يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

ايمان الاسلام كتب:: شكراااااااااااااااااااااااااااااااااااااااااااااا يسلموا المجهود الرائع دة

دلوعة التريكاوية كتب:: جامدييييييين اوى الحلقتين
مستنية الباقى
ميرسي يا محمد

نورتوا التوبيك والله العظيم

يا محمد بطل بقه النظام ده
أنا بتشل كل يوم لحد ماتيجي الحلقة اللي بعدها Laughing

بس تصدق حلقق النهاردة جامدة مووووووووووووت

حلقه جميله
يعنى هو فيه أمل شويه انهم يرجعوا تانى
وياريت عشان يفرحوا شويه بدل الحزن اللى فات ده

اشطة عليك ياجاااااااااااااااااااااااامد
حلقه جمييييييييييييله جدااااااااااااااااا يامحمد
اهو الامل رجع ليه تانى ويارب يرجعو لبعض تانى بعد العذاب دا كله
بس اهم مافى الموضوع ان الحلقه الخامسة تنزل ياريت بسررررررررعه الله يكرمك يابنى ههههههههههههههههههههه

الحلقة الخامسة
---------------------

كلنا شوفنا قد ايه كان عمرو قاسى اوى على صاحب عمره

بعد ما عرف الحقيقة .. الحقيقة اللى دمرت كل حلم كان بيحلمه

و سهر ليالى وسنين بيتمنى انه يتحقق

ودلوقتى وبعد ما اتحقق بقى محتار مش عارف يعمل ايه ..!!

عدت ساعات كتير على عمرو كانها سنين وهو بيفكر فى اللى بيحصل وهل ياترى دى
دوامة ذى ما صحبه ما قاله ولا ده تعويض عن جزء صغيرعن كل شئ حصل....

بعد يومين

عمرو قاعد فى البيت ولسة محتار بيفكر فى همه الكبير اللى بيزيد يوم عن يوم
وخصوصا بعد ما عرف من مامته انها عندها عروسة وانه لازم يقعد معاها ويكلمها
ما بقاش عارف يقول لمامته ايه بعد ما شاف الفرحة فى عنيها
ازاى ها يرجع من تانى ينكد عليها ..!!

اتصل بحودة عشان يقابله ويصالحه ويفضفض معاه لانه مش لاقى حد تانى يشكيله
همه

اتقابلوا

عمرو :- اكيد انت طبعاا عازرنى وفاهم انى ماكنتش اقصد اللى قولته ...
ماهو مش معقول فى الاجازة اللى يادوب بعرف اخدها من فين لفين نزعل من بعض
وانت عارف ان دلوقتى انا ماليش غيرك ..

وان كنت قولت كلام زعلك فده كان من عشمى فيك وعارف انك لايمكن ها تشيل منى
ابداا صح .؟؟

حودة :- ااااااه يا عمرو لايمكن ها ازعل منك .. بس انا عاوز اقولك على حاجة
انا ان كنت قولت لياسمين كلام زعلك فده والله كان فى مصلحتك فى البداية ..

وخصوصا يا عمرو بعد ما عرفت انك خلاص نويت ترتبط ...
يا جدع انت يعنى كدا فرحان وانت شايف ان كل اللى فى سنك عندهم عيل و اتنين
وانت كدا عمال تضيع عمرك سنة ورا سنة وعلى ايه ... على كلام هايف ..
على وهم انت الوحيد اللى مصدقه
فووووق يا عمرو ما بقاش فى وقت تضيعه تانى طب بزمتك انت مش عاوز يبقى ليك
ابن كدا يطلع عينك ذى بيبرس

عمرو :- ههههههههه عارف يا حودة والله وفاهم كل اللى انت بتقوله بس انت مش
حاسس باللى جوايا مش من السهل انك ترجع تحب اى حد بعد ما بتنجرح

وخصوصا لو كان جرحك مش من حبيتك اللى حبيتها لا انت ولا هى ليكم ذنب فى اى
حاجة

حودة :- انسى بقى يا عم خلاص ... شيلها من بالك ومن تفكيرك وبعدين انت مش
ها تنساها غير لما تلاقى واحدة تانية تشغل بالك ..واحدة كدا تنسيك كل همومك
..
وتنسيك امك وابوك كمان لو تحب

عمرو :- هههههههههههههه مش ماما جايبالى عروسة

حودة :-ههههههههه لا بجد طب وايه موزة ولا ضاربها القطر هااا !!

عمرو :- لا لسة ما شوفتهاش

حودة :- طب وايه ها تتجوز كدا عميانى ..مش لازم تعيان الاول ههههههههه ...

(انتو عارفينه دلوقتى اكتر منى ....ساااااااافل ) ههههههههههههههه

عمرو :- طب اسكت بقى عشان انا كدا هاا اقوم اضربك

حودة :- واهون عليك .
اموووووووه

عمرو :- ههههههههههه
انت عارف يا حودة والله انا دلوقتى ما بقيت بضحك غير وانا وياك

حودة :- طب وتعمل ايه بقى لو نفذتلك اللى انت عاوزه

عمرو :- وهو ايه بقى اللى انا عاوزه يا فالح

حودة :- انا جبت رقم ياسمين ...
بس بشرط

عمرو :- ايه ده جبته من مين وامتى ..؟؟

حودة :- مالكش دعوة المهم انك توعدنى انك تكلمها مرة واحدة وتنساها خالص
وان كلمتها يبقى كلامك عادى مجرد انك بتطمن عليها وبس

عمرو :- هههههههه طب وايه رايك بقى لو ما كلمتهاش خالص وادى الرقم

(( ومسك عمرو الورقة اللى مكتوب فيها الرقم وقطعها نصييين ))

عمرو :- خلاص مش عاوز اكملها بس لما تشوفها ياريت قولها انى بسلم عليها
وخليها فاكرة ذى ماهى انى متجوز

حودة :- والله يا عم انت مجنون ....
والنعمة مجنون من يومين كنت ها تموت عشان الرقم ودلوقتى بتقطعه انت عايز
ايه بالضبط

عمرو :- تصدق لو قولتلك انى عاوز سعادتها هى ومش مشكلة انا ..
لاننا لو قربنا من بعض ها يحصل مشاكل كتير مالهاش عد وانا مش عاوز اسببلها
اى احراج او مشاكل

حودة :- طب اقولك انا على حاجة ...انت المفروض يحطوك فى متحف لان اللى ذيك
انقرضوا خلاص

عمرو :- هههههههههههههههههههههههههه
خلاص بقى انسى الموضوع ده المهم انا مش عارف اعمل اى فى العروسة اللى
جايبهالى امى دى

حودة :- بقى مش مكسوف شحط ذيك وبتقولى عروسة جيبهالى امى طب ده انا الفرس
اللى قولتلك عليه ده ....
صاروخ مفخخ

عمرو :- ههههههههههه والله انت الحريم لحست مخك المهم انى ها ابقى اخدك
معايا وانا رايح ... هاااااا ما تنساش

حودة :- يسلام ده انت تأمر ......

بيروح عمرو وخلاص من جواه اقتناع تام انه لازم ينسى
ياسمين وينسى اى زكرى لسة عايشة فى قلبه من ناحيتها
بينام عمرو
وبيحلم نفس الحلم اللى حلمه قبل كدا وياسمين بتغرق منه وهو مش قادر ينقذها
صحى عمرو فى نص الليل لبس هدومه ومن غير ما يقول لاى حد ركب عربيته
ونزل
للشيخ العراف
...
وهناااااااااك

الشيخ العارف :- يا ولدى ما انا جولتلك ( قلتلك ) علي يريح بالك.. وانت
جاصد ( قاصد ) تتعب حالك

عمرو :- طب اعمل ايه قولى يا شيخ انا بتعذب لا انا عارف اقرب منها ولا قادر
اعيش واانا بعيد عنها ..

الشيخ العراف :- جرب ( قرب ) يا ولدى ..ربنا اداك اكتر من علامة ... جرب يا
ولدى

(( وكان عمرو من جواه فرحة ممكن تملى العالم كله وكانه اخد الاذن وانه خلاص
مسموحله بانه يكلمها .. ))
وهو راجع بيلاقى اتصال من حودة

حودة :- ايوة يبنى انت فين ..؟؟

عمرو :- انا جاى اهو كنت بس بعمل حاجة فى شرم

حودة :- ايه ده انت سافرت شرم امتى وازاى

عمرو :- لا ده موضوع كدا فى الشغل وخلصته فى السريع

(ملحوظة :- عمرو لحد دلوقتى ما صارحش حودة بموضوع العراف لانه كان عارف ان
اى حد ها يسمع الموضوع ده ها يتريق عليه )

وبلييييل

..
وصلت العروسة او الموميا ذى ماحودة اطلق عليها

حودة :- يا شيخ حرام عليك ده انت كدا ها تموت نفسك وانت حى دى عروسة دى ...
ده فيها شبه منى ههههههههههههه انت كنت اجوزت واحد صحبك احسنلك ياراجل

عمرو :- بس بقى كفاياك تريقة على عروستى

حودة :- عروستك ... تصدق انت لو عملت كدا لا ها احضر فرحك ولا اعبرك وانسى
انى عرفتك من اصله ..

عمرو :- طب بوص بقى عشان ما تقولش عليا مجنون ولا كلامك الغريب ده ... انا
عاوز رقم ياسمين

حودة :-
يالهوى ياما ...
انت ياض عاوز تجننى ... يعنى فى الاول اتعاركت معايا عشان اجبهولك وبعدين
قطعته تانى
ومشحطتنى وراك عشان عروسة استعمال طبيب .. وبعدين تيجى تقولى عاوز رقمها
تانى ...
ما تريحنى وتقولى انت عاوز ايه من الاخر

عمرو :- عارف انك استحملتنى بس انا خلاص قررت انى ها اتصل بيها وبياخد عمرو
رقم ياسمين من الاول وجديد

وبيتصل بياسمين وبتحصل مكالمة غريييييييييييييبة جداااااااااااااوغير
متوقعه تماما
________________________________
ودة اللى هنعرفه فى الحلقة السادسة

حلقه كويسة
اهو الامور بدأت تتصلح
وانا حاسه ان المكالمه دى هتفرحهم ويرجعوا تانى

ميرسيييييييييي يا محمد
وان شاء الله المكالمة تكون حلوة ومايحصلش مشاكل

الحلقة السادسة
--------------------

افكركم بسرعة بالخامسة

كنا شوفنا ان عمرو خلاص اتصالح هو وحودة

وجاب الرقم من تانى بعد ما اقطعه وقرر خلاص انه يتصل وما حدش ها يمنعه
ابدااا ..... من قراره ده

عمرو فضل طول الليل سهران مش عارف يتصل يقول ايه

طب ياترى اول ما ها اسمع صوتها ها اعمل ايه .. !!!

طب يسلم عليها ويسيبها هى تفهم .. اللى جواه

ولا يصارحها كدا من اول مرة ..

وهى ايه هايكون رد فعلها على كلامه .. !!!

طب اقولها انا متجوز فعلااا ولا لا

مش عارف ..

وكان حاسس ان ده اصعب قرار فى حياته كلها ممكن ياخده

افتكر عمرو من 13 سنة نفس اللحظة

اول ما شافها وكان عاوز يكلمها

بس الفرق انه ساعتها كان مفكره مجرد اعجاب بواحدة ذى القمر

ممكن تكون اجمل واحدة شافتها عنيه

الاعجاب اللى اتحول لحب من اول لحظة سمع فيها صوتها

من اول لحظة شاف فيها عنيها

من اول لحظة لمس فيها ايديها

الحب اللى فضل يكبر يوم عن يوم

الحب اللى كان عامل من جواه ذى الشجرة

اللى كل يوم بتكبر ويطلع ليها جذع يثبتها فى قلبه اكتر

...

قرر عمرو خلاص انه ها يتصل

وها يكلم عادى جدااا وكانه بيطمن عليها بعد اللى عرفه

عن طلاقها ...........

وانه مش هاجيب سيرة اى حاجة وان ديه تبقى بداية كلام يرجع ما بينهم تانى

وفعلااا اخيرا عمرو قدر ينام

واول ما صحى من النوم اخد موبايله

وبيكتب رقم موبايل ياسمين

واللى مش مصدق انه ممكن يسمع صوتها

ومع كل رقم بيكتبه بتزيد دقات قلبه

لحد ما سمع صوت جرس

..

مش قادر عمرو يستحمل

بيعد كل جرس بيرن

بيتنفس وكانه اخر نفس ليه فى الدنيا

مش مصدق انه علم

لالالالالا

اكيد ده حلم

بس مش ها يطول

لانه

فجأأأأأأأأأأأأأأأأة

صوت بيقوله الو بس اكيد مش صوتها

لانه صوت بنوتة صغيرة

بيعرف عمرو ان دى اكيد بنتها

( .... حبيبه .... )

حبيبه :- الووو

عمرو :- الووو

حبيبه :- ايوة مين معايا

عمرو :- انتى حبيبه

حبيبه :- اه انا حبيبه مين حضرتك

عمرو :- عاملة ايه يا حبيبه

حبيبه :- الحمد لله يا عمو مين حضرتك

عمرو :- عموو ..هههههه

( بيضحكلها عمرو بكل هدوء ومن جواه الف دمعة والف اااه

على سنين عمره اللى ضاعت )

وعلى كلمة عمو اللى المفروض تكون بابا

عمرو :-

(( فى باله ))

( مش كان زمانها دى بنتى انا ...)

حبيبه :- الللو

عمرو :- ايوة معاكى ... ماما موجودة

حبيبه :- اه موجودة ... اقولها مين ..!!

( فى اللحظة دى اتردد عمرو انه يقولها اسمه وعاتب نفسه على الاتصال )

( طب اعمل ايه اقولها اسمى ولا لا )

وفجأأأأأأأأأأأأأأأأه

بيسمع صوت ياااااااااسمين جى من بعيد

ياسمين :- مين يا حبيبه

حبيبه :- مش عارفة يا ماما

ياسمين :- طب هاتى الموبايل وخوشى ذاكرى

ياسمين :- الووو .. مين معايا

(( يا خراااابى ))

مش قادر عمرو انه ينطق بكلمة واحدة

ولولا انه قاعد كان زمانه وقع من طوله

ياسمين :- اللوووو

عمرو :- الووووو

ياسمين :- بتقولها وبكل تردد

مين معايا ...!!!!

عمرو :- واحد

ياسمين :-

( ومن جواها عارفة الصوت بس مش مصدقة ... نفسها )

مين حضرتك ..!!!

عمرو :- قولت واحد تعرفيه ومش تعرفيه

ياسمين :-

( جواهااا طايرة من الفرحة وخايفة الا ما يطلعش اللى فى بالها )

ياسمين :- حضرتك ها تقول مين ولا اقفل ..

عمرو :- تقفلى ...ازاى تقفلى

طيب ده انا استنيت 13 سنة عشان اعيش اللحظة دى

13 سنة عديتهم من عمرى بالشهر واليوم والساعة

ياسمين :- ...مييييييييين ...!!!!!

( بتقولها وعمرو بدء يسمع صوت دقات قلبها )

عمرو :- واحد حبك وكتب عليه الزمن يتعذب فى حبك ..

واحد حبك ولا همه الايام اللى بعدت ما بينكووو

وكان عايش على ذكرى جميلة ..

بيحلم وكان كل حلمه انه يرجع يوم واحد معاكى تانى وان شاء الله يموت بعدها
ما يهمهوش عمره

اللى ما يتحسبش طالما بعيد عنها

ياسمين :- سكوووووت

عمرو :- انا اتصلت وماكنش فى بالى اى كلمة من اللى قولتها

وما كنتش اتمنى انى اقول الكلام ده .. بس مش عارف انا قولته ليه

يمكن عشان ده الحلم اللى حلمت كل يوم بيه .. وكنت كل يوم افوق من حلمى على
عذاب يوم جديد ..

ها تصدقينى لو قولتلك

انى شايفك قدامى ... بتبتسمى ليا بوش ملاك

وما يهمنيش ردك على كلامى قد ما يهمنى انى سمعت صوتك

صوتك اللى نسانى عمرى اللى ضاع وانا مسجون فى حبك

ياااسمين :- سكووووت

( ولولا انه سامع دقات قلبها اللى صوتها مش اقل من دقات قلبه

كان قال انها قفلت )

عمرو :- عارف ان كلامى غريب عليكى ..بس مهما كان غريب اتمنى انى اسمع منك
اى حاجة

ياسمين :- استغرب كلامك ازاى وانت قولت كل كلمة خبيتها جوايا سنين وخوفت
الا تبان فى عنيا

بس ...الغريب انك تقوله دلوقتى

عمرو :-

( بدء عمرو قلبه يطمن ويستريح بعد ما سمع منها الكلام ده )

انا عرفت انك اطلقتى يا ياسمين

ياسمين :- وانت ...اتجوزت

عمرو :- ذى ما قولتلك من 13 سنة لو تفتكريها ...

ما اقدرش اظلم واحدة واتجوزها وانا عارف انها مش ها تكون سعيدة معايا لان
قلبى ملك واحدة تانية

ياسمين :- بس حووودة قاااالى ....

عمرو :- عارف هو قالك ايه بس انا ما اتجوزتش ولا عمرى كنت ها اتجوز غيرك

ياسمين :- عمرو اللى انت بتقوله ده صعب انه يتحقق وانا وانت عارفين ده كويس
..اوى

احنا حاولنا .. قبل كدا وكانت ايه النتيجة ..؟؟!!

ياسمين : بس دلوقتى غير الاول ..

ياسمين :- لو بايدى يا عمرو اكون جمبك طول العمر

عمرو :- مش كفاية اللى ضاع .. ها نستنى ايه تانى ..!!

ما تخلنيش اندم على عمرى اللى ضاع وانا مستنى اللحظة دى

ياسمين :- انا اسفة يا عمرو

بس والله مش بايدى ... سامحنى

عمرو :- اساامحك ..... ههههه

سلام يا ياسمين

وقفل عمرو المكالمة ..وف عينه الف دمعة ودمعة

وما استناش يسمع منها اى كلمة تانى تجرحه اكتر ..

.....

ايه اللى ها يحصل ... ها نشوف ..

فى الحلقة السابعة

بس ياترى عمرو ها يتصل تانى ...؟؟

ولا ها ينسى ويكمل عمره اللى باقى من غير حب ..؟؟!!

وياسمين ها تسكت على كدا ولا ها تعمل ايه ..؟؟!!

كل ده ها نعرفه فى الحلقة السابعة..........وياريت ما تزعلوش ع التأخير

عمرو :- اساامحك ..... ههههه

سلام يا ياسمين

اييييييييييييييييه العبط ده المفروض يتافهموا كده الواد ده اصلا هيشلنى برومانسيته الزياده دى ههههههههههههههههه

ماشى مستنية الباقى يا محمد بس بجد ما تتاخرش بقى اما نشوف اخرتهم ايه دول هههههههههههه
ميرسي يا محمد

الحتة بتاعت رنة الموبايل دي شدتني وكأني أنا اللي هتكلم معاها والله
مستنييييييييييييييييييييييييييييييين بس بسرعة يا محمد لوسمحت

دلوعة التريكاوية كتب:: عمرو :- اساامحك ..... ههههه

سلام يا ياسمين

اييييييييييييييييه العبط ده المفروض يتافهموا كده الواد ده اصلا هيشلنى برومانسيته الزياده دى ههههههههههههههههه

ماشى مستنية الباقى يا محمد بس بجد ما تتاخرش بقى اما نشوف اخرتهم ايه دول هههههههههههه
ميرسي يا محمد

معلش بقى لسه شباب هههههههههههههه

نورتى يا اميرة

الحلقة السابعة

من

يوميات عمرو وياسمين 2

كنا شوفنا صدمة عمرو فى حبيبه قلبى

اللى بعد العمر ده كله جايه تقوله

اســـــــــــــــفه

اسفة على ايه ولا ايه ولا ايه .!!!

سؤال عمرو مش لقيله اجابة

قعد عمرو بعد المكالمة حزين

مش عارف يعاتب نفسه ولا يواسيها

حزين مش على عمره ولا شبابه ولا حبيبته اللى حطمت حلمه

لالالالالا

حزين على الفرحة اللى اتمناها وحلم بيها وشافها وهى بتتحقق وف ثانية اتحرم
منها تانى

وفجأأأأأه

رقم ياسمين بيظهر على الشاشة بس المرة دى هى اللى بتتصل

فكر عمرو انه ما يردش

بس يعمل ايه بقى فى قلبه

..

ياسمين :- عارفة انك مضايق من اللى قولته

بس انا قلبى ما طاوعنيش انك تزعل منى بعد كل اللى عملته عشانى

واللى عاوزة اكدهولك

انى لا حبيت ولا بحب ولا هحب

انسان ذى ما حبيتك يا عمرو

واللى كان مصبرنى على عمرى اللى ضاع مع انسان غيرك

انى كنت مستنية اللحظة دى

عمرو :- ياسمين انت جاية دلوقتى تعذبينى بكلامك

مش كفاية العذاب اللى شوفته وانا عارف انك مع واحد تانى

واحد حقه عليكى انك تبقى ليه ولا تفكرى غير فيه .....

ياسمين :- بس .. مش عاوزاك تكمل .. تصدقنى لو قولتلك

انى كنت معاه كزوجة بس

وربنا اللى عالم عقلى وبالى وقلبى كان مع مين

عمرو :- خلاص يبقى من حقك انك تبقى ليا

ياسمين :- مين قال انه بايدينا ...!!!!!!

عمرو :- طب لامتى ها نبقى سلبين ... لحد ما نلاقى عمرنا بيتسرب من ايدينا
يوم ورا يوم ...

ياسمين :- لو مكتوبلنا نبقى لبعض ها نبقى لبعض يا عمرو

عمرو :- بس انا مش ها اقدر ابعد عنك تانى

ياسمين :- ما تحسسنيش بالذنب يا عمرو ... كفاية اللى عيشته طول السنين اللى
فاتت

عمرو :- ماشى يا ياسمين ها نصبر بس لامتى ..!!

ياسمين :- لحد ما ربنا ما يريد ...

عمرو :- بس ربنا ما يرضاش بالظلم

ياسمين :- احنا اتظلمنا كتير واكيد فرج ربنا قرب

انا حاااااسة

.....

عمرو :- ها استنى يا ياسمين

بس ممكن نكلم بعض لحد ما ربنا يحققلنا اللى بنحلم بيه

ياسمين :- طبعاااا .. ده غظبن عنك

عمرو :- ههههههه

.........

وانتهت المكالمة بعد ما رجعت ياسمين الفرحة لقلب عمرو من تانى

اتصل عمرو بحودة عشان يحكيله ع اللى حصل

وحودة كمان كان عنده مفأجاه ليه ....

وهى ان صاحب عمرهم خلاص راجع كمان يومين

وكأن الفرحة بتهل مرة واحدة

وعدوا اليومين وجيه الميعاد اللى ها يتجمعوااا فيه الصحاب ولاول مرة بعد 13
سنه

حود عمرو ع حودة عشان ياخده بعربيته ويروحوااا المطار فى استقبال الخطيب

....

وفجأأأأأأة

لمح عمرو القمر

مش القمر اللى بيسهر معاه كل يوم يشكيله همومه

لا لا لا

قمره هو لوحده

ياسمين

بيشوفها بيتسمر عمرو فى الارض

وبيلاقى ياسمين هى كمان مش قادرة تتحرك

الدنيا بتلف بيهم مش شايفين غير بعض

ياااااااا

عمرو :- شوفتى الصدف الحلوة

ياسمين :- ههههههه ازيك يا استاذ عمرو

عمرو :- استاااااذ ...ههههههههه

ياسمين :- بتشاور على بنوتة صغيرة وهى بتضحك

دى بنتى حبيبه

عمرو :- اااااااه استاذ عمرو ...ازيك يا حبيبة عاملة ايه ..!!

حبيبة :- الحمد لله

بتقولها وهى بتغمز ايد مامتها وبتقولها مين ده ..!!

وبيدخل حودة فى اللحظة دى

حودة :- ازيك يا مدام ياسمين ......؟؟!!

ياسمين :- الحمد لله .... ازى حضرتك عامل ايه ...!!

بيبوص حودة لعمرو بيلاقي فرحة عمره ما شفها مرسومة على وشه قبل اللحظة دى

عمرو :- ههههه .... ازيك يا حودة ... انت وراك مشوار ولا ايه ؟!

حودة :- ايوة يا عم ... انت نسيت صحبك اللى مسافر ولا ايه ..؟؟!!

عمرو :- طب ايه ما تاخد تدور العربية

حودة :- ادور العربية ...... وماله يا عم

قال ادور العربية قال ... عليا اناااااااااا

ياسمين :- ههههههههه...طب استاذن انا عشان تشوفواا مشواركووو

عمرو :- تستاذنى ايه بس ... ده حودة بيهزر

ده انا ما صدقت

ياسمين :- البنت يا عمرو خد بالك

عمرو :- ااااااااااه اسف ... بس معلش بقى بصراحة مش مصدق نفسى

ياسمين :- بصراحة ولا انا

(( طبعااا حبيبة كانت مش واخدة بالها خالص ومركزة مع حودة اللى شغال مزاولة
فى خلق ربنا ))

عمرو :- تعرفى انى كنت حاسس انى ها اشوفك

ياسمين :- طب بس بقى عشان انا كدا ها ادهول على الاخر

عمرو :- هههههههه اه ماهو باين على وشك اهووووو

حودة :- يا كابتن ... عندنا مطار هااا ما تنساش

عمرو ... ياسمين

هههههههههههههههه

عمرو :- ما بيسترش فى اى مكان دايما فضحنا

ياسمين :- هههههههههه ..لا بجد ربنا ما يحرمكوو من بعض

عمرو :- ولا يحرمنى منك تانى يا ياسمين

حودة :- ممكن بقى اقطع اللحظة الرومانتيكية دى واخد الواد ده منك عشان ها
نتاخر

عمرو :- ربنا يخدك يا شيخ ويريحنى منك

ياسمين :- هههههههههههههههههه.

طب انا بقى ها امشى عشان برده انا اتاخرت

وبتدير ياسمين وبتنادى على حبيبة بنتها

وفجأأأأأأأأأأأأأأأأأأأأأأه

عربية بوووووووووووووم

و

و

و

و

و

و

نكمل الحلقة الجاية

ياعينى اكيد البنوتة حصلها حاجة ماهى الهانم مش فاضية لبنتها ههههههههههههه
ميرسي يا محمد مستنية الباقى ما تتاخرش بقى

Lmlm Ham كتب:: الحتة بتاعت رنة الموبايل دي شدتني وكأني أنا اللي هتكلم معاها والله
مستنييييييييييييييييييييييييييييييين بس بسرعة يا محمد لوسمحت

مفيش اسرع من كده قعدت اسبوع بس هههههههههههههههههههههههه

دلوعة التريكاوية كتب:: ياعينى اكيد البنوتة حصلها حاجة ماهى الهانم مش فاضية لبنتها ههههههههههههه
ميرسي يا محمد مستنية الباقى ما تتاخرش بقى

العفو يا اميرة وعلشان خاطرك هنزل الحلقة الجديدة حاااااااااااالا

الحلقة الثامنة

شوفنا ف الحلقة السابعة ازاى الصدفة جمعت ما بينهم

واتقابلو من غير اى ميعااااااااد

وازاى هما الاتنين كل واحد كان مشتاق اوى للصدفة دى

بس الغريب ... ان الفرحة دايما مش بتكمل للنهاية

......

ياسمين بتنادى على بنتها حبيبة

وهى مش قادرة ترفع عنيها من على حبيبها

وكأن قلبها حاسس

وفجااااااااااااااااااااااااه
...

بتيجى عربية وتخبط ياااااااسمين ..... قدام عيون عمرو

بيشوفها عمرو وهى بتترمى على الارض والناس كلها بتتلم

بيجرى عليها ذى المجنون

بيمسك راسها .. ويرفعها من الارض

وهو بقى شايف وشها كله دم

وهو بيصرخ .....
وياسمين بقت فى عالم تانى ومش حاسة بأى حاجة

بلاش تضيعى منى ....خليكى معايا هنا .....انا ما صدقت لقيتك

بيحاول حودة انه يرفعوا من الارض مش قادر

بتقرب بنتها وهى عيونها كلها دموع وهى مش عارفة ازاى كل ده حصل فى لحظة

بيشيل عمرو ياسمين بين دراعه

وبيجرى حودة يفتح العربية

وبيدخلها عمرو

وبيجروووااااا على المستشفى

ماسك عمرو راسهاااا وهو بيعيط ذى الاطفال طول الطريق

و فى المستشفى

عمرو وحودة وحبيبه

مستنين اى حد يطمنهم

ياسمين جوه فى اوضة العمليات

و عمرو واقف مش مصدق اللى حصل

وهو عمال يعيط

وحودة ماهوش عارف يواسى عمرو ولا حبيبه

بنتها مش قادرة تعمل حاجة

بيديها حودة الموبايل وبيقولها اتصلى بحد عشان يعرفواااا

وعمرو رايح جى ومش قادر يتلم على اعصابه

ومش قادر يدارى دموعه

حودة :- اهدى يا عمرو مش كدا

عمرو :- اهدى ايه بس ... ازاى كل ده حصل .. ده انا كنت لسة بكلمها وفى لحظة
.. جت العربية وووو

( ومش بيقدر عمرو يكمل ..... )

بيصرخ وينزل يقعد فى الارض

وهو بيقول انا السبب انا السبب

يا ريتنى كنت انا يا ياسمين

حودة :- فيه يا عمرو

اهدى يا عمرو .. اهل ياسمين زمنهم جيين وما ينفعش يشوفوك كدا ...

عمرو :- ما يهمنيش حد .. المهم عندى ياسمين تبقى بخير

حودة :- ما تخافش ان شاء الله سليمة .. بس الخطيب اللى زمانه فى المطار
دلوقتى مستنينا

عمرو :- مش عارف .. روحله انت واحكيله ع اللى حصل وهو اكيد ها يعزر

حودة :- واسيبك انت فى الحالة دى ... استحالة

.....

بيقدر يقنع عمرو حودة انه لازم يروح للخطيب

وبيفضل هو وحبيبه

واللى دار ما بينهم حوار اثناء عملية ياسمين

قدر يتقرب منها اكتر بكتير

وحست انه فعلااا خايف على مامتها ويمكن اكتر منها

شاف عمرو الدكتور خارج من اوضة العمليات

وياسمين بينقلوها بس مش عارف على فين

بيجرى عمرو ع الدكتور

الدكتور :- اطمن حصل خير الحمد لله .. بس هى دلوقتى محتاجة نقل دم

عمرو :- وبدون اى تفكير

انا اهو يا دكتور

بتبص حبيبه لعمرو وهى مستغربة

الراجل ده بيعمل كل ده ليه ..!!!!

الدكتور :- طب اتفضل معايا عشان نشوف فصيلة الدم

بيبوس عمرو حبيبه وبيقولها الحمد لله .. وبيحضنها ودموعه مليا عنيه

بيغيب عمرو جوووووه

وبيجى اهل ياسمين

( باباااها وماماااتهااا )

الدكتور :- الحمد لله اطمنووو هى دلوقتى فى العناية المركزة

هو الجرح كان صغير بس نزفت كتير .. والحمد لله ان استاذ عمرو قدر ينقلها فى
الوقت المناسب

باباها :- عمرو مين ...!!!!!!!!!

وجوووووه فى العناية المركزة

كان عمرو نايم على سرير جمب سرير ياسمين

وما بينهم محاليل فى ايد عمرو عشان يعوضوا الدم اللى اتاخد منه

بيبص عمرو على ياسمين وهى نايمة

بيمسك شعرها بايد وبالايد التانية بيمسح دمع عنيه

وبيقولها ...

كنت عاوزة تروحى منى تانى يا ياسمين

عاوزة تاخدى روحى تانى بعد ما رجعتلى

ولاول مرة مش قادر عمرو يحوش دموعه

وراح قايم براحة وباس عينيها وراسها

ياسمين فتحت عنيها ولسة دايخة وبتقوووول

ااااااااااااااااااااااااااااه

عمرو :- سلمتك من كل اه يا قلبى وعيونى وروحى

ان شاء الله كنت انا وانت عمرك ما تنطقى كلمة الاه

ياسمين :- انا فين ..؟!!

عمرو :- انت جمبى .. يا اغلى حاجة ف دنيتى ..

....

كل ده وهما فى الاوضة لوحدهم

بيخوش الدكتور ... وبيفك المحاليل من ايد عمرو

وبيقولوا خلاص انت كدا ممكن تتفضل

بس عمرو بيرفض وبيفضل جمبهاااا

بيطمن الدكتور على ياسمين وبيطمن عمرو وبيخرج تانى

ياسمين :- عمرو ما تسبنيش تانى يا عمرو

عمرو :- انا عمرى ما سبتك وخلاص ها افضل جمبك العمر كله

ياسمين :- انا مستعدة افضل هنا على طول عشان تبقى جمبى

عمرو :- بعد الشر عليكى .. ها تخرجى وها تفضلى جمبى وها نقف قدام اى حد ...

ياسمين :- بحبك يا عمرو

وفى اللحظة دى بيمسك عمرو ايد ياسمين .. وبيبوسها

وفجأأأأأأأأأه

كفاية كده نكمل الحلقة الجاية ان شاء الله

الواد ده ما يتعوضش هههههههههههههههه ايه كل الرومانسية دى
بس ان شاء الله تخف ويجوزوا ويريحونا بقى
ميرسييي يا محمد جدا

يلا يا محمد نزل بقيت الحلقات بسرررررررررعة
ميرسى ليك

الحلقة التاسعة
---------------------------

شوفنا فى الحلقة التامنة

ازاى عمرو كان هيموت على حبيته ياسمين

بعد ما رجع يحس بقيمتها فى حياته

وبعد ما سمع منها احلى كلام

بس المشكلة هى اللى ها نشوفها دلوقتى

ونخوش على الحلقة التاسعة

....

الباب بيخبط وبتدخل ...

حبيبه ووالدة ياسمين

ف اللحظة اللى كان عمرو ماسك فيها ايد ياسمين وبيبوسها

بتشوف ياسمين بنتها على طول بتسحب ايديها

( ده وقته يا جدعااااااااااان )

بتجرى حبيبه على ياسمين وبتبوسهاااا وتطمن عليها

وعمرو مركز فى حاجة واحدة بس

فى عيون مامتها اللى ما نزلتش من على عمرو من الثانية اللى دخلت فيها
الاوضة

عمرو :- ازاي حضرتك عاملة ايه ..!!

والدة ياسمين :- الحمد لله ازيك يا عمرو

ياسمين :- اشكرى عمرو يا ماما لولاه الله واعلم كان ممكن يحصلى ايه ..!!

والدة ياسمين :- اااااااه ... طبعااا ...

الف شكر يا عمرو

عمرو :- بعد الشر عليكى يا ياسمين

ربنا عالم ايه اللى كان ممكن يحصلى لو حصلك حاجة

وبياخد عمرو حبيبه وبيطلع بيها برة وهو بيهزر معاها

والدة ياسمين :- انتى عاملة ايه دلووقتى يا ياسمين

ياسمين :- الحمد لله يا ماما ...

والدة ياسمين :- انت شوفتى عمرو فين ..؟

ياسمين :- صدفة

والدة ياسمين :- اااااااه صدفة .... طب باباكى على باب المستشفى مستنى وليد

ياسمين :- وده ايه اللى جابه هنا اااا

انا تعبانة يا ماما .. ومش عاوزة اشوفه

والدة ياسمين :- مش عاوزة تشوفيه ولا عشااان عمرو هنااا

ياسمين :- سكوووووووووووووت

........

وبرة كان عمرو بيكلم حودة فى الموبايل

,,,..,,,

حودة :- وهى عاملة ايه دلوقتى

عمرو :- الحمد لله احسن بكتييييييير

هات الخطيب اكلمه

الخطيب:- اه يا ندل بقى كدا ما تجيش

عمرو :- حبيييييييبى والله انا نفسى اجرى دلوقتى واجيلك

واحشنى يا خطيب واحشنى اوى

الخطيب :- وانت والله يا عمرو ..

عاملة ايه ياسمين دلوقتى

عمرو :- طب الحمد لله ان حودة حكالك ..

واكيد انت عازرنى

الخطيب :- اه طبعااا انا عارف ال عندك يا عمرو

عمرو :- انا خلاص شوية كدا اطمن عليها واجيلكو على طوووول

الخطيب :- طب يلا روح اطمن عليها وتعالى بسرعة

.....

بيدخل عمرو الاوضة وماسك فى ايده حبيبه

وبيقعد جمب ياسمين على السرير عشان بس يثبت لمامتها ان خلاص ...

مافيش حد ها يفرق ما بينهم تانى ابداااا

وفى اللحظة دى

...

بيدخل والد ياسمين ومعاه وااااحد ( وليد )

وليد :- انت مين ...؟؟!!

( بكل قلة زووووق )

عمرو :- انت ال ميين ...!!!

ياسمين :- انت ايه ال جابك هناااااااااا ....!!!

وليد :- مش جوزك يا هانم ولا نسيتى

ياسمين :- قصدك طليقى وكل اللى يربطنى بيك هى دى

( وبتشاور على حبيبه )

حبيبه بتعيط وبتجرى على حضن مامتها

والد ياسمين :- خلاص يا ياسمين مش وقته اللى بتقوليه ده

وليد :- انت ايه ال مقعدك كدا ... اتفضل .. متشكرين لخدماتك

والد ياسمين :- احنا اسفين جدااا والله يا استاذ و متشكرين على اللى عملته
مع بنتناااا ...

بيقوم عمرو يقف

وبيقف قداااااااااااااااااااام وليد

وكل واحد بيبص فى عييين التاااااااانى

وكأن ما بينهم تااار قديم

ياسمين بتقذ الموقف قبل ما يتطور

ياسمين :- عمرو ... عشان خاطرى يا عمرو اتفضل انت دلوقتى وانا هابقى اتصل
بيك اطمنك عليا

.......

بيخرج عمرو ... وهو حاسس ان كل الموجودين عارفين حاجة

هو الوحيد اللى ما يعرفهااااش

بيروح عند الخطيب وبيقضواااا احلى ليلة بيرجعواا فيها كل الذكريات من جديد

وهناك ...

اخد عمرو قرار سريع

صحابه استغربوووه منه اوى اوى

..

وده اللى ها نعرفه فى الحلقة العاشرة

اها ياريت يكون خيييييييييييييير بقى
ميرسي يا محمد مستنية الباقى

يامسهل يااااااااااااااارب
يلا السرعه مطلوبه ياكابتن فالحاجات دى هههههههههههههههههه
مستنين يامعلم الباقى بس فالسريع الله يكرمك

الحلقة العاشرة
-----------------------------------------------

شوفنا فى الحلقة التاسعة

تصرف وليد اللى كان باين عليه نااار الغيرة

وازاى كان بيكلم عمرو بكل قلة زووووق

وازاى عمرو اعتبره غريمه اللى فاز بحبيبته فى اول جولة

بس خلاااص من هنا ورايح ما فيش استسلام

وده اللى كان باين على عمرو من تصرفاته وكلامه قدام

والدة ياسمين

وقداااام وليد ووالد ياسمين

اخد عمرو قرار مفاجئ

وقرر انه يفااااجأه به كل اللى يعرفه

حتى ياسمييين

وخصوصا بعد ما حس عمرو ان فيه حاجة هو ما يعرفهاش

يا ترى ايه هى المفااااجاه دى ...

هو ده اللى ها نعرفه

( بتتصل ياسمين بعمرو تطمنه وكمان تتأسف على اللى عمله وليد )

....

عمرو :- المهم انت عاملة ايه دلوقتى يا ياسمين ..؟؟

ياسمين :- انا الحمد لله يا عمرو .. مش عارفة من غيرك كان ممكن يجرالى ايه يا عمرو ..؟

عمرو :- بعد الشر عليكى يا روح قلب عمرو

ياسمين :- ...... ايه ...!! عدها تانى كدااا

عمرو :- يا روح ونبض وعقل وقلب عمرو

ياسمين :- انا بحبك اوى يا عمرو .. ومش عاوزة ابعد عنك تانى ابدااا

عمرو :- وانا استحالة ها اسيبك تبعدى عنى تانى ...

وبعدين ده احنا دلوقتى بيجرى فى عروقنا دم واحد ولا نسيتى ..!

ياسمين :- ههههههه ... لا طبعااا ما نستش

عمرو :- ياسمين ..... انا عاوز اشوفك

ياسمين :- ما ينفعش خالص دلوقتى يا عمرو ... وبعدين عاوز تشوفنى تانى عشان اعمل حادثة تانى

عمرو :- هههههههههههه لا ما تخافيش ها اخلى بالى منك كويس اوى المرة دى

ومش ها اخليكى تغيبى عن عينى لحظة واحدة

ياسمين :- بجد ..!!

عمرو :- اصلك ما شوفتيش نفسك وانت نايمة وكنتى ذى القمر بوش زى الملاك ...

كان نفسى اخطفك من كل عيون الناااس

ونعيش انا وانت وبس

ياسمين :- تعرف ان انا سعات بحسد نفسى على حبك ده ...

عمرو :- طب تعرفى انتى بقى ان انا سعات بسال نفسى واقول لما انا بحبك كل الحب ده وانا بعيد عنك ...

طب لما نبقى مع بعض

واصحى من نومى اشوف ابتسامتك اللى بتنسينى كل دنيتى ومش ببقى عاوز اقول غير بحبك ...

سعتها انا ها احبك قد ايه ...

اكيد حب الدنيا كله مش ممكن يكفيكى

يااااااسمين :- سكوووووت

عمرو :- انا ممكن اضحى باى حاجة فى الدنيا دى حتى عمرى ... اضحى بيه بس اعيش لو ساعة جمبك

ياسمين :-
بحـــــــــــــــــــــــــــــــــــــــــــــــب ك

عمرو :- اااااااااااااااااااااااه ...
لو تعرفى الكلمة دى بتعمل فيا ايه وقد ايه حلمت واتنميت تقوليها وتعديها

ياسمين :- بحبــــــــــ . بحبك . ـــــــــــك

عمرو :- بمووووت فيكى ... يا اجمل هدية بعتها القدر ليا

بحبك .. بحبك .. بحبك

ياسمين :- فاكر يا عمرو .. يوم عيد الميلاد

عمرو :- اااه طبعااا فاكره ... ده كان احلى يوم فى عمرى

ياسمين :- انا كنت كتييير اوى بفكر فى اليوم ده وكنت بتمنى انو يرجع تانى .. واعيشه معاك من تانى

عمرو :- يبقى خلاص اشوفك وما تقوليش ما ينفعش

ياسمين :- عمرو انت اكتر واحد عارف ان انا بتمنى اشوفك ... بس دلوقتى مش ها ينفع ... صدقنى

عمرو :- يبقى خلاص ها اشوفك بطريقتى

ياسمين :- وده ازاى بقى ..؟؟!!

عمرو :- لا دى بقى مفاجأأة مش ها اقولك عليها

ياسمين :- لا قوووول

عمرو :- لا مش ها اقول وخليها مفاااجاه

....

وبتنتهى المكالمة وياسمين عاوزة تعرف عمرو ها يشوفها ازاى وياترى ايه هى المفاجاه اللى شايلهالهاااااااا

وتانى ................. يوم

عمرو :- انا عاوزك تيجى معايا بكرة فى مشواااار مهم اوى

حودة :- ها نروح فين .؟

عمرو :- ها نروح نطلب ايييد ياسمين

حودة :- نننننننننننعم يا خويا

عمرو :- مالك استغربت كدا .. ما انت عارف ان ده كان ها يحصل ها يحصل

حودة :- بس مش بالسرعة دى .. وبعدين انت قولت لحد

عمرو :- لا انت اول واحد يعرف وماحدش ها يعرف غيرك

انا عاملها مفاجاه حتى ياسمين ما تعرفش

حودة :- ومش خايف من رد فعل كل الناس دى

عمرو :- لالالا

ومش ها استنى حد يقول تعمل وما تعملش

حودة :- ما حدش قالك تستنى حد يا عم السوبر جيييت

بس المواضيع دى مش بتيجى كدا

عمرو :- اومال بتيجى ازاى ..!! يا عم الخفيف

حودة :- لازم فى الاول تقول لياسمين ...

وتقول لاهلك وبعدين ما تنسااااش ان ياسمين كانت متجوزة وعندهااا بنت

اهلك ها يوفقوااا على كداا

عمرو :- مش هما ال حرمووونى منهاا زمااان ..

وهما سبب كل اللى انا فيه دلوقتى ...

وبعدين خلاص انا قررت والموضوع ده ما فهوش نقااااش ....

ها تيييجى ولا لأ

وطبعااا بعد الحااااح عمرو .. وخصوصا ان الخطيب كان مشغول كتير اليومين دول ... وافق حودة

حودة :- ربنا يستر .. والنعمة عارف ان انا نهايتى على ايييدك الكريمة دى .... والنبى لتدهانى ابوووسها

....

وفى اليوم الموعود

بيروح عمرو لبيت اهل ياسمين ومن غير اى ميعاد سااااابق

ضرب البدلة ... وبوكيه الورد

وشد حودة فى رجله

وكان بيتساااابق عشان يوصل وهو طاااير من الفرحة اللى مش مصدقهااا ..... وكانها حلم وخايف يفووووق قبل ما يوصله

ووووو

ووو

و

هناااااااااااااااااااااك

....

عمرو وحودة بيسلموووو على والد ياسمين وبيخوشوووو

والد ياسمين :- طبعااا يبنى احنا بجد اسفين جدااا على اللى حصل فى المستشفى ...

( حودة بيغمز عمرو ... هو ايه اللى حصل

عمرو بيضربه بكوعه ... اسكت )

عمرو :- لا خلاص يا عمى كأن ما فيش حاجة حصلت

انا اللى اسف انى جيت من غير ميعاد

والد ياسمين :- لا يبنى انت نورتنا والله ... كفاية اللى عملته مع بنتنا

عمرو :- اةاةاةاةاةاة ...

وف اللحظة دى بيشووووف عمرو ياسمين وهى واقفة وراا الباااب

بيروح مبتسم ومدير وشه ....

( وبيغمز عمرو حودة ما تتكلم يا بو لسانين ولا انت جاى تتفرج )

حودة :- بصراحة كدا يا عمى ... انا وعمرو كنا جين النهاردة عشان نطلب ايد بنت حضرتك ياسمين لاستاااذ عمرو

بيبص فى اللحظة دى عمرو لياسمين وهو طاير من الفرحة

وكان الحلم اللى اتمنووو يحلموووه سوااا خلاص فاضل خطووووة
ويتحقق

والد ياسمين :- نننننننعم
وووو
ووووووو
وووووووووووو
وووووو
وووو

و
نكمــــــــــــــــــــــــــــــــــــل
فى الحلقة ال 11

لالالالالالا انت كده يا محمد هتموتنى بحسرتى من كتر الرومانسية دى كده كتييييييييييييير هههههههههههههههههههههههه يا بختها والله
ناس ليها حظوووووووووووووظ
بس والله لو باباها ماوافقش ده يبقى حرام عليه بجد ايه الظلم ده !!!!!
يلا ما تتاخرش يا كينج عايزين نعرف اييييييييييه اللى هيحصل

الحلقة ال 11
-----------------------------------------------------------

شوفنا ان خلاص عمرو مابقاش قادر يستنى يوم كمان

وشوفنا المفااااجأأأة اللى حضرهااا لياسمين

وااازاى بدون ميعاد عمرو راح لياسمين

يطلب ايدها من والدهاا

وهناااااااااااااااااك

كان رد فعل والد ياسمين غريب جداااا

وده بعد ما عرف ان عمرو مش جى ذى ماهو فاكر يدوب يطمن على صحة ياسمين

لا

ده جى عشان يتقدملهاااا وكمان مرتب كل حاجة ..

وكان رد فعل والد ياسمين مفاااجاه غير متوقعة لكل الموجودين

سواء

عمرو .......... او ياسمين .......... او حودة

ياسمين

اللى كانت واقفة ورااا الباب عاملة ذى الاطفال

بأبتساامتها الجميلة المرسومة على الشفايف

وعيونهااا ال كانت من الفرحة منورين

كسوووفها اللى كان باين عليها من احمرار خدودها

وعمرو مراقبهااا من مكانه والفرحة من جواه مش قادر يحوشهاا ..

كل ده راح فى لحظة واحدة .. لحظة ما والد ياسمين فجر المفاجاه بكلمتين

اسف ماعنديش حد للجوااااز

؟؟؟؟؟؟؟؟؟؟؟!!!!!!!!!!!!!!!

كل دى كانت علامات استفهام وتعجب على وش عمرو وحودة

واللى بدأأواا يبصواا لبعض وهما مش مصدقين اللى بيسمعووه

حودة من كتر استغرااابه بيبتسم وهو مش عارف يقول ايه

عمرو :- ممكن اعرف سبب رفضك يا عمى

والد ياسمين :- اسف انا قولت اللى عندى

عمرو مابقاش قادر ينطق ب ولا كلمة وكانت الدنيا بتلف من حواليه ومش حاسس بجسمه نهائيااا

بيبص على ياسمين

وهو مش شايف السعادة اللى كانت من ثوانى مرسومة على وشهااا

مش شايف غير دموعها اللى غرقت خدودها

وايدها اللى بتكتم صرختها لحد يسمعها

وعنيها اللى اتملت حزن من بعد الفرحة اللى كانت ملياها

بيقوم عمرو يقف .. بيبص لوالد ياسمين والكلام مش راضى يطلع وكان فى سكينة منعاه وبتقطعه من جووواه

انا مش ها اسالك انت ليه بتعمل كدا ... وكأن ال ما بينى وبينك تحدى او طار... طب بلاش انا ....
ليه مش عاوز سعادة بنتك وانت عارف انها مش ها تحس بالسعادة غير وهى معااايا .. ليه حرمتوناا من بعض طول السنين اللى فاتت وكانكم بتعقبونا على حبناا لبعض

ضيعتووااا منناا نص عمرنا وكمان عاوزين تسرقوا الحلم اللى كان الحاجة الوحيدة اللى بتصبرنا على العمر اللى ضاع واللى حلمنا نعيش بيه العمر اللى جى

بيقاطعه حودة وبيحاول يهديه بس خلاص عمرو مش قادر يخبى الكلام اللى جواااه ...

وكانه بركان خامد بقاله سنين وجيه الوقت اللى ها يثور فيه

مش بنتك دى ... مش شايف دموووعها ... زمان غصبطو عليها تتجوز واحد مش بتحبه ودلوقتى هى لوحدها اللى بتتحمل نتيجة اختياركو .. هى لوحدها وماحدش برده حاسس بنار الظلم اللى جواها ...

زمان ما كنش بايدى حاجة اعملها واستسلمت وسلمت امرى لله وهو لوحده اللى عارف انا عيشت عمرى ازاى بس خلاص دلوقتى انا مش ها اسكت ومش ها استسلم ومش ها اسيبهاا ضحية فى ايدكو تانى تلعبوا بيها ذى ما انتم عاوزين ...

قرارناا احنا اخدناه ... ومستقبلنا خلاص حددناه وماحدش مهما كان وبقولها تانى مهما كان ها يقدر يفرق ما بينا وسواء وافقتوا او رفضتوا ...
ها نكون لبعض ...

وبيمشى عمرو ناحيه الباب وقبل ما يمشى

بيبص عمرو وراه يمكن يشوف ياسمين .. بس للاسف مش شايفها .. سامع صوتها اللى بيقطع قلبه من جواااه وهو بيبكى ...

بيبص لوالدها اللى كان باين عليه ملامح الدهشة من الكلام اللى اول مرة يسمعه

بيبصله عمرو وبيقوله

فكر كويس ف الكلام اللى قولته ... لانى مش ها اتنازل عنه

وبيخرج عمرو وهو شايف حبيبته بتنكسر من تانى قدام عنيه

بعدها ماحسش عمرو باللى هو فيه ..

بيخرج عمرو وبيخرج حودة اللى ما بقاش عارف حتى ينطق يواسى عمرو ازاى .. كل اللى بيقدر يعمله انه بيبص لعمرو وبيضحك ويسقفله

( هههههههههههههههههههه )

( عجبنى الواد ده )

بيتصل حودة بالخطيب عشان يتقابلو ويحكيلوا اللى حصل

وبيتفقوا انهم يتقابلوا فى الكافيه بتاع زمااان

وهنااااااااااااااااااااااك

الخطيب :- هاااااااا طبعااااا أقول الف مبروك

حودة :- مبروك .... تصدق ياض انا بدات اشك فيك

اول يوم حطيت رجلك المبروكة فى البلد دى ...

العربية خبطتهااا ... ومن ساعة ما جيت والمصايب عمالة ترف على دماغتنا حتى الموضوع ال كان ماشى سكينة فى الحلاوة بفقرك الدكر ده باظ

ودلوقتى جى تطنطت ذى الارجوز وبتقول مبروك

انت الغربة غيرتك يا خطيب .!!!

عمرو :- ههههههههه .. والنبى اسكت انا ال فيا مكفينى

حودة :- يا عم فرفش وظجطط .. ده انت اديت للراجل كلام زمانه فى غيبوبة للسنة اللى جاية

الخطيب :- هو ايه اللى حصل بالضبط

حودة :- تعالى يا فقرى احكيلك

وبعد ما بيعرف الخطيب كل الحكاااية

بيفكر فى فكرة ها يعملوها سوااا يمكن تنفع ويمكن ما تنفعش

بس كل ده

ها نشوفه فى الحلقة الجااااااااااية

الحلقة ال 12 من يوميات عمرو وياسمين 2
ومستنى ردودكم الحلوه وياريت تقولوا ايه اللى عجبكم واللى ما عجبكوش فى الفصل ده

مممممممم ميرسي يا محمد
اللى دايقنى اكيييييييد باباها الغريب ده واللى عاجبنى اكيد كلام الولد ليه

والله العظيم ياميكون انا عيط منك لله
ينفع كده هات منديل بقى ههههههههههههههههههه
انا قرات الحلقات اللى فاتتنى كلها
فى منتهى الروعه والله
انا برضو اللى ديقنى كلام ابو يسمين هوه عاوز ايه تانى
ميخليهوم يتجوز بقى
يلا انا فى انتظار احلقات الجايه
وتسلم ايدك يامايكون حلقات فى منتهىالروعه والله

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة