن موضوع الكي هل هو حلال ام حرام

ولا يكتوون، وليس معناه تحريم هذا، فلا بأس بالكي عند الحاجة إليه، ولكن من صفاتهم ترك ذلك والاستغناء بالأسباب الأخرى فقد ورد انه كوى بعض أصحابه عليه الصلاة والسلام، وقال: ((الشفاء في ثلاث، كية نار، أو شرطة محجم أو شربة عسل، وما أحب أن أكتوي، وقال: وأنا أنهى أمتي عن الكي)) [1] ، فالكي آخر الطب، إذا تيسر الطب الآخر فهو أولى، وإذا دعت الحاجة إليه فلا بأس.
[1] أخرجه ابن ماجه في كتاب الطب، باب الكي، برقم 3491.

بصراحة شكيت في الحديث لكن علي حد علمي انا لنبي ص كان يحتجم
وده اثر صحيح عن النبي صلي الله عليه وسلم
بحثت عن الحديت االمذكور ده لقيت

اقتباس :

[ إن كان في شيء من أدويتكم خير ؛ ففي شرطة محجم أو شربة من عسل أو لذعة بنار وما أحب أن أكتوي ] السلسلة الصحيحة

إن كان في شيء من أدويتكم خير ففي شرطة محجم ، أو شربة من عسل أو لذعة بنار ،
و ما أحب أن أكتوي " .

قال الألباني في "السلسلة الصحيحة" 1 / 436 :


عن جابر بن عبد الله رضي الله عنهما قال سمعت رسول الله صلى الله عليه وسلم يقول إن كان
في شيء من أدويتكم خير ففي شرطة محجم أو شربة من عسل أو لدغة بنار وما أحب أن أكتوي
رواه البخاري ومسلم

إن كان في شيء من أدويتكم خير ففى شرطة محجم أو شربة من عسل أو لذعة بنار توافق داء و ما أحب أن أكتوي .
تخريج السيوطي
( حم ق ن ) عن جابر .
تحقيق الألباني
( صحيح ) انظر حديث رقم : 1431 في صحيح الجامع .

فالحديث التاني ده نفس المعني
ان النبي "ًص" اجاز العلاج بالكي ولكن انه لا نلجأ اليه الا اذا كان مفيش غيره
والله اعلي واعلم

وشكرا ليكي يا شيماء بجد انا استفدت كتير من سؤالك ده
وياريت اي حد عنده معلومات تانية يقولنا


بالنسبة لسؤالك الثاني
فدي فتوي من مركز الفتوي بالشبكة الاسلامية اسلام ويب طبعا غنيه عن التعريف

اقتباس :

يسن لمن دخل المسجد يوم الجمعة والإمام يخطب أن يصلي ركعتين خفيفتين ثم يجلس لاستماع الخطبة، لما ‏ثبت في صحيح مسلم وغيره عن جابر بن عبد الله قال: جاء سليك الغطفاني يوم الجمعة، ‏ورسول الله صلى الله عليه وسلم يخطب، فجلس. فقال له: " ياسليك! قم فاركع ‏ركعتين.وتجوز فيهما" ثم قال: " إذا جاء أحدكم يوم الجمعة والإمام يخطب، فليركع ‏ركعتين، وليتجوز فيهما".‏
يتجوز اي يخفف
وقد اختلف الفقهاء في هذه المسألة على ثلاثة أقوال:
القول الأول: أن ذلك سنة، وهو قول الشافعية والحنابلة.
القول الثاني: أنه محرم، وهو مشهور مذهب مالك.
القول الثالث: أنه مكروه، وهو مذهب الأحناف.
والله أعلم.

هذا والله اعلي واعلم

ربنا يخليك يا بو حميد بس إنت لسا مجاوبتش على سؤالى..أوك مستنية ردك

اقتباس :

ازاى ابعد عن المراءاة(الرياء) يعنى؟؟؟؟؟؟؟؟

بسم الله
سؤال جميل كتير باسأله لنفسي
ولما سألت وقرأت فيه لقيت اجابات فرحتني كتييييييير

قالوا انه من الجميل أوي ان الواحد يسأل نفسه ازاي اكون مخلص لربي
وماكونش بارائي حد ولا بابتغي باعمالي حد غير ربنا

الجميل بقي انه ده دليل علي انك تمتلكي قلب واعي وحذر
خايف انه يقع في فخ الرياء وتبقي اعماله كلها في الهوا لانه زي ماعارفين ان
المرءآه تبطل الأعمال بلاشك ربنا يحفظنا ويحفظك يا ايات

وكمان في نقطة هامة اوي هي ان ده بيبقي نوع من الوسوسه بتاعه الملعون ابليس
ومدخل من مداخله لاصحاب القلوب المؤمنه
شوفتي الخبث يعني ميعرفش يجيبك من ناحية المعصية
يلفلك من ناحية الطاعات ويقوللك لا انتي لازم تسيبي كذا وكذا ومتعمليهمش لان كده رياء
والرياء كفر يعني انتي تصلي ركعتين سنة يكفروكي ولا تسيبيهم احسن
لا اسيبهم
هوده اللي عاوزه الملعون لعنه الله
علينا بس اننا ناخذ بالاسباب وفي كذا حاجة ممكن تسهل علينا الموضوع وتزيل مننا الوسواس ده

1 ـ الدعاء بدعوة النبي صلى الله عليه وسلم بتنقية العمل من الشرك والرياء والنفاق، وهى قوله ( اللهم خلص أعمالنا من الرياء، وقلوبنا من الكذب، وأعيننا من الخيانة، فإنك تعلم خائنة الأعين، وما تخفي الصدور)، وبدعاء النبي أيضا: (اللهم إنا نعوذ بك من أن نشرك بك شيئا نعلمه، ونستغفرك لما لا نعلمه).
2 ـ الحرص على صحبة الصالحين.
3 ـ الأخذ بأسباب إخلاص العمل لله.
4 ـ الاستمساك بالخوف من الله، وبذل الوسع في طاعته.
دول لقيتهم وانا بابحث في الموضوع في احدي الفتاوي في موقع اسلام اون لاين
ودول من عندي انا وجهة نظري المتواضعة طبعا
5-الحرص علي الطاعات السرية اللي هي لوحدك يعني مفيهاش جماعه
زي ورد قراءة القران وقيام الليل والذكر الدائم والصدقة وغيرها وغيرها الخيرات تير
واي عمل ممكن تعمليه بينك وبين ربنا بدون مايعلمها حد
ده بيديكي ثقة في نفسك اكتر من جهة الاخلاص
وبيبعد وسوسة الشيطان
6- ممكن يتهيالك انها عكس اللي قبلها بس هي مش كده
هي انك متقعديش لوحدك كتير وتفكري يعني اما انك تتجهي للصحبة الصالحه
او انك تشغلي نفسك باي حاجه عشان الشيطان ميخليكيش تفكري كتير

وفي الختام نسال الله بدعاء المصطفي صلي الله عليه وسلم
اللهم خلص أعمالنا من الرياء، وقلوبنا من الكذب، وأعيننا من الخيانة، فإنك تعلم خائنة الأعين، وما تخفي الصدور،اللهم إنا نعوذ بك من أن نشرك بك شيئا نعلمه، ونستغفرك لما لا نعلمه
اللهم ااااااااااامين

@

هبه مش ناسي والله
دورك اللي جاي وشكرا لتفاعلك ومشاركتك اللي اضافت كتير للموضوع

ربنا يخليك يا بو حميد ميرسى لذوقك بجد.و جميل أوى أوى سؤال آيات و الإجابة بتاعته فعلا شافية ووافية و يا رب يبعدنا عن الرياء و المرائين

اقتباس :

سؤال مش لاقياله إجابة من زمان أوى...هو الميت بيحس بالناس إللى بيحبهم؟أكيد هتقولو عليا مجنونة...
بس أنا أعرف إن الميت طبعا مش بيحس "ماديا" يعنى جسمه مش بيحس بأى حاجة
لكن هل حد يعرف إذا كان الميت بيحس بأولاده مثلا؟فى فرحهم و حزنهم ولا لأ؟
مع العلم بإن روح الإنسان الميت بتفضل لحد يوم القيامة إما فى نعيم أو فى عذاب لا قدر الله يعنى الروح بتحس...لكن هل بتحس بمن فى الدنيا من أحبابها ولا لأ؟؟؟؟؟؟؟؟

طبعا مفيش نقاش في مسالة احساس الروح بالنعيم والعذاب في القبر
دي مسالة منتهية وانكارها يعتبر شرك والعياذ بالله

اما النقطة اللي سالتي فيها ياهبه
فبصراحة جديدة عليا فعلا .. مفكرتش فيها قبل كده ولا خطرت ببالي
ولما بحثت ملقيتش اجابة للسؤال بالظبط
بس لقيت حاجه اهم كمان وواخده الموضوع نفسه بس من جانب تاني خالص
ده السؤال واجابته

السؤال : إذا جاء أحد عند قبر النبي صلى الله عليه وسلم ليصلي ويسلم عليه هل يسمعه ويراه وهل هذه العقيدة شرك أم لا ؟
والجواب: المشروع للمسلم إذا زار مسجد الرسول صلى الله عليه وسلم أن يبدأ بالصلاة في مسجده عليه الصلاة والسلام وإذا أمكن أن يكون ذلك في الروضة الشريفة فهو أفضل ثم يتوجه إلى قبر النبي صلى الله عليه وسلم ويقف أمامه بأدب وخفض صوت ثم يسلم على رسول الله صلى الله عليه وسلم وعلى صاحبيه رضي الله عنهما.
وقد أخرج أبو داود بسند جيد عن أبي هريرة رضي الله عنه أن النبي صلى الله عليه وسلم قال: "ما من أحد يسلم عليّ إلا رد الله عليّ روحي حتى أرد عليه السلام" . وقد احتج جماعة من أهل العلم بهذا الحديث على أنه صلى الله عليه وسلم يسمع سلام المسلمين عليه إذا ردت عليه روحه، وقال آخرون من أهل العلم ليس هذا الحديث صريحاً في ذلك وليس فيه دلالة على أن ذلك خاص بمن سلم عليه عند قبره بل ظاهر الحديث يعم جميع المسلمين عامة وقد ثبت عنه عليه الصلاة والسلام أنه قال: "إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ قالوا: يا رسول الله كيف تعرض صلاتنا عليك وقد أرمت ؟ قال: إن الله حرم على الأرض أن تأكل أجساد الأنبياء" خرجه أبو داود والنسائي وابن ماجه بإسناد حسن، وسبق قوله صلى الله عليه وسلم: "لا تجعلوا قبري عيداً ولا بيوتكم قبوراً وصلوا علي فإن صلاتكم تبلغني حيث كنتم" أخرجه أبو داود بإسناد حسن، وسبق أيضاً قوله صلى الله عليه وسلم: "إن لله ملائكة سياحين يبلغوني عن أمتي السلام" فهذه الأحاديث وما جاء في معناها تدل على أنه صلى الله عليه وسلم يبلغ صلاة المصلين عليه وسلامهم وليس فيها أنه يسمع ذلك فلا يجوز أن يقال إنه يسمع ذلك إلا بدليل صحيح صريح يعتمد عليه فإن هذه الأمور وأشباهها توقيفية ليس للرأي فيها مجال وقد قال الله سبحانه: {يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً} وقد رددنا هذه المسألة إلى القرآن العظيم وإلى السنة الصحيحة فلم نجد فيهما ما يدل على سماعه صلى الله عليه وسلم صلاة المصلين وسلامهم وإنما في السنة الدلالة على أنه يبلغ ذلك وفي بعضها التصريح بأن الملائكة هي التي تبلغه ذلك والله سبحانه أعلم، أما كونه صلى الله عليه وسلم يرى المسلم عليه فهذا لا أصل له وليس في الآيات والأحاديث ما يدل عليه كما أنه عليه الصلاة والسلام لا يعلم أحوال أهل الدنيا ولا ما يحدث منهم لأن الميت قد انقطعت صلته بأهل الدنيا وعلمه بأحوالهم كما تقدمت الأدلة على ذلك وما يروى في هذا الباب من الحكايات والمرائي المنامية وما يذكره بعض أهل التصوف من حضوره صلى الله عليه وسلم بينهم واطلاعه على أحوالهم وهكذا ما يذكر بعض المحتفلين بمولده عليه الصلاة والسلام من حضوره بينهم فكل ذلك لا صحة له ولا يجوز الاعتماد عليه لأن الأدلة الشرعية محصورة في كلام الله سبحانه وكلام رسوله صلى الله عليه وسلم وإجماع أهل العلم المحقق أما الآراء والمنامات والحكايات والأقيسة فليس لها مجال في هذا الباب ولا يعتمد على شيء منها في إثبات شيء مما ذكرنا، والله ولي التوفيق وهو حسبنا ونعم الوكيل، وصلى الله على نبينا محمد وآله وصحبه وأتباعه بإحسان إلى يوم الدين.

اظن الكلام واضح
والعبارات باللون الاخضر مهمه اوي في سؤالك يا هبه

اقتباس :

وليس فيها أنه يسمع ذلك فلا يجوز أن يقال إنه يسمع ذلك إلا بدليل صحيح صريح يعتمد عليه فإن هذه الأمور وأشباهها توقيفية ليس للرأي فيها مجال

اقتباس :

وقد رددنا هذه المسألة إلى القرآن العظيم وإلى السنة الصحيحة فلم نجد فيهما ما يدل على سماعه صلى الله عليه وسلم صلاة المصلين وسلامهم وإنما في السنة الدلالة على أنه يبلغ ذلك

اقتباس :

كما أنه عليه الصلاة والسلام لا يعلم أحوال أهل الدنيا ولا ما يحدث منهم لأن الميت قد انقطعت صلته بأهل الدنيا وعلمه بأحوالهم كما تقدمت الأدلة على ذلك

وبديهيا اذا كان اشرف الخلق محمد صلي الله عليه وسلم
لا يتثني له ان يكون علي دراية باهل الارض
ان يكون سائر البشر كذلك

انا شخصيا اقتنعت بالكلام
واستفدت معلومة جديدة حقيقي

جزاكي الله كل خير يا هبه
ويارب يكون الكلام وصللك واقنعك
وتلاقي فيه اجابة شافية لسؤالك

ربنا يخليك يا أحمد و الله بجد أفدتنى لأن الموضوع دة من زمان أوى محيرنى..ويبقى الحاجات اللى أنا سمعتهادى مجرد موروثات شعبية و فتاوى عن غير علم لا تمت للدين بصلة
و شكرا جزيلا على المجهود الرائع إللى إنت عامله بجد ربنا يكرمك

ربنا يجازيك خير يااحمد
تعبناك معانا والله
بس استفدنا اوى
وبالنسبة لسؤال هبة
عمرى مادورت علية لانى انا كمان كنت مقتنعة بية
لكن انت وضحتلى حاجات كتير
مشكور جامد
وجزاك الله خيرا