يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

ميرسى ميرسى لمروركم الجميل يا عساسيل ويارب تتابعوا اللى جاى ومش تزهقوا منى ههههههههههههههههههه نورتوا التوبيك يا قمرات

حلوة قوي الحلقات دي يا مايكون بجد تحححفةةة
احسن خليه يتعزب كدة لحد ما يوصلها وبعدين في الاخر تقولو انا مرتبطة وهتجوز ابن عمي
هههههه لا بهزر بس
انا مش عارفة انا ازاي سايبة مزاكرتي وعمالة اقرا في المواضيع دي كلها يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 748383

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 748383

عموما احنا مترقبين الحلقة الجاية بس يا ريت بسرعة

امووووووووووووووووت انا فى الرومانسيه
بس على فكره المفاجأه دى هتبقى حاجه حلوه مش وحشه يعنى
مش هتروح تقول انه بيحبنى وبيجرى ورايا هتبقى حاجه كويسه على
حسب ظنى يعنى وتوقعى
بس بجد يا حبى انت برنس الليالى ورومانة الميزان وهاف ديفيندر قلبى كان فينك من زمان
ههههههههههههههههههههههههههههههه
بجد قصه جااااااااااااااااااامده كييييييييييييييييييييييييييييييييكـ
تسلم ايديكـ يامحمد

ميرسى بيكى يا فوءا بجد يشرفنى انك تتابعى الحلقات وتردى على التوبيك نورتى بجد واتمنى يكون التوبيك عجبك .

يا توقعاتك يا مااااارو هههههههههههههههههههههه بس برضو مش هقولك صح ولا غلط وهسيبك تتابع وتعرف بنفسك بس كل اللى اقدر اقوله انك نورت التوبيك يا حبى واتمنى تتابع باقى الحلقات .

بجد قصه مزهله وجميله جدا تسلم ايدك ومنتظرين وبعدين ما تخليناش على النار كده وكمل بسرعه مش عايزين فواص فى النص ههههههههههههههه بس بجد القصه فى منتهى الروعه والجمال تسلم ايد ك

ههههههههههههههه انا عنيا ليكى المهم تكون عجبتك القصة بس نورتى التوبيك يا جميل

هههههههههههههههه
انت بخييييييييييييييييييييييييييل ياابن بلدي
بجد بيحصلي شلل مخي ببقا نفسي اعرف اية اللي هايحصصصصصصصصصصل
بس حلقة النهاردة جميلة اوووووووووووي
بس شكل البت دي هتغلبة جداااا ربنا يستر والواد ما يمتش مننا
يلا في انتظار الحلقة التانية والنبي

مش عايزين اسلوب التشويق ده معانا يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 870595

لا
يلاااااااااااااااااااااااااااااااااااااااااا
عايزين الحلقة
التانــــــــــــــــــية
ههههههههههههههههه

بس و الله
بجد القصة روعــــة
تســــــــــــــــــــلم ايــــــــــــدك يا
مـــــايـــكون

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 332456

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 332456

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 223656

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 67317

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 344740

omnia elmasriea كتب:: هههههههههههههههه
انت بخييييييييييييييييييييييييييل ياابن بلدي
بجد بيحصلي شلل مخي ببقا نفسي اعرف اية اللي هايحصصصصصصصصصصل
بس حلقة النهاردة جميلة اوووووووووووي
بس شكل البت دي هتغلبة جداااا ربنا يستر والواد ما يمتش مننا
يلا في انتظار الحلقة التانية والنبي

سلامتك يا جميل من الشلل . هتعرفى هتغلبه ولا لأ فى الحلقات اللى جاية ارجو انك تتابعيها ونروتى بجد بردك الجميل ده يا قمرررر

sarah كتب:: مش عايزين اسلوب التشويق ده معانا
لا
يلاااااااااااااااااااااااااااااااااااااااااا
عايزين الحلقة
التانــــــــــــــــــية
ههههههههههههههههه

بس و الله
بجد القصة روعــــة
تســــــــــــــــــــلم ايــــــــــــدك يا
مـــــايـــكون

القصة من غير تشويق متنفعش يا باشا وبجد نورتى التوبيك يا نور وانا عنيا ليكم وادى الحلقة الجديدة اهى

:: الحلقة الرابعة ::

يالا جهزوا نفسكم يا تريكاوية لان الحلقة دى رومانسية جداااااااااااااااااااااااا هههههههههههههههههههههه

يلا نبدأ1 ..2 ...3 ... اكشن

اول ما عمرو سمع صوت منى بتنادى عليه قلبه وقع فى رجليه
دخل اول ما ياسمين شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
عمرو بينه وبين نفسه
( ياريتنى كنت مت قبل اللحظة دى ربنا يستر )

وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة ياسمين ويعيش موهبته

دخل عمرو
منى :- انت ليه يا عمرو عملت كدا ؟؟

عمرو :- عملت ايه !!

منى :- انت اتصلت امبارح بببيت ياسمين
( بص عمرو لمنى وراح باصص فى الارض )

منى :- قالتله يعنى اتصلت

عمرو :- اه

منى :- طب ليه ؟؟

عمرو :- عشان بحبها

منى :- وانت مش شايف ان ده مش وقته خالص يا عمرو اهتم الاول بمزاكرتك (
طبعااااااااااا ماهى ما تعرفش اللى فيها )

عمرو :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

عمرو :- يعنى انا عاوزك تخوشيلها دلوقتى وتقوليها ....
عمرو واقف بره وعاوز يكلمك ثوانى
( وبعد ما عمرو اقنع منى انها تبقى الوسيط دخلت منى وقالت لياسمين )

منى :- عمرو عاوز يكلمك ثوانى
( طبعا ياسمين استغربت تماما )

ياسمين :- لا طبعا مش ها اطلعله في إيه يا منى ... انا جاية هنا علشان
الدرس وبس

منى :- وطى صوتك بس

ياسمين :- منى خليه يلم الدور عشان ما يحصلش مشاكل لان لو بابا عرف مش
هيحصل كويس

منى :- اهدى بس كدا على العموم براحتك انت حرة

منى :- مش ها ينفع يا عمرو
عمرو :- هى بتعمل كدا ليه ؟؟ هو انا لعبة فى ايديها
( دخل حودة على كلام عمرو )

حودة :- فيه ايه

عمرو :- مافيش حاجة يلا بينا نمشى

منى :- طب والدرس يا عمرو استاذ محمد زمانه جى

عمرو :- ينحرق
( ومشى عمرو وعفاريت الدنيا بتتنطط فى وشه )
راح هو وحودة على كافيه كالمعتاد
وحودة يهدى فى الواد
وعمرو كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

عمرو :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى فكك منها وحيات امك يا عمرو

عمرو :- والنعمة ما انا سايبها غير لما اعرف اى السبب هو ايه انا جزمة ف
رجلها تقلعها وقت ما تقلعها ( يا واد يا جامد )

حودة :- يبنى هو ايه اللى حصل لكل ده

عمرو :- يا عم انت يعنى مش شايف بليل كانت تمام اوى وبتكلمنى بكل هدوء
وتقولى افكر

حودة :- ما يمكن فكرت

عمرو :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

عمرو :- ااااااوووووووووووف

وفضل عمرو وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق عمرو على كدا
وبليل
قبل ما يوصلوا لبيتها
شافوها هى وصحبتها مروة مروحين
عمرو اول ما شافها كان ها يجن

عمرو :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

حودة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حودة :- يا جدع وسع ايدك

الخطيب :- ياجدع اسكت

عمرو:- اهدى يالة

حودة :- ماشى يا باشا

( وصلت ياسمين صاحبتها وهى راجعة عشان تروح اخدت بالها من عمرو اول ما
شافته نزلت عينها فى الارض ومشت وهى موطية وشها لحد ما وصلت بيتها )

عمرو ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها

ياسمين :- الو

عمرو :- انت ليه عملتى كدا ؟؟

( سكتت )

عمرو :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك
من اول مرة و قولتك انى بحبك يا ياسمين يا ارق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )

عمرو :- حتى لو كنت رافضة كنت صارحينى مش ها ازعل
يمكن اكون ازعل انى خسرت اجمل عيون وارق صوت
لاكن كنت ها احترم رأيك
وهاتفضلى انت ياسمين هى هى اللى اخدتنى من كل الناس اللى حوليا بنظرة من
عينها
( سكوووووووت ) ( بصراحة الواد ثبتها تثبيتة نااااااااااار )

عمرو :- ساكتة ليه

ياسمين :- مش عارفة اقولك ايه

عمرو :- انت ليه عملتى كدا

ياسمين :- خايفة

عمرو :- من ايه ؟؟

ياسمين :- منك

عمرو :- منى انا طب ليه !!

ياسمين :- خايفة يكون اول حب ليا اكبر جرح ليا

عمرو :- طول ما انت معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان ما فيش اى حاجة فى
الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

ياسمين :- ماشى

عمرو :- ماشى اى ؟؟

ياسمين :- ما انت عارف كل حاجة ( بضحكة خفيفة )

عمرو :- انا عاوز اسمعها منك

ياسمين :- على فكرة ماما نايمة وخايفة تصحى وبابا زمانه جى

عمرو :- ما انا مش ها اقفل غير لما اسمعها منك

ياسمين :- عمرو انت بتحبنى بجد

عمرو :- يا لهوى كل ده ولسة بتسالى دلوقتى اعمل اى عشان تصدقى انى دايب فيك

ياسمين :- ولا حاجة

عمرو:- طب بقى اسمعها منك

ياسمين :- وانا كمان

عمرو :- انتى كمان ايه ؟؟

ياسمين :- يلا بقى عشان ماما ما تصحاش
تصبح على خير

عمرو :- وانت من اهله يا اجمل ملاك شفته فى الدنيا

وعمرو ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

واول ما طلع قدام السنترال سمع

( يا غزال يا غزال اى الاوام ده ارحمنى بقى وحن علينا )

والخطيب ميت على نفسه من الضحك

الخطيب :- اهو كدا من ساعة ما انت ما دخلت

عمرو شده من قفاه

عمرو :- حرام عليك يا جدع ضيعت اجمل لحظة فى حياتى انت اى حيوان ما بتحسش

حودة :- يا جدع سيب كدا بس ده البت كانت ها تيجى
انتى يا مزة استنى
انا جى اهو

الخطيب وعمرو :-
ههههههههههههههههههههههههه

كده الحلقة تبقى خلصت يا حلوين وسمعونى بقى رأيكم فيها واللى عاوز الحلقة الجديدة بسرعة يسمعنى رأيه ههههههههههههههههههههه يالا مستنيكم

روووعة و الله يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 223656

و لو عندك الحلقات كلها نزلها مرة واحدة عشان نرتاح من التشويق ده بقي
هههههههههههههه
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 2 332456

يالهووووووووووووووووووى اموت انا فالرومانسية اللى فالاخر دى هههههههههههههههههههههههه
جاااااااااااااامدة يامحمد بجد هيا فالاول كانت غم عليه بس فالاخر بقى بقت فلللللللللللللللللللللللللللللللللل وختامها مسك ههههههههههههههه
تسلمممممممممممممممممممممم ايدك يا واد يامحمد يارومانسى انت بس والنبى والنبى خلى الحلقة الجديدة تيجى بسرررررررررررررررعة اصل الحلقة دى كانت حلوة اوىىىىىىىىىىىىىى
يلا مستنيه الحلقة الجديدة على نااااااااااااار

sarah كتب:: روووعة و الله

انتى اروع

و لو عندك الحلقات كلها نزلها مرة واحدة عشان نرتاح من التشويق ده بقي
هههههههههههههه

اكيد عندى بس ده بعينك انى انزلها مرة واحدة هههههههههههههههه انتى بتهزرى ولا ايه اهم حاجة بس تكون الحلقات عجباكى غير كده اقرى وانتى ساكتة انا عارف شغلى ههههههههههههههههههههههههههههه

نورتى التوبيك يا جميل

ميرسي يا محمد علي القصه الجميله دي بس يا ريت تكمل لانك شوقتني عايزه اعرف بقية القصه

جميل بس كمل

تحفه بجد ربنا يخليك

لا الحلقه دى جااااامده موووووووووووت استمر بقى فى الدلع ده
ههههههههههههههههههههههههههه اوعى تقلب ماشى
عوزين الحلقه الجايه فى السريع بقى والبت تقولو بحبك هههههههههههههههههههههه
يلا سلام لغايه الحلقه الجايه

واااااااااااااو
رووووووووووووووعة بجد
ايه الجمال ده
تسلم ايدك
ويلا كمل بسرعة بقى مش بحب استنى كتير انا استنيت دقيقة اهو يلا بقى بسرررررررررررررعة ههههههههههههههههههههههِ

semsema memo كتب:: يالهووووووووووووووووووى اموت انا فالرومانسية اللى فالاخر دى هههههههههههههههههههههههه
جاااااااااااااامدة يامحمد بجد هيا فالاول كانت غم عليه بس فالاخر بقى بقت فلللللللللللللللللللللللللللللللللل وختامها مسك ههههههههههههههه
تسلمممممممممممممممممممممم ايدك يا واد يامحمد يارومانسى انت بس والنبى والنبى خلى الحلقة الجديدة تيجى بسرررررررررررررررعة اصل الحلقة دى كانت حلوة اوىىىىىىىىىىىىىى
يلا مستنيه الحلقة الجديدة على نااااااااااااار

ههههههههههههههههههههههه نورتى التوبيك يا عسل اوك يا جميل انا تحت امرك الحلقة هتنزل فى اسرع وقت

حبيبه كتب:: ميرسي يا محمد علي القصه الجميله دي بس يا ريت تكمل لانك شوقتني عايزه اعرف بقية القصه

العفو نورتى

حبيبه كتب:: جميل بس كمل

حاضر عنيا ليكى

حبيبه كتب:: تحفه بجد ربنا يخليك

ربنا يكرم اصلك وياريت تتابعى باقى الحلقات

هى حلوة بس البت دى ضعيفة اوى كان المفروض تهدى وتستنى صحيح الكلام الحلو بيشغل هههههههههههههههههههههههههههه
ثاااانكس محمد

واااااااااااااااااااااااااااااااااااااااااو
روعة موووووووووووووووووووووت يا محمد
بس أحلى حاجة إني قرأت اللي فاتوا كلهم على بعض من غير إعلانات هاهاهاهاها
بس بجد روعة وجامدة آخر حاجة
بس بصراحة معتقدش إن فيه ولد ممكن يكون زي عمرو في الزمن ده

جامده ياحبى طبعااااااااااااااااااااااا ميه ميه الحلقه دى
بس انا مستغربه هيا ازاى حبته كده فى يوم وليله هيا اوك
كانت المفروض تفكر وتعرفه اكتر واكتر مش على طول كده
بس بجد روووووووووووووووووووووعه الرووووعه تسلم ايديك
ياباشا ومنظرين الحلقه كده فى اسرع وقت يلا يلا يلا يلا يلا :D

ime كتب:: لا الحلقه دى جااااامده موووووووووووت استمر بقى فى الدلع ده
ههههههههههههههههههههههههههه اوعى تقلب ماشى
عوزين الحلقه الجايه فى السريع بقى والبت تقولو بحبك هههههههههههههههههههههه
يلا سلام لغايه الحلقه الجايه

بتحب الدلع انت هههههههههههههههههههههه احنا عنينا ليكى يا جميل ولو مفيش دلع ندلع احنا هههههههههههههه

لؤلؤة التريكاوية كتب:: واااااااااااااو
رووووووووووووووعة بجد
ايه الجمال ده
تسلم ايدك
ويلا كمل بسرعة بقى مش بحب استنى كتير انا استنيت دقيقة اهو يلا بقى بسرررررررررررررعة ههههههههههههههههههههههِ

اهم حاجة تكون عجبتك بس نورتى التوبيك يا باشا

دلوعة التريكاوية كتب:: هى حلوة بس البت دى ضعيفة اوى كان المفروض تهدى وتستنى صحيح الكلام الحلو بيشغل هههههههههههههههههههههههههههه
ثاااانكس محمد

يا عاااقل انت كويس انك مش صاحبتها كان زمانك لعبتى فى دماغ البت ههههههههههههههه

Lmlm Ham كتب:: واااااااااااااااااااااااااااااااااااااااااو
روعة موووووووووووووووووووووت يا محمد
بس أحلى حاجة إني قرأت اللي فاتوا كلهم على بعض من غير إعلانات هاهاهاهاها
بس بجد روعة وجامدة آخر حاجة
بس بصراحة معتقدش إن فيه ولد ممكن يكون زي عمرو في الزمن ده

كده برضو ده اسمه نصب جيتى مرة واحدةوقريتى كله ده فى ناس طلع عينها علشان تقراهم ههههههههههههههههههههههههههههههه بجد والله انا مبسوط من رأيك الجميل ده اخر حاجة وبجد بأكد ليكى ان فى ولاد زيه كتير ولسه فى ولاد عندهم اخلاص فى المشاعر بس انتى دورى كويس ههههههههههههههههههههههههه . نورتى التوبيك يا جميل وارجو منك متابعة باقى الحلقات

ThE MagIc كتب:: جامده ياحبى طبعااااااااااااااااااااااا ميه ميه الحلقه دى
بس انا مستغربه هيا ازاى حبته كده فى يوم وليله هيا اوك
كانت المفروض تفكر وتعرفه اكتر واكتر مش على طول كده
بس بجد روووووووووووووووووووووعه الرووووعه تسلم ايديك
ياباشا ومنظرين الحلقه كده فى اسرع وقت يلا يلا يلا يلا يلا :D

تسلم يا رونى يا جميل لردك بس خلاص بقى راحت عليا وانت فاهم قصدى ميرسى ليك يا كبير نورت التوبيك

ها مستعدين يا تريكاوية ورابطين حزام الامان علشان هننطلق مع الحلقة الجديدة يالا بينا يا حلوين

كنا انتهينا فى الجزء الرابع ان عمرو كلم ياسمين وكان فرحان جدااااااا
لانه حس انها مستلطفاه وانه طلع ضرب حودة هههههههه صعبان عليا الواد
يلا بقى

الحلقه الخامس

روح عمرو وكل اللى بيحلم بيه انه يروح ينام عشان يحلم باجمل عيون وارق
ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام عمرو وطول الليل بيحلم بحبيبته
وصحى عمرو من نومه على صوت تغريد العصافير وكأن الدنيا كلها فرحانه علشانه
حس عمرو ان ده احلى يوم نام فيه من مدة طويلة اوى
وفكر عمرو ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
عمرو :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمرو راح كليته
وفى اخر اليوم
اتصل بيها

عمرو :- الو

ياسمين :- الو

عمرو :- عاملة ايه ؟؟

ياسمين :- الحمد لله ....... وانت عامل ايه ؟

عمرو :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمرو :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه !!!!

عمرو :- قد عمرى ولو انه صغير اوى عليك ولو اتمنيت انه يطول فيطول عشانك
انت وبس وعشان احبك انت وبس

ياسمين :- يسلام انت بتجيب الكلام ده منين

عمرو :- ده بس عشان بممووووووت فيك

ياسمين :- طب انا عاوزة اسالك سؤال !! ( من اولها اسئلة )

عمرو :- ايه هو ؟؟

ياسمين :- مش انت قولتلى انك فى كلية

عمرو :- اه

ياسمين :- يعنى بتشوف بنات كتير واكيد فيهم الاحلى منى و.......
عمرو :- بس عرفت انت عاوزة تقولى اى
اشمعنا انت يعنى ؟؟

ياسمين :- اااااااااه

عمرو :- اولا هما مش احلى منك ولا حاجة انت اجمل واحدة انا شوفتها فى حياتى
كلها ولو لفيت الدنيا كلها مش ها الاقى الاجمل منك .... وثانيا الحب مش
بأيدينا ولا باختيارنا

( سكوووووت )

عمرو :- طب ممكن انا اسالك سؤال

ياسمين :- اتفضل

عمرو :- انت حبيتى قبل كدا

ياسمين :- لالالالالالالا ............ انا اساسا اول مرة اكلم حد

عمرو :- والله يا ياسمين وانا اول مرة احب فى حياتى وماكنتش اعرف انى ها
ابقى مدهول كدا فى الحب وانى اللى ها احبها ها تبقى احلى واحدة فى العالم
كله

ياسمين :- ههههههههههه مش اوى كدا يعنى يا بكاش

عمرو:- والله العظيم بتكلم بجد

عمرو :- بحبك

ياسمين :- وانا كمان

عمرو :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمرو :- هو انت عيد ميلادك امتى ؟؟

ياسمين :- اشمعنا

عمرو :- عادى بسأل

ياسمين :- 1/4

عمرو :- لا بجد والله

ياسمين :- والله بجد فيها ايه

عمرو :- والله العظيم انت 1/4

ياسمين :- اه انت مستغرب كدا ليه ؟؟

عمرو :- ههههههههه اصل انا كمان مواليد 1/4

ياسمين :- هههههههههه بجد

عمرو:- اه والله العظيم شوفتى بقى اللى احنا شبه بعض فى كل حاجة حتى اليوم
اللى اتولدنا فيه !!!
يعنى احنا مخلوقين لبعض من قبل ما نشوف بعض

عمرو :- على فكرة انا اتصلت الصبح وتقريبا مامتك هى اللى ردت عليا

ياسمين :- وايه اللى حصل ؟؟

عمرو :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمرو :- طب وانا كنت ها اقول ايه

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمرو :- يعنى انت قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من
وراها

عمرو :- طب ولو رفضت

ياسمين :- ها احاول معاها و على فكرة كلنا كدا حتى اخويا

عمرو :- اخوكى باسم

ياسمين :- انت تعرفه

عمرو :- ااااه يعنى صحاب نص نص ماهو معايا فى الكلية

ياسمين :- يالهوى

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة