يوميات عمرو و ياسمين اجمل قصة حب حقيقى قصة رائعة ..:: متجدد ::..

تذكير بمساهمة فاتح الموضوع :

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

انا هحط الحلقة الجديدة بس فى تنبيه الحلقة لا تصلح لزوى القلوب الضعيفة واللى بياخد دوا قلب يحضرله ههههههههههههههههههههههه اللهم بلغت اللهم فاشهد

::
الحلقه التاسعه ::

كنا وصلنا لاحلى لحظة رومانسية بين عمرو وياسمين
لحظة الحب والعشق بين الطرفين
اللحظة اللى قالت فيها ياسمين واخيرا لعمرو انها بتحبه وبتموت فيه ويمكن
اكتر كمان ما هو بيحبها ....

خلص اليوم بسرعة بالنسبة لياسمين( دايما اللحظات الحلوة بتخلص هوااا )

واول ما روحت اتصلت بعمرو
اتكلموا شوية وقالته ان ده كان احلى يوم فى حياتها وانها كانت اسعد انسانة
فى الدنيا عشان كانت مع حبيب قلبها وال انتظرته طول السنين يخطف قلبها

عمرو هو كمان كان اسعد انسان فى الدنيا
طبعا عمرو ما يقدرش يعدى يوم زى ده على كدا حب يشارك فرحته صحابه واللى
كانوا سبب فى انه يكلمها

اتصل بحودة والخطيب
واجتمعو
واتمشوا على البحر وحكالهم عمرو على اللى حصل......
وكانو فرحانين علشانو جدااااااااا
بيتمشوا على الكورنيش
وحودة كالعادة بيمارس موهبته فى فن معاكسة البنات

حودة :- شايف ياض البنت اللى ذى البدر اللى هناك ديه

الخطيب :- هههههههه ... يا عم سيبها ديه ماشية مع حمار بدل ما ييجى يضربنا

عمرو :- لا والنبى يا حودة مش طالبة نضرب النهاردة خااااااااااااالص

حودة :- يا جدعان ضرب ايه وبتاع ايه
ساعة الضرب ........الجرى نص الجدعنة

حودة .......الخطيب ....... عمرو
هههههههههههههههه

الخطيب :- انت بالنسبة لك الجرى كل الجدعنة

حودة :- يااااااااااااااا لهوى انت واخد بالك من الجيبة اللى هناك ديه

الخطيب :- ههههههههههههههههه
يبنى بس وجعتلى بطنى
هههههههههه

واستمر حودة على كدا طول السهرة وضحك وهزار
وعاش عمرو احلى يوم فى حياته واللى بيه تبدأ حياته

وتعدى الايام وتروح

وفى يوم كان اصعب يوم على قلب ياسمين
والساعة 8 بيرن موبايلها
شافت رقم عمرو جرت على الموبايل وبكل لهفة وشوق بترد

عمرو :- الو

ياسمين :- ازيك...................... وحشتنى

عمرو :- كويس ( صوت الواد متغير )

ياسمين :- مالك فيه ايه صوتك متغير !!!

عمرو :- لا ابدا مافيش

ياسمين :- لا فيه قول مالك عشان ما تقلقنيش عليك

عمرو :- فى موضوع كدا بس مش عارف اقول ايه ؟

ياسمين :- لا قول يا عمرو

عمرو :- ياااااااســـ مــــ ين

ياسمين :- نعم

عمرو :- احنا مش ها ينفع نكمل مع بعض

ياسمين :- نعم

عمرو :- اسمعينى بس للاخر وسيبينى اتكلم .............. انا عارف ان الكلام
اللى ها اقوله صعب عليكى ..................... بس انا اسف يا ياسمين

ياسمين :- عمرو انت عارف انت بتقول ايه ؟

عمرو :- سامحينى .................. ويارب تقابلى الانسان اللى يحبك اكتر
منى و يخاف عليكى ادى

ياسمين :- عمرو ليه كل داا......!!!!.....
بدأ صوتها يبان عليه دموعها

عمرو :- اسف سلام يا ياسمين
(((((((( وقفل السكة ))))))))

ياااااااااااااااااااااااااااااااااااااااا
اصعب لحظة فى حياه ياسمين .......... طبعا ما سكتتش .......اتصلت بيه تانى
كنسل .........وقفل الموبايل

جرت ياسمين ودموعها مالية عنيها على مامتها تقولها اللى حصل
ومش عارفة تتكلم ......... حاسة ان روحها بتطلع منها
الانسان الوحيد اللى حبته بيقولها ما ينفعش نكمل مع بعض وبدون سبب
طول اليوم عمرو قافل الموبايل
وبليل ...........

مروة صحبتها بتروحلها البيت وجواها كلام كتير مش عارفة تبدأه منين
............لقت ياسمين فى حالة عمرها ما شفتها فيها ولا كانت تتخيل انها
تشوفها كدا
ذى الاطفال بتبكى على حبيبها اللى راح منها............. بين يوم وليلة بعد
ما شافت معاه اسعد ايام حياتها

وكانت الكارثة الاكبر

مروة :- ما تبكيش عليه هو اساسا ما يستهلكيش

ياسمين :- انا بس عاوزة اعرف هو عمل كدا ليه ؟
مروة :- انسيه بقى ........... عمرو ما حبكيش ولا عمره ها يحبك

نزلت كلمات مروة على ياسيمن ذى الصاعقة
مش عارفة تقولها ايه ولا ايه

ياسمين :- فيه اى اللى حصل !

مروة :- عمرو لسة شايفاه هو والخطيب راكبين عربية ............
الخطيب سايق وعمرو قاعد هو وواحدة ورا

يااااااااااااااااااااااااااا
المصايب كلها بتيجى فى وقت واحد
حبيبها طلع بيخونها ......... لا ده حتى ما حبهاش ...........وفى اشد لحظات
احتياجها ليه ....... نسيها ومع واحدة تانية

اتجنت ياسيمن وعاوزة تكلمه باى طريقة
فكرت .......

اتصلت ب سلمى ( اخت صباحو كدب ) صاحبهم الرابع

ياسمين :- ازيك يا سلمى عاملة ايه ؟

سلمى :- الحمد لله مالك صوتك فيه حاجة متغيرة

ياسمين :- لا ابدا تعبانة شوية

سلمى :- لا الف سلامة عليكى

ياسمين :- محمد اخوكى موجود

سلمى :- محمد اخويا !!!!!! .......وانت عاوزاه ليه !!!!!

ياسمين :- موجود ولا لا ؟؟

سلمى :- لا مش هنا

ياسمين :- امال فين ؟

سلمى :- اكيد مع شلته هو وراه غيرهم

ياسمين :- انت تعرفيهم كويس يا سلمى

سلمى :- اه اخويا دايما بيكلمنى عليهم ..........ليه ؟؟

ياسمين :- بيقولك ايه

سلمى :- يعنى انهم على طول فى سهر وخروج وبنات فى الكلية وهزار وضحك ولعب
وكدا ........... عايشين حياتهم يعنى

ياسيمن بتكلمها وبتخبى دمعتها لا يبان عليها وبتقولها اوك ها اكلمك تانى
وتقفل السكة
ومامتها قاعدة جمبها وبتقولها

مامتها :- خلاص بقى اوعى تجيبى سيرته تانى .......انسيه زى ما نسيكى .. و
اوعى تندمى عليه...

ياسمين :- طب ليه يا ماما عمل كدا ؟ بقى ده ذنبى انى حبيته ؟

مامتها :- خلاص بقى ربنا يسامحه واهو عنده اخوات بنات

ياسمين :- بس انا متاكدة انه بيحبنى زى ما بحبه

مامتها :- كفاية بقى يا ياسمين اديه طلع كداب وابن
وكفاية لحد كدا والحمد لله انها جت على اد كدا ............

