بندّن فى مالطا ما حدش سامعنا..
بنحكى بنشكى ولا حد متابعنا..
بنعرض مطالب بنسرد مثالب..
مهازل بتحصل كفاية شبعنا..
مظاهرات بتطلع جرايد بتطبع..
وادينا بندفع حياتنا وضعنا!..
فساد بيحاصرنا مهدد مصيرنا..
مدمر بلدنا آذينا واجعنا..
معطل أمورنا وحاجب مرورنا..
تجاه التقدم شاللنا مانعنا!..
مقلّل قيمتنا مسوّأ صورتنا..
ما بين البلاد فى وارطة واضعنا!..
محبّط شبابنا مزود عذابنا..
مسوّد حياتنا وليه بيصارعنا؟..
بندّن فى مالطا وصوتنا اتنبح..
وصوت الفساد قنابل صِدام..
لا ردوا علينا لا باب انفتح..
وخلف البيبان بنسمع كلام..
وخربت مالطا لا حالها انصلح..
وراحت عليها وضاع المقام..
لإمتى الفساد هيفضل شبح؟..
راعبنا تاعبنا مسبب آلام؟!!

بندن في مالطا
ومالطه اصلا قرفت مننا
كل شزيه ندن فيها لغايه ما قالت خلاص زهقت شوفه حته غيري

تسلم ايدك يا سلمي علي الكلام الجميل ده
ربنا يبارك فيكي