يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

والنعمة الراجل ده عاوز ينطخ عيارين ونخلص هههههههههههههههههههههه
جامده اوى الحلقه دى تسلم ايدك ياكبييييييييير
وخصوصا كلام المعلم الحبيب عمرو باشا ده كلام جااااااااااااااااااااااااااامد فالسليم يعنى هو ده الكلام كفاية سلبية بقى
والنبى بسرعه الحلقه الجديدة بس اصلى نملت من كتر الانتظار هههههههههههههههههههههههه

جميلة قوي بجد... بس بصراحة أبو ياسمين ده معقققققققققققققققققققد

يوميات عمرو و ياسمين
الحلقة ال 12
---------------------------------------------------

افكركم ب الحلقة ال فاتت

شوفنا عمرو ازاى كان قريب من انه يحقق حلمه ويتقدم لياسمين وقد ايه هى كانت سعيدة وطايرة من الفرحة

بس للاسف كل ده ضاع فى اللحظة ال رفض فيها والد ياسمين

عمرو

وشوفنا الكلام الجامد ال قاله عمرو من النار ال كانت جواااه لوالد ياسمين

..........................

اتقابل

عمرو والخطيب وحودة

وكان عند الخطيب فكرة جديدة ها نشوفها النهاردة

الخطيب :- طب اسمعونى بس للاخر

انا ها اروحلوا تاانى وها احاول اقعد معاه واقنعه وانتو بقى عارفينى لما اقنع واحد

( ده ال كان معروف بيه الخطيب ...الاقناع ..)

وها احاول افهمه انه ما يجيش على سعادة بنته وكدا

حودة :- يا مغفل طب افرض رفض تااانى

الخطيب :- مالكش دعوة انت بس انت كل اللى ها تعمله انك تيجى معايا

حودة :- يا عم الراجل ده لو شاف وشى تانى لو صدفة حتى بعد الكلام ال عمرو قاله ها يجرى ورايا بالجزمة ... عاوزنى اروحله البيت

دى تطير فيها رقبتى يا اسطة

عمرو :- معلش يا حودة عشان خاطرى شوف الخطيب يمكن يقدر يعمل حاجة

حودة :- عليا النعمة انا نهايتى ها تبقى على ايدك ... وصيتك العيال وامهم ...

الخطيب :- هههههههههه يا عم ما تخافش

حودة :- والله انا ما خايف الا منك انت يا نحس

عمرو :- انا كل ال قلقنى دلوقتى هى ياسمين ال موبايلها مقفول

قلقان عليها اوى ...

(( نسيب عمرو ونرررررررروح لياسمين ))

حالة ياسمين كانت وحشة جدااا بعد ال حصل وخصوصا انها كانت لسة تعبانة من الحادثة ..

وتعبت اكتر بعد ال حصل وهى ال رفضت انهم يجيبولها دكتور ... وحاولت والدتها انها تهديها بس ما فيش فايدة

وال مزعلها اكتر بنتها حبيبة ال جدهاا ضمها لصفه وبقت هى كمان ضد مامتها

حاولت ياسمين تفهم بنتها ال بيحصل بس هى رافضة مبدا الكلام معاها من البداية ومش عاوزة تسمع منها اى كلمة

.....

وتانى يوم ....

عمرو قاعد لوحده بيفكر ف اللى بيحصل ده ... قلقان على ياسمين اللى مش بترد عليه ...

وخايف على صحابه ال دلوقتى هما فى بيت ياسمين .. مستنى يعرف اللى حصل على نار ومش قادر يتلم على اعصابه

فى اللحظة دى بتخوش عليه والدته

...

والدة عمرو :- مالك يبنى فى ايه .........!!!! احكيلى يا عمرو ..

عمرو :- ما فيش يا ماما والله

والدة عمرو :- على ماما برضه ... والله لتحكيلى

(( وفعلااا حكى عمرو لمامته كل حاجة

وال كان رد فعلها ما يختلفش كتير عن والد ياسمين ))

والدة عمرو :- يا لهوى يا عمرو انت عاوز تتجوز واحدة كانت متجوزة وكمان عندها بنت ..

ليه يبنى كدا مش كان انتهى الموضوع ده من زمان ..!!

( وكأن المطلقة حرام عليها انها تفكر فى الجواز من تانى )

عمرو :- يمكن يكون انتهى بالنسبة ليكوو بس بالنسبالى اناا عمرى ما نسيته ... وبعدين مالها ياسمين ايه اللى

يعيبها ... عشان كانت متجوزة ... وفيها اىه ..!! حراام ...!!!!

والدة عمرو :- لا مش حرام ... بس ليه تظلم نفسك ... ما تتختار اى واحدة تانية .. ووووو .....

عمرو :- اختار اى واحدة تانية وخلاص ... يعنى اى واحدة محترمة بقى مش محترمة ... بتحبنى مش بتحبنى ... ها اعيش معاها ف سعادة ولا لا ... كل ده ما يهمكوش كل اللى يهمكو واحدة تانية وخلاص

والدة عمرو :- يا عمرو يبنى يعنى هو ال خلقها ما خلقش غيرها ... وها تلاقى يا عمرو ال تحبك وتسعدك

عمرو :- مش وقته يا ماما انا لازم انزل دلوقتى

ونزل عمرو بعد ما زاد همه برفض مامته

وهو لسة بيفكر

يا ترى اى ال بيحصل دلوقتى ..؟؟

يا ترى ها ييجو يفرحونى ولا يبكونى ..؟؟

يا ترى ياسمين دلوقتى عاملة ايه ...!!