وبتسيبها وتمشى
وياسيمن ما تلاقيش حد يمسح دمع عنيها وتقعد تفكر فيه
معقول ما حبنيش .................. طب ازاى ده انا كنت حاسة كل كلمة
بيقولها ........طب ليه عمل كدااااا ... طب ليه قالى انه بيحبنى وضحك عليا
ليه ...... و ليه ...... وليه ...........؟؟؟؟؟؟؟؟؟
والف سؤال بيدور فى دماغها
وماحدش يقدر يجاوبها غير واحد بس
حبيبها عمرو
اللى ماحدش عارف هو فين دلوقتى

وووووووووووووووو
تخلص الحلقه التاسعه على اصعب مشهد فى حياه ياسمين صدمة حياتها فى
حبيب قلبها

واسمع الردود الحلوه ويا ريت نتناقش فى الحلقه وتقولولى هى عجبتكو ولا لا

لالالا انا هيجرالى حاجة ده اكيد فى حاجة غلط دا الواد كان هيموت عليها !!!!!!!
اكيييييييييييييد فى حاجة مش مظبوطة
والله هعيط اهىء اهىء
ميرسي يا محمد بس بسرعة بقى عايزة اعرف الباقى

ايه ده حرام كدة
بس ايه اللى حصل لكدة هو مش كان هيتهبل عليها
شكلى انا اللى هتهبل دلوقتى
ميغسى على الحلقة المحزنة دى

ردود حلوة ايه ونقاش ايه بس هوا في كلام بعد كدة
مهو طلع زي اي واد ...............
انا مش عارفة القصة بتاعتك العجيبة اللي هتجبلي القلب دي اخرها ايه بالظبط
عيني عليكي يا ياسمين
شكرااااااا يا مايكون على التنكيدة الجامدة دي
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 72472

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 72472

يالهووووووووووووووول تلك الصاااااااااااااااااااااااااااااعقة
لاء بجد حراااااااااااااااااااااااااااام
كل اللي اقدر اقولة نووووووووووووووووو كوووووووووووووووووومنت
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 72472

ممكن يكون معرفش يتصرف مع أخوها
وطلب منه كده
احنا عارفين كان بيحبها قد إيه؟؟
بس بجد ياسمين صعبانة عليا قوي

يووووووووه ليه كدا بقى ما كنا كويسين ومدلعين عالاخر
انا بقى متوقعه انه السبب فده كله اخوها اكيد معرفش يتصرف معاه او خاف يواجهه بالحقيقة دى يكون العواقب مش كويسه
بس انا اعتقد بردو انه هيرجعلها لانه بيحبها اوىىىىىىىىى وبيموت فيها ومش هيقدر يستحمل يعيش من غيرها
ويلا بقى انجز ياعم الحج وبسرعه كدا الحلقة اللى بعدها انزل بيها هههههههههههههههههههههه
وميرسى يا معلم على شويه النكد اللى عالمسا ده تسلم ايدك ياباشا

ميرسى لردودكم الجميلة دى وانا عارف انك نكدت عليكم بس مش تزعلوا منى علشان انا كمان خلاص هعيط والله ههههههههههههههههههههه فرفشوا كده ده التقيل لسه كله جاى نورتوا بجد التوبيك يا امامير

ردود حلو ايه بس
والله انا اتغميت
الحلقه دى رخمه موووووووت
يلاش كده يامايكون
الواحد مش ناقص غم
بالله عليك لو نهايه القصه دى غم قولى علشااااااااااان مديقش

:: الحلقه العاشره ::

كنا انتهينا عند الفراق وازاى الفراق بيبقى صعب اوى اوى
وخصوصا للعشاق اللى بيحبه بجد وبيخلصوا لحبهم بجد من كل قلبهم

بس يا ترى عمرو
خاين
وكداب
وانانى
وضحك عليها وماحبهاش بعد كل ده !!
طب ليه عمل كل ده من الاول ؟؟
وليه سابها من غير حتى وداع ويقولها على سبب ؟؟!!
يا ترى ياسمين عملت حاجة غلط ؟؟
ياترى كان بيضحك عليها طول الفترة ديه ؟؟
.....

كل ديه اسئلة كانت بتدور فى عقل ياسمين بس بدون اى اجابة
ومش لاقية اللى يرد عليها

عمرو وقافل موبايله وكل اللى تسألهم عنه يحزروها منه
طب بعد ايه ؟؟؟؟؟؟
... بعد ما حبته من كل قلبها...

يلا نكــــــــمل

ها نسيب ياسمين واللى هى فيه
ونروح لعمرو
ونرجع لليوم اللى عمرو اتصل بيها وقالها انه خلاص مش ها ينفع يستمروا مع
بعض
اى اللى خلاه يعمل كدا ها نعرف دلوقتى
....................

والد عمرو :- بنت عمك جاية النهاردة ولازم تروح تجيبها من المطار

عمرو :- اشمعنا

والد عمرو :- ياعمرو انت عارف اشمعنا انت ؟؟!!
(( وده موضوع قديم اوى ومعروف فى المجتمع المصرى ومنتشر جدااااا ...ان لازم
ابن العم يجوز بنت العم عشان بنات العيلة ما تخرجش بره ))

وهما متربين من صغرهم مع بعض ... لكن عمرو ما بيحسش قدامها غير انها اخته
وبس ............وهى كمان زى اخوها

بس والد عمرها ووالدها مش شايفين كداااا

عمرو :- يا بابا احنا ها نتكلم فى الموضع ده تانى مش كان انتهى من زمان

والد عمرو :- يعنى ايه انتهى ديه بنت عمك وخطيبتك من وانت فى اللفة

عمرو :- طب وانا ذنبى ايه ؟ هى بالنسبة ليا مجرد اختى وبس
وبعدين انا فيه واحدة فى حياتى وبحبها وما اقدرش احب غيرها وعاوز اتقدملها

والد عمرو اول ما سمع الكلام ده اتجن اكتر واكتر

والد عمرو :- وديه بنت مين البرنسيسة ديه كمان اكيد واحدة ......... من
الشارع

والدة عمرو :- براحة الكلام ما يبقاش كدا عمرو مش صغير

والد عمرو :- افهم مين؟؟؟ ابنك عاوز يجننى

عمرو :- يا بابا انا حر وده مستقبلى وانا بحبها وهى بتحبنى ومتفقين على كل
حاجة

والد عمرو :- يعنى ايه متفقين .... ها تكسر كلمتى .... انا ابوك واعرف اكتر
منك
انت لسة صغير وما تعرفش حاجة

عمرو :- لا انا مش صغير وعارف مصلحتى كويس وبعدين ان حر فى انى اختار شريكة
حياتى

(( وفى جزء اقل من الثانية ))

ينزل الم على خد عمرو

والد عمرو :- ها تعمل اللى انا عاوزه وها تنفذه

(( عمرو بيدخل اوضته ويقفل الباب ))

وعشان ما حدش عارف اى حاجة فى اى حاجة ........... ودايما الاب والام
بيحسوا ان ابنهم ده لعبة فى ايديهم يشكلوها ذى ما هما عايزين ..........وما
لهمش حق حتى فى اختيار شريكة حياتهم ولا مستقبلهم

ويستمر النقاش قصدى العراك بين عمرو ووالده وكانت مامته بتقنع عمرو انه
يسمع كلام والده اختصار للمشاكل .......

اخد والد عمرو الموبايل من عمرو ........ واجبره على الاتصال وانه ينهى كل
حاجة ..........ولما عمرو رفض شاط الاب اكتر واكتر

ووالدة عمرو ما بقتش عارفة تعمل ايه ؟؟؟
خايفة على عمرو وما ينفعش تكسر كلمة والده .......... اقنعت عمرو انه يتصل
ويقول الكلام اللى عمرو قاله ......... ووعدته انها تقف جمبه ........
وتساعده بس لما الامور تهدى

وتحت الحاح الجميع
اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت
كل كلمة بتطلع منه ...... وكأن روحه بتتسحب بيموت كل مرة بينطق فيها كلمة
وداع

اخد والد عمرو من عمرو موبايله
واتصل بالخطيب صحبه عشان ييجى ياخد عمرو ويروح المطار يجيب بنت عمه
وانه يحاول يقنعه انه يدور على مستقبله وانه لسة صغير ..... ولسة ها يقابل
كتير

راح عمرو وهو شايل هموم الدنيا وعمال يفكر فى ياسمين
وياترى بتقول عليه ايه دلوقتى .. ؟؟؟؟

اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق
الامور

عدى يومين ولسة المشكلة ما اتحلتش
اتصل عمرو ب ياسمين من موبايل صحبه
وكانت النتيجة متوقعة
.....

عمرو :- الو

والدة ياسمين :- ايوة مين

عمرو :- انا عمرو يا طنط

والدة ياسمين :- عمرو .............. انت لسة ليك وش تتصل هنا

عمرو :- طب ممكن افهم حضرتك اللى حصل

والدة ياسمين :- لا مش عاوزة افهم اى حاجة
وياريت تنسانا وتنسى ياسمين وما تحاولش تتصل هنا تانى ابدا
وسيبها فى حالها وكفاية اللى شافته منك

عمرو :- طب .....

والدة ياسمين :- خلاص يا عمرو ما ينفعش الكلام
ياسمين خطوبتها كمان اسبوع
( ياااااااااااااااااااااااااااااااا لهوى )

عمرو :- نعم

والدة ياسمين :- زى ما سمعت وما تحاولش تتصل هنا تانى من فضلك

والدة ياسمين :- سلام

اتجن عمرو وكره دنيته وحياته بعد ما سمع الكلام ده ...... عاوز يروح يرمى
نفسه فى اى حتة ويختفى من الدنيا ...... ما خلاص اللى حبته فى الدنيا راحت
وضاعت من ايده
وبسبب ايه ...... ؟؟
حاجة مش بايده

كان هاين على عمرو انه يولع فى الدنيا ها يموت من حزنه عليها قلبه بيتقطع
على حبيبة قلبه
ولولا انه كان معاه صحبه هدوه....... الله اعلم كان اى اللى ها يحصل

الخطيب :- يا عم انت اهدى بس اهدى شوية

عمرو :- اهدى ايه انت مش شايف مامتها قالت ايه ؟؟

الخطيب :- يا عمر وانت ايه اللى يخليك تصدق....... ما يمكن بتقول كدا عشان
تبعدك وتخليك ما تتصلش تانى

عمرو :- لا لا لا لا لا

عمرو :- عاوز اشوفها عاوز اكلمها
مش قادر ها اتجنن

معقول ها يبعد عنها معقول مش ها يشوفها تانى !!
معقول ها تبقى لحد غيره !!
معقول تنساه بالشكل ده !!
معقول بعد ما القدر يخليه يشوف سعادة الدنيا وما فيها !!
يخليه اتعس انسان فى الدنيا !!
معقول القدر يلعب معاه ويدمر حياته !!

يا ترى ها اعيش لمين من بعدك يا ياسمين !!
بيقولها عمرو بكل حسرة والم وشوق وجراح

الخطيب :- يا جدع اهدى بقى حرام عليك مش كدا

الخطيب :- طب استنا انا ها اعرفلك كل حاجة

(( الخطيب بيتصل باخوها على موبايله ))

الخطيب :- الو باسم

باسم :- ايوة

الخطيب :- انا الخطيب ............ازيك يا باسم

باسم :- الحمد لله

الخطيب :- انا كنت عاوز اقابلك دلوقتى ضرورى

باسم :- ليه ؟؟

الخطيب :- عاوزك بس فى حاجة ضرورية

باسم :- عشان عمرو صح ؟؟

الخطيب :- ايه ده انت عرفت

باسم :- اه عرفت كل حاجة وعيب اللى عمرو عمله ده على فكرة

الخطيب :- يا عم طب انا عاوز اشوفك دلوقتى وها افهمك كل حاجة

باسم :- تفهمنى ايه ؟؟

(( ويخطف عمرو الموبايل من الخطيب ))

عمرو :- ايوة يا باسم انا عمرو وعاوز اشوفك دلوقتى

باسم :- اهلا يا عمرو ماكنش العشم يا عمرو ده احنا اصحاب

عمرو :- ماهو عشان اصحاب يبقى لازم اشوفك دلوقتى

باسم :- انتم فين ؟؟

عمرو :- انت فين واحنا نجيلك

اتقابلو هما التلاتة

وكان رد فعل باسم غريب جداااااااا
بس .....

_________________
ها نعرف فى الحلقه ال 11

الحمد للااااااااااااااااااااااه اهو اتنفس الصعدااااء
يلا بقا نفرق الشربااااااااااات
يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 748383

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 748383

ربنا يستر بقى ويطلع بااااااااااااسم بياخد الامووور بتفااهوم
وتطلع البت بنت عمه صايعه ومتجوزه من ورااااااااهوم هههههههههههههههه وابوه هوه اللى يرفضهاااااااااااااااا
الامور عماله تصعب ياعم مايكون يارب تكون القصه نهايتها حلوه
زى فلم الخطايا كده ههههههههههههههههههههههه
اصل القلم اللى عمرو خدو فكرنى بالفلم
بس والله حلقه موسيره وشيقه
ياريت فى السريع بقى الحلقه الجايه ياحمزاااوى ههههههههههههههههههههههههههههههههههههه

حرااااااااااااااااااااااااااااام عليك والنعمة ههههههههههههههههه
انا قلبى مخطوف عالواد والبت
ليه الظلم بتاع الاب والام ده حرام عليهم والله
اهئ اهئ اهئ اهئ ماتنزل بالحلقة الجديدة بقى يامعلم كفايه بقى الواحد قلبه بيتقطع عالجماعه دول ههههههههههههههههههههه
استعجل بقى ياعم الحج شوية الله يكرمك

والله باباه ده حرام عليه هههههههههههههههههههه
ربنا يستر انا متفائلة خير بس والله الساسبينس ده كتير علينا ههههههههههههههههه

يالهوى
انا مكرهش فى حياتى قد ان الاب يقول ان الولد يتجوز بنت عمه ايه ده ويعد يقوله مخطوبالك من اللفة دة كلام مجنون

يخرب عقلك يا ميمو يامجرم يخرب عقلك يامجرم
ههههههههههههههههههههه
قصه بنت لذيذه اوووووووى بجد
ويارب يكون فعلا البت صايعه ومتجوزه من وراهم ههههههههههههههههههههه
وبجد ابوه ده رخم اوووووى اوووووى لان بصراحه شكل البت موزه اوووووى :D
وشكل الواد بيحبها بغباء وهيا كمان يلا يلا يامحمد شوقنا اكتر شوقنا :D

:: الحلقة الحادية عشر ::

وندخل بسرعة وبدون مقدمات عشان المفأجات..؟؟

وصل عمرو والخطيب وباسم وتقابلواا هما التلاتة
اتكلموا كتير اوى

اقنع عمرو باسم انه فعلااا نيته كويسة وانه عاوز يتقدم لاخته وانه عمل كل
ده عشان بيحبها وكان عاوز يتاكد الاول من مشاعرها........ ويصارحه بعديها
وان كل اللى حصل ده مش بايده
طب بعد اييييييييييه ....... قالها باسم وهو قاصد كل حرف فيها
بعد ايه .... يا ريتك كنت فهمتنى من الاول ويا ريت اللى حصل ده ما كنش حصل

عمرو :- ليه فى ايه اللى حصل ؟؟ وبدأت نبضات قلب عمرو تتزايد .... قلبه
بيدق فى الثانية الف مرة .. حاسس ان حبيبته ها تضيع بجد المرة ديه

اكد باسم لعمرو ان والده بعد ما عرف الحقيقة ان ياسمين بتكلم واحد من وراه
....... غصب عليها انها لازم توافق على العريس ( ابن صاحبه ) وانها لو رفضت
يبقى تاخد امها وتسيب البيت !!!!

ماكنش فيه حاجة فى ايد ياسمين غير انها توافق وخلال يومين كل حاجة كانت
اتحددت المهر .. الشبكة .. الخطوبة ... حتى ميعاد الفرح اتحدد
كل ده حصل بين يوم وليلة
كل ده حصل ازاى
وامتى وفين ؟؟

كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم
بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة
.... صمم انه لازم يفرقهم برده صدفة

اتجنن عمرو اكتر واكتر ... وما عرفش يعمل ايه غير انه جرى على البيت زى
المجنون

عمرو :- مش انت قولتيلى انك ها تقفى جمبى وها تساعدينى فين كلامك دلوقتى
ياسمين خلاص ها تتخطب وانتم السبب
ولو حصل والله لموت نفسى وانتم بقى عيشوا بقية حياتكم ندمانين ...... ولا
ليه تندموا وانتم اساسا مش حاسين بحاجة ... مش عارفين يعنى اى حب ....
مفكرينى لسة صغير....... لا انا مش صغير واخترت شريكة حياتى وانتم اللى ها
تضيعوها من ايدي وعمرى ما هاسامحكم على اللى عملتوه فيا.....

قالها عمرو وهو مش حاسس بحاجة غير دموعه على خده ومامته بتحضنه ومش حاسة
بنفسها ومش مصدقة اللى بتسمعه .........

اخدت رقم بيت ياسمين من عمرو
واتصلت بوالدة ياسمين وصممت انها لازم تقابلها

وقابلتها وفهمتها كل حاجة حصلت وانها على استعداد انها تروح لوالد ياسمين
وتشرحلوا كل حاجة ...... وتفهمه ان والد عمرو على استعداد انه يقابله
...... لانه استحالة يقدر يشوف عمرو بالحالة ديه ... ووصفتلها اد ايه عمرو
حزين وليل ونهار ماعندهوش سيرة غير ياسمين وقافل اوضته عليه وعامل ذى
الاطفال وانها عمرها ما شفته بالمنظر ده قبل كدا ... بس للاسف .........

شرحتلها والدة ياسمين اد ايه والدها صعب جدااااااا ... وانه استحالة يخسر
صحبه بعد ما اتفقوا تقريبا عل كل حاجة ........ وان ديه قسمة ونصيب ...
وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان
كان ليه نصيب فيها ماحدش يقدر ياخدها منه وانها ها تعمل اللى عليها وربنا
معاها.......

والدة عمرو كانت بتسمع الكلام ده ومش عارفة هى ها توصله ازاى لعمرو ....
وياترى عمرو ها يعمل اى لما يسمع كلام زى ده.....

وما قدرتش والدة عمرو تقول الكلام ده لابنها بس هو فهم كل حاجة من غير ما
تقوله بمجرد انه بص فى عنيها وشاف دموعها

فهم عمرو انه خلاص ما لوش نصيب فى ياسمين .... بس من جواه رفض الاستسلام
اتصل بياسمين وكان من جواه نفسه يسمع صوتها لاخر مرة ...... نفسه يكلمها
لاخر مرة بس مش نفسه يقول وداع .... كان من جواه متاكد ان ياسمين عمرها ما
ها تبعد عنه وان استحالة الحب ده كله يضيع فى الهوا
كل جزء من جسمه ها يفضل فاكر ياسمين ..... لان مش قلبه بس اللى حبها .

اتصل عمرو بياسمين
وسمع صوتها وكانه اول مرة يسمعه سامع نبض قلبها .. سامع دمع عنيها ...
وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض
.. حتى لوافترقنا ها يفضل قلبى فاكرك

ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا
ما صدقنا نلاقى بعض .... خايفة ابقى لانسان تانى غيرك

عمرو :- ما تخافيش يا ياسمين واوعى تقولى كدا تانى انا ها افضل معاكى لاخر
لحظة فى عمرى
وعمرى ما ها سيبك تضيعنى منى ابداااا ولو وقفت قدام الدنيا كلها

بكى عمرو وبكت ياسمين وكانت دموعهم هى ضحية هواهم ... بس اكيد القدر مش ها
يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف
يكلمها ومش فى ايده اى حاجة يعملها.... وبعد ايااااام بسيطة جدااااااا

بيسمع عمرو ان خطوبة ياسمين النهاردة ...... معقول اكيد ده بيحلم اكيد ده
حلم مش علم .....

اصحاب عمرو حاولوا انهم يخففوا الصدمة عليه شوية بس كانه كان عارف من جواه
ان ده ها يحصل وكان مستنيه وكأنه مستنى الموووووت
حاولوا انهم يمنعوا بس عمرو صمم انه لازم يروح الخطوبة ويعمل اى حاجة ...

صحابوا خافوا عليه ...

الخطيب :- اكيد انت مجنون

عمرو :- انا ابقى مجنون لو سبتها تضيع من ايدى ... لازم اعمل اى حاجة

وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى
يوم ذى ده

وفعلاااااااااااااااااااااا راح عمرو الخطوبة ودخل القاعة بس كانت فيه
مفأجاه

وفجأأأأأأأأأأأأأأأأأأأأأأأأأه !!!!!!!!

خلصت الحلقة كده على فكرة يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 870595

يوميات عمرو و ياسمين اجمل قصة حب حقيقى قصة رائعة ..:: متجدد ::.. - صفحة 4 870595

يالا سمعونى ردودكم بقى يا حلوين

يالهوووووووووووووووى قلبى بيدق معاهم والله
حبايبى والله الدمعه هتفر من عينى ياواد
بس اقولك بقى المفاجئة ايه
المفاجأه يامعلم انه عمرو هيطلع ابن صاحب باباها وياسمين وعمرو ميعرفوش هههههههههههههههههه
وهيخطبها بقى وهيجوزو
عموما يعنى لو دا هيطلع صح او غلط هما هيجوزو فالاخر وخلاص هههههههههههههههههه
يامسهل يارب وننجز فالليلة دى وتنزل بالحلقة الجديدة بقى ههههههههههههههه

بص انا مش قادرة انطق ولا اقول ولا كلمة الحلقة دي دمااار شامل بجد انا تعبت خلاص
ااه انا عارفة اللي هيحصل انه هيدخل القاعة ومش هيلاقي خطوبة
وان باسم عامل دة كلو عشان يتاكد من حب عمرو ليها
ويشوف هييجي ولا لا
شكرا يا مايكوننننننن

يالهووووووووووووووووووووووووى
ايه ده فعلا الحلقة دى دمار شامل
تسلم ايدك يا مايكون

ههههههههههههههههههه والله ضحكتونى شكلكم بتتفرجوا على افلام هندى كتير ناقص تقولولى انهم فى الاخر هيطلعوا اخوات ههههههههههههههههههههههههههه على العموم متستعجلوش بكره نعرف ومين عالم ممكن كلامكم يطلع صح واسف على الدمار ده هههههههههههههههههههه نورتوا التوبيك كتيييييير

والله ربنا يسامحك يا محمد ههههههههههههههههههههه قلبت عليا المواجع
يلا ربنا يسترررررررررر والحب الحقيقى بيعيش يا حبيبى هههههههههههه وان شاء الله يرجعوا لبعض ونقر عليهم تانى ههههههههههه

بيتهيألي هيلاقي خطيبها ده صاحبه مثلا أو حاجة زي كده يعني
بس أكيد الحلقة النهاردة جامدة موووووووووووووووووت
بحب أنا الناس تعيط والرومانسية وكده هههههههههههه

ههههههههههههههههههههههههه يسلموووووووووووو جدا جدا يامحمد
والحلقة رووووووووووووووووووعة

ايه الغم ده والله يابنى انا بدمع وانا بشوف الكلام ده
هههههههههههههههههههه
يامسهل بس انا حسه خير
ولو النهايه وحشه يامايكون هنتلم كلنا عليك ونضربك علقه موووت ههههههههههههههههههه

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة