يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

يالا كله يقرا الحلقة ويرد علشان المرة دى فى مفاجأة ......

ياخررررررررررررررراشى عالرومانسية
لا وشوف الصدفة مولودين فنفس اليوم يسلالالالالالالالالالالالالالالالالالالالالالالام بتمتعنا انت بلعبك يا باشمهندس يارومانسى يا جاااااااااااااااااااااامد اوىىىىىىىىىىىىىىىىىىىىىىىىىىىىى
يلا بقى يا محمد هموووووووووووووت منك انا كدا هيجرالى حاجة لانى مش هقدر اصبر هههههههههههههههههههههههههههه يلا بقى بسررررررررررعة نزل الحلقة الجديدة

يالا وادى حلقة كمان منى علشان متقولوش ان مايكون حارمكم من حاجة وسمعونى بقى ردودكم الحلوة

:: الحلقه السادسه ::

عمرو :- وفيها اى اتخضيتى كدا ليه ؟؟

ياسمين :- طب ولو عرف

عمرو :- وهو ها يعرف منين وحتى لو عرف انا ها افهمه وبعدين يعنى هى حلوة
ليه ووحشة لينا ... طب ماهو كمان بيحب وعايش قصة حب

ياسمين :- بس هو حاجة وانا حاجة

ياسمين :- انت لو عندك اخوات بنات كنت هاترضى انهم يكلموا حد

عمرو :- اولا انا عندى اخوت بنات بس لسة صغيرين .... ولما يكبره يبقى ربنا
يسهل

ياسمين :- لا ها ترضى ولا لا قول ؟؟!!
( اى السؤال المحرج ده )

عمرو :- بصى يا ياسمين مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما
هاذيكى
( هرب من السؤال بمعلمه )

ياسمين :- ( تنهيييييييد )

عمرو :- مالك

ياسمين :- مافيش

عمرو :- طب ممكن بقى اسمع منك كلمة بحبك

ياسمين :- دلوقتى

عمرو :- اه طبعا امال بكره ههههههههههههه

ياسمين :- لا طبعا انا مش ها اقولهالك غير لما اتاكد مية فى المية انك
بتحبنى

عمرو :- انت كل ده ولسة ما اتاكديش

ياسمين :- يعنى ومش .....
( بوم اتقفلت السكة على ودن عمرو طبعا عمرو فهم ان فيه حد دخل عليها )

اتصل بعديها بشويه

عمرو :- الو

ياسمين :- الووو

عمرو :- ايه في ايه اللى حصل

ياسمين :- لا والله النمرة غلط
( وبردك قفلت السكة )

شك عمرو شوية بس يمكن فيه حد جمبها وفقد الامل انه ممكن يكلمها تانى
النهاردة

وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة

لحد ما ياسمين قالت لعمرو انها حكت لمامتها عنه وان مامتها عاوزة تكلمه

طبعا عمرو استغرب من الموضوع ده وكان كل مرة بيقولها ماشى بعدين طب هو انا
اقولها ايه ؟؟

عادى كلمها وانت ها تعرف
وكان عمرو قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده
اللى كان مصبره ومطمنه

وفى يوم كان عمرو
بيكلمها
وفجأة

ياسمين :- على فكرة ماما عارفة انى بكلمك دلوقتى وهى عايزة تكلمك

عمرو :- طب ياسمين .....

ياسمين :- خد ماما معاك
((( يا خرابى على الزنقة ))

مامتها :- السلام عليكم

عمرو :- وعليكم السلام ( ضاااااااااع الواد )

مامتها :- ازيك يا عمرو

عمرو :- تمام الحمد لله ازى حضرتك

مامتها :- الحمد لله

مامتها :- ياسمين كانت حكتلى عنك وبصراحة كدا انا قولتلها انها ما تكلمكش
تانى بس هى مش راضية
وانت عارف بقى دماغها ناشفة
هههههههههههههه

عمرو :- اه مانا عارف طب وحضرتك ليه كدا ؟؟

مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟

عمرو :- مش بدرى ولا حاجة انا قدامى سنتين واتخرج من الكلية وساعتها ممكن
انى اتقدم لياسمين وبعدين ياسمين لسة صغيرة

مامتها :- يااااااا يا عمرو ده انت لسة عاوز تكون نفسك ولسة قدامك جيش
وموال
هههههههههه

طب وليه حضرتك ها تعقدينى (( الواد جاله احباط ))
ههههههههه

عمرو :- انا بس اتخرج من الكلية وربنا يحلها ولا فيها جيش ولا حاجة باذن
الله وبعدين انا بحب ياسمين وهى كمان بتحبنى .. وباذن الله نكمل مع بعض

مامتها :- مافيش حاجة اسمها حب فى الزمن ده انت بس علشان شايف ياسمين حلوة
شوية فمعجب بيها مش اكتر

عمرو :- لا والله العظيم انا بحبها بجد وعمرى ما اقدر اتخلى عنها ولا انى
استغنى عنها فى يوم
(( وفضل عمرو كلمة من هنا وكلمة من هناك يقنع بيها والدة ياسمين بكلامه ))
(( وفعلا نجح فى انه يقنعها )) ( مقنع اوى الواد ده .... طالع لى )

واثناء المكالمة كان سامع صوت ياسمين جمب مامتها وهى بتقول قفشات وبتعلق
على كلام مامتها زى
خلاص بقى عقدتى الواد
كفاية كدا
اشمعنا يعنى باسم

وكان بيضحك عليه هو ومامتها
وبعد ما المكالمة ما انتهت
حس عمرو ان الدنيا بدأت تضحكله وان هم من على قلبه انشال

واول ما روح بيته اتصل بيها تانى واتكلموا مع بعض عن كلام مامتها وايه هو
رد فعلها على كلام عمرو

بس الواد كان ذى الاسد واقدر انه يقنعها بكلامه ويثبتلها انه قد
المسئولية وقد كل كلمة بيقولها

وقالت ياسمين لعمرو ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر
عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى
عشان تشوفه مش اكتر

واطمن عمرو لكلام ياسمين
وانتهى اليوم بسلام

لحد ماظهرت مشكلة جديدة وهى ان باسم شك ان اخته بتكلم حد فى التليفون و
......

تنتهى الحلقة على كدا ااااااااااااااا

يوووووووووووووووووووووووووووووووه بقى مينفعش كدا يعنى انسجم بقى واعيش القصة وتيجى على غفلة كدا تقولى تنتهى الحلقه هههههههههههههههههههههههههههههههه ماااااااااااشى
بس سيبك انت يامقنع انت ههههههههههههههههههه طالع لك الواد هههههههههههههههههههههههههههه
يلا كويس عدى مطب مامتها لسه بقى مطب اخوها هههههههههههههههههههههه اصل الحب ده كله مطبات بعيد عنك ههههههههههههههههههههههههههههه
يلا مستنية ياعم الحج بس عالسريع والنبى الله يخليك

( مقنع اوى الواد ده .... طالع لى )
لأ جاااااااااااااااااااااامد يا مايكون
بس إيه الأمهات اللي ماشية سريع سريع دي هاهاهاهاهاهاها
بس بجد الخيال عالي والرتم جمييييييييييييل مووووووووووووووت
أنا بصراحة عايزة أشوف ياسمين Laughing

ما ترسم لينا صورة عنها كده بالألوان هاهاهاهاهاها

ههههههههههههههههههه لالا دى الحاااااجه ام يسمين دى عسل موووووووت ههههههههههههههه
لا والواد عمرو سبتهااااااا تسبيته جامده بس والله حلقه جناااااااااااان
وحسه ان البت يسمين هتاخد علقه مووووت من اخوهاااااااااا ههههههههههههههههههههههه وربنا يستر يلا بقى عوزين الحلقه الجاااايه فى السريع بقى
ياريت لو تجوزهم وتعزمنا على الفرح محنا فى عصر السرعه هههههههههههههههههههههههههه

كده كتييييييييييييييييييييييييييير يا محمد مفيش مره الا وتقطع علينا الحوار كده هههههههههههههههه
بس بردو انا عند رايى البت دى هبلة الا حد ما بس الحمد لله انها قالت لمامتها
ميرسي يا محمد

يخربيت عقلك يا محمد
انت بتتعب نظريه عمرو دياب
شوقنا اكتر شوقنا هههههههههههههههههههههه
لا حلقتين جامدين مووووووووووووووووووووووووووووووز تسلم ايديكـ ياحبى
يلا هات الجديد هات اديييييييييييييييييييييينى :D

واااااااااااااااااااو سوكيوووووووت يامحمد بجد الحلقة رووووووووووعة يامقنع ياجامد يسلموووووووو هههههههههه وام ياسمين لو في منها اتنين يارييييييييت هههههههههههه
يسلمو يااحلى محمد ومهندس بمصر

ههههههههههههههههههه
جمممممممممميلة اوووووووووي بجد وربنا يستر من باسم دة
معلشي انا بتابع الحلقات متاخر علشان المذكرة
وياسمين دي زي السكر والله ههههههههههههههههه
يلا يامحمد نزل الحلقة الجديدة عايزين نعرف شو صار

ميرسى بجد لردودكم الجميلة دى كلها بجد مبسوط اوى بردودكم وان شاء الله الحلقة الجديدة هتنزل كمان شوية صغنتين

:: الحلقة السابعة ::

كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية
كويسة وابن ناس وانه مش بيلعب ببنتها ذى شباب اليومين دول
(( فاهمنى طبعا اا ))

كل شئ كان تمام وفى يوم كان عمرو بيكلم ياسمين وديه كانت المكالمة

ووووو نسمعها سواااااااا

عمرو :- وحشتينى

ياسمين :- انت اكتر

عمرو :- بجد والله انا نفسى اشوفك

ياسمين :- يسلام انت لو كنت عاوز تشوفنى بجد كنت زمانك جيت الدرس عشان
تشوفنى بس انت بقى اللى ما جتش

عمرو :- والله يا ياسمين انا عندى اليومين دول امتحانات وبتاع ونفسى اشوفك
بس مش قادر انزل

ياسمين :- لا خليك فى مزاكرتك احسن .... وكفاية عليا انى اسمع صوتك كل يوم

عمرو :- يا لهوى اهى الكلمة دى عندى بالدنيا وما فيها
انا بموت فيكى يا ياسمين

ياسمين :- بس انا اكتر

عمرو :- اكتر ايه ؟؟

ياسمين :- هههههه ما انت فاهم وعارف كل حاجة

عمرو :- بس انا عاوز اسمعها منك

ياسمين :- ما انت عارف انى مش بعرف اقول الكلام ده

عمرو :- طب ما انت اول واحدة اقولها بحبك وبموت فيك يا ياسمين وربنا يخليكى
ليا يا رب يا اغلى عندى من الدنيا ومافيها

ياسمين :- بجد يا عمرو يعنى انت بتحبنى زى ما بحبك

عمرو :- بصراااااااااااااااااااااااااااااحة لا ( يا خرابى اعترف الواد )

ياسمين :- ايه ......!!!!!؟؟؟ ( راح ف دهية)

عمرو :- اكتر بكتييييييير اوى منك ( حرام عليك نشفت قلب البت )

ياسمين :- حرام عليك فجعتنى

عمرو :- ليه هو كل ده لسة شاكة فى حبى ليكى

ياسمين :- ليه هو انا لو شاكة كنت كلمتك ثانية واحدة

عمرو :- يا واد يا جامد والنبى عسل يا خواتى

ياسمين :- بس بقى عشان فيه موضوع مهم

عمرو :- خيييير

ياسمين :- باسم اخويا بدء يشك فيا وكل شوية الاقيه ماشى ورايا فى الشارع
ويعملها صدفة
وكل شوية يقولى انت بتكلمى مين فى التليفون وكدا يعنى ......
ولولا ماما كنت زمانى روحت فى داهية

عمرو :- ربنا يخلهالنا يا رب لحد ما اقدر اجى لحد عندك واطلب ايدك من
باباكى
واقوله يا عمى انا بطلب ايد بنتك ياسمين وعاوزها تكون مراتى وام عيالى لحد
ما اموت

ياسمين :- بعد الشر عليك ده انا اموت وراك
وبعدين كل سنة وانت طيب

عمرو :- يااااااا ده احنا عيد ميلادنا كمان 3 اياام ( 1 /4 )
كل سنة وانتى طيبة يا قمر

ياسمين :- على فكرة ماما عملالك مفأجاة

عمرو :- ايه هى ؟؟ ( استر ياللى بتستر )

ياسمين :- ما تبقاش مفأجاة
((( وتمر التلات ايام اوااااام )))

ويوم عيد الميلاد الصبح موبايل عمرو بيرن

عمرو :- الو

ياسمين :- الو صباح الخير

عمرو :- صباح النور يا روحى وحشتينى اوى رغم انى لسة سيبك فى الحلم

ياسمين :- ههههههههههه

ياسمين :- وكنت بتحلم بايه بقى ؟؟

عمرو :- بيكى انت وبس

ياسمين :- كل سنة وانت طيب يا عمرو

عمرو :- وكل سنة وانتى طيبة يا ياسمين ونفضل مع بعض
على طول لاخر يوم فى عمرنا

ياسمين :- يا ريت يا عمرو
على فكرة ماما جمبى وعاوزة تكلمك

عمرو :- اوك ماشى

مامتها :- ازيك يا عمرو

عمرو :- الحمد لله حضرتك عاملة ايه ؟

مامتها :- الحمد لله
كل سنة وانت طيب

عمرو :- هههههههه وحضرتك طيبة يا رب

مامتها :- انا عندى مفأجاة ليك

عمرو :- اه ما ياسمين كانت قايلالى بس مش راضة تقولى اى هى المفأجاة

مامتها :- طب انت فاضى النهاردة بليل

عمرو :- ولو مش فاضى اكيد افضى نفسى

مامتها :- طيب الساعة 7 استنانا قدام الدرس

عمرو :- اشمعنا

مامتها :- ها تعرف فى وقتها وعشان نشوف حل لموضوع باسم

عمرو :- اه اكييييد ( وانا كنت ناقص )

ويعدى النهار وطبعا عمرو لبس الحتة اللى ع الحبل وجلجل شعره ورش كالونيا
وحضر هدية جميلة جداااااا لاجمل بنت فى الدنيا
حبيبته اللى فضل يحلم بيها طول عمره ويشوفها فى احلامه خلاص
شاء القدر انه يجمعه بيها ويشوفها قدامه ذى الملاك
ما يقدرش يوصف لسانه اللى شايفاه عيونه لانه يفوق اى جمال شافه فى الدنيا
وقف قدامها مش عارف يقول ايه ؟؟ مش عارف يعمل ايه ؟؟؟
عاوز يبصلها وبس يمكن يشبع منها ..... مش عاوز يضيع ولا ثانية قدامها

ياااااااااااااه

كلام كتير جواه عاوز يقوله بس اكيد الزمن مش هيكفى حبه ليها
هى كمان كانت مش عارفة تنطق ولا كلمة
مش عاوزة ترفع عينها من عليه ..... عاوزة تعوض كل ثانية مش بيبقى قدام
عنيها ...... نفسها تقوله بحبك يا عمرو وياريت ماتبعدش عنى ولا ثانية
بس مش قادرة
ليه مش عارفة

وفجأة تنقطع لحظة الرومانسية ......

مامتها :- ازيك يا عمرو ( ده وقته يا شيخة )

عمرو :- الحمد لله حضرتك عاملة ايه ؟؟

مامتها :- كل سنة وانت طيب

عمرو :- وحضرتك طيبة

ياسمين :- كل سنة وانت طيب يا عمرو اتفضل
( لفة باين من شكلها انه دبدوب )

عمرو :- وانت طيبة يا ياسمين وبرده كل سنة وانت طيبه اتفضلى

و إداها هديته واديته هديتها
واتمشوا لحد كافيه

وهناك كانت المفاجأه.................

تتوقعوا تكون ايه المفاجأة ؟؟ ده اللى هتعرفوه فى الحلقة الجاية ومستنى اسمع توقاعتكم وردودكم

ياحلالالالالالالالالالالالالالالالالالالاوتك يا واد يا محمد
خطيييييييييييييييييييييييييييييرة خطييييييييييييييييييييييرة بجد الحلقه دى جامدة اوىىىىىىىى بجد
كمية الرومانسية دى كانت هيغمى عليا منها الصراحة هههههههههههههههههههههههههههههه
اتوقع انه مامتها هتاخدهم على اقرب واحد بتاع دهب وتجيبلهم دبلتين وتلبسهالهم وعالبركة ان شاء الله هههههههههههههههههههههههههههههههههههههههههههههههههههه
استعجل والنبى شوية الله يكرمك مينفعش الشعلقة بتاع كل يوم دى هههههههههههههههههههههههههه

هههههههههههههههههه يسلموووووووووو يامحمد بجد
بس الله يسامحك كان نفسي اعرف المفاجاة على العموم شكرا ويسلموووووو يااحلى محمد واحلى مهندس بالعالم

يا ربي علييك يا مايكون علطوول واجع قلبنا كدة
عموما انا وراها وراها ومش سايباها غيير لما اعرف اخرتها ايه
(طبعا كوولنا عارفيين اخرتها ايييه صح)
شكرا على مجهودك دة يا مايكون انت بتعد تكتب كتير قوي كدة هههه
بات ثانكس

روعة بجد
جميلة اوووووووووووووووووووى
تسلم ايدك
وكمل بقى بسرعة

ياخرابى على الدلع اللى فى الحلقه دى هههههههههههههههههههههههههههههههه
دى مامه يسمين دى دلع خاااالص هههههههههههههههههه
عارف بقى انا اتوقع مين اللى هيقبلو اخوها بااسم مش عرفه بقى صح وا غلط
بس تسلمايدك ياواد قصه جااامده مووووت
فى السريع بقى الحلقه الجايه
بس الواد عمرو ده مسهوك اوى على فكره ههههههههههههههههههههه

بيتهيألي يا إما هيقابلوا باسم يا إما باباها
بس بجد خيااااااااااااااااااااال رائع
تحفة مووووووووووووووووووووووووووووووووووووووووووووووووووووووووووووت

الحلقه الثامنه
-----------------

كان فيه مفاجأه مستنية عمرو
كانت اخت ياسمين وصحبتها مروة
قاعدين وفيه تورتة جاهزة للشمع
طبعااا عمرو استغرب

عمرو :- ايه ده ؟؟

ياسمين :- ايه رايك فى المفاجأه بقى ؟؟

عمرو :- بقى كدا ما تقوليش

ياسمين :- كل سنة وانت طيب يا عمرو ويا رب كل سنة نبقى مع بعض

عمرو :- بحبك اوى يا ياسمين بموووووت فيكى

وراح عمرو مع ياسمين يطفوا الشمع
وهابى بيرث داى

وكله تمام والاكل كفى المعازيم والحمد لله
واقعد عمرو مع والدة ياسمين يتكلموا
وياسمين طبعااااا مضايقة لان المفروض اليوم ده يبقى عمرو معاها هى وبس

وعمرو قاعد على ناره وكل يبص لياسمين ونفسه يكلمها بس مش بايده

مامتها :- طب وانت ها تعمل اى فى موضوع باسم

عمرو :- بصراحة مش عارف .... بس عاوز اروح اكلمه وانا ها اقدر اقنعه

مامتها :- طب ازاى مش ها ينفع

عمرو :- لا انا ها اعرف بجد والله اتفاهم معاه
وبعدين ما هو كمان بيحب وحكيلى على كل حاجة

مامتها :- يعنى ما افتحش معاه الموضوع انا

عمرو :- يعنى شوية من عندى وشوية من عند حضرتك
....................
وماصدق عمرو ان والدة ياسمين انشغلت مع مروة
وجرى على ياسمين

ياسمين :- ما لسة بدرى خليك شوية كمان وانا سيبنى واقفة كدا لوحدى

عمرو :- طب اعمل ايه ما انا لازم كنت اتكلم مع مامتك

ياسمين :- كل ده كلام على ايه يعنى كل ده !!!!

عمرو :- لو ما كنتش مامتك كنت قولت من طريقة كلامك انك بتغيرى عليا

ياسمين :- انا بغير عليك من الهوا مش ها غير عليك من ماما
( ده الواد علقها بيه جامد جدااااااااا )
ولو اعرف اخليك ما تشوفش غيرى ها اعمل اى حاجة

عمرو :- طب ما انا فعلا ما بشفش غيرك
وبعدين تصدقى انا كنت لايمكن اتصور انك بالجمال ده

ياسمين :- ميرسى

عمرو :- على ايه ديه الحقيقة انت ما فيش حد فى جمالك

ياسمين :- مش يمكن انت بس اللى تكون شايف كداااا

عمرو :- كفاية عليا انى اكون الوحيد اللى فى العالم اللى يشوف الجمال ده
بزمتك مش يبقى ربنا بيحبنى لو خلانى من وسط الكون اللى يتمتع بجمال زى ده

ياسمين :- ههههههههههههههه

عمرو :- يا خرابى ده ايه السكر ده

ياسمين :- ههههههههه

على فكرة انا لايمكن انى كنت اتصور ان ممكن اقعد معاك فى مكان واحد ونتكلم
مع بعض

عمرو :- تصدقى بقى انى كنت بحلم باليوم ده
وكتير كنت اتمنى ولو للحظة انى اشوفك صدفة فى الشارع
مش انى اقعد معاكى واتكلم كمان

عمرو :- مش ها تريحينى بقى وتقولى بحبك

ياسمين :- لالالالالالالا

عمرو :- طب ليه كداااااا

ياسمين :- مش عارفة بسسسسسس بجد مش عارفة ليه !!!!!

عمرو :- طب لو قلتلك انى بموت فيك
وفى جمال عنيكى
ونفسى اسمع منك كلمة بحبك يا اغلى واحلى انسانة فى حياتى
ولو ما قولتليش دلوقتى بحبك ها يبقى ده اتعس عيد ميلاد ليا

ياسمين :- بقى كداااااا اتعيس عيد ميلاد وانا معاك

عمرو :- طب ما تكملى فرحتى وتريحينى وتقوليلى بحبك

ياسمين :- امممممممممم بحبك استريحت

عمرو :- ايه ؟؟؟!!!!!!!!
تاااااانى كدا

ياسمين :- بحبك والله العظيم بحبك انت وبس

عمرو :- يا لهوى ده انا ممكن اموت من الفرحة
تانى كدا الا اكون بحلم

ياسمين :- بحبك يا عمرو

عمرو :- بموت فيك يا ياسمين
يا روح قلب وعقل عمرو يا كل كيان عمرو

ياسمين :- بس كدا عشان انا دلوقتى اسعد انسانة فى الدنيا

عمرو :- لا طبعااااا عشان انا اسعد منك بكتيييييير اوى اوى اوى
واتمنى ان العمر يقف فى اللحظة ديه وما يمشيش
وافضل معاك بقيت عمرى كله

وفجأة النور يقطع ........ قصدى والدة ياسمين تطب عليهم فجأة وتقطع احلى
لحظة فى حياتهم

وعايز اسمع رايكم فى الحلقه ده لانها حلقه جامده جداااااااااااااااااااا

جامدة اوىىىىىىىىىىىىىىى الحلقة دى يامحمد
تسلم ايدك

يالهوى على الرومانسية هههههههههههههههههههههه انتوا كده هتغيروا رايى ف البت ههههههههههههههههههههههههههههههههههه
بجد انا لو منها اموت م الفرحة ههههههههههههههههههههههه يابختها بقى
ثااااااااااااااانكس محمد

ايه دة بجد حلقة تحفة قوي
بس مش عاجبني كدة هي ليه ادلقت علطول كدة وهايمانة قوي كدة
كان لازم تصبر شوية
ثانكس يا مايكون بس ياريت مرة واحدة بقة تنزل بالتتر كلو عشان لو حصلي حاجة في المادة دي زنبها في رقبتك مااااشيييييي

يادلع يادلع هههههههههههههههههههههههههههه
والله انا نفسى اكوووون سلمى ههههههههههههههههه
حلقه جامده مووت بس سلمى سيبتها على الاخر

هههههههههههههههههههه ميرسى لردودكم يا بنات ومش عارفه ايه الرومانسية بتاعتكم دى انا كنت فاكر نفسى لوحدى اللى هتأثر بالقصة دى وقلت بقى انا عبيط ههههههههههههههههههههه نورتوا بجد التوبيك ومتصوروش مبسوط اد ايه من ردودكم الجميلة دى

ايه الجمال ده
ياخرابى جميلة اوى بجد
بس الحلقة صغيرة والله حرام عليك حن علينا ونزلنا حلقة كمان
والنبى يا حج حسنة معرفش ايه تمنع بلاوى كتيرة هههههههههههههههههههههههههههه

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة