يوميات عمرو و ياسمين اجمل قصة حب حقيقى قصة رائعة ..:: متجدد ::..

ازيكم يا تريكاوية ؟؟؟ يارب تكونوا كووووول

بصوا يا تريكاوية انا جايبلكم قصة مش هقولكم عجبتنى لأ بجد اثرت فيا اوى اوى اوى مش عارف ليه يمكن علشان انا رومانسى بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقة اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين

وفيه اشخاص فرعية ذى1- حوده (صاحب عمرو)

2- الخطيب (صاحب حودة)

مش ها اطول عليكم اكتر من كدة

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

يوميات عمرو و ياسمين اجمل قصة حب حقيقى قصة رائعة ..:: متجدد ::.. 746579

اولا بجد بجد انت برنس الليالى ورومانه الميزان
بجد شكل القصه دى جااااااااااااااااامده طحن بجد
وفكرتك دى جااااااااااامده موووووووت وبجد تسلم ايديك
يا محمد باشا ويارب متحرمناش من قصصك دى وفى انتظار
الحلقات الى جايه يا كبير

يالهوى على الساسبينس ده هههههههههههههههههه طب ما تكمل دلوقتى لازم الحلقة الجاية
ماااااااااااااااااشى خلينا وراك يا محمد بس بسررررعة ماتستغلش الموقف وتتاخر ههههههههههه
ميرسيييييييييييييي ع التوبيك مستنية الباقى

يوووووووووة يامحمد كنت متابعة القصة وعمااااااالة اقراء واتصدمت في الاخر بالحلقة الجاية ههههههههههههههه
بس والله والله انت معلم يابني ههههههههههههه شكلها هتبقا قصة جميلة جدااااااا متتاخرش بقا علينا في الحلقة الجاية ياريت تبقا تنزل حلقتين مع بعض هههههههههههههه
تسلم ايديك يامحمد علي القصة الجميلة
في انتظار باقي القصة ...

اووووووووووووبا ايه ياباشا ده لا لا لا جامدة جامدة ياواد يامحمد بس على فكرة انت بتهرج اساسا بقى انا عماله اقرأ واجرى عشان تخلص واعرف النهاية واعرف ايه اللى حصل تيجى تقولى الحلقة الجاية تعرف انك تنفع مخرج ومؤلف مسلسلات ياواد والنعمة معلم هههههههههههههههههههه
عموما الحلقة الجاية ولا حتى اللى بعدها انا لزقة اهه قدام الجهاز والنبى لو نزلتها بعد سنه حتى خلينا نعرف الاخ اللى بيحب على روحه ده هيعمل ايه هههههههههههههههههههههههههه
بس بقولك ايه مش عاوزة 30 حلقة وتعيش بقى دور مخرج مسلسلات رمضان ههههههههههههههههه
يلا مستنياك انهاردة تقولنا الحلقة التانية والاخيرة يارداله ههههههههههههههههههههههههههههههههه

والله بجد ميرسى ليكوا كتير جدا انا اتبسط اوى بردودكم الجميلة دى ومبسوووط جدا انها عجبتكم وان شاء الله هحط حلقة النهارده وعاوزكم تتابعوه لانها بجد قصة روووعة بجد ميرسى ليكوا كتير

وااااااااااااااااااااااااااااااو يسلمووووووووووووو يااحلى مهندس ويااحلى محمد بالعالم
يسلمووووووووووووووووووووووووووو

حبيب قلبى ابو عدنان والكعبه
ايه دا يا عم
تصدق هتصدق ان شاء الله
اانا اتخيل نفسى فى القصه اصل بعيد عندك معايى نفس الحوار
ومش عارف اعمل ايه برضه ... هههههههههههههههههههههههههههه
وقولت اكيد هلاقى حل بس اتلاقيت الحلقه القادمه
يوميات عمرو و ياسمين اجمل قصة حب حقيقى قصة رائعة ..:: متجدد ::.. 870595

يوميات عمرو و ياسمين اجمل قصة حب حقيقى قصة رائعة ..:: متجدد ::.. 870595

انا معاك يا ريس قادمه قادمه بس ابقى ادينى مسد بس قبلها
ههههههههههههههههههههههههههههه
...
ااقولك بالالمانى دانكى .. بالعبرى اخارستو .. بالصينى سياسيا .. بالفرنساوى ميغسي
بالعربى
شـــــــــــــــــــــــكرا
..

ميرسى بجد لردكم كلكم ومبسوط اوى انها عجبتكم ودلوقتى هحط الحلقة التانية وعاوز اعرف رأيكم فيها يا حلوين اوووك

موضوع: ..:: الحلقة الثانية ::.. 2010-06-20, 3:55 pm

..:: الحلقة الثانية ::..

واحد اتين تلاتة اكشنننننننن

طبعا صاحبنا فضل طول الليل سهران يفكر فيها وياترى يعمل اية يكلمها ولا لآ
لحد ما توصل لفكرة جامدة جداااااا

وفجأه موبايل الخطيب الساعة 1 نص الليل بيرن
الخطيب استغرب جداااااا

ونط من السرير مفجوع ياترى مين اللى بيتصل ده
لقى عمرو بيتصل

وهنا بيبتدى الجزء التانى ..................

الخطيب :- عاوز ايه يا زفت !!!

عمرو :- بلاش غلط يا حيوان!

انا عاوز اشوفك دلوقتى حالا

((الخطيب باستغراب ))

الخطيب :- انت عبيط ياض انت دلوقتى اية ((( ده اتهبل ولا اية(((

عمرو :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اية اكتشفت انك بتحبنى اوى كدا ؟؟ وماتقدرش تستغنى عنى فجأه ((
بضحكة ))

عمرو :- غور فى ستين داهية انا غلطان انى اتصلت بيك

الخطيب :- يا عم طب قول انت عاوز ايه ؟؟

عمرو :- خلاص بكرة يا عم غور اتخمد

وقفل السكة

((وكمل تفكير فى حبيبته اللى ماحدش حاسس بيه غير قلبه ))

تانى يوم

اتقابلوا هما التلاتة

حودة :- انت ليه انت ياض بتتصل بالولة نص الليل ياض !!!!!
ايه للدرجادى كنت محتاجة ؟

الخطيب :- ههههههههه

عمرو :- مش عاوز هزار

الخطيب :- طب قول انت كنت عاوز ايه منى ؟؟؟

عمرو :- انا جتلى حتة دين فكرة عشان اكلمها

الخطيب :- هى مين ؟؟

عمرو :- ياسمين يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

عمرو :- اسمعوا بس ((ويقطعه الخطيب ))

الخطيب :- انت بتحبها بجد

حودة :- هى بصراحة تتحب اوى جدااا خالص

عمرو :- يا جدعان انا البت دى شقلبت حالى والله ما نمت , طول الليل بفكر
فيها وفى عنيها

ونفسى اكلمها واقولها انى بحبها

حودة :- خلاص يا فلانتينو ها تعمل ايه ؟؟

عمرو :- انا ها اروح الدرس معاها

((لحظة سكوووووت باستغراب)) حودة والخطيب بيبصوا لبعض

وفجـــــــــــــاه
ههههههههههههههههههه

حودة :- يبنى انت سخن انت دخلت الكلية خلاص وعديت مرحلة الثانوية من زمان
يابابا
ههههههههه

عمرو :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى
معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حودة :- طب اقولك على حاجة احسن احنا ناخد الطريق من اوله ونقدم فى كى جى
تو
ايون ونرجع تانى للزمزمية والشنطة وميس فهيمة اللئيمة
هههههههههههههه

عمرو :- والله العظيم ها امشى

الخطيب :- يا عمرو ما انت كلامك مش معقول

عمرو :- اسمعوا بس

وفضل عمرو يقنع فيهم لمدة ساعة كاملة انهم يروحوا الدرس واخيرا قدر يقنع
حودة انه يروح بس الخطيب رفض وطبعا حودة

وافق عشان سببين :-1-اولا علشان البنات اللى فى الثانوى

((ههههههههههههههههههههههههههههههههه ))
2_ عشان عمرو هو الل ها يدفع تمن الدرس
((سببين يقنعوا اى حد وبالزات حودة ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حودة :- الصلا عل النبى هى ليلتنا فل ولا حاجة

عمرو :- شششششش ها تفضحنا

حودة :- والنعمة امشى سيبنى بقى شوية اعيش حياتى

وعدت واحدة من قدمهم

حودة :- ايه الجمال ده غزال يا خواتى

عمرو :- وحيات امك اسكت عشان ..................

وفجاه دخلت ياسمين عمرو اتسمر فى الارض ومش عارف يعمل ايه كل اللى عمله انه
ماشلش عينه من على عينها

حودة :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ منيل بنيلة ))

عمرو :- حودة عشان خطرى اسكت

حودة :- خلاص ياعم انا غلطان من الاول

وعدى اليوم الاول من غير ما عمرو ما يعمل اى حاجة غير انه يبصلها وبس بس هى
طبعا اكيد اخدت بالها

وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من صباحو كدب

عمرو :- وقولتله ايه ؟؟

الخطيب :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه
هههههههههه
حودة :- المهم انت ها تتصل امتى ؟؟

عمرو :- لا لسة مش دلوقتى

وجيه تانى يوم فى الدرس

(وكل اللى عمله عمرو انه يبصلها بس هو المرة دى اتاكد انها اخدت بالها انه
دايما يبصلها

وحودة كان مهيس خالص فى الدرس لدرجة انه خلى كل اللى فى الدرس يضحك بما
فيهم الاستاذ

وبليل

التلاتة وخصوصا عمرو عمل حاجة جريئة اوى

فكر انه لازم يشوفها فجى ناحية البيت وراح معدى من تحت البلكونة وهما
التلاتة علو صوتهم وبما ان حودة خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان

حودة بيكلمه بصوت واطى

حودة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة

عمرو بصلها جت عينه فى عينها

دخلت جرى على جوه

خد لفه ورجع تانى

حودة اتكلم بصوت عالى

لقوها طلعت من البلكونة

عمرو فرح جدااااااا

وعمل نفسه بيكلم فى الموبايل وبيقول

عمرو :- طب خلاص بقى انا ها اتصل بيك كمان شوية

وفى الطريق

حودة:- ما تتصل بقى يا عم

عمرو :- لا يا عم لما اشوف اخوها الاول واكلمه عشان اوضحله الموضوع شوية

حودة :- انت عبيط ولا انت شكلك كدا

عمرو :- يا جدعان بصراحة انا مش عاوز حد يقول عليها كلمة وحشة وطبعا ولا
عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

عمرو :- امممممممممممممممم

حودة :- اتصل بقى

الخطيب :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

عمرو :- اااااوك

حودة :- على اقرب سنترال

ودخل عمرو السنترال

واول ما مسك السماعة حس انه بينهار حس انه مش عارف هيقول ايه سابها لربنا
كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه
خايف حد تانى اللى يرد عليه وخوفه الاكبر انها هى اللى ترد عليه كل الكلام
اللى محضره اتنسى

وفففففففجاه

ياسمين :- الو

عمرو بعد ما تاكد انها هى من صوتها

عمرو :- ايوة

ياسمين :- مين معايا ؟؟

عمرو :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان
اكلمك

ياسمين :- مين معايا !! (باستغراب )
((قال يعنى مش عارفة مين ده يا جدع البنات دول عليهم حركااااااااااات ))

عمرو :- واحد معجب بيك يا ياسمين وصعب اقول اكتر من كدا

ياسمين :- اه وبعدين يعنى

عمرو :- ولا قبلين

ياسمين :- طب اى المطلوب منى !!!

عمرو:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ياسمين :-اااااه ...... طب ممكن ما تتصلش هنا تانى

(وف ثانية عمرو قفل السكة اول ما سمع الكلمة دى ماعرفش ها يقول اى حس ان كل
حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف
ها يقول اى لصحابو اللى

مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه

وبعديييييييييييييييين نكمل المرة الجاية

_________________________

بس يا ترى عمرو ها يتصل تانى ؟؟؟؟

ولا ها ينسى الموضوع وكانه ما حصلش ؟؟؟؟

وهى يا ترى عرفت مين هو ؟؟؟؟

ويا ترى ها تعمل اى فى الحصة الجاية ؟؟؟؟

كل دى اسئلة ليكو انتم ها تخمنوها وتقولوا ردها
واشوفكم على خير فى الحلقه التالته

يووووووووووووووووووه يا محمد بجد انا كدا هيجرالى حاجة كدا هتخلينى الزق اكتر فالجهاز هههههههههههههههههههههههههه
عموما انا كدا كدا لزقة هههههههههههههههههههههههههههههههه
بس تصدق الواحد قلبه اتقطع ياعينى على الاخ الرومانسى ده
يلا بقى خلينا معاه للاخر لما نشوف هيرفع راس صحابه ولا هيعمل فيهم ايه والا هيضربوه ههههههههههههههههههههههههههههههههههههههههههههه

هههههههههههههههههههههههههههههههههههه
والله العظيم حرااااااااام عليك انا بسيب المذكرة مخصوص وبقعد اقرا في القصة ههههههههههههههههههههه
بس جميلة ااووووووووووي ومن الاخر بقا حودة والخطيب دول عيال سسسسسيييييسسسسسسس وانا اعتقد انها ياسمين عرفت اني عمرو هو اللي بيتصل بيها لاني البنات دي سوسة اساسا هههههههههههههههههه وبتعرف وبتحس بكل حاجة
ماتنزل القصة كلها وتريحنا يامحمد ههههههههههههههههه
بجد بجد بجد بجد بجد بجد بجد بجد تسلم الاياااااااااااااااااااااااااااااااااااااااادي

ههههههههههههههههه ميرسى لردكم يا عساسيل وبجد مبسوط اوى انها عجبتك يا امنية وانك بتاعبعيها واصبرى وهتعرفى كل حاجة فى وقتها ههههههههههههههههههههههه . نورتوا بجد

اكييييييييييييييد هيتصل تانى
ثااااااااااااانكس يا محمد تسلم ايدك ع التوبيك مستنيه الباقى

قصة رائعه جدا يا مايكون

شدتنى اكتر ما شدتك على فكرة

تسلم ايدك بجد

ههههههههههه جمييييييييييييييله
والله انا شايفه انه يتصل تانى ويوضحلها هو مين ويحكلها القصه كلها وبمنتهى الصرااحه
واعجابه بيها وكل حاجه ويقولها انه مش بتاع هزار وانه هيكلم اخوها بس هو عايز موافقتها
وطبعا يقولها انه فى الجامعه عادى يعنى مش يكذب خاااااااااااااااالص

حلوه جدا يا مايكون تسلم ايدك
وانت دايما معودنا على الحاجات المطرقعه دى
بس جـــــــــــــــــــــــــــــــــــــــــــــــــــــــــــــامده جدا .

السلام عليكم ورحمه الله وبركاته
علي فكره يا برنس الهندسه العامه والهندسه القصصيه
بصراحه شغل علي اعلي مستوي الله ينور عليك بس تعرف
انا من راي انه هيطلع ده كله حلم ويصحي في الاخر ويقول انا كنت بعمل ايه؟
بس اكيد طبعا اللي بيحب حد مش يدخل من التليفون ولا من اي مكان غير البيت
وربنا معاك ويوفققك

ايه يا عم محمد حرام عليك يا شيخ
بس والله قصه لذيذه جداااااااااااااااا
بس الود عمرو ده باين عليه اهبل وهيدلق ع البت دي
وخايف يا محمد ليكون حلم ويصحي منه في الاخر
ساعتها دي هقدم استقالتي من هنا
هههههههههههههههههههههه
واستعجل شويه وحياتك في الجزء اللي بعده

انا مش عارف اجاويك ابقي قلنا انت بقي

انا بقا من رايي لو الواد عمرو دة نيتة سليمة يدخل من الباب مش من البلكووووونة ويروح يتقدملها بس هو شكلة رومانسي اوووووي وعايز يقف مستنيها تحت المطر ويمسكلها وردة وفي الاخر تسيبة وتتجوز غيرة مع اني حاسة اني حودة في الاخر هيخووووون عمرو
لما نشووووووووف اخرتها معاك ياابن بلدي هههههههههههههههههههه

بشكركم لتفاعلكم الجميل ده مع القصة وبرضو مش هقول على اللى هيحصل هههههههههههههههههههههههههه تابعوها وانتوا تعرفوا وان شاء الله اللى جاى هيبقى احسن وفى حلقة بإذن الله هتنزل النهارده

..:: الحلقة الثالثة ::..

طبعا صاحبنا بعد المكالمة ماكنش فاهم حاجة خالص

عمرو:- منين البت دى كل ما بتسمع صوتى تجرى على البلكونة
وتبقى عاوزة تشوفنى ومنين ردت عليا الرد البايخ ده ؟؟ ( طبعا بيكلم نفسه )

المهم صاحبنا ندم انه اتصل
طلع من السنترال وكانه طالع للنار ( مع ان الجو كان تلج )

المهم صحابه كانوا بيهدوا

حوده :- يابنى ماهى اكيد كان هو ده الرد الطبيعى منها
امال انت عاوز اول ما سيادتك ما تكلمها ترد عليك ايوة يا حبيبى انا بمووت
فيك بعشقك كدا برده يا سونة يا خيان هههههههه

عمرو :- وحيات امكم مش عاوز تريقة سيبونى فى اللى انا فيه

الخطيب :- يا جدع فكك بقى وفرفش

عمرو :- انا مخنوق اوى

الخطيب :- والله العظيم اسمع الكلام هى لازم تقول كدا فى الاول عشان يعنى
تبان انها بنت تقيلة ومحترمة وكدا

( المهم فضلوا يقنعوا فيه ان ده عادى وطبيعى )

( وبرده مافيش فايدة )

( روح صاحبنا وطبعا كان ليل طويل على كل العشاق وهو من ضمنهم وخصوصا العشاق
المجروحين )

( عمال يفكر طول الليل فيها وياترى اى اللى هيحصل )

صبح الصبح

كان المفروض ان فيه درس تانى يوم

صمم انه يروح بس حودة ما رحش تقريبا خاف

لقى البنت طبيعية خالص وبردك لسة بتبصلوا كل ما تيجى عينه فى عينها
قال فى عقل باله
(هى البت دى عبيطة ولا هى اللى شكلها كدا
يا إما انا كلمت حد غيرها
وهنا بدأ يشك فى الموضوع)

عدى 3 ايام
وكانت الساعة تقريبا 9 عدى روميو من تحت البلكونة
وكالعادة جوليت واقفة البلكونة فى الميعاد المعتاد جت عينه فى عينها ولانه
كان لوحده مادخلتش فضلت واقفة تبصلوا
راح طلع الموبايل وقال بصوت عالى
انا مش عاوز غير الرضى
وبعدين انا لازم اكلمك
هى ابتسمت ودخلت

صاحبنا خد السكة صاروخ لحد السنترال
اتصل بيها
فى اللحظة دى هو ماكنش محضر كلام عشان يقولوا
وكان خايف اوى اوى وفى نفس الوقت مطمن لانه حاسس بقبول من ناحيتها

السماعة اترفعت

عمرو :- الو
( كان حاسس انه سامع دقات قلبها فى السماعة وحاسس انها متوترة اوى وهو كان
انيل منها المهم )

ياسمين :- ايوة مين معايا !!

عمرو :- واحد

ياسمين :- واحد مين !!

عمرو :- مش ياسمين معايا( بينه وبين نفسه اتاكد بقى المرة دى)

ياسمين :- ايوة مين انت

عمرو :- انت عارفة كويس انا مين

ياسمين :- اه وبعدين

عمرو :- ولا قبلين بصراحة انا معجب بيك جداا جدااا يا ياسمين وربنا العالم
بحالى دلوقتى وانا بكلمك ونفسى بصراحة ان احنا نكون لبعض

ياسمين :- يسلام
بس انا فاهمة كويس اوى حركات الشباب بتوع اليومين دول و ....

قاطعها
عمرو :- والله العظيم انا مش منهم خالص بدليل انى ما حاولتش ولا مرة انى
اعكسك فى شارع او حتى اقول اى كلمة

ياسمين :- صح انت جبت رقم التليفون منين ؟؟

عمرو :- ده مش موضوعنا دلوقتى

ياسمين :- انا مش بفكر فى المواضيع ديه دلوقتى خالص

عمرو :- بصراحة انا بحبك بجد والله العظيم

ياسمين :- اه وبعدين ( كلمة رخمة اوى اوى اوى اوى اوى )

عمرو :- انا قولت اللى عندى ومستنى اسمع ردك( يا واد يا تقيل) بس على فكرة
والله العظيم عمرك ما هتندمى انك فى يوم كلمتينى
لانى بجد انسان كويس مش وحش
ومهما كان ردك عليا
ها تفضلى ياسمين اللى اتشدتلها من اول ما جت عينى فى عينها

سكووووووووووووووووووووووت

عمرو :- ياسمين قولتى اى ؟؟؟

ياسمين :- طب وانا اى اللى ضمنى ان الكلام اللى انت بتقوله ده مش كدب
وانك بتتسلى بيا

عمرو :- الدليل على كدا انى فى كلية مش فى ثانوى

ياسمين :- يسلام امال مين ال بييجى الدرس ده

عمرو :- انا بروح الدرس بس عشان اشوفك

ياسمين :- طب ممكن تقفل دلوقتى عشان بابا زمانه جى

عمرو :- بس انا ما سمعتش ردك

ياسمين :- سيبنى افكر وارد عليك

عمرو:- ياسمين

ياسمين :- نعم

عمرو :- بحبك

ياسمين :- يلا باى

عمرو :- لا اله الا الله

ياسمين :- سيدنا محمد رسول الله

وطلع صاحبنا من السنترال مظأطط ونفسه يجرى فى الشوارع ويغنى

بحبهااا.... وفى قلبى ساكن حبها ..... ياريت ياشوق توصلها ...... ويحس بيا
قلبها
بحبها................ بحبها

وتانى يوم كان فيه مصيبة مستنياه فى الدرس
طبعا عمرو لبس الحتة ال على الحبل
وحط برفان 5 خمسات ههههههه
وجلجل شعره
وظبط نفسه وراح الدرس وهو فى سكته حود على حودة
وحكاله الحوار فى السكة

وحودة كان فرحان عشانه اوى لانه حس ان عمرو مش فى حالته الطبيعية

راح الدرس

اول مادخل الدرس لقى ياسمين
واقفة مع منى ( سكرتيرة الدرس )
ووششها عليه غضب ربنا اتفجع الواد
ولقى منى بتناديله

وكانت المفاجاة الجامدة صدمة على عمرو

الواد هيموت منناااااااااا

ولهنا بتخلص الحلقة ونكمل فى الحلقة الجاية يالا عاوز اشوفكم تفاعلكم واعرف رأيكم فى الحلقة دى وتوقعاتكم للى جاى

ياعم هتخسر ايه لما تكمل الحتة دى ههههههههههههههههههههه يلا الصبر من عندك يااااااااااااااارب
ميرسييييييييي يا محمد مستنية الباقى

ليه بس كده مكنت عشت فى القصه وسرحت ههههههههههههههههههه
بس بجد تسلم ايدك انا جيت متاخره شويه بس والله انت خلتنى اسرح واعيش مع الواد عمرو والبت سلمى هههههههههههههههههههههههه
تسلم ايدك يا محمد بس بالله عليك فى السريع بقى ومتتاخرش اصلى حسه ان الواد عمرو هيترئع علقه من المدرس هههههههههههههههههههههه

جميلة اوى حلقة انهاردة دى يامحمد دا الواد ياعينى اتبهدل على ما ربنا سهله ونطق ههههههههههههه
بس المهم بقى فالموضوع مكنش عنده برفان تانى غير 5 خمسات ده ههههههههههههههههه دا ممكن البت تطفش منه لو شمت ريحة البرفان ده هههههههههههههههههههههه يلا ربنا يستر بقى
انا بقى عارفه ايه المصيبة اللى هتقع على دماغه البت السوسة راحت قالت للسكرتيرة انه الواد ده فكلية واكبر مننا وبينصب عالمستر ههههههههههههههههههه وهيطردوه بقى وهتبقى هيصه ههههههههههه والله اعلم بقى بس دا اللى انا متوقعاه
يلا مستنيه الحلقة الجاية يامسهل يارب

» يوميات .. شاب صعيدى .. يحب بنت ستايل .. متجدد يوميا !!
» يوميات شاب قرر يبدأ حياته صح فى رمضان وهيكملها صح .. متجدد بأذن الله ((ارجو التثبيت))
» برنامج قصه وعبره للشيخ الدكتور عمرو كافى (متجدد)

يوميات عمرو و ياسمين اجمل قصة حب حقيقى قصة رائعة ..:: متجدد ::..

يوميات عمرو و ياسمين اجمل قصة حب حقيقى قصة رائعة ..:: متجدد ::..

مواضيع مماثلة

مواضيع مماثلة