أشهــر الجمل التي تقال في البيت المصري

أشهر الجمل التي تقال في البيت المصري

على مدى سنوات الطفولة والمراهقة يقطع الابن منزل أسرته وهو يستمع للنصائح والجمل نفسها ، بأساليب وجمل ثابته لا تتغير …

فأصبحنا بمرور الوقت نحفظها جيداونتوقعها … ”

واهالينا يقولوها واحنا نكمل لهم “

.

.

هذه المقولات التى أصبحت سمة مميزة للبيت المصري , تعمق المحبة فى قلوبنا تجاه أهالينا ، وتجعلنا نكتشف كم القلق والمسئولية التى عاناها أهالينا… فى سبيل ان تقف وأنت كبير وسط الناس فخورا برأيهم فيك … وهم يقولون ” شكله ابن ناس ومتربى “

.

كفاية مقدمات بقى وأخليكم مع الموضوع

.

.

- مش عاوزه أسمع صوت .

- ماتردش عليا .

- تقعد فى أول صف قدام السبورة .

- لو مش فاهم حاجة .. ارفع إيدك وقول للأستاذ مش فاهم …

- اللى بيشيل قربة مخرومة بتخر عليه لوحده .

- ومالها الكتب بتاعت الوزارة .

- بص كويس وإنت بتعدى الشارع .

- ماتتأخرش بعد المدرسة وتقعد تلعب مع أصحابك .

- افرد ظهرك وأنت ماشي .

- مافيش مذاكرة على المزيكا … أو .. بتذاكر إزاى والبتاع ده شغال جنبك .

- ما تمشيش حافى فى السقعة دى .

- صليت العصر ..؟! ( إشمعنى العصر بالذات ….!)

ربنا يهديك … ربــنــا يــهــديــك … أو … إنك لا تهدى من أحببت .

- إطفى التليفزيون وقوم ذاكر … أو … إطفى التليفزيون وقوم خش أوضتك .

- إوعى تقول لحد هات لى حاجة .

- إقفل صدرك هتاخد برد .

- بلاش وقفة فى الشبابيك والبلكونات .

- كل على مهلك .. وأمضغ كويس .. وماتاكلش وإنت واقف وكل من قدامك مش من نص الطبق .

- المسلسل مش هاينفعك … قوم .

- كفاية رغى فى التليفون .

- ماتقعدش قدام المروحة وإنت مستحمى .

- وإنت فاكر إحنا مستنيين منك حاجة ؟!

- ماتعليش صوتك .

- بلاش لعب فى الشارع .

- ( في ليلة الامتحان ) يا ابنى اللى ذاكر ذاكر خلاص .. قوم نام .
- بلاش لعب بالمقص .. بيجيب النكد .

- يا ابنى كلم خالتك العيانة .. اسأل عليها .

- إوعى حد غريب يديلك حاجة تاكلها او تشربها وتاخدها منه .

- بلاش النوم لحد الضهر .

- لازم تاكل سلطة .

- لازم تحترم الأكبر منك .

- كلمنا لما توصل .

- بلاش أكل بره .

- إنت فاكرنا نايمين على ودانا .

- وطى المدعوق ده شوية ( المدعوق عادة ٍ بيكون الراديو او التليفزيون ) .

- قوم إقرالك كلمتين ينفعوك .

- إيه اللامبالاة والاستهتار اللى إنت عايش فيهم دول .

- إنت فاكرنا لاقيين الفلوس دى فى الشارع .

- ما تتكلمش بصوت عالى فى الحمام .

- ماتنامش غير لما تغسل سنانك .

- ماتلزقش فى التليفزيون كده …. نظرك هايضيع .

- ضرب أمثلة تشجع على الكفاح .. أشهرها : المثال بتاع أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر وأشتهر في أوربا )

- سلم على عمك كويس يا ولد .
- ماتطلعش إيدك من شباك العربية .

- ربنا يرزقك بعيل يوريك اللى وريتهولى .

- ماتقعدش صدرك عريان كده قدام إخواتك البنات .

- حول القناة دى … مليانة مسخرة وقلة أدب .

- طلع إيدك من جيبك وإنت بتكلمنى .

- قصة الغريق اللى كذب اللى كل مرة يقول إلحقونى .. لحد ما غرق بجد ( قصة التخويف من الكدب ) .

- التهديدات المخيفة شكلا .. والكارتونية موضوعا .. مثل :هاقطم رقبتك … هاقطع لسانك … هادبحك دبح.

التوبيــكــ عجبني وحبيت أنقله لكـــم ..

يارب الموضوع يكون عجبكم .. Wink

مع أرق تحياتي ..
بنت تريكاويـــة ..

ربنا يرزقك بعيل يوريك اللى وريتهولى .
Laughing

التوبيك يجنن بجد تسلمى يا قمرايه

ههههههههههههههههههههه
مشكور جدا

ههههههههههههههههههههه
تسلم ايدك ع العبارات الى بقت من صميم البيت المصري
توبك جااااااااااااااااااااااامد
تسلمى
Exclamation

ههههههههههههه ميرسى جدا بجد التوبيك حلو اوى وديه فعلا حقيقة
فى كل بيت مصرى وهتفضل كده ومش هنعرف نبطل الجمل ديه ابدا
ميرسى تانى وهايل

هههههههههه
ميـــرسي جميـــعا ع المرور الجميــــل ده ..

هههههههههههههههههههههههههههه

عسل ياابتهال وربنا

تسلم ايدك ياقمر

ميرسي يا سكرة على مروركــ الجميـــل ده ..

- إطفى التليفزيون وقوم ذاكر … أو … إطفى التليفزيون وقوم خش أوضتك .
على فكره مش بيقولوا التليفزيون
لازم يقولوا الزفت او المدعوء ده
هههههههههههههههههههههههههه
بس فين والنبى مانت فالح وابقى قابلنى والكلام اللى يشجع ده
مااكثر منه فى البيت المصرى
cherry

تسلمى ياابتهال ع التوبيك الجميل ده

» كلمة تقال في الماسنجر تغضب الرب
» هل حسن شحاتة بدأ بالتخريف تغييرات بالجملة في تشكيلة المنتخب المصري التي ستواجه رواندا
» خمس اشياء لا تقال لطفل

أشهــر الجمل التي تقال في البيت المصري

أشهــر الجمل التي تقال في البيت المصري

مواضيع مماثلة

مواضيع مماثلة