تذكير بمساهمة فاتح الموضوع :



- أولا:

تقبل الله منا ومنك هذه المشاعر الطيبة وهذا الحب للناس وهذا الحب للدين حب ايصال الخير للغير.
أولا: حتى يكون الإنسان مؤثرا ومتحركا وسط مجتمعه يجب أن يحركه هم من حب الهداية للناس وحب أن تدل الناس على الله وحب رؤية الأمة تقترب من ربها أخلاقيا وفى عبادتها وأنا أشعر أ، هذا الهرم أنت تحمله وهو الذى حركك لذلك.

- ثانيا:

كيف البداية ؟!!! يجب أن تعرف أن الحب هو وقود كل تضحية ووقود كل تغير وأن الناس إذا احبوك سمعوا منك وفتحوا قلوبهم لكلامك وما تحمله من مبادىء وازالوا الحواجز التى يصنعها أى انسان بينه وبين من لا يحبه وهذا هو منهج النبى صلى الله عليه وسلم إذ ظل 40 عاما يلقب بالصادق الأمين فأحبه الناس ووثقوا فيه لدرجة أنهم حتى لما كذبه بعضهم كان يترك عنده الأمانات إذا النبى هو أكثر الناس أمانة.

ثالثا: لكى تكون محبوبا هناك ثوابت وأسس هى:

1- النجاح فى ما أنت فيه فى هذا المجتمع لو طالب يجب أن تكون ناجحا حتى لا تسقط من عينهم لأن الناجح كبير فى عيون الناس وغير الناجح لا يلفت الانتباه لأن الفشل لا يحبه الناس والنجاح يبهر من حوالك.
2- أن تكون صاحب فضل على الناس فلا تبخل عليهم بوقتك إذا احتاجك أحد أو مجهودك إذا طلب منك مساعدة أو مالك لو كنت معهم أن تكرمهم أو حتى ابتسامتك فى وجهك فهى تأثر قلوب الناس..
3- أن تكون مستمع جيد لأن المستمع الجيد يكسب قلوب الناس باستماعه لهم لأنه يكون بمثابة الحضن الدافىء لمشاكلهم ومشاعرهم.
4- الأهم من ذلك كله هو الاستعانة بالله وترك الذنوب التى تطفىء نور الله من وجه المذنب والقبول هو أهم عامل من عوامل الألفة بينك وبين من تدعو. وكما قال أبى الدرداء: " إن العبد ليعصى الله بالليل فيصبح وقد ألقى الله ببغضه فى قلوب الصالحين.
5- ومهم أيضا الدعاء لهم كثيرا أن يهدى الله الناس على يديك وكما قال أحد الصالحين " استعينوا عليهم بدعاء السحر وسهام القدر ".

اولا انا عايزة اشكرك شكر كبير جدا لان الحديث كان نفسى اعرف معناه عسى ان نكون منهم انشاء الله وانت بصراحة جاوبت بطريقة وافيه وكافيه وجميله جدا احسن من الشيوخ لانى مرة اتصلت بدارالافتاء علشان كنت هاموت واعرف معنى الحديث رد على شيخ وقالى ارجعى الى كتاب شرح الاحاديث امال انا بتصل بيه ليه فجزاك الله كل خير وجعله فى ميزان حسناتك انشاء الل

وبالنسبة للسؤال الثانى حقيقى اول مرة اعرف الحكايه دى بس لو مافيش تعب يااحمد ينفع الواحد بعد صلاة الجماعة غير الجمعة يعنى انا دخلت المسجد ولقيت الامام بيصلى الظهر مثلا فانا اكيد هاصلى معاهم هل يوز بع ما خلص صلاة اصلى تحية المسجد ولا ماينفعش
اسفة هاتعبك شويه بس انا نفسى اعرف
وسؤال هبه جديد بس اعتقد ان الميت بيبقى فى عالم تانى قوانينه غير قوانين الدنيا لكن اعرف ان ناس قبل مابتموت تقول انا والدى المتوفى جالى فى المنام وبعدها يموت مش عافة دة ايه صحته

شكرا ياتريكة ع التوضيح المهم ده
خلاص انا لو هاصلى فى المسجد اروح بدرى احسن
ولو مالحقتش اصلى خلاص

بص بقى ياتريكة انا هادوشك اسئله لانى بصراحة كان عندى اسئله كتير جدا وفرصة انك بتجاوب على كل الاسئله
هو السؤال
بيقولوا ان الواحد قبل مايموت بيحس انه هيموت ياتردى ده حقيقى
ثانيا ازاى الواحد يكون مستعد للموت فى اى لحظة ومش خايف منه اصلى بصراحة وانا عندى 15 سنة كدة سمعت شيخ كان بيتكلم عن عذاب القبر واهوال القيامة وكان بيتكلم بطريقة خالتنى لحد دلوقتى خايفة جدا من الموت ومن عذاب القبر مع ان ربنا رحيم بس مش عارفة اعمل ايه انا لما بسمع ان فى انسان خصوصا لو صغير فى السن مات افضل طول اليوم قلبى مقبوض وخايفة وحاسة انى هاموت واقعد استغفر واصلى
مع انى الحمد لله انا محجبه وباصلى وباصوم واقرا قرأن بس خايفة وساعات بالليل احس انى هاموت وافضل ادعى واقول يارب ثبتنى عند السؤال وادخلنى الجنه واقول الشهادتين
وافضل اقول لبابا وماما واصحابى انا حاسة انى عمرى قصير(مش عارفة الاحساس ده ليه) وافضلوا ادعولى لما اموت ويابابا اقعد جنب قبرى 3 ساعات لما اموت وادعيلى لانى هاكون بتحاسب يعنى فكرة الموت لما بتسيطر على بافضل قاعدة لوحدى ومش اكلم حد وبكون خايفه جدا مش عارفة اقول ايه ع الشيوخ اللى بينفروا الناس عن سماع الدين وحب الله بجد ورجاء رحمته
معلشى دوشتك ياتريكة بس لو تعرف تجاوبنى جاوبنى ولو مش هتلاقى اجابة فيبقى كويس انى اتكلمت وفضفضت

تسلم يا تريكه علي التوبيك الجميل ده

بجد موضوع جميل وهايل يستاهل بجد

ربنا يكرمكmadyan ويجعله في ميزان حسناتك

جزاك الله خييييييييييييييييير يا تريكه
تسلم ع الموضوع الجميييييييييييييييييييل

الله الله ,,, كلام جميل جدااااااااااااااااااااااااااا وموضوع اجمل والله

تسلم ايدك يا مدين

هو احنا رايحين على فين ؟


كل واحد فينا جواه طاقة ملهاش حدود ليه مبنتعرفشي عليها الا في وقت الازمات؟

ليه كل واحد فينا بيحلم بحاجات هو نفسه عارف نهايتها ؟في الغالب مبتتحققش؟

ليه بندور على حاجات مستحيلة رغم اننا من الممكن اننا نحققها بس بنصعبها على نفسنا اوي؟


احنا ليه بناْجل كل حاجة وبنعملها في غير وقتها؟هو العمر فيه قد ايه عشان ناْجل؟


يا ترى كم واحد فينا قدر يحقق اللي بيحلم بيه؟


انت بتعمل ايه عشان تقرب من ربنا اكتر واكتر؟


يا ترى تعاملك مع الناس شكله ايه؟


طب لما بتتعامل معاهم اذا كان كويس ؟فده عشان الناس تمدح فيك؟ ولا ده عشان انت من جواك كده ؟ ولا عشان بتخاف من ربك؟ولا عشان انت عاوز تكون كده؟



يا ترى بتعمل كل حاجة في حياتك بقناعة منك؟ ولا احياناً تجبر على فعلها؟

اسئلة كتيرة جداً جوانا بس مبنحاولش اننا نفكر بيها او حتى ندور عليها
دايماً بنحاول نهرب منها
احنا نفسنا مش عارفين ليه
يمكن عشان بنخاف نواجه انفسنا ونكتشف احنا قد ايه ضعفا مهما عملنا ومهما اوصلنا؟ بجد مش عارفة
يا ريت الاقي اللي يجاوب


تسلم مدين فكرة بجد اكتر من رائعة

جزاك الله خيرا عالفكرة التحفة دى وانا بقى كان ليا سؤال ياريت حد يجاوبنى عليه
هو احنا ليه بنظهر عجزنا كتيييييييييير بمعنى اننا لما بنتعرض لمواقف صعبة اسهل كلمة عندنا هى معرفش مع اننا حتى ما جربناش نعرف فعلا دى حاجة بتدايقنى جدااااااااااااااااااا

وصال صافي كتب:

هو احنا رايحين على فين ؟


كل واحد فينا جواه طاقة ملهاش حدود ليه مبنتعرفشي عليها الا في وقت الازمات؟

ليه كل واحد فينا بيحلم بحاجات هو نفسه عارف نهايتها ؟في الغالب مبتتحققش؟

ليه بندور على حاجات مستحيلة رغم اننا من الممكن اننا نحققها بس بنصعبها على نفسنا اوي؟


احنا ليه بناْجل كل حاجة وبنعملها في غير وقتها؟هو العمر فيه قد ايه عشان ناْجل؟


يا ترى كم واحد فينا قدر يحقق اللي بيحلم بيه؟


انت بتعمل ايه عشان تقرب من ربنا اكتر واكتر؟


يا ترى تعاملك مع الناس شكله ايه؟


طب لما بتتعامل معاهم اذا كان كويس ؟فده عشان الناس تمدح فيك؟ ولا ده عشان انت من جواك كده ؟ ولا عشان بتخاف من ربك؟ولا عشان انت عاوز تكون كده؟



يا ترى بتعمل كل حاجة في حياتك بقناعة منك؟ ولا احياناً تجبر على فعلها؟

اسئلة كتيرة جداً جوانا بس مبنحاولش اننا نفكر بيها او حتى ندور عليها
دايماً بنحاول نهرب منها
احنا نفسنا مش عارفين ليه
يمكن عشان بنخاف نواجه انفسنا ونكتشف احنا قد ايه ضعفا مهما عملنا ومهما اوصلنا؟ بجد مش عارفة
يا ريت الاقي اللي يجاوب


تسلم مدين فكرة بجد اكتر من رائعة

أسئلتك كتيرة يا وصال وشامله موضوعات كتير اوي اوي
الاجابة عليها بجد ماتنفعش في رد ولا اتنين ولا عشرة
بس هاحاول اقول رأيي باختصار
كل واحد فينا جواه طاقة ملهاش حدود ليه مبنتعرفشي عليها الا في وقت الازمات؟ ده العادي بتاعنا للأسف
كان ليا استاذ دايما يضربلي مثال
يقوللي تخيل اكتر لحظة بتكون تعبان ومجهد فيها
وليكن وقت ماتكون راجع من الشغل او من مشوار مقرف ومهدود وحالتك حالة
ساعتها بتخش بيتكم تترمي علي الكرسي ولا السرير ولو عطشت مش هتقدر تجيب لنفسك مياه تشرب
تخيل وانت في نفس اللحظة دي والارهاق والتعب دا .. انت موجود علي قضبان سكة حديد وجاي في اتجاهك قطر
:D ياتري برضو هتحتاج حد ييجي يشيلك ؟؟
القناعات والاعتقادات بتشكل جزء كبير اوي من شخصياتنا وطباعنا وتصرفاتنا
يمكن دا موضوع من اجمل الحاجات اللي قراتها
من اهم ما يمكن ان تقراءه فى حياتك...حقاااا انها القناعات
فعلا لو اقتنعنا وآمنا بقدراتنا اكيد حياتنا هتتغير للأفضل

ليه كل واحد فينا بيحلم بحاجات هو نفسه عارف نهايتها ؟في الغالب مبتتحققش؟ انا مش معاكي بقي ف دي .. جميل اننا نحلم حتي لو احلامنا صعبة المنال بس لازم نعمل علي تحقيق الحلم
مش نحلم ونستني الفرج

يا ترى بتعمل كل حاجة في حياتك بقناعة منك؟ ولا احياناً تجبر على فعلها؟ اوقات الظروف بتفرض ع الواحد يعمل حاجة هو مش مقتنع بيها
انا شخصيا في شغلي مثلا او في دراستي مباعرفش اعمل حاجة الا اذا كنت مقتنع مية المية غير كدا بيبقي اداء روتيني مافيهوش اي ابتكار ولا متعة بالنسبالي


بالنسبة للاسئلة الموجهه للذات
بصي .. جميل اوي الانسان يحاسب نفسه دايما ويواجهها بأسئلة ممكن تكون قاسية وصعبة
الصحابة رضوان الله عليهم كانوا دائمين المحاسبة لأنفسهم
في الغالب كل الأسئلة االلي بيوجهها الواحد مننا لنفسه اجابتها لا ومينفعش زي ..

- ليه مابتنتظمش في الصلاة
- ليه بتأجل عمل الخير
- ليه مابتتقنش عملك
- ليه مابتخلص عملك لله
- ليه مابتتقربش لربنا اكتر

اكيد الاجابة واحدة لكل الاسئلة دي
لكن الاهم من انك تعرف الاجابة
اننا نغير الاسئلة دي في المرة الجاية
يعني بعد ماقعد مع نفسي احاسبها واسئلها الاسئلة دي
احاول بقي اغير من نفسي
واقرب من ربنا واعمل خير واتنق عملي وانتظم في الصلاة وابعد عن الرياء
عشان لما اقعد احاسب نفسي المرة الجاية احس بتغيير وابدأ ادور علي عيوب تانية اعالجها واصلحها

ربنا يهدينا جميعا ويصلح احوالنا

AmiRa 3mR كتب:

جزاك الله خيرا عالفكرة التحفة دى وانا بقى كان ليا سؤال ياريت حد يجاوبنى عليه
هو احنا ليه بنظهر عجزنا كتيييييييييير بمعنى اننا لما بنتعرض لمواقف صعبة اسهل كلمة عندنا هى معرفش مع اننا حتى ما جربناش نعرف فعلا دى حاجة بتدايقنى جدااااااااااااااااااا

هو سؤالك مش واضح اوي بالنسبالي يا اميرة بس هاقول رأيي علي قد مافهمت

هو مش عيب الواحد يقول ماعرفش .. وانا شايف دا التصرف اللحظي الصحيح في اي موقف

وانتي صح .. لازم نحاول نعرف
احنا بنعاني من فقر في الثقافة تسببت فيها عوامل كتير
منها نظام التعليم بتاعنا فمصر
ومنها البيئة والمجتمع اللي نشأنا فيه .. والاسلوب اللي اتربينا بيه
قد نكون اتأخرنا اوي في البحث عن تنمية قدراتنا ومهاراتنا ومحاولة اكتساب وتعلم اشياء جديدة
بس انك تبدأ متأخر وتحاول
احسن ماتحط ادينا علي خدنا ونقول لو كان ولو ماكانش ... .

فكرة جااااااااااامدة
وانا مشكلتى بقى انى عندى بكرة امتحان فيزباء وحاسة انى مش فاكرة ولا كلمة وجعانة جداااااا وماما لسة مجاتش اعمل ايه بقى جعانة يا بشــــــــــــــــــــــر

الحل بسرعة لو سمحت يلاااااااااا

ايه ده؟؟؟؟؟؟؟
انا مس معايا رصيد ومش ناوية احط غير بعد الامتحانات وبعدين احط ليه اساسا ملوش لازمة
المهم بقى جعاااااانة
يعنى اهون عليك كدة مافيش اى تبرع خالص
اخص اخص مكونتش متوقعاك تعمل معايا كدة ابدا
طلعت بتتبع المثل اللى بيقول عض قلبى ولا تعض رغيفى