طب حتى لو وافق والد ياسمين انا ها اقدر اقنع والدتى ازاى بيها ..؟؟

واسئلة كتير اوى جت فى باله وهو بيمشى ومش عارف على فين رجله مودياه

عمرو :- يا رب اقف جمبى ياااااا رب

بيروح عمرو يقعد على الكافيه المعتاد

وهو لسة بيفكر وايده على الموبايل كل شوية يتصل بياسمين بس للاسف ما فيش اى رد

بيرمى الموبايل على التربيزة بعد ما فقد الامل ف انها ترد عليه

وهو لسة بيفكر فى اصحابه وفى المشكلة اللى حط نفسه وحط صحابه فيها

........

بيلاقى موبايله بيرن

دى ياسمين وصوتها كمان بيعيط

ياسمين :- انا اسفة يا عمرو انا عارفة انى كتير اوى عذبتك معايا وتعبت كتير اوى اوى بسببى بس انا اسفة

عمرو :- من فضلك يا ياسمين بلاش تعيطى ... وفهمينى براحة ايه اللى حصل

( بيقولها عمرو وهو حاطط ايده على قلبه )

ياسمين :- بابا رفض تانى ... ودخل من شوية وعمال يهزق فيا وانا ما بقتش صغيرة على كل الكلام ده ... انا تعبت اوى يا عمرو

( بتقولها وهى مش قادرة تاخد نفسها من العياط )

عمرو :- ما تعيطيش ... ماحدش ها يقدر ياخدك منى .. خلاص

احنا ها نبقى لبعض حتى لو وقفنا قدام العالم كله .. ها نبقى لبعض ولا عمرنا حد ها يقدر يفرقنا ابداااا ..

اللى نفسى اعرفه

هو باباكى ليه بيرفض

انا متاكد ان فى حاجة وانتو مخبينها عليا

انا متاكد طريقة الكلام اللى كانت ف المستشفى ورفض باباكى اللى مالوش اى تفسير ... اكيد ف حاجة

ياسمين :- ساكتة

عمرو :- لو مخبيين عليا حاجة قوليهالى يا ياسمين وريحينى

ياسمين :- عمرو انا لازم اقابلك

........

وبيتفق عمرو وياسمين انهم يتقابلو وبيقفل معاها وهو بيفكر يا ترى اى الحاجة ال ياسمين رافضة انها تقولهالى ف الموبايل ولازم تشوفنى عشان تقولهالى ...

وده اللى قلقه اكتر واكتر

وده ال ها نشوفه ف الحلقة 13

ربنا يستررررر بقى
والله جابولى اكتئاب
ميرسي يا محمد مستنية الباقى

ياااااااااااااااااامسهل ياااارب
هاا يامايكون
يارب خير هههههههههههه

الحلقة ال 13
-------------------------------------
من يوميات عمرو وياسمين

.........
قفل عمرو مع ياسمين وهو بيفكر ف صحابه ال كتير تعبهم معاه
واللى بدأ يحس انهم هما بس اللى بيحسوا بيه وبيقفوا جمبوا
كل اللى حواليه بيحاولو يبعدوا ما بينو وبين حبيبته
الا صحابووو

........
بعد شوية ... بيوصل الخطيب وحودة
وبيحكولو ع اللى حصل
وان الراجل ده مش بيرفض كدا وخلاص ... لالالالا
ده اكيد ف سبب وانه كان متفاهم جدااا معاهم ... وكان بيعتزر عن اللى صدر منه وانهم اعتزروله عن الكلام اللى عمرو قاله
وهو كان مقدر جدااا الحالة اللى عمرو كان فيها..
بيحكى عمرو لصحابه اللى حصل .. مع والدته ,.. ومع ياسمين
وانه هو كمان اتاكد ان فى حاجة هو الوحيد ال ما يعرفهاش
بس خلاص هانت لانه خلاص ها يقابل ياسمين
ولما روح عمرو
.....

والد عمرو :- عمرو انا عاوز اتكلم معاك شوية

عمرو :- عارف عاوز تكلمنى فى ايه ...
( وهو بيبص لمامته )

والد عمرو :- طب ده ينفع يا عمرو يعنى بعد صبر السنين دى كلها
ينفع ال انت عاوز تعمله ده ...!!!

عمرو :- بابا انا عاوز اسالك سؤال واحد بس
انتو ايه اللى عاوزينه غير سعادتى .. مش كل اللى انتو عاوزينوا انى اعيش مبسوط وسعيد ... انا عمرى ما ها احس بسعادة غير وانا مع ياسمين

والد عمرو :- بيتكلم وبدا صوته يعلى
ليه عاوز تكسر قلب امك وما تفرحهاش بيك .. ليه غاوى تتعبنا

عمرو :- وانتو ليه مش حاسين بيا ... ليه عاوزنى اضيع عمرى اللى باقى واكمله من غير فرحة تملى حياتى ... لو انتو عاوزين كداا ... انا ما اقدرش .. دى حياتى وانا اللى اقدر اقرر
وعارف كويس فين مصلحتى وسعادتى انا ما بقتش صغير

والد عمرو :- يا ريتك كنت صغير يا عمرو ... كنا قولنا مش فاهم حاجة
(( بص عمرو لوالده ووالدته اللى بقت ظاهرة دموعها فى عنيها ))

عمرو :- انا اخدت قرارى خلاص يا بابا وما حدش ها يقدر يخلينى ارجع فيه
..........عن ازنكووووو

ودخل عمرو اوضته بدون اى كلام
وكل ما الوقت بيعدى المشاكل والهموم بتكتر اكتر واكتر
م اقدرش عمرو ينام طول الليل ... قاعد بيفكر فى اللى بيحصل وياترى اللى بعمله ده صح وولا غلط
.....
مسك عمرو الموبايل واتصل ب الخطيب

عمرو :- ايوة يا خطيب انا اسف لو اتصلت متاخر كدا

الخطيب :- لا ولا يهمك يا عمرو انا كنت سهران .. خير

حكى عمرو للخطيب اللى حصل مع اهله
وازاى هما رافضين تماما اللى عاوزه عمرو
وكانهم مش عاوزين لابنهم انو يعيش سعيد
حاول الخطيب انه يهديه .. وانه يستنى لبكرة لما يقابل ياسمين ويعرف كل حاجة ....

الخطيب :- طب بقولك ايه ... انا معزوم عندك بكرة .... ولا ها تقولى لا

عمرو :- لا طبعااااا ........
ههههههههههه
انت تشرف بس ليه مرة واحدة كدااا

الخطيب :- مالكش دعوة بقى انا ها اقدر احللك المشكلة اللى فى البيت دى .. خلاص

عمرو :- خلاص اوكيه
......

قدر عمرو انه ينام شوية .. وهو مستنظر مقابلة ياسمين بفارغ الصبر
واخيرا جيه الميعاااااااااد
وهناااااااااااااااااك

كانت اجمل لحظة لما عمرو شاف ياسمين بتقرب عليه
وهو بيمدلها ايده يسلم عليها وكأن دى عنده كانت الفرحة اللى ممكن تنسيه كل همومه

عمرو :- ازيك يا ياسمين

ياسمين :- ما بقتش عارفة يا عمرو .....

عمرو :- ششششششش مش عاوزين نكد كدا من اولها
صح ولا ايه ..!!!

ياسمين :- بتقولها وهى بتبسم لعمرو ... صح

عمرو :- تعرفى ان دى اول مرة اقابلك ونكون لوحديناا
وتعرفى كمان ان انا اول مرة اعرف انك جميلة اوى اوى كداااااا
انت اجمل واحدة انا شوفتها فى حياتى كلهااا

ياسمين :- بس يا عمرو كفاااية

عمرو :- هو ايه اللى كفااية ... هو انا بشوفك كل يوم ولا ايه ..!!

ياسمين :- اهو انا حاسة ان الناس كلها بتبص عليناا وشايفينى كدا وانا مكسوفة ووشى عمال يحمر ...

عمرو :- هههههههههههههههههه
بحبك يا ياسمين

ياسمين :- سسسسسسسسسسسسساااكتة

عمرو :- بحبك ونفسى اقولها باعلى صوووتى واسمع العالم كله

ياسمين :- وانا بموت فيك يا عمرو ومش هقدر ابعد عنك تااانى

عمرو :- ومين قال ان القمر ده حد ها ياخده منى

ياسمين :- هههههههه انت بكاااش اوى صح

عمرو :- انا بكااش طب استنى
متر .... لو سمحت

المتر :- ايوة يا فندم تأأمرنى بحاجة تانية

عمرو :- لا انا عاوز اشهدك بس على حاجة

المتر :- اتفضل يا فندم
( وياسمين عمالة تضرب رجل عمرو من تحت التربيزة )

عمرو :- مش بزمتك المدام زى القمر

المتر :- ههههههه اه طبعاااا يا فندم ربنا يخلهالك

عمرو :- يا رب
ياسمين :- والمصحف انت مجنون ... ههههههههههه

عمرو:- والله لو الجنان اللى فى الدنيا كله بيبقى كدا .. يبقى انا اجن واحد فى العالم كله .... مجنووون بحبك

ياسمين :- ههههههههه
بحبك اوى يا عمرو

قعد عمرو وياسمين والوقت سرقهم بس ما سرقش حبهم
ونسوا يتكلمو فى الموضوع اللى جيين علشااانو

عمرو :- اهو انا كدا مش عاوز اى حاجة تانى من الدنيا ... طول ما انت جمبى ... وعاوز افضل جمبك على طول ... بس اللى نفسى اعرفه ليه باباكى رفض

ياسمين :- ها اقولك يا عمرو بس عشان خاطرى تسامحنى انى خبيت عليك

عمرو :- قولى يا ياسمين

ياسمين :- انااااا بعد ما اطلقت بحوالى اسبوع او اتنين تعبت ... ولما روحت للدكتور .. قالى ......................
انى حــــــــــــــــــــــامل

ولما عرف وليد انى حامل جيه عندنا البيت وفضل يتكلم مع بابا كتير
وما كنش عاوز ابنه اللى جى ده انه يتربى بعيد عنه
ولما شافك فى المستشفى وحس باللى ما بينا كان ها يتجن اكتر واكتر وقال لبابا انى لو فكرت اتجوز ها ياخد حبيبه منى ويحرمنى منها طول العمر ....
( بدات ياسمين تعيط اثناء كلامها مع عمرو )
وعمرو ساكت بيسمع كل كلمة بتقولها......

عمرو :- كملى

ياسمين :- واللى كان مخلينى ما اقولكش كنت خايفة تبعد عنى لما تعرف
وفضلت كل ليلة ادعى ربنا انو يقرب ما بينا
لحد ما قابلتك يوم الحادثة
ولما نقولنى للمستشفى الدكتور اكتشف انى كنت حامل بس الحادثة كانت جامدة وانا سقطت
بس انا قولت للدكتور انو ما يقولش لاى حد عن الموضوع ده
حتى بابا وماما ما يعرفوش لحد دلوقتى
لانى خوفت يعرفوا ووليد يعرف ...
ويفكر انى انا اللى نزلته وياخد حبيبة منى .... بس والله يا عمرو انا كنت ها اقولك ... والله يا عمرو كنت ها اقولك بس كنت مستنية الفرصة المناسبة ...
لحد ما اانت ما جيت البيت وطلبت ايدى ...
وبابا رفض لانه مفكر انى لسة حامل
سعتها حسيت انك لازم تعرف الحقيقة
وصدقنى يا عمرو والله انا عمرى ما حبيت حد غيرك ولا اتمنيت انى اكون مع حد غيرك ... بس القدر هو اللى دايما بيفرقنا ...
وعارفة انك ها تسامحنى عشان بتحبنى ... وها تعزرنى ... وتحس بيا

عمرو بيتنهد وهو بيبص فى عنيها ومش عارف يقولها ايه ..
لاول مرة بيقف لسانه مش عارف ينطق

ياسمين :- عشان خاطرى يا عمرو ما تسبنيش كدا ... اتكلم

عمرو :- عاوزانى اقول ايه ..!!

ياسمين :- عاوزاك تسامحنى عشان انا خبيت عليك بس والله ما كان بايدى .... وكل حاجة كانت غزبن عنى

عمرو :- وليه ما قولتليش يا ياسمين ... بتخبى عليا انا

ياسمين :- انا عارفة انى غلطانة بس عارفة انك ها تسامحنى
والنبى يا عمرو وحيات الحب اللى ما بينا تسامحنى

عمرو :- وليه ما قولتيش لاهلك

ياسمين :- كنت خايفة من وليد .... خايفة ياخد منى حبيبة
انا ام يا عمرو .... حط نفسك مكااانى .... انا اكتر واحدة شافت ظلم انت ما شوفتش الايام اللى كنت عايشاها من غيرك ... انا مصدقت انك رجعتلى تاااانى وكنت عارفة انك ها ترجعلى لان ربنا عمره ما ها يكتب علينا نعيش طول العمر نتعذب

بيمد عمرو ايده وبيمسح دمع عنيها وبيقولها

تتجوزينى يا ياسمين

بتمسك ياسمين ايد عمرو وتبوسها وهى بتقول
ربنا ما يحرمنى منك ابدااا يا رب
و عمرو واخدها ف حضنه أوى
.....

بيتفق عمرو وياسمين انهم ينسوا كل المشاكل دى
وان ياسمين تقول لاهلها الحقيقة
وتفهم اللى حصل
وانها ما تحطش وليد فى دماغها .. وهو ها يعرف يتصرف معاه
..
يا ترى ايه اللى ها يحصل ..!!
وياترى بكدا المشاكل اتحلت وانتهت ..!!
طب وليد يا ترى ها يعمل ايه بعد ما يعرف اللى حصل ..!!
وايه اللى ها يدور فى بيت عمرو ..!!

كل ده ها نعرفه فى
الحلقة ال 14

ربنا يسترررررررررررررررر بقى
مستنية الباقى
ميرسي يا محمد

الصراحه دى قصه جامده اوى
انا لسه قارءه كل الحلقات لحد الحلقه دى من كام يوم كده
بس بجد جااااااااااااااامد اخر حاجه
ربنا يخليهم لبعض
بس يا ترى فعلا فى ناس بتحب الحب دا كله ف الزمن دا؟
ميرسيي يا محمد
تسلم ايدك
مستنيه الباقى بس ف السريع العاجل

لا لا والله انا عيطت يابنى هههههههههههههههه
مش معقول كدا حرااااااااااام عليهم بقى بجد انهم يحاولو يبعدوهم عن بعض تانى
يلا والنبى بسرررررررررررررعه يامحمد مش هقدر استنى اكتر من كدا
بجد تسلم ايدك وربنا يستر عليهم

ايه يامايكون التاخير ده ينفع كده يعنى يابنى فى متابعين للقصه لازم تكملها ولا المخرج مات ولا ايه قبل ميكملهاااااا ههههههههههههههههههه
ولا انت نستنا ولا ايه يلا بقى ارجع وكملناااااا هيتجوزو ولا ايه النظااااام هههههههههههه
متنسناش يامايكون ماشى

الحلقه ال 14
----------------------------
ولما روح عمرو ... بيتصل ب ياسمين ... يطمنها ويحكيلها اللى حصل
وبعد ما حكلها
.......

ياسمين : بحبك ... بحـــــبك ... بحبك

وبموت فيك وماقدرش استغنى عنك لحظة واحدة ...

ولو حياتى كلها ثانية .. اتمنى اعيشها معاك وفى حضنك ... بموت فيك يا عمرو ..

.. بـــــــــحبك ..

عمرو :- هههههههههههههههه
كل ده عشانى انا

ياسمين : طبعااا كل ده عشانك انت واكتر كمان ...

عمرو :- يبقى خلاص كدا كل حاجة اتحلت وما فيش اى حاجة ... تخليكى تأجلى ...
عشان انا ممكن اطير دلوقتى .. واجى اخطفك

ياسمين :- ههههههه
ماشى تعالى يلااا ... بس الاول انا مستنية .. باسم عشان ييجى يكلم معايا حبيبة ...

عمرو :- تانى حبيبة ... اجبلك الواد الخطيب يقنعهاااا
والله صحابى دول تعبو معايا اوى اوى

ياسمين :- ربنا يخلهوملك .. ما تقولش كدا عشان الحسد

عمرو :- ههههههههههههه
انتى عارفة انا نفسى الوقت يجرى يجرى ... واشوفك واقفة قدامى

واخدك الف بيكى الدنيا دى كلها ... وننسى كل اللى فات من عمرنا

ياسمين :- طب كفاية بقى عشان كدا انا اللى ها اجى اخطفك
.......

بيتفق عمرو وياسمين ان خلاص ما فيش اى حاجة تانية ممكن تقف فى طريق سعادتهم .... وفرحتهم
عمل عمرو اللى عليه والواجب دلوقتى انه يعمل احلى واجب لصحابه اللى طول العمر وقفوا جمبوا ولا فى يوم اتخلوو عنه
اتفقووو انهم يرجعوا لايام زمان من تاانى
خرجوا يتمشو على الكورنيش ... والضحكة مش بتفارقهم
بيفتكروا ايااام زماان لما شاف عمرو ياسمين اول مرة .. وحاول انه يكلمها .. وقد ايه تعبوا معاه من يوم ما حبها لحد دلوقتى

وفى لحظة بينقلب حال الكل بكالمة واحدة لعمرو ...
وكأن سعادتهم بقت متوقفة على عمرو
يفرح ...... يفرحوووووا
يحزن ..... يحزنوووووا
بيستأذن عمرو وبيقف على جمب وهو بيتكلم بكل هدوء
بس ياترى ليه ياسمين بتعيط ... ؟؟!!!

وليه الدموع دى كلها بعد ما كانت اسعد واحدة فى الدنيا
..؟؟!!
بتتكلم ياسمين .. وكانها عايشة لوحدها ..

وانها هى لوحدها اللى تقدر
تكمل أوتوقف ... تقبل اوترفض
وفجأأأأأأأأة بيسمعواااا صوت عمرو اللى بدء كل الناس يسمعوووه وهو بيقول
حرام عليكى عاوزانى اعمل ايه تانى اكتر من اللى بعمله عشانك ... بجد حرام عليكى ...
انا ضيعت كل حاجة عشانك ... خاطرت بكل حاجة عشانك ...
ما حبتش حد غيرك ... ما اتمنتش حد غيرك ....
والمشكلة ان ما حدش بيجرحنى غيرك ... ما حدش بيخلينى اكره دنيتى وحياتى وايامى غيرك ...
ماحدش بيظلمنى قد ما انت ما بتظلمينى ...
الايام بقيت بكرها وبحبها عشانك ..

ما بقتش فاهم ليه انا بعمل كل ده ... عشان بحبك .... !!!!!
لو بايدى ها اشيل حبك بايدى من قلبى ... بس مش قادر ....
ياسمين :- .........

كفاية يا عمرو انا ما استهلش كل ده منك ... انا مش بايدى حاجة يا عمرو ... عشان تقولى كل الكلام ده ...
بتقولى انت اتظلمت ... وانا ايه ما اتظلمتش !!!...
ما عشتش عمرى مع واحد انت ما طقتش انك تقف معاه ثوانى...
كل يوم كنت بتعذب وانا بعيدة عنك ... كل يوم كنت بنام وانا دموعى على خدودى ... دموعى يا عمرو اللى وعدتنى انها ما تنزلش طول ما انا وياك ...

واللى برده ما عرفتش غيرها يا عمرو بسببك ....
انا استحملت كتير اوى يا عمرو ... وصبرت لانى كنت عارفة قد ايه انا وانت كنا بنحب بعض وعيشت عمرى كله على امل اننا نكمل مع بعض ...
وعمرى ما اتخيلت انك تقولى كدا ... وانك انت كمان تظلمنى بالشكل ده

( مش بتقدر ياسمين تكمل وبتنهار من العياط ... )

دى بنتى يا عمرو ... فاهم يعنى ايه بنتى يا عمرو .... يعنى ما اقدرش ابعد عنها ... ذى ما انا مش قادرة ابعد عنك ...

عمرو :- يعنى ايه ها نضيع..!!!!!!
طب كل اللى عملناه ... !!!!!!
ها نضيع حلم حلمنا انه يتحقق واحنا سواا .... ولا الحلم طلع وهم ... وصحينا منه على الفراق يا ياسمين ...
معقول ها نفارق بعض تااانى

ياسمين :- حرام عليك يا عمرو ما تعذبنيش اكتر من كدا

عمرو :- مش ها اعذبك يا ياسمين ... بس اظاهر ان القدر هو القدر ... وانو مش مكتوبلنا نبقى لبعض ...
وان الفراق هو الحاجة الوحيدة اللى بقيالنا فى حياتنااااا .....
اسف يا ياسمين لو كنت جرحتك او ظلمتك
اسف لو كنت عذبتك معاياا
بجد اسف يا ياسمين على كل لحظة خليت دموعك تنزل فيهم عشانى ...
اسف على كل لحظة ضيعتيها من عمرك وانتى ندمانة عليااا
بس اعرفى ..
انى عمرى ما حبيت حد غيرك ولا اتمنيت حد غيرك ...
ولو ربنا كاتبلى اعيش مع واحدة غيرك ... مش ها اقدر اعترض بس اوعدك ..
انى ها افضل فاكرك اللى باقى من عمرى
بحبك وياريتنى ما بحبك
سلام يا ياسمين
.......
بيقفل عمرو السكة ودموعه ماليااا عنيه بيقول لصحابه وهو بيتسم من كتر الالم اللى مش قادر يستمحله او يخبيه

خلااااص .... خلاااااص

بيفهمووو صحابه كل حاجة ... من غير ما يتكلم وخصوصا بعد الكلام اللى سمعوووه منه
كل اللى بيقدر يقوله عمرو ....

روحونى البيت

مش بيقدروا صحابه انهم يتكلمووو معاه او حتى ينطقوو وكان الكل مش قادر ينطق من الصدمة اللى هما فيهااا

وفعلااا بيروح عمرو البيت ... ودموعه لسة ما فرقتش عيونه
بعد ما شاف كل حاجة حلوة وكل حلم حلمه بيموت قدام عنيه ... ومافيش اى امل فى انه يرجع يفرح من تااانى
وبليل ...
بيقرر عمرو انه يرجع يسافر من تااانى
يمكن ... ينسى ... يمكن ... ينسى
بيتصل بصحابه وهو بيودعهم ... وهما مش مصدقين اللى بيسمعوه
بس خلاص ... ما بقاش باقى حاجة لعمرو ... هنااااااااااا
......
يا ترى تتوقع ايه اللى ممكن يحصل

وياترى فعلااا خلاص القدر ها يفرقهم تااانى

ويتحقق كلام الشيخ العراف ...!!
خصوصا بعد ما عمرو رجع من تانى وسافر..!!
ولا فيه احتمال انهم يرجعوااا تااانى لبعض ..!!
انت / انتى

ايه رايك فى تصرف عمرو..!!
ايه رايك فى تصرف ياسمين..!!

عمرو ..... ولا ..... ياسمين

وبكدااااا تنتهى الحلقة ال 15 من يوميات عمرو وياسمين ...

انتظروووووونااااااااااااااااا

فى الحلقة القااادمة

((((((((((((((والحلقة الاخيرة)))))))))))))))))
من يوميات عمرو وياسمين

الحلقة الاخيرة

من يوميات عمرو وياسمين 2

والله عمرو ده اهبل هههههههههههههه
هيجننووووووووووووووووووووووووونى
بس اكيد نهاية سعيدة زى الافلام العربى
مستنيييييييين ما تتأخرش يا محمد

لا على فكرة والنعمة ماينفع الكلام ده خااااااااااااااالص
ايه ده ياعمنا ده دا انا انهارت جنبهم والنعمة يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 72472

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 72472

لا طبعا حاجة غييييييييييييييييييير متوقعه بالمررررررررررررررررة والله
تصرف عمرو وياسمين ميفرقوش عن بعض كتير بس كان المفروض يستحملو شوية اكتر من كدا خصوصا عمرو يستحملو عشان ميضيعوش الباقى من عمرهم وهما بعيد عن بعض كدا
استحملو كتير عشان خاطر حبهم يصبرو كمان شوية
ماشى هنستنى الحلقه الاخيرة بس اصلا خلاص الموضوع جاب اخره باين كدا والواحد انهار واللى كان كان بقى ياعم
انا حزينة حزييييييييينة حزيييييييييييييييييييييييييييييييييييييييييييييييييييييييييييييينة

والله حراااااااااااااااام على آخر حلقة بابا يشيل النت
ومش هعرف أشوفها
بس بجد القدر هو اللي صعب هم الاثنين مش غلطانين

الحلقة الاخيرة

من يوميات عمرو وياسمين 2

..

اليوميات اللى ما بقاش عمرو عارف ايه هى اخرتها

يا ترى هو فعلاااا ظلم نفسه وحياته واهله وصحابه

ولا هو كان بيحاول انه يحافظ على حبه اللى

مش عارفله نهاية .. ولا عارفله طريق

وخصوصا بعد ما خلاص ساب اسكندرية بكل ما فيها

الاهل ... الصحاب .. الحبيبة

لاول مرة بيندم عمرو على كل شئ فااات

على عمره .... وحياته ..

على قلبه اللى اعذبه كتير ويااه

بيندم من كل قلبه على كل حاجة عملها عشاناها

وهى ما قدرتهاش ... ولا اهتمت بيها

وكل اللى اهتمت بيه حياتها هى وبنتها

اناااانية ....

فعلاااا انانيه اللى تلاقى كل الحب ده وما تحاولش انها تضحى عشانه

(( وتفضل انها تعيش هى وحبيبها دور الضحية

يبقى اكيد انانية وغبية كمان ))

حال عمرو خلاص اتغير ما بقاش لاقى اى سبب يعيش عشانه

باع كل حاجة ورماها وراااا ضهره

وقرر انه يعيش لنفسه وبس وقلبه ها يعتبره

من النهاردة .. مااااات

....

بعد ما بيوصل عمرو شغله

بيقابل سااامر

وبيحكيله الحكاية من طأطأ لسلامو عليكو

بيحاول سامر انو يهديه ويقف جمبه ويخرجه من اللى فيه

سامر :- ايه يا عم .. انت كمان

طب قولت مش ها تشتغل كام يوم قولنا ماشى

لاكن تفضل نايم ليل ونهار كداا .... لالالالا

قوم يالة يلاااا ... تعالى نخرج شوية

عمرو :- على فين بس انت يا عم

سامر :- قوووووم ... يلااا

ها نروح حفلة السمر ..

عمرو :- ها نلاقى الشيخ هنااااك .... !!!!!

سااامر :- اكيد

افتكر عمرو فى اللحظة دى كلام الشيخ العراف فى اول مرة قابله

الكلام اللى كان مصدقه وعاش فيه اجمل حلم وكابوس

لبس عمرو ... ونزل مع سامر وطول الطريق مش بيتكلم غير فى ياسمين

عمرو :- انت عارف يا سامر ... انا كل اللى مزعلنى بجد ووجعنى اوى ... انى مش قادر اعيش من غيرها بعد ما

اتعودت على صوتها وضحكتها .. ورجعت ليا من تااانى الفرحة اللى معاها وبس بفرح من قلبى

و الضحكة اللى فارقتنى ورجعتلى من تااانى معاااها

وكااانها يا سامر زى

الشمس لما تشرق

الاقى دنيتى كلها نورت وحياتى الاقيها بتضحك واتملت فرحة وسعادة

واول ما تغيب

... حياتى كلها تسود ... وما شوفش قدامى غير سوواد لا ببقى عارف اذا كنت عايش ولا خلاص موت

سامر :- انت بتحبها اوى كدااا يا عمرو

عمرو :- بحبها ... هههههه

انا حياتى كلهااا ابتدت ف اول يوم شوفتهااا جاية عليا من بعيد

اول ما شوفت عنيها ... ضحكتهااا

حسيت انى بقيت ملك ايديها

عشت احلى ايام حياتى ... وانا معاااهاا

وعشت احلى حلم ... لما حلمت انها بقت لياااا

واصعب يوم عيشته يوم ما اتكتبت النهاية

سامر :- ما حدش عارف ايه اللى ممكن يحصل لسة يا عمرو مين عالم ايه اللى ها يحصل بكرة

عمرو :- ها يحصل ايه ... يعنى !!!

خلاص هى اختااارت ... وانا المكتوب عليااا اتحمل نتيجة اختيااارها

سامر :- كلها شوية وها تقابل الشيخ العراف اللى بيريح قلبك

ولما بيوصل عمرو للشيخ العراف

بيكتشف انه ...... ماااااااات

هنا بيحس عمرو بالندم .. وبيفوق من وهمه اللى كان مصدقه وكلام العراف اللى كان بيرحيه ...

وبيستغفر ربنااا .... لانه فى يوم صدق ومشى ورا كلام عراف ومنجم ... وهو من جواه كان عارف ان مهما كلامه

كان شبيه بالواقع فهو مش اكتر من مجرد تخاااريف راجل كبير ...

سامر :- هااا ... ايه رايك فى الحفلة بقى

عمرو :- لا انا ها اتمشى شوية ... وانت لما تخلص ابقى اتصل بيا

...

وقعد عمرو لوحده مع ...... القمر

بيفكر ف كل اللى حصل .. وهو من جواه بيتقطع والدمعة مش بيتفارق عينه

ليه يا ياسمين بيتعملى فيا كدا وانت عارفة انى اكتر واحد فى الدنيا حبيتك ... وانت الوحيدة اللى اختارها قلبى

ليه الفراق ... وانت عارف انك معايا وقلبى معاك على طول

ليه الفراق وانت عارفة

ان الفراق ده اصعب حاجة على قلبى ...

ليه .. ظلمتينى بحبك

!!!!!!!!!!!!!!!!!!!!

ليه والف ليه !!!

بتدور فى بال عمرو

....

بيعدى الوقت .. وهو لسة لوحده

شايف حبيبته فى خياله ... بيفتكر كل ذكرى حلوة ما بينهم

بيبص عمرو لفوووق وهو من جوووواه بيدعى

... يا رب سامحنى ورجعنى ليها .. انت عارف انى ما اقدرش اعيش من غيرها

يا رب انت عمرك ما ترضى بالظلم ..... ما تخلنيش اعيش بقية عمرى فى عذاب

بعد ما قعد عمرو .. لوحده .. ودعا ربنا .. حس انه استريح كتير

وان ربنا اكيد ها يسعده قريب

وبعد شوية ... بيرجع سامر .. وبيتفاجا لما يلاقى عمرو ... اتغير

عمرو :- انا ها انزل الشغل من بكرة ...

سامر :- وايه اللى خلاك تغير رايك مرة واحدة كدااا ... وبعدين ايه الفرحة اللى فى عنيك دى

عمرو :- متاكد ان ربنا ها ينصرنااا ... ويرجعناا لبعض

سامر :- انت مالك يا حبيبى .. انت سخن

عمرو :- بقولك ايه مش عاوز تريقة ... ابقى حود عليا الصبح صحينى وانت رايح الشغل

...

وروح عمرو ... وهو شايف القمر وكانه بيبتسمله وبيوعده بوعد غير وعد العرااف

..............

وتااانى يوم ..

صحى عمرو على صوت جرس الباب

عمرو :- ايوة جى يا زفت ... انت ايه اللى جابك بدرى كدااا

...

واول ما بيفتح عمرو الباب

بيلاقى ياسمين ... واقفة قدامه .. وهى بتبتسمله

...

ياسمين :- اخر مرة تبعد عنى ... ثانية واحدة ... انت فاهم ولا لا ..؟؟

وبتترمى فى حضنه وهى بتعيط

وبتقوله

بحبك اوى ... انت بقيت كل حاجة فى حياتى

وكل ده عمرو واقف مش مصدق نفسه ...

وكانه بيحلم

بيرجع عمرو لورااا ... وبيسالها

ياسمين اوعى اكون بحلم ...

ياسمين :- لا مش بتحلم ... الا لو كنت غيرت رايك بقى ومش عاوز تتجوزنى

بيحضنهاااااااااااااااااا عمروجامد اوى ... وبيلف بيها

وهو بيقولهااا

بحـــــــــــــــــــــــ( يااااا ياسميـــــن )ــــــــــــــــــــــــبك

..

ياسمين :- ههههههههههه

حزر فزر مين معايا

حودة :- ايه رايك فى المفاجاه دى بقى ..... حلوة صح

الخطيب :- اكيد طبعااا حلوة .... وهو فى احلى من كدا

عمرو :- هههههههههههههههههههههه

بيضم عمرو .. الخطيب وحودة بين دراعه وهو بيضحك

انتو كل اللى ليا فى الدنيا دى .... ربنا يخليكووو ليا على طوول

بيرن موبايل ياسمين ...

ياسمين :- خود يا عمرو كلم ...

عمرو :- وهو مستغرب
مييييييين !!؟؟

عمرو :- الوو

حبيبه :- ازيك يا عمو عمرو

عمرو :- هههههههههههه

حبيبه :- الف مبروك يا عمو ... مبروك عليك ماما

عمرو :- ههههههههه ربنا يخليكى يا حبيبه

حبيبة :- خد بالك منها بقى ... حطها فى عنيك

عمرو :- لا ما تخافيش ... ماما هى عينى اللى بشوف بيهااا

حبيبه :- خود كلم جدووو

والد ياسمين :- ازيك يا عمرو يابنى ...

عمرو :- الحمد لله يا عمى .... ربنا يخليكوو ليااا كلكو

والد ياسمين :- ... ربنا يسعدكم يبنى .... واوعى تزعل منى يا عمرو

خد حماتك .. هههههههه

والدة ياسمين :- ابقووو زورونا بقى يا عمرو ...

عمرو :- انا مش عارف اقولكم ايه .... انتو مليتو عليا الدنيا كلهااا ... واكيد مش ها اعرف اردلكم كل ده

والدة ياسمين :- انت تستاهل كل خير يا عمرو

... على دخلة .... بااااااااااااسم ......

اناااااااا جييييييت

ومعايا المأأأذووووون ....

الحقوووه بقى ... لانو كان نايم طول الطريق

هههههههههههههههههههه

........

فى نفس اللحظة .. اللى بيرن فيها موبايل عمرو

وكان والده ووالدته ... بيباركوله .. وكان كل الدنيا كانت مخبية عنه الفرحة ....

والدة عمرو :- انا ها اسيبك بس شهر العسل ... بس تيجى انت وعروستك ... تعيشووو هنااا معانا .... قولت ايه

عمرو :- ربنا يخليكى ليا يا امى .... انا ما اقدرش ابعد عنكووو ابداااا

................

بييجى المأأأذون .. وبيشهد الخطيب وحودة .. على جواااازه

من حبيبة قلبه ياسمين ..

اللى ذى ما الدنيا ما فى يوم فرقت ما بينهم سنييين

جمعت ما بينهم .. فى يييوم ...

عشان تكمل فرحتهم وسعادتهم

وحبهم

ويعيشووو اللى باقى من عمرهم وهما جمب بعض

....

وهنااا بتنتهى يوميات عمرو وياسمين نهاااائياااا ... بكل سعادة وفرحة وحب

* - .
يا ريت يكون التوبيك عجبكو و بجد أنا كنت فرحان أوى بالردود بتاعتكو كلكو يا أحلى و أجمل أعضاء ف الدنيا و يا ريت متكونوش زهقتو منى

لولولولولولولولولولولولللللللللللى
يالهوى اخيييييييييييييييييييييييييييييييييييييييييييييييييرا بقى
الحمد لله خلصنا منهم ههههههههههههههههه
بس والله حرم ازاى تحضنه وهما مش متجوزين ؟؟؟؟؟؟؟؟؟؟؟؟؟ يلا احنا مالنا المهم انهم اتجوزوا بقى
ميرسي اووووووووووووى يا محمد ع المجهود

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 12661

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 14366

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 206261

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 847750

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 177551

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 963216

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 7 757927

برافوووووووووووووووووووووووووووووووووووووووووووووووووووووووووووووو
هيييييييييييييييييييييييييييييييييييييييييييييييييييييييييييه اخييييييييييييييييييييييييييييييييييييييييييييرا ياواد يامحمد
انا والله زى ماتكون القصه دى كانت بجد
انا فرحاااااااااااااااااااااانه اوىىىىىىىىىىىىىىىىىىىىىىى الحمد لله اخيرا القدر جمعهم تانى مع بعض
الحـــــــــــــــــــــــــــــــــــــــــــــــــــــب اجمل حاجة فالدنيــــــــــــــــــــــــــــــــــا

بجد ابدعت يامحمد والله العظيم حلقات روووووووووووووووووووووعه من اول حلقه لاخر حلقه
انت تعبتنا شوية وانت بتنزل الحلقات يعنى تنزلنا حلقة وتعد خمسمسيت يوم على ماتنزل اللى بعديها هههههههههههههههههههههههههههههههه
بس بجد تســــــــــــــــــــــــــــــــــــــــــــــــــــــــــــــــــــلم ايــــــــــــــــدك يا اجمل محمد فالدنيا دى كلهااااااااااااااااااااااااااااااااا ياجااااااااااااااااااااااااااااااااااااامد اوى

شكرا لييك يا مايكون بجد كان توبيك جااااامد ومميز
انا حاسة ان انا هاروح ازفهم بنفسي هههههههه
اشكرك

جميل جدا
زى ماتكون قصة حقيقيه والله فرحااااااااااااانه جدا
واخيرا القدر جمعهم تانى
توبيك جميل جدا من اول حلقه لاخر حلقه

تن تررنتن تن تن تن واتشخلعى ياحلوه يازينه ههههههههههههههههههههههههههههههههه
لولولولولولولولىلىلىلى
مبرووووووووووووووووووووك
واخيراا وبعد عزااااااااااب اتجوزووووووو وبالنسبه للحضن ياميروووووووووو سماح بقى ده خلاص مفيش نص ساعه وتجوزوووووووو
كفاايه العزااب المر اللى شافو على متجوزوووووووووههههههههههههه
وميرسى يامايكون على القصه الهايله دى
جاااااامده موت اخر 70 حاجه هههههههههههههههههههههه

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة