يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

شكرا حلوة اوى

على فكرة يا تريكاوية انا فى حاجة نسيتها ان القصة دى جزئين مش جزء وااااحد يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 870595

على العموم النهارده اخر حلقة من الجزء الاول ومتحزنوش بس ومش عاوزكم بقى تعيطوا وكده علشان عارفكم حساسين وعساسيل وزى القمر يالا اسيكم مع الحلقة

الحلقه 12 والاخيره

المفااااااااااااااااااااااجأة

كلنا طبعااا عاوزين نعرف اى هى المفأحاة وايه هو اللى حصل بعد ما عمرو دخل
القاعة
نخوش على طول
وبدون مقدمات

..
دخل عمرو القاعة واول ما دخل وقعت عينه على ياسمين نبض قلبه واللى ما
اتمناش حد فى الدنيا غيرها ... لابسة فستان الفرح
كانت ذى البدر ليلة 14
مافيش اتنين يختلفوا على جمالها
كل الناس قاعدة وفرحانة
الا قلبين

عمرو ....... وياسمين

دخل عمرو وكانت فى نيته يعمل حاجات كتير اوى
بس ما كنش متصور انه اول ما هيخش عينه ها تقع عليها
خاف انها تشوفه ... استخبى وفى عينه الف دمعة والف سؤال ؟؟

طول عمره بيحلم بيوم زى ده
يوم ما يقعد جمب ياسمين فى الكوشة
والناس فرحانة

كان دايما شايف نفسه جمبها فى بدلة الفرح
وهى بفستانها الابيض
اتكلموا مع بعض عن اليوم ده كتير
وقد ايه هما الاتنين استنوه
بس اللى عمرهم ما اتوقعوا ان
عمرو ما يبقاش جمب ياسمين
......

افتكر عمرو كل كلمة قالتهاله ياسمين
افتكر كل لحظة كانت معاه فيها
افتكر اول يوم شافها.......افتكر يوم ما خطفت قلبه
افتكر يوم ما قالتله بحبك

يااااااااااااا
حاجات كتير اوى كانت جواه
وجواه حاجات كتير نفسه يعملها
عاوز يهد الدنيا عاوز يخطف وياسمين
ويطير بيها على فرسه الابيض ذى ما كان بيقرا فى الرويات
بس مش دايما الحقيقة بتنتهى بالنهايات السعيدة
زى روياته ....

بس ما اقدرش يعمل غير حاجة واحدة وبس
ان عنيه تدمع على فراق حبيبته
وعلى امله فى انها ترجعله

بكى عمرو كتير اوى وهو واقف مكانه
من غير ما يقدر يتحرك
وكأن رجله اتسمرت فى الارض

صحابوه شافوه ما صدقوش ان هو ده عمرو صاحبهم
اللى الضحكة ما كنتش بتفارق شفايفه
معقول الحب يعمل فيه كدااا!!!

ااااه
لانه بيحب بجد
لان قلبه فى يوم زى ده كان بيتخلع من جواه
ما اقدرش عمرو انه يكمل
اخدوه صحابوه وطلعوا بره

حصلتله حالة ذى الهيستريا
انتهت بانه فتح عينه لقى نفسه على سريره
ودموعه لسة فى عنيه
ومش هو لوحده
ديه دموع كل اللى حوليه
فى اللحظة ديه عرف عمرو ان حياته خلاص انتهت وما بقاش ليها لزمة
ها يعيش ازاى وهو كان عايش ليها
بيتنفس ليها
بيحلم بيها
عاشق كل مافيها

قرر عمرو انه يبعد
وذى ما بيقولو لو ليه نصيب فيها
هتكون له مهما حصل

قعد عمرو طول الليل
حزين ... بيفكر فيها
طب هى اى شعورها دلوقتى
حاسه ب ايه ؟؟

زعلانة قد ما انا زعلان
ولا خلاص استسلمت للدنيا
وسلمت امرها وقلبها لواحد تانى
خلاص نست كل اللى ما بينهم
نسيت كلمة بحبك اللى قالتهاله وهو حس بيها
نسيت كل الكلام اللى اتقال
نسيت هو عمل قد ايه عشان يوصلها
وكل ده
راااااااااااح

ولا هى كمان اتظلمت فى الدنيا ذى ما انا اتظلمت
يمكن تكون هى كمان اتظلمت اكتر منى
يعنى مش كفاية انها تسيب حبيبها
لا وكمان ها تكمل حياتها مع واحد مش بتحبه ...

عاش عمرو وما عندهوش غير املين
انها تكون مكتوباله وترجعله تانى
او انه يحاول ينساها..........

عرف عمرو انها خلاص اتجوزت
ما اقدرش عمرو انه يعمل حاجة غير انه يسلم امره لربه
ويدعلها من كل قلبه
يااااااا رب
اسعدها فى حياتها ...
ويارب الانسان ده يحبها ويخاف عليها ويسعدها اكتر منى

وتفوووووووت الايام على عمرو
وتعدى سنين من عمره
وهو لسة ذى ما هو
يمكن يكون قدر ينساها
بس لسة الذكريات جواه فى قلبه
كمل حياته بدون حب
مستنى يلاقى حب جديد يكمل بيه عمره اللى فاضل
من غير ما يشوف ياسمين
...

وفى يوم كان ماشى عمرو
وحس ان الدنيا كلها وقفت فى لحظة ومش قادرة تمر
الزمن من حواليه كله واقف فى مكانه
افتكر كل سنين حياته فى لحظة واحدة
لحظة ما وقعت عينه على ياسمين

يااااااااااا
بعد السنين دي كلها يرجع يشوف ياسمين
وكأن القدر مش سايبه فى حاله
بعد ما داوى جراحه
يرجع القدر من تانى يجرحه

شايف ياسمين قدامه
ذى ما هى لسة ما اتغيرتش
ما اتغيرش فيها غير حاجة واحدة بس ....
انها بقت أم...

يااااااا
كانت صعبة اوى على عمرو انه يشوف ياسمين فى موقف زى ده
شايله بنتها على ايديها
معقول ديه ياسمين اللى كنت بحلم انا وهى
ورسمنا حياتنا
ومستقبلنا سوا
وما فكرناش ابدااااا ان يوم زى ده ممكن يمر علينا
انى اشوفها هى وبنتها

شافته ياسمين وعنيها بتقوله كلام كتير اوى
ما فهمهوش عمرو لان عنيه كانت مشغولة
ازاى تدارى دمعتها...

جرى عمرو على بيته
دخل اوضته ومش مصدق اللى شافه
...

طفى عمرو النور وولع شمعة واحدة بس
وكانها عمره اللى بيتحرق لفراق حبيبته
ومر شريط حياته كله قدام عنيه
عنيه اللى مش قادرة تنسى ياسمين
مسك عمرو قلم وحاول يكتب اللى جوه قلبه
بس مش هو اللى بيكتب
قلمه حاسس كل تنهيدة بطلع من عمرو
وبيترجمها لحروف وكلمات
ولما انتهى عمرو وهو مش عارف هو كتب ايه

حاول يكتب اسمه واسمها
بس اكتشف انه خلاص مش مسمحوله انه
حتى يفكر فيها
او انه يكتب اسمها على قصته

وكتب

يوميـــــات عمرو وياسمـــــــين

.....
واخر كلامه كان
....

كنت معاها بحلم بهواها
مستنى اشوفها ..... او المح طيفها
اجرى عليها وامسك ايدها
ما أنا أصلى فى يوم كان اسمى حبيبها

وتفوت سنين وانا قلبى حزين ...... والحلم يروح و أفضل مجروح
وحبيبى فى قلبى منين ما ارووح

واتمنى اشوفها ولو لثوانى
وافتكر ايامى معاها من تانى
اضحك على نفسى واقول
انسااها
ديه ايام فاتت وياها
ولو تدور تلاقيها
نسيانى
يمر شريط حياتى قدامى
حياتى ال ما عشتش غيرها
ومع غيرها ما عشتش انا
فين الحب فين العشق فين الغنا فين الهنا
كله راح كله اتبخر واللى اتبقى حبى
أنااااااااااااااا

وف لحظة
عينى تيجى عليها
تبتسم والدموع مالية عنيها
ماهى مش لوحدها
دى معاها....... بنتها
فى عنيها كلام وسلام
ذكرى وشوق وغرام
شايلاه جواها من زمان
من أيام نفس المكان بس عدى عليه كام سنة
لحبيبها

ده اللى هو اناااااا
ليه يا زمن تعمل كدا
وتضيع حبنا بالشكل ده
خلاص بقت ام
وعندها بنتها
طب ليه ما ابقاش انا الاب
والبنت ديه بنتى
اناااااااااااا

________________________
وبكدة تنتهى يوميات عمرو وياسمين ...

يا ريت تكون عجبتكم
وميرسى ليكوا جدااااااااا
وعلى ردودكم الجميلة ....وارجو انكم تتابعونى فى الجزء التانى وننقاش الجزء
الاول ككل وتقولولى احسن حلقه فى الجزء الاول عجبتكم

لأ عمرو بجد المفروض يولع في أبوه وأبوها Laughing

والله الناس دي حرام عليها
وهي كمان المفروض كنت تجيب حالتها يا محمد خلال السنين اللي فاتت دي
sad1

بس بجد يوميات هايلة وجميلة جدا
وياريت الجزء التاني يبدأ بسرعة بقه

لالالالالالالالا حرام حرام حراااااااااااااااااااام والله عليهم كدا يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 72472

ليه الظلم ده وليه يحرموهم من بعض دا الحب دا اجمل حاجة فالدنيا دى كلها
والواحد مابيصدق يلاقى حبيبه حبيب بجد يحبه ويخاف عليه اكتر من روحه
وبعدين مش ده السيناريو اللى انا كنت رسماه ههههههههههههههههههههههه
يلا بقى النصيب بردو ساعات بيبقى بيوجع وبيبقى قاسى اوى يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 72472

المهم فالموضوع ان الحلقات كلها كانت روووووووووعه ياواد بس اكتر واحده طبعا اللى قالها بحبك واتأكد من حبها ليه وكانو فى قمة الرومانسية
بس دا مش مهم بردو المهم بقى ان الجزء التانى ده ينزل علطوووووووووووول الموضوع مش ناقص هو كفاية اللى احنا فيه والنبى يابنى الله يكرمك هههههههههههههههههه

اهىء اهىء لالا الدراما دى كتير اوى بجد
وبعدين البت ازاى اتجوزت وهى كانت ف ثانوى !! ولا مرت سنين ولا ايه .؟؟؟
والله عمرو ده غلبان ياعينى والبت بردو ههههههههههههههههه

احسن حلقة كانت لما عمرو كلم مامت ياسمين عشان ده بجد موقف كويس من ياسمين انها قالت لمامتها وان عمرو قدر يقنعها باخلاصه وحبه لبنتها

ماشى يامايكون ماشى انا هوريك هههههههههههههههههه
بس والله قصه حلوه وواقعيه
الحلقات كلها جميله اللى كانت قبل الغم ههههههههههههههههه حتى حلقات الغم كانت مسيره وشيقه
يلا بقى احناكلنا فى انتظار الجزء التانى
بس سوال هوه فى امل انهم يرجعو لبعض فى الجزء التانى ولا ايه
نرجو الرد ههههههههههههههههههه

Lmlm Ham كتب:: لأ عمرو بجد المفروض يولع في أبوه وأبوها
والله الناس دي حرام عليها
وهي كمان المفروض كنت تجيب حالتها يا محمد خلال السنين اللي فاتت دي

بس بجد يوميات هايلة وجميلة جدا
وياريت الجزء التاني يبدأ بسرعة بقه

ميرسى برأيك الجميل فى اليوميات ومبسوط اوى انها نالت اعجابك وان شاء الله الجزء التانى هيبقى فى اسرع وقت .. نورتى بجد فى كل الحلقات اللى فاتت بردودك

semsema memo كتب:: لالالالالالالالا حرام حرام حراااااااااااااااااااام والله عليهم كدا
ليه الظلم ده وليه يحرموهم من بعض دا الحب دا اجمل حاجة فالدنيا دى كلها
والواحد مابيصدق يلاقى حبيبه حبيب بجد يحبه ويخاف عليه اكتر من روحه
وبعدين مش ده السيناريو اللى انا كنت رسماه ههههههههههههههههههههههه
يلا بقى النصيب بردو ساعات بيبقى بيوجع وبيبقى قاسى اوى
المهم فالموضوع ان الحلقات كلها كانت روووووووووعه ياواد بس اكتر واحده طبعا اللى قالها بحبك واتأكد من حبها ليه وكانو فى قمة الرومانسية
بس دا مش مهم بردو المهم بقى ان الجزء التانى ده ينزل علطوووووووووووول الموضوع مش ناقص هو كفاية اللى احنا فيه والنبى يابنى الله يكرمك هههههههههههههههههه

نورتينى يا سمسمة على مدار الحلقات كلها وبإذن الله الجزء التانى هينزل فى القريب العاجل

دلوعة التريكاوية كتب:: اهىء اهىء لالا الدراما دى كتير اوى بجد
وبعدين البت ازاى اتجوزت وهى كانت ف ثانوى !! ولا مرت سنين ولا ايه .؟؟؟
والله عمرو ده غلبان ياعينى والبت بردو ههههههههههههههههه

احسن حلقة كانت لما عمرو كلم مامت ياسمين عشان ده بجد موقف كويس من ياسمين انها قالت لمامتها وان عمرو قدر يقنعها باخلاصه وحبه لبنتها

ميرسى بجد ليكى يا ميرو والله كنت بستنى ردك فى كل حلقة وكان بيهمنى جدا واتمنى انك تتابعى الجزء التانى بإذن الله اشكرك بجد

ime كتب:: ماشى يامايكون ماشى انا هوريك هههههههههههههههههه
بس والله قصه حلوه وواقعيه
الحلقات كلها جميله اللى كانت قبل الغم ههههههههههههههههه حتى حلقات الغم كانت مسيره وشيقه
يلا بقى احناكلنا فى انتظار الجزء التانى
بس سوال هوه فى امل انهم يرجعو لبعض فى الجزء التانى ولا ايه
نرجو الرد ههههههههههههههههههه

امل اتجوزت يا ايمى هههههههههههههههههه اقصد ياسمين اللى اتجوزت ههههههههههههههههههه ربك يسهل الحال وبجد بجد نورتينى بردودكم الجميلة دى فى كل الحلقات واتمنى منك تتابعى الجزء التانى يا جميل شكرا ليكى جدااااا

انت بتهرج والله على الكلام اللى بيحصل دا
ايه ياض الحلوه دى
تصدق بالله انا قرات ال11 ورقه كلهم مجنون بقا بس كنت عاوز اعرف ايه اللى حصل
بس بجد اللى حصل دا اخر قله اداب من ابوهم والله هههههههههههههههههههه
بس احسن حاجه ان ابوى ميعرفش حاجه وانا قايلها متقولش لامها ههههههههههههههههههه
.
بس فى تعليق بسيط كده على الحلقات كلها
اولا حته الحب دا مينفعش يا محمد ان واحد اول ما يكلم واحده يقولها انا بحبك
لان الانسان بيعجب بالجمال جد فممكن يكون دا اعجاب مش حب
ثانيا موضوع الاتصال دا الواد دا بجد جرئي جداجدا
انه يتصل بيها كده لا وحته انه بيروح لحد البيت ويطلع الشجره ويعملى فيها روميو
ههههههههههههههه لا يا رجال لا انا بكسف ههههههههههههههههههههه
ولا امها والله ست ذوق على الاخر عزمته وجابت بنتها فى ايدها وتورته
وهديه ودبدوب وبتاع كان ناقص تبقى شاهده على ورقه عرفى بينهم
هههههههههههههههههههههههههههه
واحسن حته بقا لما بيقولها انا عاوز اسمعها منك تسمع ايه بس يا عم
سمعت الرعد فو ودانك دا اول ما اتقدملها واحد نفضلتك هههههههههههههههههههههه
اخر قله ادب والله يا صاحبى
.
هى قصه جميله بس منظنش انها تحصل بجد
!!!
بس انا عاوز ااقول رايى لو انا فعلا بحب بنت زى المعلم دا
ومتاكد انها بتجبنى هى كمان انا هحاول اخدها واهرب واتجوزها من غير علم حد
واحط اهلى واهلها ادم الامر الواقع بجد والله
وربنا يكرمنا بعبد الرحمن ولؤى ونيكول دول اسماء ولادى فى المستقبل ان شاء الله
ونرجع بيهم هى شايله ااتنين وانا شايل نيكول
ونقولهم احنا اتجوزنا .. ههههههههههههههههههههههههههههههههههههه
او اروح متصل بخطبها وااقوله بص يا عم البت دى بتاعتى من الاخر
ومافيش حد هيجوزها غيرى ولو مبعتش عنها بجد هتخسر نفسك
اها شغل الفتوات هيشتغل لو متهددش
هقوله البت دى بتاعى وخرجت معاها وهرتها اموووووووه ... ههههههههههه
ولو يرضيك انك تتجوز واحده كده انا ميرضنيش ههههههههههههههههههههههههه
لو حسيت بقا انه موافق هسبهم يجوزا وافضل واوقع بيينه وبينها لحد ما يطلها
وساعتها اسبها زى الكلبه ههههههههههههههههههههههههههههههه
قصدى اجوزها بقا وابدا حياتى
...
سورى على الاطاله بس بجد انا اندمجت مع القصه اوى وكنت عاوز اوضح وجهه نظرى بس
وعلى راى الست
اهل الحب صحيح مجاريح صحيح مجاريح
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 72472

انا مش هفولك غير كلمه واحده
روح يا شيخ ربنا يبعبد عنك المرض ويستر عرضك قادر
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 223656

.

saif_1010 كتب:

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 5 47760

النهاردة ومع الحلقة الاولى

من يوميات
عمرو وياسمين 2

يلا بينا

يقولووون
ان لولا الحب ما كان الانسان تزوق طعم الحياه واحس بسعادة الدنيا ...
...
الحب مش مجرد كلمة بنقولها للانسان اللى بنحبه ... والسلام
دى مشاعر واحساس بكل دقة قلب جوانا فى اشد الحاجة انها تسمع كلمة بحبك
من الانسان اللى اختاره قلبنا قبل عقلنا ..
وعشان كدا المفروض اننا لما نقولها نبقى على اتم الاستعداد اننا نضحى باى
حاجة فى سبيل الحفاظ على حبنا ..
حتى لو كان فراقنا هو التمن ...
من هنا ها نبتدى الجزء التانى من يوميات عمرو وياسمين
وان شاء الله تعجبكم
...,,...
بتبتدى حكايتنا بعد مرور 13 سنة
من العمر بدون اى حب
كل ما فيها عذاب لقلبين كان ذنبهم اخلاصهم لحبهم
قلبين عاشو على ذكرى جميلة.. وايام مش ها ترجع
قلبين اتحدوا النسيان رغم مرور الايام
قلبين اتمنوا ان الايام ترجع لو دقيقة ووتنتهى حياتهم بعدها
قلبين ذى ما عرفوا معنى الحب ... عرفوا طعم الفراق
قلب عمرو وقلب ياسمين
....
سامر :- يا عمرو اسمع كلامى والله يا جدع ها
تندم لو ما جتش ديه بتبقى سهرة جميلة ...
على الاقل ترحم نفسك شوية من جو الشغل اللى انت عايش فيه ده
ليل مع نهار
عمرو :- يا سامر انا مش ناقص وجع دماغ وعاوز
ارتاح شوية
سامر :- طب تعالى المرة ديه بس وصدقنى مش ها
تندم ..... وبعدين ده فيه حتة دين مفاجاه هناك
عمرو:- مفاجاه ايه ..!!
سامر :- بيقولوا فيه شيخ عراف هناك بيقرى الطالع
والكف وعنده خبرة فى النجوم والابراج
عمرو :- ههههههههههههههه
انت بتصدق فى الكلام ده يخربيت عقلك هههههههه
سامر :- يا عم فاهم اللى انت عاوز تقوله بس
تعالى وبعدين لو ما عجبكش الجو هناك ابقى امشى يا سيدى ماحدش ها يمسك فيك
وعشان راحة البال وبدل وجع الدماغ قرر عمرو انه يروح مع سامر حفلة السمر
...
وهناك كان الجو عادى جدااااااا ...
موسيقى وغنا ورقص

وكان الكل فى انتظار الشيخ العراف
حتى عمرو اللى ما بيصدقش فى الكلام ده هو كمان كان مستنيه
وفجاه دخل شيخ كبير فى السن
واضح عليه الهيبة والاحترام والذكاء والعلم
وكمان باين فى عنيه خبرة الايام والزمن
وصل الشيخ العراف واول ما وصل شاورله سامر من بعيد
وبدء سامر يوشوش الشيخ العراف ويشاورله على عمرو
قرب الشيخ من عمرو وهو بيقوله
الشيخ العراف:- تحب اجرالك (اقرألك)
الكف والطالع واجولك ( اقول لك ) على المستخبى
واللى شاغل بالك يا ولدى
عمرو :- المستخبى .. وانت بقى ايه بتعرف الغيب
الشيخ العراف :- يا ولدى ما يعرف الغيب الا الله
اللى خلجنى (خلقنى ) وخلجك ( خلقك
)
عمر :- امال ايه بقى ..!!
الشيخ العراف :- يا ولدى انا ها اجولك (اقولك ) على اللى شاغل بالك واللى يريح حالك
واطمن جلبك ( قلبك ) اللى سار حزين من ها اليوم
اللى
فارجت ( فارقت ) فيه محبوبتك
استغرب عمرو وبص لسامر وهو مستغرب
سامر :- يا عم انت بتبصلى ليه ..!! ما انا جمبك
اهو ما قولتش حاجة
الشيخ العراف :- يا ولدى انت ما هتخسر شى وانا
ما باخد منك شى وكلامى ها يفيدك ما ها يضرك فى شى
عمرو :- طب اعمل ايه يعنى ...!!!
الشيخ العراف:- اعطينى كفك يا ولدى
مسك الشيخ العراف ايد عمرو وهو بيقول كلام مش واضح ..
من صوت الموسيقى العالية
وبيقلب ويعدل فيها وعمرو عين معاه وعين على صحبه
اللى باين عليه انه ورطه
وفجاه ساب الشيخ ايد عمرو طلع شوية حجر وصدف ورماهم على الرمل
وبص لعمرو واداله 3 صدفات وقاله
الشيخ العراف :- جول ( قول )
للصدف على اللى واجع جلبك ( قلبك ) و شاغل بالك
واللى تتمناه يا ولدى
مسك عمرو الصدف وهو كله فضول يعرف ايه نهاية ال هو فيه ده .. وشوش الصدف
ورماهم على الرمل
الشيخ العراف :- بوص يا ولدى ....
وهنا تنتهى الحلقة الاولى من الجزء التانى من ي
وميات عمرو وياسمين 2
يا ريت اعرف رايكم ..
فى الحلقة الاولى

اولا ميرسي يا محمد انك نزلت الحلقه الاولى
بس هو احنا لسه ابتدينا عشان تنتهى ههههههههههههههه هنرجع تانى للنظام ده ماااااشى
مستنية الباقى وياريت يكون خير

اخيراااااااااااااااا الجزء التانى ابتدى ميرسى يا محمد
انا ملحقتش اعيش فالجو يابنى لسه
حرااااااااااااااام العذاب اللى بتعمله فينا ده
حلوة الحلقه بس ياريت لو شوية رومانسية بقى هههههههههههه عشان الواحد جاله اكتئاب عشان الحزن اللى الناس فيه ده والجدع اللى انا حاسة انه روحه وقلبه مع ياسمين وهو جسم ماشى وخلاص من غير روح شبح يعنى هههههههههههههههه
يلا بقى غير الريتم بتاع الجزء ده وخليهم حلقتين مع بعض الله يكرمك هههههههههههههه

دلوعة التريكاوية كتب:: اولا ميرسي يا محمد انك نزلت الحلقه الاولى
بس هو احنا لسه ابتدينا عشان تنتهى ههههههههههههههه هنرجع تانى للنظام ده ماااااشى
مستنية الباقى وياريت يكون خير

العفو يا اميرة نورتى وان شاء الله تنزل فى القريب العاجل

هييييييييييييييييييييييييه العيد جه أقصد عمرو وياسمين جم تاني
ميرسي يا محمد عالجزء الجديد وأنا متأكده إنه هيبقى أحلى من القديم
ويللا بسرعة نزل الحلقة الثانية

تسلم ايدك يا مايكون
حلقة جميلة ومميزة
وفى انتظار الباقى

شكرا قصة حلوة تسلم ايدك وفى انتظار التكملة

الحلقة
الثانية
--------------

كنا وصلنا للشيخ العراف وان الظاهر ان سامر ورط عمرو
فى حاجة كبيرة اوى ها تكون بداية لحكاية اكبر....
ونكمل مع بعض ...

الشيخ العراف:- انت جلبك (قلبك) ماهو فيك
وعجلك ( عقلك ) وبالك مشغولين باللى ليك
هادى البنية اللى ساكنة روح فيك
وانت ماهو معمولك عمل ذى ما صضيجك ( صديقك ) بيجول ( بيقول )
انت مافى شى فيك غير الهوى
حبيبتك هى دواك
ودواك تكونوا سوا
ومافى واحدة تجدر( تقدر ) تملى جلبك غير هادى البنية
اللى جلبها متعلج (متعلق) بيك
وعجلها ( عقلها ) مشغول فيك
بس ماهو بيدها ولا ذنبها
هى كمان حكم عليها الهوى
بالبعد عنيك ( عنك )
وتعيش مع واحد جلبها ماهو رايده
وفرحك ادينى شايفه
وال جال عليه كفك ..
ان خط جلبك جرب ( قرب ) من خط عمرك
وف نجطة ( نقطة ) جريبة ( قريب ) هيتلاجوا ... و ...
واثناء ما الشيخ العراف بيقول الكلام ده لعمرو

عمرو سرح ورجع بنفسه 13 سنة لورا

.......
13 سنة ما عرفش فيهم قلبه طعم الحب
13سنة كتير حبوه
.. بس قلبه ما حبش غير واحدة بس هى اللى قدرت تسكن قلبه طول المدة دى رغم
انها بعيدة عنه
13 سنة ما نساش حبيبته ياسمين واللى بتزوره كل يوم فى منامه

بيكلمها وتكلمه ذى ما كان بيكلمها

حتى بعد ما بقى مدير فندق كبير جدااا فى شرم الشيخ
وديه كانت الوسيلة الوحيدة ال بيهرب بيها من تفكيره فى حبيبته اللى
بقالها13 سنة ما يعرفش عنها غير شوية اخبار كل فين وفين من صحابه اللى فى
اسكندرية ....

اسكندرية اللى ما بقاش ينزلها غير بطلوع الروح
ومناهدة طويلة من مامته وباباه
اللى بيتمنوا انهم يشوفوه اسعد واحد فى الدنيا
ومتخيلين ان السعادة فى انه يكون اسرة .....
وكتير دارت ما بينهم مشاكل كبيرة بخصوص الموضوع ده
لانهم ما يعرفوش ان السعادة خلاص ما بقتش تعرف لقلبه طريق
قلبه اللى ما بقاش ملكه
وحكم عليه الزمن انه يعيش بقية عمره سجين الماضى والذكرى ....
مش بيفوق من تفكيره غير على ايد صحبه سامر واللى كان شغال معاه فى شرم
الشيخ

سامر :- ايه يا ريس انت روحت فين

الشيخ العراف:- ايش يا ولدى سرحت فى ماضيك
فى حبيبة جلبك

عمرو :- يا عم الشيخ قولى اعمل ايه وانا مش بايدى انساها ولا بايدى احب
بعديها ...
اعمل ايه ؟؟ّ!!

الشيخ العراف:- خلاص يا ولدى جلبك ها ترجلعه الفرحة من تانى
جريب ( قريب )
وجريب ها ترجعلك فرحتك وها يرجعلك عمرك ال فات ...

( ولسة ما كملش الشيخ العراف كلامه وبيقاطعه عمرو وهو كله لهفة وشوق )

عمرو :- نعم انت بتقول ترجعلى الفرحة .. بس انا خلاص فرحتى وسعادتى ما بقتش
ملكى يا عم الشيخ

الشيخ العراف :- عارف يا ولدى ان جلبك مات ووردتك دبلت من زمن
بس الطالع بيجول ان سعادتك جية جية ..
حبيبة جلبك ها ترجعلك بس
ما تفرح يا ولدى
انت انكتب عليك الهوى طول العمر
وهواك مكتوب عليه الحزن

عمرو :- حزن ... انت مش بتقول ها ترجع

الشيخ العراف :- ها تعرف فى وجتيها ( وقتها ) ان الحب مش اننا نبجى مع ال
حبيناها
وان عذاب الفراج( الفراق ) اكبر بكتير من عذاب اللجى ( اللقى )

عمرو :- مش قادر افهمك يا عم الشيخ

الشيخ العراف :- ما تسبجش ( تسبقش ) الامور يا ولدى بس احب اجولك كلمة
اخيرة
ما تفرحش بالورد .. ده لكل وردة شوكها ذى ماليها ريحتها الطيبة.....
وقام الشيخ العراف بعد ما ساب عمرو فى حيرة واستغراب من الكلام اللى لسة
سامعه ...

فضل عمرو قاعد مكانه ما اتحركش وهو بيفكر فى كل كلمة قالهاله الشيخ العراف
...
لحد ما فوقه سامر من اللى هو فيه وهو بيقوله

سامر :- اوعى تفكر فى اى كلمة قالهالك الراجل ده

عمرو :- ليه مش انت اللى جبتنى هنا وكنت عاوزنى اقابله .. وبعدين ايه موضوع
العمل ده اللى الشيخ قال عليه انت قولتله ايه بالضبط

سامر :- ما قولتش حاجة ده شكله بيخرف

عمرو :- انا شايفك وانت بتوشوشه انت قولتله ايه ..!!؟؟

سامر :- بوص انا كل اللى قولتهوله ان انا خايف يكون حد عملك عمل بخصوص
الموضوع اللى انت بتفكر فيه ده
مش عارف انا فكرت كدا ازاى بس انا قولت اهو كلام وانت برده اوعى تصدق اى
كلمة قالها ...

عمرو :- طب ايه اللى عرفه بالموضوع ده

سامر :- ياعم اهو كلام بيقوله لاى حد هو الكلام بفلوس ما تركزش عشان ما
تهيسش وبعدين يا جدع ده انا شايف الفرحة فى عنيك اهو من مجرد شوية كلام
راجل كبر وخرف

عمرو :- هههههههههه والله انت مجنون

سامر :- والله انت اللى مجنون .. ومتعلق بحبال دابت وان شاء الله ها تقع
على جدور رقبتك

عمرو :- ههههههههههه .. وانت ايه اللى فهمك فى الحب يا بتاع الخواجات

سامر :- يبنى الحب انتهى وخلص من زماااان اوى
والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا
لحد امتى ...

هى وخلاص اتجوزت
....
فوق بقى يا قيس

عمرو :- افوووووق .... ده شكلى انا اللى ها فوقك

واتحول الليل من سهرة مع شيخ كبر وخرف ذى ما سامر ما بيقول
لهزار وضحك بين الاتنين ... ونسوا موضوعهم الاصلى ...

وهرب عمرو من تفكيره فى كلام العراف لهزاره مع سامر

وبكده تخلص الحلقة يا تريكاوية وسمعونى كومنتاتكم الحلوة

الراجل الشيخ ده لخبطنا ليه كدا
وايه الحيرة اللى سابه فيها دى واللى انت سبتنا فيها دى كمان ههههههههههههههههههههه
يلا خلينا اعدين بقى مستنين الحلقه الجاية هو احنا ورانا غيرها مثلا هههههههههههههههههههههه
بس والنبى بسرعه شوية ياريت احنا فطسنا على ما الحلقه دى نزلت ههههههههههههههههه

الحلقة الرابعة
--------------------------

عمرو
راكب عربيته وراجع على اسكندرية
بيسرح بخياله

فى العمر اللى عدى
(. بيشوف حبيبته .)
اللى ضاعت منه وبعدها ضاع منه عمره
وقد ايه كان انانى
فى انه يحرم كل اللى حوليه من الفرحة ...
وكانه بيعاقبهم هما على ال عمله الزمن فيه
....

(. بيشوف صحابه .)
اللى قضى معاهم اجمل ايام عمره
هو ده العمر اللى عاشه بدون حزن ودموع
هو ده العمر اللى كان مليان فرحة وسعادة

ياترى عشان كنا لسة مش حاسين بالمسئولية
بنضحك ونهزر وكاننا ضامنين بكرة
لحد ما صحينا على كابوس
الفرااااااااااااق

فراق حبيبته وفراق صحابه
فراق اهله واحبابه
كل واحد راح فى طريق ..

مستقبله
اللى هون عليه ان خلاص شايف قدامه اللمة راجعة من تانى
الخطيب راجع وحبيبتى اللى وعدنى بيها العراف خلاص ها الاقيها

بيوصل عمرو البيت وهناك كانت مستنياه
مقابلة حاااارة جدااااااا
من والدته ووالده واخواته
حس عمرو بدفى وحنيه العيلة اللى بقاله كتير ما حسش بيه ..!!

بتبص والدة عمرو فى عين عمرو بتشوف جواه حزن كبير
رغم الابتسامة المرسومة على شفايفه

والدة عمرو :- يابنى ربنا بقى مش ها يهديك وتريح قلبى وتحقق امنيتى فى انى
اشوفك اب ... واشيل ابنك بايدى

بيبصلها عمرو وبيمسك ايديها ويبوسها ويقولها قريب يا ماما ان شاء الله
بتبصله وهى مش مصدقة من فرحتها

والدة عمرو :- بجد يا عمرو يعنى انت نازل عشان كدا

عمرو :- ان شاء الله يا ماما .. قريب اوى بس انت ادعيلى

( بتبوس راسه..... وهى بتقوله )

روح ربنا يسعدك يابنى ذى ما فرحت قلبى
....
حس عمرو قد ايه بقراره فى انه يهرب من الواقع
انه بكدا ما ظلمش نفسه وبس
لالالالا
ده ظلم ناس كل اللى طالبينه انهم يشوفوا سعيد فى حياته
....
ببيخوش عمرو اوضته
يااااااااااا
لسة ذى ماهى بالضبط ..ما فيش ولا حاجة فيها اتغيرت
اول حاجة عينه بتقع عليها

دبدوب ياسمين
اللى ادتهوله يوم عيد ميلادهم
وهو ذى ماهو ع مكتبه
بيبصله وكانه شايف اللحظة قدامه
افتكر
لحظة ما لمس ايديها بكل حنية
لحظة ما بص ف عنيها وشاف جمالها
لحظة ما قالتله بحبك
فى اللحظة دى بس حس انه مالك الدنيا وما فيها

شاف سعادته اللى سجنها الزمن
فى سجن بعيد
من غير قضبان او حراس
بس مليان عذاب والم الفراق
شاف لحظة ما شاف دموعها فى عيونها
فى اليوم اللى بتتمناه اى عروسة وهى قاعدة جمب عريسها
بكل حزن بص للدبدوب وحدفه بعيد
وكلمه وكانه شخص قدامه
لو مش بايدى اعيش سعيد مع الانسانة اللى حبيتها
يبقى على الاقل اسعد اللى حوليا

ساااااااااااااااااااااااامحينى
سا محينى يا حبيبة عمرى وسبب عذابى فى الدنيا
.....
وبيتصل بحودة وبينزل يقابله
وهناااااااك كانت المفاجاه

حودة :- يعنى انت خلاص نويت يبنى تتجوز ولا ناوى تكسفنا

عمرو :- لا خلاص ان شاء الله بس انت عندك ليا عروسة ولا ادور انا
( بيقولها عمرو ... وهو زعلان )

حودة :- طب والنبى افردها شوية بزمتك ده منظر حد ها يجوز

عمرو :- مالكش دعوة ... عندك ولا لأ

حودة :- عندى فرس عربى اصيل انما ايه ... ساكاموزااااا

عمرو :- ههههههههه هو انت بتجوز حصان ... وبعدين ازاى افكر فيها وانت عينك
خرمتها كدااااااا
يعنى يا عم الغبى لازم يكون عندك زوق وانت بتتكلم على واحدة ممكن اتجوزها

حودة :- تصدق عندك حق ..

عمرو :- وبعدين انت مش اتجوزت واتلميت وربنا رزقك بابنك ( سيف )

حودة :- قصدك بيبرس ههههههههههه

عمرو :- ههههههههههه بيبرس ...!!!!! ميييين ؟؟!!!

حودة :- هو سيف بس اصله مغلبنى
كل يوم يبعتولى عامل مشاكل فى الحضانة
بيعاكس الميس بتاعته
هههههههههههههههههههههههههههههه

عمرو :- اومال طالع لابوووه
هههههههههه
والله انت اللى ها تبوظ الواد ده

حودة :- خليه يدردح من صغره عشان ما يتعبنيش ذيك كدا لما يكبر

عمرو :- الا صح ايه الموضوع اللى كنت عاوزنى فيه

حودة :- موضوع ...!!!!؟؟؟

عمرو :- اااااااه موضوع .. انت نسيت ولا ايه ؟؟

حودة :- لالالالا
بسسسسس .. خلاص بقى اعتبره انتهى

عمرو :- مش فاهم ما تفهمنى .. واتكلم دوغرى

حودة :- ياسمين

عمرو :-
( بكل دهشة )
مااااااااالها ..!! انت لسة بتشوفها
(( حودة عنده بوتيك ملابس .. وياسمين كانت بتروح تطمن على عمرو من خلال
حودة .. بحجة الهدوم ))

حودة :- عمرو ياسمين اطلقت
(( طاااااااااااااااااااااااااااااااااااااخ ))

عمرو :- ايييييه ... اطلقت
( بيقولها عمرو بكل استغراب وحزن وفرحة فى نفس الوقت )

حودة :- ااااااااه اطلقت من حوالى شهر

عمرو :- سرحاااااااااااااااااااااااااااااااااااااااان

حودة :- بصراحة انا ماكنتش عاوز اقولك وخصوصا بعد ما عرفت انك خلاص نويت
تكون اسرة وتحقق حلم والدتك اللى صبرت كتير اوى عليك وده حقها عليك بصراحة
يا عمرو

عمرو :- سرحااااااااااااااااااااان

حودة :- انا عارف انك حبيتها ولسة بتحبها واخترت انك تشتغل بعيد عن هنا
عشان تنساها ... بس واضح انك لسة ما نستهاش

عمرو :- مش قادر ...

حودة :- ما تخلنيش اندم انى قولتلك

عمرو :- ما انا كان لازم اعرف

حودة :- فوووق بقى يا جدع انت اصلا مش بتيجى فى بالها ولا بتفكر فيك

عمرو :- وانت ايه اللى خلاك تقول كدا ...!!

حودة :- ده الاكيد

عمرو :- لا انا متاكد انها بتفكر فيا

حودة :- ها تفكر فيك ازاى وانا قولتلها انك اتجوزت وسافرت

عمرو :- ( صددددددددددددددددمة )
اييه ..!!

حودة :- كان لازم اعمل كدا عشان اقطع اى صلة بينك وبينها

عمرو :- عشان كدا بقالها مدة ما سالتش عنى ... صح ..!!

حودة :- صح

عمرو :- انت ازاى تعمل كدا ... انت .. ازاى تعمل كدا

حودة :- عشان مصلحتك

عمرو :- مصلحتى ... ..... .... ....

حودة :- اه مصلحتك وانت عارف انى اكتر واحد يخاف على مصلحتك .. انت عارف
كدا كويس

عمرو :- انا عاوز رقم موبايلها وانت الوحيد اللى تقدر تجيبه

حودة :- وانا عمرى ما ها اعمل كدا ... مش عشان ما اقدرش ...
لالالالالالالالالالالالالالا
عشان ما تضيعش فى دوامة انت مش قدها

عمرو :-
لا ها تجيبه ..... عارف ليه ..!!؟؟
عشان ما فيش طريقة تانية تخلينى اسامحك على اللى انت عملته غير ديه ..

وساب عمرو حوووووووووودة وهو من جواه
شايف حلم بيتبنى من جديد

بس يا ترى ايه اللى ها يحصل
وياترى حودة ها يجيب الرقم ولا لأ ..؟؟!!
ولا عمرو ها يخسر صديق عمره عشان حبيبته
كل ده ها نعرفه فى

الحلقة الخامسة

شكراااااااااااااااااااااااااااااااااااااااااااااا يسلموا المجهود الرائع دة

جامدييييييين اوى الحلقتين
مستنية الباقى
ميرسي يا محمد

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة